Ғарышқа саяхат

Тақырыбы: Ғарышқа саяхат

Мақсаты: 1. Балалардың ғарыш әлемі туралы естіп-білгендерін,
суреттерден көргендерін тереңдету.
2. Дәстүрден тыс әдіс-тәсілдерді пайдаланып бейнелеуге үйретуді
жалғастыру. Балалардың шығармашылық дамуына жағдай
туғызу.
3. Эстетикалық талғамын, бейнелеу қабілеттерін дамыту. Ғарыш
әлемін бейнелеуге, дәстүрден тыс заттармен сурет салуға
қызығушылықтарын ояту.
Сабақтың түрі: Жаңа сабақ
Сабақтың әдісі: Түсіндіру, сұрақ-жауап, баяндау
Өтілу формасы: жалпы ұжымдық
Пәнаралық байланыс: дүниетану, математика
Сабақтың материалдық техникалық жабдықталуы: компьютер, интерактивті тақта

Сабақтың барысы:
1. Ұйымдастыру
(сәлемдесу, түгендеу, сабаққа дайындықтарын тексеру)
2. Жаңа сабақ
- Балалар, біз 12-сәуірде қандай мейрамды атап өтеміз?
- Дұрыс айтасыңдар.
- Адам ғарышқа қашан ұшты ? Және кімдер?
Юрий Гагарин, Тоқтар Әубакіров, Талғат Мұсабаев туралы айту
- Сендердің ғарышқа ұшқыларың келе ме?
- Аспан, аспан, арайлым,
Саған жиі қараймын.
Сені көзбен шоламын
Мен ғарышкер боламын.
Таудай биік талабым,
Мен бармақтай баламын,
Көктің жүзін барлайтын,
Үлкен ғалым боламын!
3. Сурет салу
* Ендеше балалар, <<Ғарышкерлер>> ойынын ойнап, сурет салып көрейік. Аспанға ұшу үшін ең алдымен бізге не керек?
Ұшуға жиналғандар ең алдымен зымырандарын дайындайды.Сондықтан біз қағаз бетіне зымыран салып алайық.

- Балалар, айналаға қарандаршы, не көріп тұрсыңдар?
Қане, осы айдың суретін салайық. Ай қалай орналасқан?

- Қане, тағы да иллюминаторға жақын келіп түнгі аспанды тамашалайық. Жұлдыздарға назар аударайық. Олар неткен әдемі. Өздері сан түрлі: бірі үлкен жарқыраған, бірі кішкентай. Бізге жақын жердегі жұлдыздар үлкенірек, алыстаған сайын кішірейе түседі.
- Иллюминаторға таянып айналаны тағы бір шолайық. Айдың суретін салдық. Жұлдыздар да бар. Ғаламшарлар ше? Күннің айналасында қанша ғаламшар бар? Қане аттарын еске түсірейік.
- Балалар, білесіңдер ме, аспан әлемінде ашылмаған ғаламшарлар әлі де көп. Оны ержеткенде өздерің табатын болысыңдар.
- Қымбатты менің, ғарышкерлерім, біздің сапарымыз аяқталып келеді.Біздің жанармайымыз бітуге таяу. Ал ғарыш құпияларын зерттеу көп уақытты алады. Шаршадыңдар ма? Бәріміз ашық аспан әлеміне шығып ғарыш әлемінен қуат алайық.
Сергіту сәті:
Бір, екі, үш,Қарлығаш боп ұш.Төрт, бес, алты,Қарлығаш боп қалқы,Жеті, сегіз, тоғыз, он,Қарлығаш боп қон.
Қарындашпен салынған суретті пастельмен бастыру, бетін қара түсті акварельмен бояу.
Оқушылардың жұмыстарынан тақтаға көрме жасау.
4. Қорытынды: Бүгінгі жұмыстардың бәрін іске асыруда біз алыс-жақынды ажыратуға, үлкен-кішіні мөлшерлеуге, бояу түстерін анықтауға үйрендік. Сонымен қатар аралас техникада жұмыс жасалынды.
5. Бағалау
* Қалай саяхат ұнады ма? Мен барлығыңа өз ризашылығымды білдіремін. Рахмет!

Р. Мәрсеков атындағы орта мектебі

Бейнелеу өнері пәнінен ашық сабақ
3б сыныбы

Пән мұғалімі Разханова А.Т.

Қ. Қайсенов кенті