Тақырып Қыс қызықтары

Тақырыбы: «Қыс қызықтары»

Мақсаты: Қыс мезгілінің өзіндік ерекшеліктері табиғат құбылыстарымен
таныстыру, оны сүюге тәрбиелеу.
Білімділік: Қыс мезгілі, қысқы ойындар, қысқы табиғат, қысқы көрініс жайлы
түсінік беру.
Дамытушылық: Қысқы ойын түрлерін атау,
жұмбақтар шешу арқылы тапсырмаларды орындау, қысқы табиғат көрінісіндегі
ерекшеліктерін ажырата білуге үйрету.

Тәрбиелік: Балалардың табиғатқа деген сүйіспеншілігін арттыру және
еңбекқорлыққа тәрбиелеу.
Әдіс-тәсілдері: кубизм әдісі, ойындар, сұрақ-жауап.
Көрнекіліктер: қыс қызықтары суреттері, қар, аққала, шырша, шырша
ойыншықтары.
Оқу іс-әрекетінің барысы:

І. Шаттық шеңбері
Балалар қолдарыңды жоғары көтеріп биікке қарап қолдарыңа өте үлкен үрлемелі
шар бар деп көз алдарыңа елестетіңдер. Шар жеп-жеңіл,мөп-мөлдір одан
ғажайып бір жылу сезіліп тұр. Оны қолымызға алып, жүрегімізге жақындатайық,
жеңіл ұстайық. Сендер жылулықты сездіңдерме ал енді осы жылулықты бір
бірімізге берейік.

[pic]

ІІ. Кубизм әдісі арқылы сұрақ-жауап алу.
1. Қазір жылдың қай мезгілі? Айларын ата?
2. Қыста ауа-райы қандай болады?
3. Қыс мезгілінде адамдар қандай киім киеді?
4. Қыста қандай ойындар ойнайды?
5. Қыс мезгілінде қандай мереке болады?

ІІІ. Триз әдісі бойынша жұмыс жасау. Балалар енді жұмбақ шешіп көрейікші.
Жұмбақ шешу:
- Қолы жоқ, сурет салады,
Тісі жоқ, тістеп алады. (аяз)
(майшаммен сиқырлы сурет салып, қарындашпен бояу және әңгімелеу)

[pic]

ІҮ. Жұмбақ шешу:
- Әуеде ақ мамық,
Қалбалақтап ұшады.
Қанаты талып, Жерді барып құшады. (қар)
Ойын: «Қарды қағып ал»
Ойынның шарты: Қарды қағып алған бала қыс туралы тақпақ, жұмбақ, өлең
айтулары тиіс.
Ү. Сергіту сәті:
. Қандай суық қыс деген?
. Қалтырайды құс деген.
. Құлақшынды кимесен,
. Қүлағыңды тістеген.
.
ҮІ. Жұмбақ шешу:
- Шелек қалпақ басында,
Сәбіз екен танауы.
Қыста қардан туатын,
Тауып көрші сен оны. (аққала)

Ойын: «Аққала құрастыру»
Ойынның шарты: Берілген қиындылардан аққаланы құрастырып шығу.

ҮІІ. Жұмбақ шешу:
- Тікен-тікен тік пісте,
Қысы, жазы бір түсте. (шырша)

Ойын: «Шыршаны безендіру»
Ойынның шарты: Тілек айтып шыршаға ойыншықтар ілу.

ҮІІІ.
Қорытынды. Балалар сендердің барлығың да өте жақсы жұмыс жасадыңдар.

Біз не үйрендік?
Сендерге ұнады ма? Кімге не ұнады?

Рахмет сендер өте тамаша балаларсыңдар менің сендерге азғантай сыйлығым
бар. Көңіл-күйіміз қандай? Тамаша!

Қыс мезгілі қандай? Тамаша!.

Ауа райы қандай? Тамаша!

Қысқы ойындар қандай? Тамаша.!

[pic]

Келген қонақтарымыз қандай? Тамаша!

Келгендеріңізге рахмет. Сау болыңыздар!