Б. Соқпақбаевтың Менің атым Қожа әңгімесін талдауға арналған сыни тұрғыдан ойлау сабағы

Сабақтың тақырыбы: Б. Соқпақбаев «Менің атым Қожа»

Сабақтың мақсаты:

Оқушыларға «Менің атым Қожа» әңгімесін талдата отырып, шығарманың идеясын таныту, оқу мен жазу арқылы сын тұрғысынан оймен талқылауға үйрету;
Оқушылардың осы сабаққа дейін білетін ақпараттары мен одан кейінгі білгенін ұштастыру;
Кейіпкердің ісінің дұрыс бұрыстығына көз жеткізе отырып, қайырымды, талапшыл өзіне-өзі сын көзбен қарайтын оқушы тәрбиелеу.

Сабақтың типі: Білім мен дағдыны қалыптастыру.

Сабақтың әдісі, түрі: Сын тұрғысынан ойлау сабағы.

Пәнаралық байланыс: қазақ тілі

Сабақтың барысы:

1. Ұйымдастыру кезеңі.

2. Жаңа сабақ.

1. Поэзия минуты: Бейсебай Кірісбайұлы «Бәйтерек»

Бала шақты кестелеген тілі нық,

Бір болса егер-осы болар ірілік:

Ұландары отызыншы жылдардың

Қайта келер көз алдыңа тіріліп.

«Бастан кешкен» шындық шымыр екшелеп,

Кітап болып бізге жетті естелік.

«Чемпионнан» Бекең өзі баптаған

Талай мықты жатты құлап, сескеніп. .

Аспантаудан ақ бұлақтар атқылап,

Экранда-туған өлке, бақ, қырат.

Қолын бұлғап Жанар, Жантас, Сұлтанға

Келеді әне Қара Қожа шапқылап!

Кейіпкермен бірге тұрып, жүресің,

Бірге жасап, бірге жылап күлесің.

«Сөз қадірін білген шебер екен!»деп

Өз қадірін Бекеңнің де білесің.

Ту етіпті тектілікті бұл ағай,

Пір еткені қара шалың-Ұлы Абай!

Тік калпында мәңгі жасай береді

Бәйтерегі Берді-ағаның құламай!

2. Ой шақыру . Б. Соқпақбаевтың «Менің атым Қожа» әңгімесінің сырына үңілейік. Ол үшін слайттарға кезек береміз. Әр бейнені суреттеп, айтып берейік.

1963 жылы белгілі режиссер Абдолла Қарсақбаев түсірген «Менің атым Қожа» фильміндегі басты рөлдерді сомдаған бейнелерді экраннан көрсету.

3. Дәптермен жұмыс: Б. Соқпақбаевтың өмірі мен шығармаларын жазып алу.

4. Әңгіме жоспары:

Өз жайынан хабар беру.

Зоология сабағы

Тәртіпсіздік жойылсын

Құпия кеңес.

5. Қазақ тілі: Код арқылы диктант жазу. Оқылған мәтіннен есімдік түрлерін тауып белгілеу.

Жіктеу .

Сілтеу .

Сұрау .

Өздік .