Менің педагогикалық құндылықтарым

Оңтүстік Қазақстан облысы
Қазығұрт ауданы
Қаржан жалпы орта мектебі
Қазақ тілі мен әдебиеті пәні мұғалімі
Менің педогогикалық ұстанымым: мәні , құндылықтары мен басымдықтары.
Жалпы "ұстаным " ұғымы -адам өміріндегі басты мақсат. Ал осы адамдардың ішінде ұстаз- бар адамзат тағдырының бастамасышы десек қате айтқандық емес. Себебі барлық мамандық иесі, қызыл тілден от шашқан, сөздің майын тамыза білген ақын да, бүкіл ғаламды зерттеп, өзгеріс ендірер ғалым да ұстаздан білім алады.
"Ақын болу оңай емес , қарағым,
Аузында болу бұл, ашылған әрбір жараның ..." -деп ақын Т. Айбергенов айтқан осы бір сөз ұстаздар қауымын да айналып өте алмасы хаһ. Мектеп табалдырағына тарыдай болып кіріп, таудай болып шығар әрбір шәкірттің өмірі , тағдыры, келешегі ұстаз қолында. Олай болса ұстаздар қауымына зор міндет жүктелгені де тайға таңба басқандай анық нәрсе. Сондықтан да білім нәрімен сусындатар кез келген ұстаздың өз ұстанымы болу керек. Бұдан шығатын тұжырым- педогогикалық ұстанымның бірінші кезеңде мәні, құндылықтары мен басымдықтары болуы заң.
Менің ұстанымымның мәні - сыни тұрғыдан ойлай білетін, ойлау қабілеттері дамыған , сауатты оқушы дайындау. Өз мамандығымның құндылығы ретінде өзімнің сыни тұрғыдан ойлап, жаңашыл идеялар арқылы білім нәрімен сусындатып отырған шәкіртімнің көңіл көкжиегін ашуды алға қоюды мақсат етіп, , ұдайы білімімді жетілдіре отырып, тек дәстүрлі стиль шеңберінде емес, жаңашылдыққа жаны құмар, заман ағымына ілесе алатын, бәсекеге қабілетті оқушы дайындап шығаруға басымдық беремін. Бұл үшін ең алдымен ұстаз оқушының жан дүниесін түсіне алуы шарт. Бұл ретте Шульманның "үш көмекшісі" маған серік болды. Өзім біліктілікті арттырудың кезеңінен келгеннен соң маған ең жақын көмекші құрал бас, қол және жүрек екендігін түсіндім. Үш көмекшінің алғашқысы ретінде мен әрқашан жүректі алға қойдым. Сыныптағы әрбір баланың сабаққа деген көңіл -күйі маңызды екенін ескеріп, алдымдағы шәкіртіме мейірім мен құрмет көрсете білуге талпындым. Әсіресе ,мотивациясы төмен оқушылармен қалай жұмыс жасау керек екендігі жөнінде көп еңбектендім, өзімше зерттеу жұмыстарын да жасап көрдім. Әр сыныпта білімі мен қабылдау қабілетінің төмендігінен жасқанып, сыныптан шеттеп отыратын балалар жеткілікті. Сондықтан да сабақ беру барысында осы оқушылардың бойындағы бұйығылықты жеңе отырып, олармен жұмыс жасауды бірінші жолға қойдым. Жаңа технологияның әдіс -тәсілдеріне сүйене отырып, мотивациясы төмен оқушылармен жұмысымды бастап кеттім. Бұл кезеңде маған топтық жұмыс жасау әдісі көп көмегін берді. Бұл зерттеуім үшін өзім сабақ беріп жүрген 5- сыныптағы мотивациясы төмен оқушымен жұмыс жасауды қаладым. Мен таңдаған оқушы сабаққа қатысқысы келеді, бірақ өз сыныптарынан өзін кемшін санайды, себебі қабылдау деңгейі төмен , сабаққа араласа алмайды. Сыныптастары да оны топтарына қосқысы келмейді. Алғашқы топтық жұмыс кезеңінде болған кемшіліктерді жою үшін мен әрқашан тапсырма беру барысында бұл оқушының деңгейін ескеріп, қабілетіне сай тапсырмалармен қамтыдым. Топтың осы оқушыны жетелеуін қадағаладым, біртіндеп топқа араласа бастады. Ал кейінгі сабақтарда оның бойынан жасқаншақтық әрекеттерді кем байқайтын болдым. Бертін келе оның өз сыныптастарынан қалмай жұмыс жасауы мені қуанта бастады. Мен бұл тұста жасқаншақ оқушыны ортаға қосуды ғана емес , сонымен қатар бүкіл сынып оқушыларының бойына адамгершілік, жанашырлық сияқты қасиеттерді сіңдіруге мүмкіндік алдым. Мұндай жаңа әдіс-тәсілдер оқушының белсенділігін арттырып, оқу мен ойлау әрекетінің тиімді амал-тәсілдерін жүзеге асырады.
Әрбір мұғалімнің басты ұстанымы-оқушының жеке басының
қасиеттерін , қабілеттерін дамытып, бойындағы таланты мен шығармашылығын ашу.Ұстаз шәкіртін шексіз сүйе білгенде ғана оған терең білім бере алады. Алдымдағы әр шәкіртім мен үшін өзегімді жарып шыққан балам тәрізді, сондықтан да олардың ешқайсысының қатардан қалғанын қаламаймын. Болашақта шәкірттерім өркениетті елдердің жоғары технологиясы мен білімін меңгеріп, дүниежүзілік білім кеңестігіне шықса, менің мақсатымның шыңыру биігі болар еді...