Жай бөлшектерді ең кіші ортақ бөлімге келтіру: 5-сынып практикалық сабағы

Күні : Математика 5 «Ә» сынып

Сабақтың тақырыбы: Жай бөлшектерді ең кіші ортақ бөлімге келтіру

Сабақтың мақсаты:

а) Білімділік: Жай бөлшектің негізгі қасиеттерін қайталай отырып, жай бөлшектерді ең кіші ортақ бөлімге келтіруді уйрету, есептер шығарту

ә) Дамытушылық: Тақырыпты меңгеру барысында әр түрлі ойын элементі бар есептерді шығару арқылы қабілеті мен бейімділігін дамыта түсу, ептілікке үйрету.

б) Тәрбиелілік: Оқушыларды ұқыптылыққа, сауаттылыққа, өз бетінше ізденуге, есеп шығаруға талаптануға дағдыландыру.

Сабақтың түрі: Ойын элементі бар практикалық сабақ

Көрнекі құралдар: Үлестірмелі карточкалар, плакаттар.

Сабақтың барысы:

І. Ұйымдастыру:

а) оқушыларды түгендеу

б) сыныптың ішкі тәртібін қадағалау

ІІ. Үй тапсырмасын тексеру:

а) өткен тақырыптар бойынша қайталау сұрақтары

1. Бөлшекті қысқарту дегеніміз?

2. Дұрыс бөлшек деп қандай бөлшектерді айтады?

3. Бұрыс бөлшек деп қандай бөлшектерді айтады?

4. Қандай сан берілген бөлшектерге ортақ бөлім бола алады?

5. Толықтауыш көбейткіш деп қандай санды айтады?

б) үйге берілген есепті тексеру мақсатында дәптерлерін жинап алу: №524, №527

ІІ. Жаңа тақырыпты түсіндіру:

1 Мысал: 1/8, 5/6 бөлшектерін ең кіші ортақ бөлімге келтіру керек.
2 Мысал: 7/4, 3/4, 5/14 бөлшектерін ортақ бөлімге келтіру керек.
3 Мысал: Аралас сан берілсе, олардың бөлшек бөліктерін ортақ бөлімге келтіреміз.
Бөлшектерді ең кіші ортақ бөлімге келтіру үшін:
1) берілген бөлшектердің бөлімдерінің ең кіші ортақ еселігін, яғни ең кіші ортақ бөлімін табу керек;
2) бөлшектердің әрқайсысы үшін толықтауыш көбейткішті табу керек;
3) әрбір бөлшектің алымы мен бөлімін сол бөлшектердің толықтауыш көбейткішіне көбейту керек.
Бөлшекті жаңа ортақ бөлімге келтіру үшін оның алымын да, бөлімін де көбейтетін сан толықтауыш көбейткіш деп аталады.