3-б сынып Әдебиеттік оқу сабағы: Б. Баймахановтың Құмдағы құпия мәтініне арналған сабақ жоспары

Пән: Әдебиеттік оқу

Kүні: 18. 02. 14

Сынып: 3 «б»

Тақырып: «Құмдағы құпия» Б. Баймаханов.

Мақсаты: Тақырыпты терең меңгерту. Логикалық ойлау, есте сақтау қабілеттерін дамыту. Табиғатты сүюге тәрбиелеу.

Білімділік: Тақырыпты терең меңгерту. таныстырып, мәнін ашу. Б. Баймахановтың «Құмдағы құпия» туралы оқып, мағынасын ашу.

Дамытушылық: Сөздік қорын молайту, логикалық ойлау қабілетін дамыту, есте сақтау қабілеттерін, оқу, жазу, дағдыларын дамыту.

Тәрбиелік: Қоршаған ортаны, аялауға, ластамауға тәрбиелеу.

Сабақтың әдісі : сұрақ - жауап, түсіңдіру.
Сабақтың түрі: Жаңа сабақ
Сабақтың көрнекілігі: оқулық, дәптер, тақта, карточкалар, жанылтпаш.
Сабақтың барысы:
І. Ұйымдастыру кезеңі:

Сәлеметсіңдер ме, оқушылар!
Сәлеметсіз бе!
Көңіл күйлерің қалай?
Жақсы!
Олай болса, сабағымызды бастайық.

ІІ. Үй жұмысын тексеру:

Біріншіден, үй жұмысын сұраймыз. Үйге қандай тапсырма берілді
Үйге «Аққала - ақ бала» берілген болатын.

III. Сергіту сәті: Бейнетаспа.

ІV. Жаңа сабақ: Бүгінгі сабағымыздың тақырыбы: «Құмдағы құпия».

1. «Құмдағы құпия».

Биылғы көктем салқын, жаңбырлы болды. Темірдің шешесі экспедицияға жылдағысынан кешігіңкіреп аттанды. Бұл жер Темірге бұрыннан таныс. Былтыр шешесімен келген. Жалпақ сары төбенің басында сәкілі үш ағаш тұр.

Сәкілерді осы өңірді зерттеген геологтар жасаған. Көз ұшында малшылар қыстауы. Көктем шыға көшіп кетеді. Қыстаудың қасында құдық бар. Экспедиция суды содан алады. Ол құдықты да қазған - геологтар. Оны айтқанда Темір:

Шеше, геологтар жақсы ма ботаниктер жақсы ма? - деп сұраған.
Екеуіде жақсы, - деген шешесі, геологтар жер астындағы кең - байлықты іздеп табады. Ал ботаниктер жер бетіндегі өсімдіктерді зерттейді. Өсімдік болмаса, мал да, аң да, жан - жануарлар да тіршілік ете алмайды. Ботаниктер сол өсімдіктердің қалай жақсы өсіруге болатынын зерттейді.

Өсімдіктердің малға қажет екенін Темір біледі. Тіпті тасбақалардың да шөпте жайылатынын осы жерде көрді.

2. Карточкамен жұмыс:

1. Көктемде ауа райы қандай болды?

2. Темірдің шешесі қайда аттанды?

3. Жалпақ сары төбенің басында не орналасқан?

4. Сәкілерді кім жасаған?

5. Қыстаудың қасында не бар?

6. Құдықты кімдер қазған?

7. Геологтар нені іздеп табады?

8. Ботаниктер нені зерттейді?

9. Темір қайда бара жатқанда қызық оқиғаға тап болады?

10. Жолда Темір шешесімен нені көреді?