Көбейту және бөлу 32 5 160 5

Сабақтың тақырыбы: Көбейту және бөлу 32*5; 160:5
Сабақтың мақсаты: 
Білімділік: Оқушыларға 32*5 ; 160:5 түріндегі көбейту және бөлуді
түсіндіру, білім дағдыларын қалыптастыру мақсатындағы сабақта әр түрлі
тәсілмен мысалдар шығаруға көңіл бөлу.
Дамытушылық: Өз бетінше жұмыс істеп, шығармашылық қабілетін дамыту, өз
беттерінше қорытынды жасай білуге дағдыландыру.
Тәрбиелік: Оқушыларға алғашқы экономикалық білім беруге бағыт беру,
нарықтық қатынастарға байланысты экономикалық дамыған іскер адамдарды
тәрбиелеу.
Сабақтың типі: Аралас сабақ
Сабақтың әдісі: ой қозғау, сұрақ - жауап, түсіндіру.
Пәнаралық байланыс: Әдебиеттік оқу, дүниетану
Сабақтың көрнекілігі: Қиықшалар, тірек сызба, сурет, интериактивті тақта
Сабақтың барысы: 
1. Ұйымдастыру 1 мин
. Үлкенге де сіз,
Кішіге де сіз,
Сәлем бердік сіздерге,
Құрметпенен біз.
Оқушыларды төрт топқа бөлемін.
Математика сабағын хабарлау.
1-топ. 1 дегенім білім, білім жарық күнің..
2 дегенім еңбек, еңбек бәрін жеңбек.
3 дегенім үміт, үмітсіз жоқ жігіт.
4 дегенім талап, талмайтын қанат.
5 дегенім бірлік, бірліксіз жоқ тірлік.

2-топ. Өмірдегі заттардың,
Есептейміз бәрін біз.
4 амалды қолданған.
Математиак пәнімін.

3-топ. Математика толған тәртіп, мағына мен мән,
Математика толған тамаша заңдылық пен сән.
4-топ. Математика толып жатқан терең сыр,
Шетсіз, шексіз дариядай бейне бір.
2. Білімді тиянақтау
а) Кел, ойнайық! «Кім жылдам?»
ә) «Математикалық – білім бәйтерегін» құрастырамыз.Ол үшін мына
тапсырмаларды орындаймыз.
1. Көбейтудің ауыстырымдылық қасиеті дегеніміз не?
2. Тік төртбұрыштың ауданын қалай табамыз?
3. Тік төртбұрыштың периметрін қалай табамыз?
4. Кубтың көлемін қалай табуға болады?
3. Сабақтың мақсатымен таныстырып, ситуациялық (жағдаяттар) қараудан бастау
4 мин
1 - ситуация. Баяғыда бір қарақшы болыпты. Ол жолда байлар мен шаруалардың
қалаға апара жатқан азық - түліктерін ұрып - соғып тартып алып отырады.
Сөйтіп оның байлығы аса береді.
Сендер бұған қалай қарайсындар? 
Осындай жолмен баюды дұрыс деп ойлайсыңдарма?
2 – ситуация. Еңбексүйгіш атаның шалқаны үлкен болып өсіпті. Бұл енді
атасына да, әжесіне де, немересіне де тіпті сатуға да жетті. Атасы осыдан
бай бола бастады.
Бұл байлық қандай жолмен келді?
Екі жағдайды салыстыру.
№1 слайд
Еңбектің өзін тапқан
Байлықтың көзін табады.
4. Жаңа сабаққа даярлық 5мин
Ауызша есептеу.
Мына сандардың әрқайсысын 5-ке бөлінетіндей етіп қосылғыштарға жікте. 25,
40, 95, 60, 55.
5. Жаңа тақырыпты пысықтау 4мин
1-тапсырма
а) Өрнекті оқы: 32*5
1-қадам. Разрядтық қосылғыштарға жікте: 32 → (  + )
2-қадам. Көбейтіндіні жаз: (  + )*5
3-қадам. Әр көбейткішті 5-ке көбейт.
4-қадам. Көбейтінділердің мәндерін қос.
ә) Өрнекті оқы: 160:5
1-қадам. Қолайлы (5-ке бөлгенде бөлінді мәнінің ондықтары мен бірліктерін
анықтау мүмкін болатындай) қосылғыштарға жікте.
2-қадам. Бөліндіні жаз.
3-қадам. Әр қосылғышты 5-ке бөл.
4-қадам. Бөлінділердің мәндерін қос.
6. Алғашқы бекіту. 5мин
Оқулықпен жұмыс. 2-есеп.
- Барлық оқушы өз бетімен оқып шығады.
1 оқушыға оқыту.
Есепті талдау
- Есеп нелер туралы?
– Темір жол төсеушілері туралы.
- Олар не істеді?
- Неше күн жол төседі?
№ 2 слайд
1- күні – 60 км
2-күні - ? км, ↑ 27 км кем
3-күні - ? км 2 күнде төселген жолдың ⅓-гі
Шешуі: ( 60 – 27 + 60) : 3 = 31
Жауабы: 3- күнде 31 км жол төсед
№3 слайд
Шу каналы – 82 км
Шыршық каналы – 70 км
Лепсі каналы - ? км, 2 каналдың ұзындықтарынан 4 есе қысқа
Шешуі: (82 + 70) : 4 = 38
Жауабы: Лепсі каналы 38 км
7. Сергіту сәті.
8. 3- тапсырма. Түсіндіре отырып, шығар.
№4 слайд
42 * 5 95 * 2 35 * 4 75 * 6
210 : 5 190 : 2 140 : 4 450 : 6
9. 4- тапсырма. Периметрі 12 см болатын екі тік төртбұрыш сыз. Олардың
қабырғаларын қалай таңдап алдың? Осы берілгендер бойынша басқа да тік
төртбұрыш салуды орындауға бола ма?

10. Топпен жұмыс. 5-тапсырма
№5 слайд
І – топ. Дециметрмен өрнекте : 1/ 2 м , 1/10 м ;
ІІ – топ. Сантиметрмен өрнекте: 1/5 м, 1/10 м;
ІІІ – топ. 3 кесінді сыз: біріншісінің ұзындығы 6 см, бұл екінші
кесіндінің ұзындығының ½ -ін құрайды. Үшіншісінің ұзындығы екінші
кесіндінің ұзындығының 1/3 бөлігіндей.
№ 6 слайд
Өзіндік жұмыс
Үй тапсырмасы
6-тапсырманы орындау. Теңдеулерді шешу.
11. БИНГО Ұтыс Шығармашылық тапсырманы орындау.
12. Рефлексия.
13. Оқушыларды бағалау.