Қыс қызығы

Білім беру саласы: <<Таным>> экология негіздері.
Сабақтың тақырыбы : <<Қыс қызығы>>
Сабақтың мақсаты :
1.Балалардың қыс туралы түсінігін кеңейтіп,жыл мезгілінің ерекшелігін айтуға,көргендері мен аңғарғандарын дұрыс баяндауға үйрету.
2.Байланыстырып сөйлеуге дамыту.
3.Табиғаты аялауға тәрбилеу,эстетикалық талғамды тәрбиелеу.
Сабақтың түрі:Аралас сабақ.
Көрнекілігі: Қыс көрінісі туралы тақырыптық сурет,үлестірмелі суреттер,бейне таспа және т.б.
Әдісі: Сұрақ-жауап.
Сөздік жұмыс: Кеспе әріптер арқылы,бүгінгі өтетін сабақтың тақырыбын табу.
Оқу іс-әрекетінің барысы:
Ұйымдастыру кезені:
/Ортамен амандасу/
Өтті қызық көп күндер,
Алты жасқа жеткендер.
Өсті ақыл ойымыз.
Өсті,міне, бойымыз.
Иіліп сәлем береміз,
Әдепті боп өсеміз.
* Балалар, далада күн суық болғанмен біздің жүрегіміз ыстық,мейірімге толы.Бір-бірімізге деген жылы лебізімізді айтып,көніл күйімізді көтерейік.
/балалардың бір-біріне деген тілегі./
ІІ.Кіріспе бөлімі.
Сұрақ-жауап әдісі арқылы сабақ тақырыбын ашу.
Педагог сабақ тақырыбын ребус шешкізу арқылы анықтайды:
* балалар, сендер <<сауат ашу>> сабағында <<ребус>> деген сөзбен, оның қандай болатынын таныстыңдар. Мына ребусты шешіп көрейік. Педагог <<Қ>> әрпін көрсетіп:
* Мынау қандай әріп (дыбыс) деп сұрайды?
* <<Қ>> әрпі (дыбысы)
* Дұрыс.Ендеше,біз << Қ>> әрпімен кейінгі тұрған суреттерге көңіл аударайық.Ненің суретін көріп отырсыңдар? Толық жауап берейік.
* Ыдыстардың суретін көріп отырмыз.
* <<Ыдыс>> деген сөзде бірінші қандай дыбыс естіледі?
Сендер оны <<сауат ашу>> сабағынан білесіңдер.
* <<Ы>> дыбысы естіледі.
* Біздің суретте бірінші <<Қ>> әріп тұр. <<Қ>> - деп дауыстап айтайық. Екінші тұрған ыдыстардың бірінші дыбысын дауыстап айтайық: <<Ы>>
* Енді екеуін қосып айтайық: <<ҚЫ>>
* Дұрыс, енді балалар, үшінші болып ненің суреті тұр?
* Дұрыс <<сағат>> <<С>> дыбысын да <<сауат ашу>> сабағында өткенсіңдер.
* Енді суретке қарап, <<Қ>> дбысына өзінен кейінгі тұрған суреттердің бірінші дыбыстардың қосып айтып көрейік. Қ...Ы...С
* Қандай сөз шықты?
* <<Қыс>>
Біздің бүгінгі сабағымыздың тақырыбы: <<Қыс>>
* Аяз жылдың қай мезгілінде болады?
* Қыс мезгілінде болады.
* Аяз қандай болады?
* Қатты, суық. Бетті, қолды үсітіп жібереді.
* Аязды күні ойнауға болама?
* Болады. Суықтан қорықпау керек.
* Қандай қысықы ойындарды білесіңдер?
* Аққала соғамыз, сырғанаймыз, шаңғы, шана, коньки тебеміз.
* Хоккей ойнаймыз.
Негізгі бөлім.
а) Педагогтің түсіндіруі .
* Дұрыс айтасыңдар. Қарлы боранымен, сықырлаған аязымен қыс келді. Бірақ біз қыстан қорықпаймыз, денемізді шыңдаймыз, жылы киінеміз. Сырғанақ ойнап, аққала жасай мыз. (Есікті тықылдатып, қоян келді)
* Балалар бізге бүгін орманынан <<Қоян>> қонаққа келеді. Ол қоянды <<Аққала>> жіберіпті. Аққала қояннан көптеген тапсырмалар беріп жіберіпті. Сол тапсырмаларды бірге отырып орындайық. /Есікті қағып қоян сыныпқа кіреді, және өзін таныстырады, және оны мұғалімге береді./ /Аққаланың бірінші тапсырмасы./
* Қыс, боран, қар, күн деген сөздерді қатыстырып, бірнеше сөйлем құрастыру.

суық
Қыс қандай болады? аязды
қарлы
* Қыс түсті. Қар жауып тұр. Күн суық. Дала аяз болып тұр. Боран соқты.
* Сөздік жұмысын жүргізу.
Дөң - көтеріңкі биік жер, төбе.
Қос - екі. Қос аяқта - екі аяқта
* <<Көңілді қыс>> суреті бойынша әңгіме құрастыру.
* Жұмбақтар жасыру.

Қолы жоқ, сурет салады,
Тісі жоқ тістеп алады. /Аяз/

Отқа жанбайды, суға батпайды. /Мұз/

Қыс болса қыр мен ойды аралайды,
Жаз болса қозғалуға жарамайды. /Боран/

Жазда болмайды, қыста болады.
Терезеге қонады, әсем ою салады. /Қырау/

/Қосымша балаларға тапсырма қыс туралы өлеңдер сұрау және бейнетаспадан қыс көрінісін тамашалау/

* Дәптермен жұмыс:
/Қыстың көрінісін дәптерге түсіру, және салған суреке қарап, әңгіме құрастыру.
Сергіту сәті:
Ұзын құлақ сұр қоян,
Естіп қалып, сыбдырды.
Ойлы-қырлы жерлермен,
Ытқып - ытқып секірді.
Қарап еді артыңа,
Қиығын сап көзінің.
Келе жатқан томпаңдап,
Көжегі екен өзінің
/Аққаланың соңғы тапсырмасы/
<<Аққала дидактикалық ойыны.
Шарты: тақтаға жартылай қиылып жасалған аққала бөліктері ілінеді. Үстел үстінде қалған бөліктері: мұрны, басына киетін шелегі сияқты суреттер жатады. Балалар осы бөліктерді алып, көздерін жұмып тұрып, тақтаға жапсырады.
Аққала сөзін қатыстырып, сөз тіркестерімен сөйлемдер құрастыру. Мысалы: аппақ аққала, әдемі аққала, үлкен аққала. Біз аққала тұрғыздық.
Қорытынды: Не білдік? Не үйрендік? /Педагог Қ. Жұмағалиевтың <<Ақпан>> өлеңі оқылады. Сабақта белсендік көрсеткен балаларды атап өтіп, жұлдызщамен бағалау, сабақты аяқтау.