Тәжірибені үйлестірудегі әдістер

Маңғыстау облысы
Ақтау қаласы
Гимназия сыныптары бар №20
жалпы білім беру орта мектебінің
Құқық пәні мұғалімі:
Бекназарова Рима Аяшовна

Тәжірибені үйлестірудегі әдістер
-357505135890
<<Өрлеу>> БАҰО>> АҚ филиалы Маңғыстау облысы бойынша ПҚ БАИ-да ІІІ (базалық) деңгейлік курс оқуынан өткеннен кейін сабақтарымды түрлендіріп өткізуді қолға алдым. Тәжірибемді әріптестеріммен бөлісу мақсатында ашық сабақтар, семинарлар өткізіп, баяндамалар, тренингтер, кездесу кештерін, апталықтар ұйымдастырып жүрмін. Кезекті бір семинар сабағым жайлы әрптестеріме баяндап беруді жөн көрдім. <<Сен Конституция туралы білесің бе?>> тақырыбындағы сабағымда әдеттегідей мақсат пен міндетімді белгілеп алған соң, мынадай аспектілерге назар аудардым: сабақты жоспарлаған кезде сынып бойынша оқушылардың жас ерекшелігін, даму деңгейін ескере отырып оларға бейімдеп жазуды ойластырдым.
Бірінші кезеңде пәнге байланысты ҚР азаматтардың міндеті туралы тренинг жүргіздім. Оқушыларда өзара қызығушылық туындап, бәсекеге түсіп, таласа жауап бере бастады. Оқушы санасына білімді жүйелі түрде меңгеруіне және оқушының қабілет деңгейлерін дамытуда осы жаңаша әдіс-тәсілдердің маңызы ерекше екендігіне көзім жетті.
Екінші кезеңде <<Санаға сапар>> сабағында әрбір слайдты менің тақырыпқа сай берген сұрағымның бағытына байланысты сұрақ беру арқылы оқушылар сабақты өздері түсіндіруге тырысты. Мысалдар қойып қылмыстың түрлерін ажыратып, қандай қылмысқа жататынын, жасалған қылмысқа байланысты қандай жаза қолданылатыны және жазаның ауыр, жеңіл түрлерінің қандай болуы мүмкін деген тақырыпта ой қозғауға бейімдедім. Практикалық сабақ соңынан ережені толықтай түсіндіруге тоқталдым.
Сергіту сәтін де сол сыныптағы балалардың жас ерекшеліктеріне байланысты іздестіріп, құпия сандар арқылы жасырылған сөздерді табу оларды өздігінен ізденіске түсіріп, шабыттандырды. Құқық терминдерін бағанға бөліп сәйкестендіруде терминдерді оқушылар оңай жадында сақтап қалуға бұл тәсілдің ықпалы зор болды. Логикалық даму жолын жылдамдатуда, қызығушылықтарын ояту мәселесін ойластыра отырып суретке қарап мақал құрастыру кезеңде АКТ ны пайдаландым. Қойылған сурет пен ойлаған мақал сөздері оқушыларды жаңа сабаққа кіруде қызығушылығы оянып, бұрын сабақта үндемейтін оқушылар белсенді қатыса бастағанын байқадым, ең соңынан барлық мақалдың жиынтығынан бір ән шығатынын айтып өткенім, одан да қызықтырақ болды. АКТ ны пайдаланудың тиімділігі cол, түрлі- түсті суреттер көрнекі де көлемді, әрі қызықтырақ болып көрінеді интертақтадан. Жаңа тақырыпты тақтаға жазып қойсақ, уақыт үнемделеді, мұғалімге аз сөйлеуге мүмкіндік туады.
Ассоциация әдісімен топтық жұмыс жүргіздім. 4 топқа бөліп жарысып әрбір топ өз тақырыбын қорғауда үлкен жауапкершілік танытып, сабаққа қалай қызу кіріскенін байқамай қалды. Әрбір топ бірін- бірі үйретіп, түсіндіріп, ойын ортаға салып, біріне - бірі жылдам ойлауға ықпал жасап, басқа топтан алға озып шығуға тырысты. Сабақ үстінде талантты және дарынды оқушылардың жұмысына да көңіл бөле жүрдім. Сыныптағы топтар белгілі бір тапсырманы жалпы орындағанда, ондай оқушыларға бөлек тапсырма бере отырып, олардың сабаққа деген ынталары одан да жоғарылай түскенін байқадым.
Топтық жұмыс барысының пайдасы әрбір оқушы алдымен жеке ойланады және бір бірімен диалог барысында пікірлесіп, содан кейін жұппен, топта талқылайды да ең соңында ортақ шешімге келеді. Сабақ соңында бұрын барлығын қорытындылап оқушылардың білімін тек өзім бағалап жүрдім. Кейіннен бағалауға оқушыларды да қатыстыратын болдым. Оларға топтық жұмыс барысында бағалау парағы беріледі де, олар өзіне, содан кейін топтағы мүшелерге баға береді. Қойған бағасы олардың ортаға салған жаңа идеяларын ескеру, топтағы жұмысқа қаншалықты белсенді қатысқанын көрсетіп айта білу. Сондықтан да оқушылар бағалау барысында бірін- бірі әділ бағалайды. Осындай іс-әрекеттер әдісі сабақтарда үндемей отырған оқушылармен жұмыс істеуге үлкен мүмкіндік туғызып, оқушылар өз ойларын ортаға салып, шағын топта пікірталастарға қатысып, топ ішіндегі тапсырмаларға біртіндеп тартыла бастады. Бұл жаңаша әдістер оқушылардың шығармашылық қабілеттерін арттырып, өз бетімен жұмыс істеуге, қорытындылар жасауға, жүйелі білім алуға жетелейді. Сабақтың соңында оқушыларға үндеу тастау арқылы, олардың құқықтары мен міндеттерін толықтай таныстыру болды. Барлық оқушы түгелдей сабаққа белсене қатысты.Сабақ өте қызықты өтті. Мен оқушыларды марапаттасам, олар мені мадақтап жатыр. Өте қуаныштымын. Мұғалім тек қана бағдар беруші.
Түсінгендіктің шын белгісі-<<иә>> деген жауап емес,
шәкірттің жүзіндегі қуаныш болып табылады
Абу-ль-Фарадж ал-Исфахани.
Жаңаша оқыту үрдісінде көптеген жаңа ақпараттар алып, сабақ жүргізудің жаңа бағыттағы әдіс-тәсілдерін меңгеруді үйрендік. Бұрын сабақта көп сөйлейтінмін, ал қазір оқушылар жаңа білімді өздері меңгере алатын жағдай туғызуға тырысамын.
Ойымды қорытындылай келгенде, мен осы Өрлеу біліктілік курсында оқығаныма қуаныштымын. Дәстүрлі оқу біздің ой-санамызды ғана байытып қоймай, жан-дүниемізді, өмірге деген көзқарасымды алға дамуға үлкен ықпалын тигізіп отыр. Бұл курста оқыған адамдардың өмірге, білімге деп жинар тәжірибесі өте жоғары болары сөзсіз.
Сабақты түрлендіріп, тартымды өткізе отырып, жаңаша ойлаумен, жаңаша білім беруде, әр қайсысымыздың сана түкпірдегі қасиеттерімізді аша біліп, өз тәжірибелерін бөлісіп бізге жеткізе білген біліктілігі мол ұстаздарға зор денсаулық, үлкен жетістік тілеймін!
Осы курста оқып жатқан және болашақта оқитын барлық ұстаздарға сәттілік!