Жақсы көңіл-күй – жан тыныштығы

Жақсы көңіл-күй - жан тыныштығы
Мақсаты: оқушылардың психологиялық көңіл-күйлерін көтеру, өздеріне құрметпен қарауға баулу, ұжымда сыйластық қарым-қатынас орнату.
Көрнекілігі: түсті қағаздан қиылған геометриялық фигуралар ақ қағаз, қалам, нақыл сөздер жазылған плакаттар.
Жүргізілу барысы:
Ұйымдастыру:
* Ережемен таныстыру;
* Эмоциялық жаттығу;
* Топқа бөлу;
* Ертегі терапиясы;
* Ойын жаттығу: <<Аттар шауып барады>>;
* Рольдік ойындар;
* Ойын жаттығу: <<Молекула>>;
* Релаксация;
* Қорытындылау.
Тренингімізді бастау үшін өз еркімен қатысамын деушілер ортадан орын алсын.
Алдымен эмоциялық жаттығу жасайық.
Шаршадым <<Уһ!>> дедім
Ренжідім <<Туһ!>> дедім
Қорқыттым <<Ой!>> дедім
Өкіндім <<Аһ!>> дедім
Шарасыз <<Еһ!>> дедім
Таңырқап <<О!>> дедім
Кейідім <<Е!>> дедім
Қуанып <<Ха-ха-ха!>> дедім.
Мына столдан өздеріңе ұнаған түстерді таңдап алуларыңызды сұраймын.
Оқушылар өздері таңдап алған түстер бойынша топқа бөлінеді. (Қызыл түсті жүрекше алған топқа <<Асыл-құмған-ай!>>, сары түс жүрекше алған топқа <<Ерке-ай!>>, күлгін түс жүрекше алған топқа <<Атамекен-ай!>> сөздері жазылған.
Оқушыларға таңдаған түстері туралы мағлұмат беру.
Қызыл түс - өте ерекше сұрақты көп қоятын, ойларын еркін айтатын белсенді адамдар. Бұл топ <<Асыл-құмған-ай!>> тобы. Таныс болыңыздар! (Қошемет көрсетіліп, қол шапалақтайды).
Сары түс - оптемизм. Бейбітшілікепен шешуді жақтайтын, ақжарқын адамдар. <<Еркем-ай!>> тобымен таныс болыңыздар! ! (Қошемет көрсетіліп, қол шапалақтайды).
Күлгін түс - қиялға бай, шығармашыл адамдар. <<Атамекен-ай!>> тобымен таныс болыңыздар! (қазір әр топ өз аттарын қорғайды). (Өздерінің аттарына байланысты әндер айтады).
Ертегі терапиясы: <<Жүзіктегі жазулар>>. Баяғыда бір хан болыпты. Оның перзенті болмапты. Хан қартайып, өлер шағына жеткен соң: - Мен өлгеннен кейін, менің ауламның есігін бірінші болып ашқан адам менің орныма хан болсын,- дейді уәзірлеріне. Хан өлген соң уәзірлері қақпа алдында тұрса, бірінші болып қақпаның есігін бір диуана ашыпты. Ханды жерлегеннен кейін диуананы хан етіп сайлайды. Басқа диуаналар оны көре алмайды да:
Сендер мені күндемей - ақ қойыңдар. Менің өмірімнен сендердің өмірлерің жақсы. Сендер өз пайдаларыңды өз бастарыңа жұмсайсындар, өз бастарыңды ойлайсыңдар. Ал мен болсам, халқымды ойлаймын, халқым үшін қызмет етемін дейді.
Осы сөзді айтып хан диуаналарды шығарып салады. Арада біраз уақыт өтеді. Хан диуаналарды қмытып та кетеді. Ханға қапа болған диуаналар жиналып әңгімелеседі. Сонда бір диуана тұрып:
-Бұл хан бізді менсінбей барады. Біз былай істелік, барлық жиған ақшамызды қосып, бес күміс жүзік істелік. Сол жүзіктердің бетіне бес түрлі өсиет жаздырып, ханға сыйлайық. Сосын патша уәзірлеріне сөйлеген кезде, сол өсиеттерді оқып, менменсімейтін болады дейді.
Топтық жұмыс. Диуаналар ханға қандай өсиет сөздерді жүзікке жаздырды.
Әр топ өздері жазған өсиет сөздердерін топ алдында оқиды. Бұл жүзікте:
Ұлық болсаң кішік бол,
Менмен болма.
Ең жақсы әдет жомарттық
Кішіпейіл бол.
Кем болма, кең бол,- деген өсиеттер жазылады.
Бұл жүзіктерді тағуға барғанда, диуаналар былай дейді:
* Әр кезде осы жүзіктерге қарап, өсиеттерд оқып тұр. Сонда ғана сені халқың сыйлайтын хан боласың. Хан жүзіктерді өмірінің соңына дейін тағып өтеді де, оны ұрпақтан-ұрпаққа қалдыруға өсиет етеді.
Ойын жаттығу:
Аттар шауып барады. (қолдарын сандарына шапалақтау)
Алда бір кедергі. (Алақанды бір-біріне бір рет соғу)
Аттар шауып барады. (Қолдарын сандарына шапалақтау)
Алда бір кедергі. (Алақанды бір-біріне бір рет соғу)
Аттар шауып барады. (Қолдарын сандарына шапалақтау)
Шөппен шауып барады. (Алақандарын бір-біріне үйкелеу.)
Аттар судан өтті. (Ауыздарына ауа толтырып, ұрттарын саусақтарымен ұру).
Аттар көпірмен өтті. (Таңдайларын қағу)
Аттар шауып барады. (Қолдарын сандарына шапалақтау)
Қыздар кетіп барады ай-гөк!
Жігіттер қуып жетті ой-гөк!
Рольдік ойындар:
Әр топбасшы келіп өз таңдауларымен жасырылған тапсырмаларды таңдап алады.
* Ғашық жігіт
* Базардағы сатушы
* Сыған қызы
* Ұрысқақ зейнеткер
* Атақты әртіс
* Мейірімді ана
Ойын жаттығу: <<Молекула>>
Музыка қойылғанда барлық топ ортада бейлейді. Тоқтағанда жүргізушінің
нұсқауымен 2-3-4 т.б топтасады. Ойын соңында бәрі бірігіп атом құрайды. Оқушыларға ойын барысында алған әсерлері туралы ой бөлісу. Әрқашанда ортада өздерін дұрыс ұстай білу керектігін түсіндіру. Ынтымақшыл, бірлікте, сыйласып жүру керектігін ойын арқылы түсіндіріп өту.
Қорытындылау. <<Жақсы мінез - адам өмірінің сарқылмас байлығы>>, <<Айнымас досы бар адам ең бақытты адам>>, <<Мінезі бірқалыпты адамның өмірі де жаймашуақ болады>>, <<Жақсы көңіл күй-жан тыныштығы>>нақыл сөздерін пайдаланып адам өмірінде жақсы қарым-қатынас жасау үшін мінездің алатын орны ерекше екендігін түсіндіре отырып жұмысты аяқтау.

Әріптестік қарым - қатынас тренингі
Мақсаты: әрбір қатысушының өзіндік <<Менің>> тереңірек таныту, қызығушылығын ояту, мінез-құлықтарына баға беру, өзіне деген сенімділік қабілетін дамыту.
* Танысу тренингі. <<Көрші>>.
Көршіңді оң жақтан құшақта,
Көршіңді сол жақтан құшақта.
Оң жақтағы көршіңе бір жыми,
Сол жақтағы көршіңе бір жыми.
Бүгінгі тренинг барысы,
Біз үлкен отбасы.
* Менің серігім қандай адам?
Дөңгеленіп отырамыз. Сіздер 2-2 ден бөлініп, бір-бірлеріңізге қарап отырыңыздар. Музыканың ырғағымен бір-бірлеріңізге зер салып ойлана қарап, алдарыңызда кім тұрғандығын әңгімелеп беріңіз. Әңгімені, менің алдымда... көріп тұрамын деп бастайсыз. Адамның сыртқы бейнесін суреттеңіз. Әңгімеге оның жеке қасиеттері, өз бағалауыңызды қоспаңыз. Мысалы: мейірімді көздер, ойлы жанар т,б осы сияқты. Рөлдеріңізді сосын ауыстырасыздар.
* Сіз өзіңіз туралы әңгімені тыңдағанда қандай күйде болдыңыз?
* Жаттығуды орындау барысында сіз қандай әсерде болдыңыз?
* <<Жақсы адам бейнесі >> жаттығуы.
Сандықша. Сандықша ішінде ең жақсы, ашық, білімді, өз мамандығының шебері, белсенді адамның суреті бар. Ол кімнің суреті деп ойлайсыңдар? Көрмес бұрын барлығы көздерін жұмады. Сандықшаны алған адам ғана көзін ашады. Көргенін келесі адамға айтпауы керек. Соңында айнадан өз бейнесін, өзін-өзі көреді. Жаттығудың соңында сұрақтар бойынша талқылау.
* Көргенімен келіспейтін адамдар бар ма?
* Өз бейнелеріңді көргенде қандай сезімде боласыңдар?
* <<Майшам>>жаттығуы.
Біздің жаттығуларымыз аяқталуға жақын қалды. Қазір мен майшамды жағамын. Барлығымыз бір-бірімізбен бірігіп жұмыс жасағанымыз үшін жылы сөз айтып майшамды беріп отырамыз. Қоштасуға майшамды алғанымыз, жарық дегеніміз жақсы нірсе. Алдарыңыз ашық, жарқын болсын деген тілекпен бүгінгі тренингімізді аяқтаймыз.
Біз бақытты өмірді таңдаймыз
Мақсаты:
* Өмірді бағалай білуге, өмірдің құндылықтарын түсінуге көмектесу;
* Қарым-қатынас жасауға, ұйымшылдыққа машықтандыру;
* Оқушыларды өз ойынларын ашық айтуға үйрету.
Түрі: тренинг сабақ.
Қатысушылар: 7-9 сынып оқушылары.
Қажетті құралдыр: <<6 тұлғалық факторды анықтау>> тестін орындауға алдын ала дайындалған парақтар, ватман, түрлі түсті бояулар, сөйлемдер жазылған кеспе қағаздар, түрлі түсті қағаздардан қиылған жұлдызшалар.
Өту барысы:
* Жүргізушішің сөзі: