Алматы қаласы Медеу ауданы №172 мектеп-гимназиясының 10 Б сыныбына арналған Математикалық бокс интеллектуалдық ойынының бағдарламасы

«Математика - физика- информатика апталығы »

аясында 10 Б сыныбы оқушыларымен өткізілген

«Математикалық бокс» интеллектуалдық ойынының бағдарламасы:

$C:\Users\Администратор\AppData\Local\Microsoft\Windows\Temporary Internet Files\Content.Word\20130906_102832-1.jpg$

Алматы қаласы Медеу ауданы

№172 мектеп - гимназия

Математика пәні мұғалімі Т. Қазыбаев

Оқу кабинетіне үш орындықты айналдыра жүргізілген қызыл - жасыл лентамен жасалған алаң - ринг. Қазақтың күйі ойнап тұрады.

Жүргізуші: (Сақа Дарын үшбұрышты алаң -ринг ішінде. )

Уа, халайық, халайық!

Ортаға назар салайық

«Математикалық боксты»

Бастап, дабыл соғайық!

$C:\Users\Администратор\AppData\Local\Microsoft\Windows\Temporary Internet Files\Content.Word\IMG_20150124_114014.jpg$

Осы кезде Қабылхан Алмат (таймкипер) бокстың басталуын жариялайтын дабыл (гонг) соғады.

Мұғалімдер мен оқушылар, бүгін біз «Математикалық бокс» атты интеллектуалдық -шоуымызды бастаймыз. Бүгінгі сайыста бір-бірлерімен күш сынасатын 3 топ бар. Үш топтың барлық мүшесі өз білімі мен ойының ұшқырлылығымен көзге түскен алғыр әрі білімді оқушылар . Ендеше ду қол шапалақпен оларды ортаға- рингке шақырамыз.

«Спорт» телеарнасының жүргізушісі Нұрлан Меруерт (теледидар макетінің артында отырып жүргізеді) : Арма ағайын! Тікелей эфирде аты алты алашқа әйгілі «№172 спорт сарайында» өтетін бокс. Қазақсанның түкпір-түкпірінен келген былғары қолғап иелері біліммен күш сынасып, рингке шығуға білектерін сыбана дайын тұр. Спортшыларымызға сәттілік! Қай спортшы басым түсерін әзірге білмейміз, дегенмен өз спортшыларымызды қолдап, жігер беріп отырайық, қадірменді көрермендер! Бүгінгі өтіп жатқан бокстың демеушісі болған «Аянат - оқушылар құрал жабдығы » дүкеніне алғысымызды білдіреміз! Боксшыларымыздан мықты әрі дәл соққылар күтеміз!

Жүргізуші: Сақа Дарын:

Рингіміздің «Көкпеңбек» бұрышында отырып, Көкпеңбек жейдеде өнер көрсететін боксшы - математик, күрестен үш дүркін әлем чемпионы - Әділет Жетпісбаев, лақап аты: «Ақсақалды Әділет» Оның бапкері, есептеуіш -модель, ерекше көзілдірігі бар, әзілстанның үш дүркін «Дарынды күлегеші» дәрежесіне жеткен - Аделя Тасполатова, лақап аты: Майысқақ Аделя
Ендігі кезекте рингіміздің «Қызғылт-сары» бұрышына қызғылт-сары жейдедегі өзі сары, жаны қазақ, алгебрадан озат, Генадий Головкиннің інісі Томақаев Шыңғысты шақырамыз, лақап аты: «Арыстан» Оның бапкері «санамақ» ойынынан жүлдегер, кезінде математикалық бокстан жеңімпаз болып тәжірибе жинаған, қарсыласын 78- раундта ойсырата жеңген - Дарубай Меруерт. лақап аты: «Да-а ! Меру»
Рингіміздің «Қанқызыл» бұрышына келесі болып қызылға жақын, қан қызыл жейдесінде күш сынасатын математикалық-бокстан 4 дүркін аудан мектептерінің чемпионы, Сейфуллин Жолбарыстың гитара тарта алмайтын інісі, қарсыласын аямайтын, азулы да ашулы - Жарас Мұхаметали . Ия -ия қателеспедіңіздер сол Муххамед Алидің туысы . Лақап аты «Жара Али» Оның бас бапкері, крышасы - тірегі, кезінде бокстан талай шәкірт тәрбиелеген, атақты Майк Тайсонға санауды үйреткен, тәжірибелі бапкер - Маржан Ырғынбай. Лақап аты : «Марджан»

(Аты аталған оқушылар иықтарына шапан жауып, бокс қолғаптарын киіп, бапкерінің және қолдаушысының ортасында бокстағыдай рингке әр түрлі әуенмен шығады)

$C:\Users\Администратор\AppData\Local\Microsoft\Windows\Temporary Internet Files\Content.Word\IMG_20150124_114046.jpg$ $C:\Users\Администратор\AppData\Local\Microsoft\Windows\Temporary Internet Files\Content.Word\IMG_20150124_113958.jpg$

$C:\Users\Администратор\AppData\Local\Microsoft\Windows\Temporary Internet Files\Content.Word\IMG_20150124_114706.jpg$ $C:\Users\Администратор\AppData\Local\Microsoft\Windows\Temporary Internet Files\Content.Word\IMG_20150124_115714.jpg$

Ал енді, кешіміздің негізгі жанашырлары, әділқазылары «бүйрек» судьяларымен таныс болыңыздар!

Оң қапталдағы «бүйрек» судья «Да-а ! Меру . . . » мен бірге шыныққан, Василий Жировтың бапкері- Өміржан Жансая. Лақап аты «Джон Сая»
Ортадағы «бүйрек» судья 1 -сыныптан бері досына дос, қасына қас болып келе жатқан «Ақсақалды Әділеттің» көршісі- Муся, яғни Оразов Мүсілім.
Сол қапталдағы «бүйрек» судья бокстан хабары жоқ, кіп-кішкентай болып алып, талай санмен санасуға шыққан, «Арыстан» -Шыңғыстың інісі- Мухаммед Али.

$C:\Users\Администратор\AppData\Local\Microsoft\Windows\Temporary Internet Files\Content.Word\IMG_20150124_115833.jpg$ $C:\Users\Администратор\Desktop\Талғат сабақ жоспарлары\математикалық бокс\IMG_20150124_161730.JPG$

(Үшбұрышты фигура негізінде құрылған рингте үш боксшы бір-бірімен беттеседі. Әрқайсысы өз киімдерімен түстес бұрышқа барып отырады. Ал оларды қолдап тұратын үш боксшының бапкерлері қолына қағаз алып, шәкірттерін сұрақтарға дайындайды. )

«Спорт» теле арнасының жүргізушісі Нұрлан Меруерт: Қадірменді көрермен, дәл қазір күш сынасатын боксшыларымыздың есімі анықталды. Алғашқы раундтың қалай басталатынын, бокс ережелерін жүргізуші асықпай түсіндіруде. Қос боксшының тренерлерінен қобалжумен қатар, көздерінен үлкен от ұшқынын байқалып тұр. Бап шабар ма екен, бақ шабар ма екен? Бірге көз жеткізелік.

Жүргізуші: Сақа Дарын:

Бұл тартыс «математикалық бокс» деп аталады. Математикалық бокс - математикалық сұрақ - жауап сайысы. Боксшылар бір біріне математикалық сұрақтар қою арқылы сайысады. Әр жұп 2 раундтан бокстеспек. 1 раунд-3 минут. Арасында 1 мин үзіліс. Үзіліс уақытында Рахымжан Нұрғиса патриоттық әндер қойып, көрермендер мен боксерлерді жігерлендіріп отырады. Сұрақ қойған оқушы қарсыласы жауап бергенше сұрақтарды қатарынан қоя береді. Егерде боксшының біреуі қатарынан 5 соққы - сұрақ жаудырса, яғни қарсыласы қатарынан қойылған бес сұраққа жауап бере алмаса нокаутпен жеңіледі. Айта кетейін 1- соққы - қызықты әрі математикаға қатысы бар 1 сұрақтан тұрады. Ерекше үшбұрыш рингте үш боксшы бір-бірімен жан алысып, жан беріседі.

Алғашқы жекпе-жекті айқындау үшін жақтары үш түске (көкпеңбек, қызғылт-сары, қанқызыл) қорапты лақтырамыз, текшенің қай түсі жоғары қарап қалса, сол түстегі боксер демалады. Рингтегі төреші (рефери) осы демалып отырған топтың жаттықтырушысы - бапкері болады. Ал келесі екі топ өзара күш сынасады. Келесі жекпе - жек жеңген топ пен үшінші топ арасында жалғасады. Ендеше СӘТТІЛІК!!! Ең үздік, ең білімді, ең жылдам боксер жеңіске жетеді деп сенеміз.

Боксерлердің әрбір раундтары таймкипердің дабылымен (гонг) басталып, дабылмен аяқталады.

$C:\Users\Администратор\AppData\Local\Microsoft\Windows\Temporary Internet Files\Content.Word\IMG_20150124_161311.jpg$ $C:\Users\Администратор\Desktop\Талғат сабақ жоспарлары\математикалық бокс\IMG_20150124_152533.JPG$ $C:\Users\Администратор\AppData\Local\Microsoft\Windows\Temporary Internet Files\Content.Word\IMG_20150124_120137.jpg$