Сан есім

Тақырыбы: Сан есім. 1-6 жаттығулар.
Мақсаты:
1. Оқушыларға сан есім туралы түсінік беріп, сөйлем ішінен сан
есімді таба алуға үйрету;
2. Оқушылардың ақыл-ойын, байқағыштық қабілеттерін, каллиграфиясын
жетілдіру, сөздік қорын, күнделікті сөйлеу тілін дамыту;
3. Оқушыларды адамгершілікке, адалдыққа, өзара ынтымақтастыққа,
ұқыптылыққа тәрбиелеу.
Сабақтың көрнекіліктері:
Суреттер, нақыл сөздер жазылған плакат, семантикалық карта,
тірек сызбалар.
Сабақтың түрі:
Жаңа сабақ
Сабақтың барысы:
І. Ұйымдастыру кезеңі.
Психологиялық дайындық.
Оқу - білім бұлағы,
Білім - өмір шырағы.
ІІ. Өткенді еске түсіру.
1) Үйге берілген жаттығуларын оқыту, талдау.
7-жаттығу. Берілген сын есімдердің қарсы мәндес сыңарларын тауып жазу.
Терең - ......(таяз), ыстық -.......(суық), адал -........(арам), жұмсақ
-.......(қатты), жуан -........(жіңішке).
2) Ауызша.
Сын есім дегеніміз не?
Сұрақтары қандай?
Сын есімнің түрлері қандай?
3) Үй тапсырмасын қорытындылау. Плакат ілу.
түсі
сапасы
дәмі

түрі
пішіні

салмағы
көлемі

дара күрделі негізгі туынды қарсы мәндес

ІІІ. Жаңа сабақ.
- Міне, балалар, өткен тапсырманы еске түсірдік, өте жақсы.
- Балалар, бүгін нешінші наурыз? (Он үшінші)
- Нешінші сыныпта оқисыңдар? (төртінші)
- Сыныпта неше оқушы бар? (он алты)
- Әр партаға нешеуден отырамыз? (екі-екіден)
- Сыныпта неше терезе бар? (екеу)
- Дұрыс, балалар, осы сөздерге қандай сұрақтар қойлып отыр?
- Қанша? Неше? Нешінші? Нешеу?
- Ендеше, бүгінгі өтетін тақырыбымыз «Сан есім»
Тақтаға суреттер ілінеді. Оқушылар сөйлем құрастырады. Сұрақтар қояды.
Аққу өзінің төрт көгілдірімен су бетінде жүзіп барады. Тауық алты
балапан басып шығарды. Оқушылар екі-екіден бөлініп, ойын ойнап жатыр.
-Өте жақсы, сөйлем ішінен сан есімді тауып алдыңдар. Плакаттағы кестеге
көңіл бөлеміз.
|Сан есім |
|Сұрақтары|Мағынасына қарай |Құрамына қарай |
| |Реттік |Есептік |Жинақтық |Топтау |
|Қанша? | | | | |
|Неше? | | | | |
|Нешінші? | | | | |
|Нешеу? | | | | |
|Нешеден? | | | | |
|Қаншадан? | | | | |
|Реттік | | | | |
|Жинақтық | | | | |
|Есептік | | | | |
|Бөлшектік | | | | |

2) Ребус шешу
100 -ік, 100 -ім, 100 -дік.
3) Плакатпен жұмыс
Плакатта жазылған мақал-мәтелдерді толықтырып, тиісті сан есімді жазу.
. . . . күндік жолға шықсаң, - (бір)
. . . . күндік жол азық ал. - (үш)
. . . . болсаң, бір біріңмен кеңес, - (екеу)
. . . . болсаң, қабырғаңмен кеңес. - (біреу)
V. Үйге тапсырма:
5-жаттығу, ережені жатқа айту.
Сан есімдері бар мақал-мәтелдер жазып келу.
VІ. Бағалау. Мадақтау

Жамбыл облысы
Шу ауданы
Белбасар ауылы
Ш. Уәлиханов атындағы орта мектептің
бастауыш сынып мұғалімі:
Утарбаева
Күлайша Райымбекқызы.

-----------------------

Сын есімнің түрлері

Сын есім