1 қыркүйек - Білім күні мерекесінің маңызын түсіндіру, сезіндіру

Мақсаты: 1 қыркүйек - Білім күні мерекесінің маңызын түсіндіру, сезіндіру.
Сахна мәдениетіне баулу.
Көңілді орта қалыптастыру.

Барлық балалар «Балдәурен» әнінің әуенімен түрлі-түсті шарлар ұстай көңілді
би билейді, би аяқталғанда шарларды қояды. Орындарына отырады.
Тәрбиеші: Құрметті тәрбиешілер, қонақтар, ата-аналар, аяулы тәрбиеленуші
балабақша бүлдіршіндері! Бүгінгі сағынышқа, шаттыққа толы «Білім күні»
мерекелеріңіз құтты болсын!
Туған жер төсін тербеткен
Өмірдің бейбт шағы бұл
Мінеки, достар, тағы бір
Өткізіп жазды дүбірмен
Құшағы толып гүлдермен
Білім нәрін алуға
Бақшаға келді балалар!
Аружан Ә.: Қандай керемет! Бүгін көңіл-күйім шарықтап тұр!
Нұрәділ: Себебі, бүгін мереке ғой..!
Ерасыл Қ.: Иә, иә! Бүгін - 1 қыркүйек, білім күні!
Аружан Қ.: Бәсе, бүгін оң көзім қайта-қайта тартқан еді...
Медина: Осылай әңгімелесіп тұра береміз бе? Балаларды шақырып, мерекені
бірге тойламаймыз ба?
Аружан Ә.: Кеттік онда! (Ортаға тақпақ айтатын басқа балалар ауысып тұрады)
Тәрбиеші: Сәлем, достар, балалар,
Жаңа білім күніңмен!
Білім күні – мереке
Ән салсам да әдемі.
Туған тілім – береке,
Сөз арнасам кәделі! – бүлдіршіндеріміздің жаңа білім
күніне арнаған өлең шумақтарына кезек берейік.
Аружан Қ.: Өмірдің бейбіт бағы бұл,
Асудан асып асқарлы
Мінекей, биыл тағы бір
Жаңа оқу жылы басталды.
Нұрәділ: Егемен елдің төсінде,
Шуағын шашқан арай күн
Азамат болып өсеміз
Қызыға әлем қарайтын.
Аружан Ә.: Бүкіл елде басталып бүгін жыры
Бақ қоңырау шақырар ұғымдын
Білім-ғылым бастауы мерекелі
Құтты болсын бүгінгі білім күні
Бағжан: Шайдай ашық бейбіт күннің аспаны
Ауламыздың келісіп тұр бар сәні
1 - қыркүйек - салтанатты мерекемен
Құттықтайды меңгеруші баршаны!
Тәрбиеші: Қымбатты, Гүлнар Авраровна, құрметті сөз кезегін өзіңізге
ұсынамыз! Құттықтау сөз
Медина: Мерекемізді апайларға арнап әсем әнмен жалғайық.
Риза етіп баршаны
Әсем әнге саламыз
Таудан биік талабы
Біз - сүйкімді баламыз!
Ән «Балабақша бағында»
(Көңілді музыкамен Күлдіргіштер бір бірімен сумен атылатын пистолетпен
атысып н-е майда түрлі-түсті доптармен ойнап келеді)
1 - Күлдіргіш: О! Мұнда балалар көп екен! Жақсы болды!
2 - Күлдіргіш: Келіңдер, балалар, қызы - ы - ық ойын ойнайық!
1 - Күлдіргіш: Неге сонша сықиып киініп алғансыңдар?......
Медина: Бүгін – білім күні ғой! Үлкен мереке!
Нұрәділ: Біз енді ойынды азайтамыз, көбірек оқитын боламыз.
2 - Күлдіргіш: Солай деңдер?! Ал, көп оқып миды ашытып керегі не?
Тәрбиеші: Жоқ, Күлдіргіштер, көп оқығаннан миымыз ашымайды, керісінше, біз
білімді болып шығамыз. Қараңдаршы өздерің, ортаға...
Арлан: Корабльді басқарып
Көк жүзіне самғатар
Тауды бұзып, тас жарып
Мұхиттарды жалғатар
Ескендір: Сырлары көп ғылымның
Шешілмеген әлі де
Тереңдігі білімнің
Керек екен бәріне!
Елдос: Білім - менің ертеңім
Өсу үшін өркенім
Жүзем оқу-айдында
Жайып білім желкенін
Ерасыл Ж.: Қиындықтан өтуге
Армандарға жетуге
Білім алам ерінбей
Еліме қызмет етуге!
1 - Күлдіргіш: Керемет! Онда біз басқа да Күлдіргіш достарымызды шақырып
сендерге мереке құрметіне би билеп берейік, шашуымыз болсын!
Би «Крокодил»
(Әсем әуен ойналып «Бақыт құсы» ұшып келеді)
Бақыт құсы: Сәлем, баршаңызға! Мен - Бақыт құсымын. Қариясы сыйлы, балалары
бақытты Қазақстан дейтін байтақ елді мекен етемін. Мәңгілік ел халқының
мерекеге арнаған лебіздерін мына сиқырлы шарға жинап жүрмін. Лебіздерге
толған сиқырлы шар еліміздің көгінде барша Қазақстандықтарға нұрлы шуағын
шашып тұратын болады. Қане, елімізге тілектер тілейік...
Ескендір: - Мереке құтты болсын!
Аружан Ә.: - Еліміз өркендей берсін!
Ерасыл Ж.: Еліміз тыныш болсын!
Елдос: - Білімділер көп болсын!
Гауһар: - Бейбітшілік күні жарқырай берсін!
Бағжан: - Тәуелсіздігіміз баянды болсын!
Муслим: - Мәңгілік ел болайық! т. б.
Бақыт құсы: Көп рахмет, сендерге, балалар! Мереке мерекеге ұласа берсін!
Сау болыңдар!
Балалар: Сау болыңыз!
Тәрбиеші: Бақшаға сен де келесің,
Баураған бар ұлт баласын.
Тәртіппен алсаң білімін,
Өмірден жол табасың, - дей отырып, тағы да балалардың
өлеңдеріне кезек берейік.
Муслим: Балабақша есігін
Үшке тола ашқанбыз
Балапандай мәпелеп
Өсіруде бақшамыз
Ерасыл Қ.: Бұл - екінші үйіміз,
Бір туғанбыз бәріміз.
Біз - осы үйдің гүліміз
Біз - осы үйдің сәніміз.
Гауһар: Шырылдаған тыным алмай
Қоңыраудың үні қандай!
Мақсатына жете ме адам
Оқу оқып, білім алмай?!
Тәрбиеші: Думандатып бақшада
Қызықты той бастайық
Келіңдер енді бірігіп
Ойын да ойнап тастайық, - деп ойынмен мерекемізді
жалғастырайық.
Ойын: «Пішіндер құрау»
Тәрбиеші:Биіктерге бастайтын асқаралы
Әр жүректің сүйікті асқақ әні
Мерекеде бәріміз бір дауыспен
Шырқайық бақшамызға арнап әсем әнді
Ән: «Балдырғандар жыры»
Тәрбиеші: Ғылымның көп тас қамалы
Ғалымдық та асқаралы
Бар білімнің нұр бастауы –
Балабақшадан басталады.
Мереке тағы да құтты болсын! Қоңырау үнімен жаңа оқу
жылының алғашқы оқу іс-әрекетін бастау үшін тобымызға асығайық. Шаршамай-
талмай білім теңізіне сүңгиік! Биіктерді бағындырудан жалықпайық! – деп
әуен ырғағымен балалар топтарына қайтады...