Заттың атын білдіретін сөздер. Құстарым, келіңдер

Ана тілінен ашық сабақ

Сабақтың тақырыбы: Заттың атын білдіретін сөздер. Құстарым, келіңдер

Сабақтың мақсаты: Заттың атын білдіретін сөздерге сұрақ қоя білуге үйретуді
жалғастыру, өлеңді мәнерлеп оқи отырып жыл құстары туралы түсінік
қалыптастыру.

Тәрбиелілігі: өз Отанын қорғауға, құстарды аялауға, қамқорлық жасауға
тәрбиелеу; оқушылардың ойлау, есте сақтау қабілеттерін дамыту;

Күтілетін нәтиже: Заттың атын білдіретін сөздерге сұрақ қоя біледі,
шығармашылық қабілеті артады. Мәнерлеп оқу дағдысы қалыптасады.
Қолданылатын әдіс-тәсілдер: Сұрақ-жауап, қайталау
Көрнекілігі: сызбалар, сөздер, тапсырмалар, суреттер
Психологиялық дайындық
Күлім қағып қолымды,
Бір ,екі, үш деп соғайын.
Қарап тұрып көршіме
Қолымды бер бұлғайын.
Ыстық алақаныммен
Қолыңды бер қысайын.
Топқа бөліну. Қалпақтар бойынша топқа бөліну.
Тапсырмалар. Кім? Не? Кімдер? Нелер? Сұрақтарына жауап беретін сөздерді
оқытып, жаңа сабақтың тақырыбын шығару. Санға сәйкес әріптерді орналастыру.
1 2 3 4 5 6
Қ Ұ С Т А Р
Ереже айту: Кім? Кімдер? Не? Нелер? Сұрақтарына жауап беретін сөздер
адамның, жануарлардың және заттардың атын білдіреді: Айсұлу, қоян, кітап.
Тақтамен жұмыс. Күннің жадын жазу.
Оқулықпен жұмыс. Топтық тапсырма: « Шатасқан сөздерден сөйлем құрап жазу.
Күтілетін нәтиже: 1. Оқушылар сөздерден сөйлем құрап үйренеді.
2. Не? сұрағына жауап беретін сөздерді сөйлемдерден таба біледі.
85- жаттығу. 1. Төмендегі сөздерді қатыстырып, сөйлем құрап жазыңдар.
2. Не? Сұрағына жауап беретін сөздерді табыңдар.
1 – топ. Көктем , туды , көрікті.
2- топ. Ери , қар , бастады.
3 – топ. Жел , жылы , соқты.
Серіту сәті.
Қарға біздің қар, қар,
Сауысқаны саңқ, саңқ.
Торғайларым шиқ, шиқ
 Жапалағым ух, ух.
Көкек көкек, көкек деп,
Ұшады екен желпілдеп.
« Ұйқасын тап» ойыны.
Күтілетін нәтиже: оқушылар сөздердің мағынасына қарап ұйқасын таба білуге
үйренеді.
1.Тұмсығымен шымшып. 2. Тоқылдатып мазаны ап,
Құрт тереді...(шымшық) Тұмсығымен шоқып ап.

Ағаштарды емдейді

Емші атанған / тоқылдақ/
3. Ала шапан киеді

Қыпылықтап жүреді
Секектеп бір тұрмайды
Өреден құрт ұрлайды
Қалдықты жеп тауысқан,
Аты оның... (сауысқан )
Оқулықпен жұмыс.
86 жаттығу. 1. Түсініп оқыңдар.
Әкем менің – құрылысшы.
Ағам менің – мұнайшы.
2. Мамандықты білдіретін сөздерді тауып, оларға сұрақ қойыңдар.
Өлеңді мәнерлеп оқу. Өлеңді жаттап алу.
Өткен жыл көктемде
Бала едім тым кіші.
Кім білсін, өкпелеп
Кетті ме жыл құсы...
Өтті тез он екі ай,
Енді мен үлкенмін!
Келсе ұшып көп торғай,
Өзім – ақ күтемін.
Құстарым, келіңдер,
Қарсы алам өзім –ақ.
Жаңа үйге еніңдер,
Міне көл, міне бақ.
-Неге өкпелеп кетті деп ойлайсың?
Жыл құстары көктем туа келiп ұя салады, жұмыртқалап балапан басады,
қанаттанған сон қоңыр күзде, қыс түсе жылы жаққа қонысаударады.
Ой толғаныс: СЕМАНТИКАЛЫҚ картамен жұмыс.
| Сөздер | КІМ ? | НЕ ? | КІМДЕР ? | НЕЛЕР ? |
| ОҚУШЫ | | | | |
| ҚҰМЫРСҚА | | | | |
| ӘНШІЛЕР | | | | |
| ГҮЛДЕР | | | | |

Үйге тапсырма: Өлең мен ережені жаттау.
Бағалау. Фигура бойынша бағалау.
«Қол ұстасып тұрайық,
Шеңбер біз құрайық.
Көріскенше күн жақсы,
Сау – саламат болайық.