8-сынып қазақ тілі сабағы: Алматы қаласы - сабақ жоспары

Сабақ жоспары

Пәні: қазақ тілі

Сынып: 8.

Мерзімі:

Мұғалім: Масалимова Г. А.

Сабақтың тақырыбы: Алматы қаласы.

Сабақтың мақсаты:

Білімділік: оқушыларға Алматы қаласының тарихы жайында түсінік беру.

Дамытушылық: оқушылардың танымын, ойын, тілін дамыту. Өз пікірлерін ашық айтып, өзгелердің пікірімен санаса білуге дағдыландыру. Сөйлеу шеберлігін, мәдениетін, сөздік қорын байыту.

Тәрбиелілік: өз елін, жерін сүйетін, өз елінің қалаларының өркендеуіне үлес қосатын азамат етіп тәрбиелеу.

Сабақтың түрі: аралас сабақ

Сабақтың әдісі: түсіндіру, әңгімелесу, пікір алмасу.

Сабақта қолданылатын қосымша жадылар: суреттер, видео, деңгейлік тапсырмалар.

Сабақтың барысы:

I. Ұйымдастыру кезеңі.

II. Үй тапсырмасын тексеру.

III. Жаңа сабаққа даярлау:

-Сендер Қазақстанның қандай әдемі қалаларын білесіңдер?

-Алматы қаласында болып көрдіңдер ме?

IY. Жаңа тақырып:

-Берілген суреттерден қай қаланы көріп тұрмыз?

-Алматы қаласының қай жерлерін тамашалап отырмыз?

Видео. Алматы қаласы. (3 минут)

-Алматы қандай қала?

-Алматыда қандай ірі мәдени орталықтар бар?

-Алматы Қазақстанның қай жерінде орналасқан?

-Сонымен, кім айтады, біздің бүгінгі тақырыбымыз не болмақ?

1. Сөздікпен жұмыс:

а) берілген сөздердің оқылуымен, аудармасымен, қолданылу аясымен таныстыру

ә) сөздерді хормен, жекелеп оқытып шығу

б) сол сөздерді қатыстыра отырып, сөз тіркестерін, сөйлемдер құрату

жоба - проект жер сілкіну - землетрясение

төзімді - крепкий бой көтеру - вырасти

өнеркәсіп - промышленность қаржы - финансы

2. Мәтінмен жұмыс:

-берілген мәтінді үнтаспадан тыңдату

-оқушыларға жекелеп, кезекпе-кезек оқытып шығу

-мәтінді аударту

Алматы каласының құрылысы арнайы жоба бойынша салынған. 1930 - 1935 жылдары темірбетоннан, күйген кірпіштен тұрғызылған, жер сілкінісіне төзімді материалдан салынған.

Қаладағы Республикалық алаң, Ұлттық кітапхана, «Қазақстан», «Анкара», «Достық» қонақ үйлері көз тартарлық.

Алматы республикадағы негізгі туризм орталығы болып саналады.

Алматы- Қазақстанның ірі өнеркәсіп және қаржы орталығы.

2. Мәтіннен кейінгі жұмыс:

✍ ІІІ деңгей.

Мәтінге ат қойдырту.

Мәтінге бірнеше сұрақтар дайындатту.

✍ ІІ деңгей.

Мәтіндегі жай сөйлемдерді құрмалас сөйлемдерге айналдыру.

Мәтін бойынша жоспар құрып, мәтінді өз сөздерімен әңгімелеу.

✍ І деңгей.

«Алматы - әсем қала» тақырыбы бойынша өз пікірлерін білдіру.