Еуразия жағалауындағы мұхиттар мен теңіздер. 7 сынып

Қызылорда облысы, Қармақшы ауданы,
А.Жанпейісов атындағы №105 орта мектеп
География пәнінің мұғалімі
Өміртаев Дәуіржан Өмірбекұлы

Сынып: 7 (Б)
Сабақ тақырыбы: §15. Еуразия жағалауындағы мұхиттар мен теңіздер.

Сабақ мақсаты: Оқушыларға Еуразия жағалауындағы мұхиттар мен теңіздер, мұхиттардың материкке тигізіп жатқан әсері, жағалауындағы ағып жатқан ағыстар, мұхит пайдалы қазбалары, тіршілік дүниесі, мұхиттардың ластану деңгейі туралы мағлұмат беру
Сабақ міндеті:
1.Білімдік: Оқушыларға Еуразия жағалауындағы мұхиттар мен теңіздер, мұхиттардың материкке тигізіп жатқан әсері, жағалауындағы ағып жатқан ағыстар, мұхит пайдалы қазбалары, тіршілік дүниесі, мұхиттардың ластану деңгейі туралы мағлұмат беру

2.Тәрбиелік: Оқушыларды Отансүйгіштікке, табиғатты аялауға, сақтауға үйрету. Өзендердің суын қорғауға, сақтауға өз үлестерін қосуға дағдылау, бағыттау.
3.Дамытушылық: Балалардың өзіндік ойлана білуіне, сабаққа деген қызығушылықтарын арттыруға, өздерінше іздене білулеріне, т.б. үйрету.
Сабақ түрі: аралас
Сабақ әдісі: сұрақ-жауап, картамен жұмыс, кітаппен жұмыс, жеке жұмыс, топпен жұмыс.
Құрал-жабдықтар: ҚР физ картасы, ҚР әкімшілік картасы, дүние жүзі физикалық картасы, мектеп атласы, кескін карта, интерактивті тақта;
Барысы: : І. Ұйымдастырушылық кезең
1.Сәлемдесу
2.Балаларды түгендеу.
3.Балалардың назарын сабаққа аудару

ІІ. Жаңа тақырыпты түсіндіру.
Мұғалім: алдыңғы сабақта не өтілгенін сұрайды.
1.Балалар. Ең әуелі Еуразия материгі туралы қысқаша айтып кетеді.

Мұғалім: <<Дүние жүзілік мұхит деген не?>> Сұрайды.
Балалар жауап береді.
Видео - фильм көрсетіледі.

Еуразия материгі жағалауына саяхат жасайық: <<Қандай мұхиттар Еуразия жағалауын шайып жатыр?>>
2.Балалар жауап береді, тақтаға шығып, бір-бірден Еуразия материгі жағалауындағы мұхиттарды көрсетеді:
1. Тынық мұхиты
2. Атлант мұхиты
3. Солтүстік Мұзды мұхиты
4. Үнді мұхиты

Мұғалім: Теңіз дегеніміз не?
3.Балалар жауап береді, тақтаға шығып, бір-бірден Еуразия материгі жағалауындағы
1. Тынық мұхиты
2. Атлант мұхиты
3. Солтүстік Мұзды мұхиты
4. Үнді мұхитының
теңіздерін көрсетеді.

Презентацияда мұхиттардың Еуразия материгіне тигізетін әсері туралы айтылады.
Тақырыпқа түсінгендігі - түсінбегендігін сұрайды:
-Балалар, жаңа сабаққа түсінікті болды ма?
Олай болса, қазір біз Еуразия материгінің жағалауындағы мұхиттар мен теңіздерге саяхат жасаймыз.

ІІІ. Бекіту.

Оқушылар 3 топқа бөлінеді.
1-топ. <<Атлант мұхиты>>
2-топ .<<Үңді мұхиты>>
3-топ. <<Солтүстік Мұзды мұхиты>>

1-тапсырма. <<Ең, ең, ең ...>> ойыны. (Әр сұрақ 1 ұпаймен есептелінеді)

1. Дүниежүзіндегі ең биік тау /Гималай/
2. Дүниежүзіндегі ең үлкен арал /Гренландия/
3. Дүниежүзіндегі ең кішкентай материк /Австралия/
4. Дүниежүзіндегі ең биік сарқырама /Анхиль/
5. Дүниежүзіндегі ең үлкен шөл /Сахара/
6. Дүниежүзіндегі ең терең шұңғыма /Мариан/
7. Дүниежүзіндегі ең ең суық материк /Антарктида/
8. Дүниежүзіндегі ең үлкен түбек /Арабия/.
9. Дүниежүзіндегі ең үлкен мұхит /Тынық мұхиты/
10. Дүниежүзіндегі ең үлкен мемлекет /Ресей/

2 - тапсырма. <<Сандар сөйлейді>> ойыны. (Әр сан 1 ұпаймен есептелінеді)
3-топқа сандар жүйесі беріледі. Сол сандардың нені білдіретінін табу керек.

361 млн км2
91,7 млн км2
11022
8742
178,6 млн км2
5527
76,2 млн км2
7729
14,8 млн км2

Жауабы:
361 млн км2 - Дүние жүзілік мұхит ауданы
91,7 млн км2 - Атлант мұхиты ауданы
11022 - Тынық мұхитының ең терең бөлігі
8742 - Атлант мұхитының ең терең бөлігі
178,6 млн км2 - Тынық мұхиты ауданы
5527 - Солтүстік Мұзды мұхитының ең терең бөлігі
76,2 млн км2 - Үнді мұхиты ауданы
7729 - Үнді мұхитының ең терең бөлігі
14,8 млн км2 - Солтүстік Мұзды мұхиты ауданы

3-тапсырма. <<Түрлі-түсті теңіздер>> ойыны. (Әр дұрыс жауап 5 ұпаймен есептелінеді)
Теңіз атаулары әртүрлі түсті білдіреді. Мәтінде жасырынған қай теңіз туралы айтылып тұрғанын табыңдар.

1-топ. Бұл теңіз Солтүстік Мұзды мұхитының ең кішкентай теңізі. Бұл қай теңіз?
(Жауабы: Ақ теңіз)
2-топ. Бұл теңіз Еуразия және Африка аралығында, литосфералық плиталардың түйісу аймағында орналасқан. Мұнда Дүние жүзілік мұхиттағы ең жоғарғы тұздылық байқалады. Бұл қай теңіз?
(Жауабы: Қызыл теңіз)
3-топ. Бұл теңіз мұхиттан оқшауланып, Еуразия материгіне ішкері кіріп орналасқан. Осы теңіз жағалауындағы сауықтыру-демалыс орындары, табиғи-климаттық жағдайлары қолайлы ұштасқан курорттары айрықша көзге түседі. Бұл қай теңіз?
(Жауабы: Қара теңіз)
Бар топқа: Бұл теңізге Азиядағы қытай тілінен аударғанда <<сары өзен>> деп аталатын Хуанхэ өзені құяды. Сазды шөгінді жынысты жазықпен ағатындықтан суы лайлы болады. Өзен осы теңізге жыл сайын көлемін ұлғайтып отыратын кең атырау жасап құяды. Бұл қай теңіз?
(Жауабы: Сары теңіз)
4-тапсырма.
Кескін картамен жұмыс.
Кескін картаға мұхиттар мен олардың Еуразия материгі жағалауындағы теңіздерін түсіріңдер.

Ү. Бағалау.

ҮІ. Үйге тапсырма: §15. Еуразия жағалауындағы мұхиттар мен теңіздер. (оқу, мазмұндау)