6-сынып: Қазақ тілі - Етістікті бекіту (Абай Құнанбаевтың 170 жылдығына арналған аймақтық компонент)

Сабақ жоспары

Пән мұғалімі :Абенова Динар

Пәні :Қазақ тілі

Сыныбы: 6 «ә»

Сабақтың тақырыбы : Етістікті бекіту сабағы (Сабақты Абай Құнанбаевтың

туғанына 170 жыл толуына орай әрі аймақтық компонент

ретінде ұлы ақынның шығармаларымен байланыстырып өткізу)

Сабақтың мақсаты: а) Білімділік: етістік бойынша білімдерін пысықтап,

жинақтап, қорытып, бекіту

ә) Дамытушылық : оқушылардың тапқырлық, жылдамдық, есте

сақтау қабілеттерін арттыру, сөйлеу тілін жетілдіру, сауатты

жазуға дағдыландыру;

б) Тәрбиелік: Абай шығармалары арқылы

адамгершілікке, имандылыққа, оқу-білімге баулып, тыйым сөздер

арқылы мәдениеттілікке, әдептілікке тәрбиелеу.

Күтілетін нәтиже :Оқушылардың етістік пен оның түрлерін, жасалу жолдарын, сөйлемдегі

қызметін меңгеруі

Сабақтың көрнекіліктері :Интербелсенді тақта, презентация, электронды

оқулық, Абайдың портреті, өлеңдер жинағы, плакаттар

Сабақтың әдісі :СТО технологиясының элементтерін пайдалану, дамыта оқыту

Пәнаралық байланыс :Қазақ әдебиеті

Сабақтың барысы:

Ұйымдастыру кезеңі: Сәлемдесу, оқушыларды түгендеу

Үй тапсырмасын тексеру :Абайдың қара сөздерінің ішінен салт, сабақты, болымды, болымсыз, тұйық етістіктері бар, есімше, көсемшенің жұрнақтары жалғанған мысалдар теріп келу. Үлгі: Адам ата-анадан туғанда есті болмайды:естіп, көріп, ұстап, татып ескерсе, дүниедегі жақсы, жаманды танидыдағы, сондайдан білгені, көргені көп болған адам білімді болады. (19-қара сөз)

(Туғанда-есімше тұлғасындағы салт етістік;

Болмайды-көсемше тұлғасындағы болымсыз етістік;

Естіп, көріп, ұстап, татып ескерсе- көсемше тұлғасындағы сабақты етістік;

Танидыдағы -сабақты етістік;

Білгені, көргені-есімшелі етістік;

Болған-есімше тұлғалы етістік;

Болады-көсемше тұлғасындағы салт етістік)

Жаңа сабақ: Етістік бойынша өткен білімдерін қайталап, жинақтап, қорытып, бекіту сабағы

« Қызығушылықты ояту»кезеңі

«Миға шабуыл» әдісі бойынша өткен тақырыптар бойынша сұрақтар қоямын