3-сыныпқа арналған эстафеталық ойындар бойынша дене шынықтыру сабағының жоспары

Бекітемін: Келісемін:

Бастауыш сынып оқу - ісі Мектеп басшысының

жөніндегі орынбасары ғылыми - әдістемелік

Ж. Әлиева жөніндегі орынбасары

Қ. Жұмағалиева

Күні: 8. 10. 2013ж

Уақыты: 15. 45

Сабақтың тақырыбы: Эстафеталық ойындар

Сабақтың түрі: Ойын сабақ

Сабақтың әдісі: Жаттықтыру, үйрету, түсіндіру.

Сабақтың көрнекілігі: Ойын алаңы, доп, секіртпе

Сабақтың мақсаты:

1. Оқушыларды салауатты өмір салтына бейімдеу және дене шынықтыру сабағына қызығушылығын арттыру.

2. Эстетикалық және этикалық тәрбиеге үйрету.

3. Шапшаң қимылдауды, жарыса жүгіруді дамыту.

Сабақтың барысы:

І. Ұйымдастыру кезеңі

Сапқа тұру. Рапорт қабылдау. Сабақ тақырыбын хабарлау.

ІІ. Дайындық бөлім

Оқушылар бір қатар сап түзеп тұру.
«Сынып түзел», «Тік тұр», оңға бұрыл деген бұйрықтарды дұрыс орындау
Алаңды айнала баяу жүгіру
Шеңбер жасап жалпы дамыту жаттығуларын жасау

-Мойын жаттығуы

-Қол жаттығуы

-Бел жаттығуы

-Аяқ жаттығуы т. б

ІІІ. Негізгі бөлім

1. Оқушылардың өздеріне таныс эстафеталық ойын түрлерін сұрау. (оқушылардың жауабы)

Барлық эстафеталық ойындар адам денсаулығы үшін маңызды әрі көңілді.

Оқушы тез, тура жүгіру кезінде бар күшін салуға дағдыланады. Шапшаң епті қимылдауға үйренеді. Ұйымшыл болып, команда мүддесі үшін жақсы нәтиже көрсетуге тырысады. Айналаны бағдарлап аз уақытта өзінің және қарсыласының әрекетін байқап үлгереді. Сонымен қатар ойыншының икемділігі мен төзімділік қабілеттері арта түседі.

2. Сыныпты екі топқа бөлу

І топ - Жеңіс

ІІ топ - Сұңқар

Сайыс бағдарламасымен таныстыру.

І кезең: «Кім бірінші»

ІІ кезең: Допты жерге ұрып жүгіру.

ІІІ кезең: Кедергіден айналып өту.

ІҮ кезең: «Кім шапшаң»

Ү кезең: Доппен эстафета

ҮІ кезең: «Кім жылдам?»

ҮІІ кезең: «Мергендер» Сайыста оқушылар білімін нақты, әділ бағалайтын қазылар алқасымен таныстыру.

Салауатты өмір салтын қолдаймыз,

Жамандықтан жанымызды қорғаймыз.

Денсаулықты жанымызға серік қып,

Болашаққа аманатқып бастаймыз - дей келе сайысымызды бастаймыз.

І кезең: Жүгіру эстафета.

ІІ кезең:Допты кедергі арасымен алып барып сол жерге допты қойып бір есептен шығарып қайтарында жүгіріп қайтады, келесі оқушы жүгіріп барып бір есепті шығарып допты кедергі арасымен алып келу.

ІІІ кезең: Кедергіден сүрінбей өтіп барып сұраққа жауап айтып, орнына жылдам бірінші болып келу.

ІҮ кезең: Секіртпемен секіріп барып, қайтадан орнына жылдам бірінші болып келу.

Ү кезең: Әр оқушы орнында тұрып допты басынан асырып келесі оқушыға беру, соңғы оқушы алдына келіп допты келесі оқушыға береді.

ҮІ кезең: Әр оқушы допты екі аяқтың ортысна қойып секіріп барып, секіріп қайту.

ҮІІ кезең: Әр оқушы серітпемен секіріп барып, сандарды ретімен алып, жылдам бірінші болып келу.