Ұұ дыбысы мен әрпі

Тексерілді:: Бекітемін:
Сынып: 1 «б» Күні:22.10.14 ж Пәні: Әліппе
Мұғалімі: Ж.У.Бахитова
Сабақтың тақырыбы:  «Ұұ» дыбысы мен әрпі. 
Сабақтың мақсаты: «Ұұ» дыбысы мен әрпін таныту. 
Сабақтың міндеттері: 
- Оқушыларға Ұұ дыбысы мен әрпін таныту, ол арқылы берілген сөздерді оқу
мен жазуға үйрету. 
- Ұ дыбысына қатысты жаңа сөздерді оқыту арқылы оқушылардың білімі мен
тілін, сөздік қорларын дамыту. 
- Ұқыптылыққа, тазалыққа, буындап оқуға тәрбиелеу. 
Күтілетін нәтиже:
1. Ұ дыбысы мен әрпін тани білді.
2. Ұ дыбысы қатысты сөздерді оқи алады.
3. Ұ дыбысының дауысты дыбыс екенін ажырата білді.
Әдісі: Сұрақ – жауап, түсіндіру. 
Түрі: Жаңа сабақты меңгерту. 
Сабақтың көрнекілігі: Әліппе оқулығы Ұұ дыбысының баспа, жазба түрлері, ұ
дыбысына байланысты суреттер, буындық кестелер, жеміс – көкөністің
шаблондары. 
Стратегия: миға шабуыл,сәйкестендіру, топтық тапсырма
Сәлемдесу: Үлкенге де сіз,
  Кішіге де сіз,
Сәлем бердік сіздерге
Құрметпенен біз.
Топқа бөлу:Жемістер бойынша.
Өткен сабақты бекіту
1. Өткен сабақта қандай дыбыспен таныстық? 
2. Жж дыбысы қандай дыбыс? 
3. Ж ж дыбысы сөздің қай жерлерінде кездеседі? 
4.Бағандағы сөздерді оқу
5. Жарыс мәтінімен жұмыс.  
ІІІ. Жаңа сабақ. Миға шабуыл.
1. Жұмбақ жасыру: 
а) Білімнің жолбасшысы, 
Шәкірттің қолбасшысы (Ұстаз) 
ә) Шәкіртке жанашыр, мейірбан кім? (Ұстаз) 
2. Ұстаз сөзіне буындық талдау жасату, Ұ дыбысын бөліп айтып,оның дауысты
дыбыс екеніне оқушылардың көзін жеткізу. Дұрыс айтуларын қадағалау. 
3.Электронды оқулықпен жұмыс. Ұ дыбысына қатысты сөздерді тыңдау. 
6.Ұлудың суретін көрсетіп, дыбыстық талдау жасау. 
7. Оқулықпен жұмыс. 
а) Бағандағы сөздерді оқытып, сөздердің мағынасын түсіндіру. 
8. Бағандағы сөздерді оқушыларға оқыту, «Құстар» мәтінін 3-4 оқушыға бөліп
оқыту.
Сергіту сәті:
Қорбаңдаған аюдың
Құлпынайы көп екен.
Теріп- теріп алайық,
Қалтамызға салайық.
Әліппе серігімен жұмыс. « Мен ұлумын»
Мен ұлумын,
Мінсіз сұлумын.
Жанға тимеймін,
Жамандықты сүймеймін.
Гүл аралап жүремін,
Көңілді өмір сүремін.
Топтық тапсырма: сөздерге дыбыстық талдау жасау.

1- топ. Бұлбұл
2- топ. Ұршық
3- топ. Ұран.
 
9. Дәптермен жұмыс. а) Ұұ әрпінің жазба түрімен таныстыру 
ә) Ұұ әрпінің баспа,жазба түрлерін салыстыру 
б) Ұұ әрпін ауада жазып көріп, дәптерге жазу 
в) Дәптердің 18-бетіндегі Ұ әрпінің үлкен, кіші түрлерін жазу 
Суреттегі нүктелердің орнына Ұ әрпін қою. 
10.Сергіту сәті 
Бір, екі, үш,
Бойға жинап күш.
Тағы қалам аламыз,
Әдемі етіп жазамыз.
Өлең ішінен Ұ дыбысы бар сөзді тауып,буындық талдау жасату 
Ой толғаныс: Сәйкестендіру.
Құ қыш
Бұ мыс
Ұш лын
Ұс лақ
Жұ та
- Сонымен қандай жаңа дыбыспен таныстық? 
- Ұ дыбысы сөздің қай жерлерінде кездеседі? 
- Ұ дыбысы бар сөздерге мысал келтіру. 
Бағалау. Саусақ, қол шапалақтау,смайлик арқылы бағалау.

Мұхит атындағы орта жалпы білім беретін мектебі

Ашық сабақ
Сауат ашу
Ұұ дыбысы мен әрпі

Өткізген: Бахитова Ж.У

2014-2015 оқу жылы