№30 сәбилер бақшасының Жемістер тақырыбындағы оқу-іс әрекетінің сабақ жоспары

Жемістер $Описание: C:\Users\Шолпан\Desktop\рабочего стола\ШОЛПАН фото\aviary\aviary_1396415920061.jpg$

Кабенова Шолпан Социалқызы

№30 сәбилер бақшасының тәрбиешісі

Павлодар қаласы.
Мақсаты:

Балалардың жеміс-жидектер туралы білімдерін арттыру.
Олардың алуан түрлілігі туралы ұғымдарын дамыту.
Тазалыққа, денсаулығын да күте білуге тәрбиелеу.

Көрнекіліктер: Суретті сөзжұмбақтар, ребустар

Әдіс-тәсілдер: Суретті ребус, сөзжұмбақтарды шешу. Сұрақ-жауап.

Барысы:

1. Ұйымдастыру кезеңі :

а) Балалардың оқу іс-әрекетіне даярлығын қадағалау.

2. Өткен тақырыпқа шолу.

а) Сұрақ-жауап арқылы өткен тақырыпты еске түсіру.

Жаңа оқу іс-әрекеті:

Тәрбиеші: Қандай жемістерді білесіңдер?

(Балалар өздері білетін жеміс-жидектерді атай бастайды )

Тәрбиеші : Ендеше осы жемістердің адамға пайдасы барма?

( Балалар өз түсініктері бойынша жауап береді, әңгімелейді) .

Тәрбиеші: Иә, балалар, жеміс-жидектерде дәрумендер өте көп болады екен. Олар адам дамуына, денсаулығына пайдалы. Сондықтан жеміс-жидектерді адамдар көп пайдаланады және жақсы көреді. Олардың дәмдері де әртүрлі. Бірақ осы жеміс-жидектерді орынсыз көп жесең немесе жумай жесең, ауырып қалуын да мүмкін.

1-тапсырма: Жемістердің атауларын тауып, торкөзге орналастыр.

2-тапсырма: « Қайда өседі?» ойыны. Тәрбиеші жеміс-жидектердің қайда өсетінін айтып отырады. Егер дұрыс жауап болмаса, балалар аяқтарымен жерді соғып, бастарын шайқайды, егер жауап дұрыс болса, қолдарын шапалақтап, бастарын изейді.

Қауын қайда өседі?

Қауын тауда өседі (жерді аяқтарымен соғады) .

Қарбыз қайда өседі?

Қарбыз бауда өседі (қол шапалақтайды) .

Алма қайда өседі?

Алма сайда өседі (жерді аяқтарымен соғады) .

Алмұрт қайда өседі?

Алмұрт бақта өседі (қол шапалақтайды) .

Жүзім қайда өседі?

Жағажайда өседі (жерді аяқтарымен соғады) .

Қазанақ қайда өседі?

Қазанақ жерде өседі (қол шапалақтайды) .