Өрт қауіпсіздігін оқытудың мақсат, міндеттері

«Құлағы нашар еститін балалар үшін Ленгір қосалқы мектеп-интернаты» коммуналдық мемлекеттік мекемесі

Тәрбие сағаты

Тақырыбы: Өрт қауіпсіздігін оқытудың мақсат, міндеттері

Тәрбиеші: Н. Сейлбекова

Сабақтың тақырыбы: «Өрт қауіпсіздігін оқытудың мақсат, міндеттері»

Сабақтың білімділік мақсаты: Оқушыларға өрт қауіпсіздігінің мақсат, міндеттері туралы әңгімелеу

Дамытушылық мақсаты: Өрт қауіпсіздігі туралы түсініктерін дамыту

Түзету мақсаты: Сабақ барысында дыбыстарын қадағалау

Сабақтың барысы : І Ұйымдастыру кезеңі

Оқушылардың көңілін сабаққа аудару

ІІ Жаңа сабақ

Өрт қауіпсіздігін оқытудың мақсат, міндеттері

Өрт сөндіру екі сатыдан тұрады.

Жануды оқшаулау
Жануды жою

Жануды оқшаулауға:

Күштер мен құралдардың қажетті мөлшерін әрекетке дер кезінде шоғырландыру және енгізу
Оқпаншылардың позицияларға тез шығуы және олардың епті әрекеті
Өртке қарсы ажыратуды құру
Өрт сөндіргіш заттарды үздіксіз беру арқылы қол жеткізіледі

Өртте жануды жоюға.

Жануды оқшаулау кезеңінде енгізілген күштер мен құралдардың отқа шешуші шабуылы
Оқпанмен епті маневр жасау
Өрт көлемінің оны жою шамасына қарай ену
Өрт сөндіргіш заттарды жануды оқшаулауға берген мөлшерде үздіксіз беру арқылы қол жеткізіледі.

Өрт қауіпсіздігінің ережелерін білген өзімізге жақсы. Өрт ойламаған жерден шығады . Өрт шықпау үшін ережелерді жақсы меңгеру керек.

ІІІ. Сабақты қорытындылау.

Сабақтың тақырыбы: «Мемлекеттік өрттен сақтандыру ұйымы»

Сабақтың білімділік мақсаты: Мемлекеттік өрттен сақтандыру ұйымы туралы түсінік беру.

Дамытушылық мақсаты: Ой- өрісін дамыту, есте сақтау қабілетін арттыру

Түзету мақсаты: Сабақ барысында дыбыстарын қадағалау

Тәрбиелік мақсаты: Адамгершілікке баулу.

Сабақтың барысы : І Ұйымдастыру кезеңі

Оқушылардың көңілін сабаққа аудару

ІІ Жаңа сабақ

Мемлекеттік өрттен сақтандыру ұйымы барлық мекемелерді, жекеменшік орындарын, үйлерді өрттен сақтайды. Ол жерде арнайы өрт сөндіретін құралдары, көліктері шақырған кезде келетін, яғни өрт болған жағдайда көмек көрсететін ұйым.

Бұл жердегі адамдар үлкен қызметтер атқарады. Әрқайсысының өз жұмыстары бар. Мысалы: Бір жерде өрт шыққаны туралы осы ұйымдарға сымтетік арқылы хабарлассаң келіп өз көмектерін көрсетеді.

Бірақ осындай жағдайларды болдырмау үшін өзіміз сақ болғанымыз жөн.

Күкіртпен ойнамау керек.
Ток көзіне бір зат тықпау
Темекі шекпеу
Өз-өзіңіе сақ болу
Ашық тұрған патронға ағаш тықпау
Тез жанғыш заттардан (жанармай, керосин, саляркадан) аулақ болу керек.

Өзің үнемі дұрыс жолмен жүрсең қатерлі нәрсеге кезікпейсің.

ІІІ. Сабақты қорытындылау

Сабақтың тақырыбы: «Өрт неден шығады»

Сабақтың білімділік мақсаты: Өрт неден шығатындығы туралыайту.

Дамытушылық мақсаты: Өрт туралы білімдерін арттыру

Түзету мақсаты: Сабақ барысында дыбыстарын қадағалау

Тәрбиелік мақсаты: Өрт қауіпсіздігін сақтауға баулу.

Сабақтың барысы : І Ұйымдастыру кезеңі

Оқушылардың көңілін сабаққа аудару

ІІ Жаңа сабақ

Өрт неден шығады?
Өртті болдырмау үшін не істеу керек?

Өрт көбінесе ойыннан шығады. Мысалы: күкіртпен ойнап отырған бала қағазды жағып жібереді, оған қызықтап қарайды. Өрттің жаман екенін түсінбейді.

Өрттен түрлі жарақаттар алады.
Адам күйіп қалады
Үйдегі мүліктердің барлығы жанып кетеді.

Сондықтан күкіртпен ойнама, құрғақ ағаштың жанына темекі тастама.

Үйде шөптің қасында күкірт жақпа, үлкен өрт шығып кетеді. Шөп тез ұштанады. Жанғыш заттар бензин, керосин, соляркадан аулақ бол. 200 V-тың ток күші адамды өлтіріп жібереді, сондықтан көшеде келе жатқан кезде салбырап тұрған сымның қасына жақындама.

ІІІ. Сабақты қорытындылау

Сабақтың тақырыбы: «Мектепте өрттен қорғану және оны қолдану»

Сабақтың білімділік мақсаты: Мектепте өрттен қорғану және оны қолдану туралы айту.

Дамытушылық мақсаты: Өрт туралы білімдерін арттыру

Түзету мақсаты: Сабақ барысында дыбыстарын қадағалау

Тәрбиелік мақсаты: Өрт қауіпсіздігін сақтауға баулу.

Сабақтың барысы : І Ұйымдастыру кезеңі

Оқушылардың көңілін сабаққа аудару

ІІ Жаңа сабақ

Мектепте өрттен қорғану үшін жанғыш заттарды қолданбау.

Өртті алдын-ала болдырмау амалын қарастыру қажет.

Мектепте, сыныпта ашық тұрған ток көздеріне шеге, сым, темірден жасалған заттарды сұқпау. Теледидарды токқа сұғып қалдырмау, өзіңе-өзің сақ болсаң ешқандай оқыс жағдай болмайды.

ІІІ. Сабақты қорытындылау

Бағыты : Азаматтық құқықтық тәрбие.

Тақырыбы: «ҚР мемлекеттік рәміздері»

Мақсаты: Балалардың бойындағы азаматтық-патриоттық сезімін ояту, туған жерін, елін сүюге, қадірлеуге тәрбиелеу. Сөздік қорын дамыту, еркін сөйлеуге, әңгімелеуге үйрету.

Түзету мақсаты: Балалардың сабақ барысында дыбыстарын қадағалап, сөздерінің дұрыс айтылуын бақылап түзету.

Көрнекілігі: Елтаңба суреттері, альбомдар.

Барысы : Балалар, біздің Республикамыз қалай аталады?

Біз елімізді жақсы көреміз бе?

Осы өзіміздің елімізге, жерімізге қандай тілектер білдірер едіңдер?

Елімізде тыныштық болсын!
Еліміз бай болсын!
Соғыс апаты болмасын!
Бейбітшілік болсын!
Бас қаламыз қай қала?
Республикамыздың қандай рәміздері бар?
Қазақстан жалауының авторы кім?
Елтаңбамыздың авторы кім?

Балалар, әнұран бізді Отансүйгіштік сезімге бөлейді. Өйткені еліміз, жеріміз туралы сезімдер осы әнұранда жырлаған. Елтаңба мен Туды көзбен көріп, қолымен ұстауға болатын болса, ал Әнұранын естисін.

Әнұранымыз мемлекет басшылары бір- бірімен кездескенде, үлкен жиналыстардың ашылуын да және мектебімізде айтылады.

Қазақстан Республикасының жалауының түсі көк, ашық тартымды, табиғатқа жақын, көніліне сенім ұялататын кемпірқосақтағы жарқыраған жеті түстің бірі, аспан мен судың түсі

Көк түс шындықты, тазалықты, адалдықты белгілейді. Жалаудағы күн - Әмір күші . Күннің жылжуымен уақыт, апталар мен айлар өлшенеді. Қыран құс бүркіт- еркіндіктің, тәуелсіздіктің белгісі, алға қойған мақсатқа, шырқар биікке, болашаққа самғайды.

Жалауға деген құрмет- әрбір мемлекеттің маңдайында. Ал, мемлекетіміздің Елтаңбасы- дөңгелекке ұқсас. Елтаңбаның ортасында шаңырақ, бұл әрбір отбасының бірлігі, тыныштығы тәріздес, киіз үйге жарық сәулені шашыратып тұрғандай . Көкпеңбек көгілдір таза аспан жарқырап тұр. Бей бітшілік шаңырағын көтерген уықтар, төгілген күн сәулесі, киелі қос тұлпар, адам баласының досы. Алтын қанаттар елдің болашағын қорғаған, достықты ұстап тұр

Ал, бес жұлдыз- барлық жер шарына құшағымыздың ашықтығын білдіреді. «Қазақстан »деген жазу «Қош келдіңіз, бізге» дегенді айтып тұрғандай.

Қорытынды: Қазақстан Республикасының рәміздерін әрдайым құрметтеп қастерлейік, бағалай біліп құндылығын жоғалтпайық, балалар.

Бағыты: Кәсіби - шығармашылық тәрбие.

Тақырыбы: «Мамандықтың бәрі жақсы»

Мақсаты: Балалардың ойлау қабілетін дамыта отырып, болашақ мамандыққа байланысты ұғымын тереңдетіп, қызығушылығын арттыру, еңбекке деген құштарлықтарын ояту, үлкендердің еңбегін бағалауға тәрбиелеу. Көлік, мамандығы туралы білімдерін тиянақтау. Сурет бойынша әңгіме құрастыруға, жұмбақтар білуге үйрету. Адамның белгілі бір еңбек іс-әрекет саласына енуге ұмтылысын қалыптастыру. Өз қабілетін бағалау арқылы түрлі кәсіби мамандықтарға қызығушылығын арттыру.

Көрнекілік:көлік түрлері, түрлі мамандық иелері туралы суреттер.

Түзету мақсаты : : Балалардың сабақ барысында дыбыстарын қадағалап, сөздерінің дұрыс айтылуын бақылап түзету.

Барысы:

Бір керуен жүреді екен қатар түйе

Ауызынан жалын шығар будақ күйе.

(поезд)

Сымға асылып.

Жүр асығып.

(троллейбус)

Құстан аумайды

Көкте зулайды.

(ұшақ)

-Көліктің қандай түрлерін білесіңдер?

- Көлік не үшін керек?

Сурет бойынша мамандықтың аттарын атау.

-Автобусты кім айдайды?

-Ұшақты кім айдайды?

-Ал поезды кім жүргізеді?

-Енді, мына машина бірнеше бөлікке бөлінген, соны құрастырыңдар.

Қорытынды:

Қандай мамандық түрлерін білдіңдер? Мамандықтың барлығы жақсы, ең бастысы өзің таңдаған мамандықты ұнатып, соған қызығу керек . Сонда ғана өзін таңдаган жұмысың жемісті де, қызықты болады.

Бағыты: Экологиялық тәрбие.

Тақырыбы: «Жабайы аңдар»

Мақсаты: Жабайы аңдар туралы түсініктерін бекіту. Қазақстанның түрлі табиғат аймақтарын мекендейтін жануарлармен таныстыру. Сұраққа толық сөйлем құрап, жауап беруге үйрету. Жабайы жануарлардың кейбір ерекшеліктерін салыстыру мекені, қоректенуі туралы түсінік беру. Балаларға жоспарға сай әңгімелетіп үйрету. Жан-жануарларды қорғау оларға қамқор болуға, неліктен жабайы деп аталатынын түсіндіру. Аңдардың мінез- құлқын бейнелейтін әңгіме арқылы балаларды анық сөйлеуге және оларды қорғауға үйрету.

Жаңа сөздер:

Жабайы аңдар, бөлтірік, көжек, қонжық.

Барысы:

Балалар, жабайы аңдарға нелер жатады?
Неліктен жабайы аңдар дейміз?
Мына суреттерден не көріп отырсыңдар?
Мына суреттерде не бейнеленген?
Аю балаларымен не істеп жатыр?
Аюдың баласын қалай атайды?
Қасқырдың балалары нешеу?
Түсі қандай? Олар не жейді?
Қасқырдың, түлкінің, қоянның балаларын қалай атайды?
Олар қай жерде өмір сүреді?

Осы аңдарды мына суреттерден басқа тағы қай жерлерде көрдіңдер?

Қоян қорқақ-ол сәбізді жақсы көреді, түлкі қу-терісі әдемі.

Тиін жаңғақты шағып жейді, қасқыр батыр.

Аю аңқау- балды жақсы көреді . . .

Жабайы аңдар мен үй жануарларының айырмашылығы неде?

Жабайы аңдар түзде, орманда өмір сүреді. Ал, үй жануарлары қолда, үйде өмір сүреді.

Сергіту сәті

Ұзын құлақ сұр қоян, естіп қалып сыбдырды,

Ойлы-қырлы жерлермен, ытқып-ытқып жүгірді.

Қарап еді артына, қиығын сап көзінің,

Келе жатқан томпаңдап, көжегі екен өзінің.

Қорытынды:

-Біз суреттерден не көрдік?

Қандай жабайы аң түрлері бар?

Бағыты: Салауатты өмір салтын қалыптастыру тәрбиесі.

Тақырыбы: «Мектеп, оқу құралдары»

Мақсаты: Мектеп туралы түсінік беру. Оқу құралдарының атын атауға, әңгіме құрастыруға, жолдастарының айтқанын тыңдап ары қарай жалғастыруға үйрету. Ой-қиялын дамыту, сөздік қорын байыту, байланыстырып сөйлеуге дағдыландыру. Мектепті құрметтеуге оны қадірлей, бағалай білуге тәрбиелеу.

Көрнекілігі:

Оқу құралдары, суреттер.

Түзету мақсаты : Балалардың сабақ барысында дыбыстарын қадағалап, сөздерінің дұрыс айтылуын бақылап, түзету.

- Балалар мына суретке қараңдаршы. Не көріп тұрсыңдар?

- Мектептің балабақшадан айырмашылығы не?

- Қандай жақындықтары бар?

- Балабақшадан кейін қайда барасыңдар?

- Сендер онда немен айналысасыңдар?

- Мектепте қандай сабақтар оқиды?

Балалар мектептегі оқу құралдарының мынадай түрлері бар:

Парта, орындық, кітап, қалам, дәптер, қаламсап т. с. с. көптеген оқу құралдары бар.

Ойын шарты:

Мен сендерге доп лақтырамын, сендер допты қағып алып оқу құралдарын атаңдар.
- Мен сендердің нені дұрыс есте сақтап қалғандарыңды тексеремін. Әр түрлі заттардың атын атаймын, сендер тек мектепке қажетті затты атағанда ғана, қол соғасыңдар.

Мысалы: портфель, қуыршақ, кітап, шанышқы, парта, жастық, тақта, машина, пышақ, төсек.

Енді мына суретке қараңдар, нені көріп тұрсыңдар? (парта, тақта, терезе, сынып)

Қорытынды:

Немен айналыстық мектепте қандай сабақ болады?

Бағыты : Отбасы тәрбиесі.

Тақырыбы: «Менің туыстарым»

Мақсаты: «Өзара сыйластық» ұғымының адамгершілік құндылық ретіндегі мәнін түсіндіру. Т уыс, туысқан ұғымы жайлы түсінік беру;

-туыстарға деген сыйластық қарым-қатынастарын дамыту;

-өзара сыйластыққа тәрбиелеу.

Көрнекілігі: кітап, сурет

Барысы: Балалармен бірге шеңбер құрып тұрамыз, бір-бірімізбен сәлемдесіп, бір-бірімізге жақсы сөздер айтамыз.

Сен әдептісің,
Сен мейірімдісің,
Сен қамқорсың,
Сен ақкөңілсің,
Сен шыншылсың.

Балалар туыс деп кімді айтамыз?

Өздеріңе ең жақын адамды туыс деп айтамыз. Олар әке, ана, ата, әже, аға, әпке, іні, сіңлі.

-барлық адамдардың өздерін жақсы көретін, жанашыр жақындары бар. Олар біздің туыстарымыз. Туыстар әрқашан да бір-біріне көмектеседі.

Өз туыстарың жайлы әңгімелеп беріңдер.

Әжең үйге қандай көмек береді?
Анаң үйде қандай шаруамен айналысады?
Өзің үйде қандай жұмыстар істейсің?
Үйлеріңде гүлдер өсіресіңдер ме?
Гүлдерді қалай күтесің?
Енді, балалар, осы «туыс»деген сөзге әрқайсымыз өзіміздің ең жақсы көретін сөзімізді айтайық. Мысалы: менің туыстарым тату болсын, бір-біріңді ренжітпеңдер, сыйлаңдар т. б.

Қорытынды:

Туысқандарыңмен қандай қарым-қатынас жасайсыңдар?

Отбасындағы сыйластық туыстарға деген сүйіспеншіліктен туындайды. Өзара түсіністік, сыйластық болғанда ғана туыстар арасында татулық орнайды. Туыстарды сыйлауымыз керек. Олар біздің жақын адамдарымыз.

Бағыты : Рухани адамгершілік тәрбиесі

Тақырыбы: «Досыңның аты кім?»

Мақсаты: «Дос», «Достық» құндылығы туралы түсінік беру.

-достарға деген мейірімді қарым-қатынасқа үйрету;

-достаса білуге тәрбиелеу.

Тілдерін дамытып, ой-өрісін кеңейту, сөздік қорын байыту, есте сақтау қабілетін дамыту.

Түзету мақсаты : Балалардың сабақ барысында дыбыстарын қадағалап, сөздерінің дұрыс айтылуын бақылап түзету.

Көрнекілігі: кітап, сурет

Барысы :

Балалар, суреттен не көріп тұрсыңдар?Кәне, осы суретке қарап әңгіме құрастырайық .

Балалар, бұл суреттен бір-біріне қамқор, тату адал достардың суреттерін көріп тұрмыз. Біз осы достық аялдамасында дос, достық туралы біліп бір- бірімізбен достасуды үйренеміз.

Ал сендер достық дегенді қалай түсінесіндер?

Балалар, достық дегеніміз екі адамның арасындағы силастық. Достар бір- бірін жақсы түсінеді, бірге жүргенді ұнатады. Топтағы барлық балалар бір- бірлерімен доссындар Балалар, барлығымыздың да достарымыз бар. Олар сүйкімді, әдемі, мейірімді, қайырымды. Өз достарыңды естеріңе түсіріп, суретін салып көріңдер.

-достық бір-біріне деген сүйіспеншіліктен, мейірімділіктен, көмектесуден туындайды, сондықтан да достықты адам бойындағы асыл қасиетке теңеген.

Қорытынды:

Бүгін біз достар туралы әңгімелестік. Достарымызға үнемі жақсы, жылы сөздер айту керектігін үйрендік. Достықты тек сөздер арқылы ғана емес, жақсы істер арқылы тануға болады. Достар әрқашан бір-біріне көмектеседі. Достықтарын ұзақ, тұрақты болу үшін бір-бірлеріне көмектесіп адал болуларың керек. Сонда ғана достықтарың берік болады.

Бағыты : Еңбек және экономикалық тәрбиесі.

Тақырыбы: «Гүл түрлерін жасау»

Мақсаты: Гүлдер туралы түсініктерін дамыту, қалыптастыру. Табиғат туралы түсінік беру. Бірлесіп, ұжыммен жұмыс істеп отырып шығармашылыққа тәрбиелеу.

Көрнекілігі: гүлдерге байланысты суреттер т. б.

Барысы: Балалармен бірге шеңберге

тұрып, өлең шумақтарына сәйкес

қимыл - қозғалыстар жасау.

Армысың асыл күн,

Армысың ашық аспан,

Армысың достарым,

Сендерді көрсем қуанам

- Балалар біз бүгін гүлдерді жапсыру арқылы жапсырамыз.

- Балалар орман деген не?

- Ал, орман нелерден құралған?

- Қандай гүлдердің аттарын білесіңдер?

- Ал, біз гүлдерді кімдерге сыйлаймыз?

- Балалар гүлдерді аяқпен басуға болама?

- Ал, оларды жұлуға болама?

- Гүлдерге біз не құйсақ өседі?

- Орман ол сұлу табиғат, ауасы таза.

- Орман ағаштардан, гүлдерден құралған.

- Қызғалдақ, раушан, түймедақ, қоңырау гүлі, жауқазын т. б.

- Біз гүлдерді анамыз бен әжемізге, әпкелерімізге сыйлаймыз.

- Гүлдерді аяқпен басуға болмайды, жұлуға болмайды.

- Гүлдерге біз су құйсақ өседі.

Сергіту сәті:

Жел еседі бетімізге,

Тербеледі ағаштар.

Кіп-кішкентай бұтақтар,

Үп-үлкен боп өседі.

Қорытынды:

Орман, гүлдер туралы не білдіңдер?

Бағыты : Әлеуметтік мәнді және жеке қасиетін қалыптастыру.

Тақырыбы: «Менің сүйікті қалам»

Мақсаты: Балалардың қала туралы білімдерін тиянақтау, тіл байлығын, ой-өрісін, грамматикалық тұлғада жүйелі сөйлеуге, елімізді, қаламызды сүюге баулу, қаламыздың тарихы ескерткіштерін аялауға, демалыс орындарында өздерін ұстай білуге тәрбиелеу.

Көрнекілігі: кітап, сурет

Барысы :

-Балалар біз қайда тұрамыз?

- Қаланың үйлері қандай болады?

-Ауылдан өзгешелігі қандай?

-Қандай қалаларды білесіңдер?

-Қаламыз қандай?

-Көрікті жерлерін атаңдар?

Қаламыз тамаша,

Құлпырады тамаша.

Күннен күнге көркейіп,

Қуанамыз балаша.

Біздің қаламыз таулы аймақта орналасқан. Табиғаты өте тамаша. Сулы, құнарлы жерлері көп. Қаламыздың ортасында Төле би бабамыздың ескертіші бар. Қаламызға келген қонақтар естелік болсын деп, сол ескерткіштің жанына суретке түседі және әдемі саябақтарымыз бар.

Қорытынды:

Қаламыздың ауасы таза, табиғаты сұлу, гүл бағы көрікті болуы үшін бәріміз өз үлесімізді қосуымыз керек. ол үшін көп гүлдер, ағаштар отырғызып көгалдандырып күтуіміз қажет. Қаламызды гүлдендіре білейік.

Бағыты : Интеллектуалды мәдениетті қалыптастыру.

Тақырыбы: «Сәлемдесе білейік»

Мақсаты: : Халқымыздың салт - дәстүріндегі инабаттылық ережесі туралы

түсініктерін тереңдету арқылы балаларды сәлемдесу мәдениетіне, үлкенді

сыйлауға, имандылыққа тәрбиелеу.

Балаларды әдептілікке, кішіпейілділікке, сыпайылыққа, адамдар мен қарым

- қатынас жасай білуге баулу.

Көрнекілігі: кітап, сурет

Барысы :

Амандасу.

Қуан, шаттан, алақай!

Қуанатын келді күн

Қайырлы күн!

Күліп шықты күн бүгін

Сәлеметсіз бе, амансыз ба?

Бәріміз күндей жарқырайық

Бәріміз тату болайық!

Сәлемдесу адамдардың бір - бірінің амандығын біліп, қуанышқа бөлену, тілдесу, яғни ізеттілік пен инабаттылық нышанын білдіреді.

«Сәлем - сөздің анасы» деп неге айтқан?

Үлкен адамдарға сәлем беру - кішінің міндеті. Сәлем беру инабаттылық, имандылық, көргенділік, мәдениеттілік белгісі.

Балалар, үлкен атаны көргенде қалай амандасады?

Ал, қыздар ше?

Әжені көргенде қандай жылы сөз айтамыз?

Ал, балалар енді біз кімге қалай сәлем береді екенбіз.

Бәріміз хормен айтамыз.

Алдымыздан кезіккен

Көп танысты көреміз

Бәрінен де ізетпен

Біздер сәлем береміз

Сәлеметсіз бе, ағай!

Сәлеметсіз бе, әже!

Амансыз ба, атай!

Ұл - қыз сәлем береміз,

Өнегелі өренбіз.

Халқымызда ақ сақалды атаны, ақ жаулықты ананы жалпы үлкенді сыйлап,

алдынан қия өтпей сәлем беру ата - дәстүрімізде бар қасиет.

Қорытынды:

Міне, балалар осының бәрінен қандай түйін шығарар едіңдер?

Сөздің басы сәлеммен басталады. Сәлемдесе білу де өнер. Сәлемдесе білейік.

Сәлем беру өткінші міндет емес, өмірлік міндет.

Сәлемдесуден жалығуға хақымыз жоқ.

Сәлем беру - кішіліктің белгісі

«Әдептілік бергісі - иіліп сәлем бергені»

Сәлем түзелмей, әлем түзелмейді.

Ешқашан да сәлем беруден шаршамайық.

Бағыты : Еңбек және экономикалық тәрбие.

Тақырыбы: «Саңырауқұлақ»

Мақсаты: Саңырауқұлақты мүсіндеу әдіс-тәсілдерімен таныстыру. Табиғат көріністерін көре білу және қорғауға үйрету. Ұқыптылыққа мейірімділікке тәрбиелеу. Тілдерін дамытып, ой-өрісін кеңейту, сөздік қорын байыту, есте сақтау қабілетін дамыту.

Көрнекілігі: суреттер

Барысы :

Балаларға саңырауқұлақ дегеніміз не екенін түсіндіру. Олардың қайда өсетінін, жылдың қай мезгілінде өсіп шығатынын, қандай жерлерде өсіп шығатынын айтып өту. Саңырауқұлақтың адамзатқа пайдасы мен зияны туралы түсіндіру. Саңырауқұлақты адамдар қай кезде, не үшін пайдаланатынын түсіндіру. Суреттерін қолдарына ұстап мұқият қарап шығады.

Сергіту сәті.

Табиғат тіршіліксің тұнып тұрған,

Сен күнсің, көтерілген күліп қырдан.

Сен көлсің, сен ормансың, сен бұлақсың,

Адамды сұлулыққа құнықтырған.

Қорытынды:

Саңырауқұлақ қайда өседі?

Бізге пайдасы бар ма?

Саңырауқұлақ теруге кім барды?

Бағыты :Коммуникативті мәдениетті қалыптастыру .

Тақырыбы: «Үй киім мен мектеп киім»

Мақсаты: Балаларға киім, киім түрлері туралы түсінік беру. Мектеп киім мен күнделікті киімдерді ажырата білуге үйрету. Әр мезгілде киетін киімдерді атай білуге үйрету. Тілдерін дамытып, ой-өрісін кеңейту, сөздік қорын байыту, есте сақтау қабілетін дамыту. киімді ұқыпты, таза киінуге тәрбиелеу.

Көрнекілігі: суреттер

Барысы :

-Қайырлы таң! Бүгін қандай күн? Ауа-райы қандай?

- Жылдың қай мезгілі?

-Ауа райының қандай мезгілінде мына киімдерді киер едіңдер? Аттарын атаңдар.

Костюм, куртка, пальто.

Көйлек, кофта, шалбар, юбка.