Сабақ үрдісінде Блум таксономиясы арқылы оқыту үшін бағалау мен оқудағы бағалауды тиімді ұйымдастыру

«Сабақ үрдісінде Блум таксономиясы арқылы
оқыту үшін бағалау мен оқудағы бағалауды тиімді ұйымдастыру»
тақырыбы бойынша
қысқа мерзімді коучинг жоспары
|17.11.2015ж. |3 - апта |1-сабақ |
| | |2-күн |
|Сабақ тақырыбы: | Сабақ үрдісінде Блум таксономиясы арқылы оқыту үшін |
| |бағалау мен оқудағы бағалауды тиімді ұйымдастыру |
|Жалпы мақсат: |Әріптестердің сабақ үрдісінде оқыту үшін бағалау мен |
| |оқудағы бағалауды іс-тәжірибелерінде тиімді |
| |қолдануларына ықпал жасау; Өзара бағалауға үйрету. |
|Сілтеме: |Мұғалімдерге арналған нұсқаулық. 109-114-б |
| |Үлестірмелі нұсқаулық |
| Оқу нәтижесі |Бағалау түрлерін өзара, жұптық және топтық бағалауда |
| |ұтымды ұйымдастыра біледі және тәжірибелерінде қолданады.|
|Түйінді идеялар:|Бағалау жолдарын тиімді жүргізу арқылы табысты оқытуға |
| |қол жеткізу. |
|Сабақта | А- 4 парақтары,стикер, смайликтер, интерактивті |
|қолданылатын |тақта,флипчарт, маркер, қалам. |
|материалдар: | |
|Оқыту әдістері: |1.Оқыту мен оқудағы жаңа |1. Диалог |
| |әдістер |2. Жеке жұмыс |
| |2. Оқыту мен оқытудағы АКТ |3. Топтық жұмыс |
| |3. Сын тұрғысынан ойлауға | |
| |үйрету | |
|Дерек көздері: |Әдеби материалдар, газет-журналдар. |
|Тапсырмалар: |Сұрақ- жауап, ДЖИГСО, жинақтау және қолдану, көзбен |
| |көретін айғақтар негізінде ой тұжырымдау. |
|Оқуға арналған |Топтарда жұмыс істеу жөніндегі нұсқаулық |
|тапсырма: | |
| |Мұғалімге арналған нұсқаулық. |

Сабақ бойынша коуч пен мұғалімдердің іс-әрекеті:

|І.Мұғалімдерге |Коучтың іс-әрекеті |Мұғалімдердің іс-әрекеті |
|психологиялық ахуал | | |
|туғызу | | |
|(10 мин) | | |
| | | |
|(2 мин) |Қатысушыларды қарсы |Шеңбер бойымен қасында |
| |алады. Шеңбер бойына |тұрған әріптесінің үш |
|«Комплимент айдары» |тұрғызып, маңыздылығын |жақсы қасиетін тізіп айту|
| |түсіндіреді. Күнделікті |арқылы жақсы орта |
|(8 мин) |күйбің тірлікпен жүріп |қалыптастырады. |
| |бір-біріміздің жақсы | |
| |қасиеттерімізді айтып, | |
| |бір-біріміздің | |
| |мәртебемізді көтеруге | |
| |уақыт таппай жатамыз. | |
| |Ендеше дәл қазіргі сәт | |
| |сол олқылықтың орнын | |
| |толтыруға арналғандай. | |
| |Шеңбер бойымен қасымызда | |
| |тұрған әріптесіміздің үш | |
| |жақсы қасиетін тізіп | |
| |шығайықшы. | |
|Топқа бөлу |Бір адамды сыртқа |Топқа бөлінеді, көңілді, |
|(3 мин) |шығарамыз, осы кезде топ |жұмысқа белсенді орта |
| |қандай белгілерге қарап |қалыптасады. |
| |бөлінетінін келісіп алады| |
| |да екі топқа | |
| |бөлінеді.(мысалы шашы | |
| |ұзындар және қысқалар | |
| |немесе аяқ киімінде жібі | |
| |барлар және жоқтар). | |
| |Кірген адамның тапсырмасы| |
| |– қандай белгі бойынша | |
| |топ екіге бөлінгенін | |
| |табу. | |
|І тапсырма |Берілген теориялық |Теоиялық мәтінді игере |
|(22 мин) |мәтінмен жұмыс. Постер |отырып, талдайды. Блум |
|ДЖИГСО әдісі |әзірлеу. |таксономиясы бойынша |
| |«Блум таксономиясы |түсініктері кеңейеді. |
| |арқылы |Мәтінді өзгеге үйрете |
| |оқыту үшін бағалау мен |отырып, өздері меңгереді.|
| |оқудағы бағалауды тиімді| |
| |ұйымдастыру». | |
| |1-топ. Білу, түсіну, | |
| |қолдану кезеңдері. | |
| |2-топ. Талдау, жинақтау, | |
| |бағалау кезеңдері. | |
|ІІ тапсырма |«Ертегілер туралы | Топтар бір–бірін |
|Көзбен көретін |түсінік» тақырыбы бойынша|бағалайды. |
|айғақтар негізінде ой|тапсырма түрлері |Сіздерге неліктен бұндай |
|тұжырымдау. |ұсынылады, сол |баға қойылғаны түсінікті |
|15 минут |тапсырмаларды Блум |ме? Сіздере қойылды... |
| |таксономиясына салады |Неге? Сіздер баға қою |
| |және бағалау |кезінде неге көңіл |
| |критерийлерін әзірлеуге |аудардыңыз? Жұмысты |
| |тапсырма беру. |бағалау қиын болды ма? |
| | |Сіздердің бағалауларыңыз |
| | |қандай аспектілерді |
| | |қамтиды? |
|ІІІ тапсырма |Білімді тәжірибеден | |
|Топтық жұмыс |өткізу. |Бағалау. |
|(15 минут) |Көрініс. |Екі жұлдыз бір тілек |
| |1-топ. Шалқан ертегісі | |
| |2-топ. Бауырсақ ертегісі | |
|ІV Ақпарлама | Блум таксономиясы туралы|Блум таксономиясы және |
|(10мин) |және бағалау түрлері |бағалау түрлері туралы |
| |бойынша Power point |мәліметпен танысады. |
| |арқылы қысқаша мәлімет | |
| |беру. | |
|VІІ Рефлексия |Ұсыныс және пікір |Коучинг бойынша |
|(5 мин) | |ұсыныс-пікірлерін |
| | |білдіреді. |

«Сабақ үрдісінде Блум таксономиясы арқылы
оқыту үшін бағалау мен оқудағы бағалауды тиімді ұйымдастыру»
тақырыбында өткізілген коучинг-сессия бойынша
рефлексивтік есеп
Әріптестерім коучинг-сессияға жиналыстан кейін шаршаңқырап, сәл
көңілсіздеу енді. Сондықтан бірінші кезекте көңілдерін көтеру, жайлы орта
қалыптастыру басты мақсатым болды. Әріптестерімді көңілді әуеннің желісімен
жылы қарсы алып, шеңбер бойымен тұруларын өтіндім.
Комплимент айдарында «Күнделікті күйбің тірлікпен жүріп бір-біріміздің
жақсы қасиеттерімізді айтып, бір-біріміздің мәртебемізді көтеруге уақыт
таппай жататынымыз анық. Ендеше дәл қазіргі сәт сол олқылықтың орнын
толтыруға арналғандай. Осы шеңбер бойымен қасымызда тұрған әріптесіміздің
үш жақсы қасиетін айтып, шынайы түрде мәртебесін көтерейікші» дегенімде
әріптестерім жайдарыланып, еш іркілместен «Жақсының жақсылығын айт, нұры
тасысын» дегендей жақсы қасиеттерін айту арқылы күліп, көңілденіп, жайлы
ортаны бірден қалыптастырып жібергендей болды.
Топқа бөлу кезеңінде орталарыңыздан бір адамды сыртқа шығарамыз, осы
сәтте Сіздер қандай да бір белгілерге қарап, келісе отырып, екі топқа
бөлінесіздер. Кірген адамның тапсырмасы – қандай белгі бойынша топ екіге
бөлінгенін табу. Қатысушы әріптестердің келісімімен Б.Қ-ны сыртқа шығардық.
Топ шашы ұзындар және шашы қысқалар болып екіге бөліне қалды.
Б.Қ-ны кіргізіп, топқа қандай ерекшелікпен бөлінгенін сұрағанымызда:
30-жасқа дейін және 30-жастан асқандар деп жауап беруі күтпеген сәйкестік
болып шыға келді. Бәріміз бұл сәйкестікпен келісетінімізді білдіріп, тағы
да қандай ерекшелік байқап тұрсыз дегенімізде, сәл ойланып қарап тұрып,
ааааа шашы ұзындар және шашы қысқалар деп ұтқырлық танытты. Шынымен көз
жүгіртіп қарасам, 30-жасқа дейінгілер – шашы ұзындар қатарына, 30-жастан
асқандар-шашы қысқалар тобына жатады екен.
Келесі кезең: Берілген теориялық мәтінмен жұмыс. Постер әзірлеу болды.
ДЖИГСО әдісі бойынша:
1-топ. Білу, түсіну, қолдану кезеңдері.
2-топ. Талдау, жинақтау, бағалау кезеңдері.
[pic] [pic]
Әріптестер бұл тапсырмада теориялық мәтінді игере отырып, талдау
жасады.Топтың барлық мүшелері белсене ат салысты. Блум таксономиясы бойынша
түсініктері кеңейді. Мәтінді өзгеге үйрете отырып, өздері меңгерді.
Алған білімдерін қолдану дағдыларын қалыптастыру мақсатында «Көзбен
көретін айғақтар негізінде ой тұжырымдау» стратегиясы арқылы «Ертегілер
туралы түсінік» тақырыбы бойынша қиынды тапсырма түрлері ұсынылды, сол
тапсырмаларды Блум таксономиясына салуға және әрбір тапсырмаға бағалау
критерийлерін әзірлеуге тапсырма берілді.
[pic] [pic]

Бұл тапсырманы орындауды «Шаш үлгісі қысқалар» тобы алғырлық танытты.
Әсіресе топ мүшелері Ж.Е., Қ.М. белсене орындап, ой ерекшеліктерін, жылдам
шешім қабылдау мүмкіндіктерін көрсетті.
Топтарды бір–бірі бағалауға шақырдым. Сіздерге неліктен бұндай баға
қойылғаны түсінікті ме? Сіздерге қойылды... Неге? Сіздер баға қою кезінде
неге көңіл аудардыңыз? Жұмысты бағалау қиын болды ма? Сіздердің
бағалауларыңыз қандай аспектілерді қамтиды? - сұрақтарына жауап беруде
А.А., және К.С. қиналып, бағалауда тек тапсырманың сауатты орындалғанына
қарадық десе, А.Б. және Қ.Р. алғырлықтарын, жылдам шешу қабылдау
ерекшеліктерін, ойларын жеткізу мүмкіндіктерін де ескергендіктерін айтып
өтті.
Білімді тәжірибеден өткізу мақсатында көрініс көрсетуге, білімді
шығармашылық тұрғыда қолдана білуге шақырдым.
1-топ. Шалқан ертегісі.
2-топ. Бауырсақ ертегісі.
Екі топта белсене қатысты. Міне, керемет. Әріптестер нағыз әртістер. Қыран
топан күлкіге де кенелдік.
[pic] [pic]

Әрқайсысы бала күндерін естеріне алып, өз рөлдеріне еркін енді. Топтар
бір-бірін «екі жұлдыз, бір тілек» әдісі арқылы бағалап, оқушыларға да
осындай тапсырмалар қызықты ғой деп ой түйді.
Келесі кезекте Блум таксономиясы туралы және бағалау түрлері бойынша
Power point арқылы қысқаша мәлімет беріп өтуім бүгінгі алған білімдерін
нақтылауға, жинақтауға көмектесті.
Коучинг – сессия бойынша әріптестерім өз ойларын стикер қағаздарына
жазып, ұсыныс-тілектерін, жақсы пікірлерін білдірді. Үйренген әдіс-
тәсілдерін сабақтарында қолданатындықтарын, коучинг-сессияның тиімді
болғандықтарын атап өтті.
Жалпы, коучтік қызметімді атқарған кезден бастап, коуч ретінде кәсіби
тұрғыда дами бастағанымды сезе бастаған коучинг болды. Уақытты сәл ғана
ұтымды басқара алмау сияқты аздаған кемшіліктер кеткен де болар, дегенмен
әріптестерімнің коучинг сессия соңындағы жарқын жүздері кочингтің
әріптестеріме шынайы ұнағандығын білдіргендей болды.