Чаттар, Форумдар, ICQ, E-mail электронды поштасы

А.Б.Абдираманова
Информатика пән оқытушысы
ОҚО, Түркістан қаласы, С.Қожанов №42
Түркістан медицина колледжі

Сабақтың тақырыбы: Чаттар, Форумдар, ICQ, E-mail электронды поштасы
Сабақтың түрі: Дәстүрлі емес online (пресс-конференция)

Уақыты: 180 мин
Курсы: III
Тобы: СД-301
Өтілетін орны: I ғимарат 315 компьютерлік технология кабинеті
Сабақтың педагогикалық мақсаты:
• Ақпараттық технологияны қолдану арқылы білім берудің сапасын арттыру;
• Интерактивті технология әдісі мен электронды оқулықты қолданудың
маңыздылығын көрсету;
• Студенттердің өз беттерінше іздену жұмыстары арқылы кәсіптік
шеберліктерін жетілдіруге, ғылыми көзқарасын қалыптастыруға ықпал ету;
• Заман талабына сай студенттерді әлеуметтік желілерді қолдануды және
жаңа бағдарламалармен жұмыс жасауды үйрету;
• Интерактивті тақтаны қолдану арқылы студенттердің белсенділігі мен
қызығушылығын арттыру;
• Ақпараттық ізденіс қабілетін дамыту;
• Пәнаралық және пәнішілік байланысты тереңдету;
• Мамандығына деген қызығушылығын ояту.

Сабақтың мақсаты:
Білімділік: Студенттерді әлеуметтік желелермен жұмыс жасауын және соның
ішіндегі чаттар, форумдар, ICQ бағдарламаларымен және электронды поштамен
қалай жұмыс жасау керек екендігіне білімдерін қалыптастыру, студенттерді
білімнен хабардар етіп қана қоймай, тың мәліметтер беріп, интернеттен
ақпарат іздеу барысында интернетті дұрыс қолдануға үйрету.
Дамытушылық: Интернетті қолдану барысында чаттар құру және форумдармен
жұмыс жасау жолдарына түсінік бере отырып, ой-өрісін дамыту, пәнге деген
қызығушылығын арттыру. Тапсырмаларды орындата отырып, таным қабілетін,
зейінін, белсенділіктерін арттыру.
Тәрбиелік: Өз бетімен жұмыс жасауға, жинақтылыққа, ұқыптылыққа тәрбиелеу.
Студенттерді жан-жақты болуға, компьютерлік сауаттылыққа,
іздемпаздыққа тәрбиелеу.

Студент білуі керек:
□ Әлемдік ақпараттық кеңістікке ену жағдайында компьютерлік желі
технологиясын;
□ Интернет мүмкіншіліктерін пайдалану;
□ Құжаттарды көшіріп сақтау;
□ Желіні дұрыс пайдалану әдістерін;
□ Чатта өзге қатынаушылармен тілдесу;
□ Форумда қатынас жасау;
□ ICQ бағдарламасын меңгеру.
Студент істей алуы керек:
□ Интернет желісін іске қосуды;
□ IP-адрестермен жұмыс жасауды;
□ Ақпарат алмасуды, ақпараттарды сақтауды, көшіріп баспаға басып
шығаруды;
□ Интернет беттерінен қажетті бағдарламаларды іздеу, көшіру және
орнату;
□ ICQ бағдараламсының қызметтерімен жұмыс жасауды;
□ Чаттар мен Форум ашып, бір-бірімен қатынас жасауды;
□ E-mail электронды пошта ашып, мәлімет алмасуды, (қабылдап алу,
көшіру, өшіру);
□ Қашықтықтан оқытуды пайдалану;
□ Медиафайл алмасуды, бейнеқоңырау шалуды.

Сабақ барысында қолданылатын педагогикалық технологиялар: Интерактивті,
дамыта оқыту, ойын, ақпараттық, сын тұрғысынан ойлау, бақылау, бағалау,
қашықтықтан оқыту.
Белгіленген технологияны іске асыру әдістері:
Сабақтың әдісі – компьютерде жұмыс істеу, бейне таспадан үзінді көрсету,
жаңа бағдарлама орнату, көрнекілік құралдарды қолдану, өзіндік іздену,
сұрыптау, сараптау, өзін-өзі бақылау, даралап оқыту.

Пәнішілік байланыстар:
- Желі туралы жалпы мағлұмат (тарихы),
- Аппараттық және программалық жабдықтарды қолдану,
- Интернет-ғаламдық компьютерлік желі,
- ІР –адресі.
Пәндер аралық байланыстар:
Қамтылатын пәндер
Терапия, тіс хирургиясы және бет жақ травмотологиясы, стоматология.
Қамтитын пәндер
Орыс тілі, ағылшын тілі, іскерлік қазақ тілі.

Сабақтың жабдықталуы:
Көрнекті құралдар:
Интерактивті тақта, слайдтар, электронды оқу құралы, бейне ролик.
Үлестірме материалдар:
Компьютерде орындалатын тапсырмалар, планшетте орындалатын
тапсырмалар, интернет арқылы орындалатын тапсырмалар, жұмыс дәптері.
Техникалық оқу құралдары:
Компьютер, планшет, интерактивті тақта, CD, DVD дискілер.

Сабақ барысында қолданылатын оқу-әдістемелік құралдар:
Қолданылған негізгі әдебиеттер
1. Білімді ақпараттандыру және оқыту мәселелері Е. Ы. Бидайбеков, В.В.
Гриншкун, Г.Б. Камалова, Д.Н. Исабаева, Б.Ғ. Бостанов Оқулық Алматы, 2014 ж
2. Информатика: Жалпы білім беретін мектептің қоғамдық –гуманитарлық
бағыттың 10 сыныбына арналған оқулық Сапарғалиева Б.Қ, Масалимова Н.Е,
Тезекбаева Г.А Астана: «Арман-ПВ» баспасы, 2014 ж
3. Е.Қ. Балапанов, Б. Бөрібаев. «Жаңа информациялық технологиялар:
информатикадан 30 сабақ» Алматы 2001 ж. 333-380 беттер
Қосымша әдебиеттер
Оқу құралы / Қазақстан Республикасының ақпараттық теңсіздікті
төмендету бағдарламасы бойынша халақты компьютерлік сауаттылыққа оқыту
жөніндегі оқу-әдістемелік құрал // К.Б. Есекеев, Г.Қ. Нұрғалиева Алматы,
ҰАО АҚ, 100-128 беттер. //

WEB сайттар тізімі
www. YouTube .ru, www. Mail.ru, www. Google .ru, www. Ustaz .kz

Сабақтың барысы:
1. Ұйымдастыру кезеңі 2 минут - Студенттерді түгелдеу, аудитория
тазалығына, студенттердің сырт келбетіне көңіл бөліп, студенттердің зейінін
сабаққа аудару.
2. Сабақтың мақсаты мен жоспарын хабарлап, тақырыпқа мотивациялық сипаттама
беру 3-5 мин – Тақырыпқа мотивациялық, сипаттама беру. Студенттерді
сабақтың жоспарымен және бағалау критерийлерімен таныстыру.

Студенттерді бағалау критериімен таныстыру:
| | |Пресс- |Элек |Тәжірибелік білімді |Қорыт|
|№ |Аты жөні |конферен |трон |пысықтап бағалау |ынды |
| | |ция отыр |ды оқу | |баға |
| | |ысын өткізу|лық бой| | |
| | |арқылы, |ынша | | |
| | |компания |тест | | |
| | |өкілдері |алу | | |
| | |нің теория | | | |
| | |лық білімін| | | |
| | |бағалау | | | |
| | | | |Тапсырмалар | |
| | | |
|1 |Ұйымдастыру кезеңі (аудитория тазалығын, сабақтың |2 мин |
| |жабдықталуын, студенттердің сабаққа қатысуын тексеріп, | |
| |журнал толтыру) | |
|2 |Сабақтың мақсаты мен жоспарын хабарлап, тақырыпқа |3 мин |
| |мотивациялық сипаттама беру | |
|3 |Студенттердің теориялық білім денгейін бақылау (пресс- |20 мин |
| |конференция отырысын жасау арқылы) | |
|4 |Электронды оқулықтан тест тапсырмасын орындату арқылы |10 мин |
| |студенттердің теориялық білімін бақылау. | |
|5 |Баға қою және түсінік беру |3 мин |
|6 |Тәжірибелік жұмысты ұйымдастыру, орындалу техникасын |15 мин |
| |түсіндіру және демонстрациялау (бейнеролик көрсету) | |
|7 |Студенттердің өзіндік жұмысына әдістемелік бағдар беру |3 мин |
|8 |Тәжірибелік тапсырмаларды орындау. Студенттердің өзіндік |90 мин |
| |жұмысын ұйымдастыру | |
|9 |СӨЖ-ді бағалап, сабақты қорытындылау |10 мин |
|10 |Үйге тапсырма беру |4 мин |

3. Студенттердің теориялық білім денгейін бақылау (пресс- конференция
отырысын жасау арқылы) 20 мин

4. Электронды оқулықтан тест тапсырмасын орындату арқылы студенттердің
білімін бағалау-10 мин

5. Баға қою және түсінік беру 3 мин – Үй тапсырмасы бойынша және тақырыпқа
сай, өткізілген пресс-конфернция отырысы және тест жинағы бойынша алған
теориялық білімдерін бағалау.

6. Тәжірибелік жұмысты ұйымдастыру, орындалу техникасын түсіндіру,
демонстрациялау 15 мин - / интерактивті тақтадан слайдтарды көрсете отырып,
тәжірибелік сабақты түсіндіру /
Өткен теориялық сабақтарда біз Интернет желісінің мүмкіндіктерін
қарастырдық. Internet миллиондаған компьютерлерді бір алып желіге
біріктіретін, ақпаратқа шексіз қол жеткізу және түрлі амалдармен қатынас
жасау мүмкіндігін ұсынатын дүние жүзіндегі ең үлкен және ең танымал желі.
Біз интернет желісі арқылы қазіргі заманауи емдеу, ота жасау тәсілдерін,
медициналық апараттарды пайдалану тәсілдерін біліп, көре аламыз. Мысалы
сіздер өз мамандықтарыңызға байланысты стоматологиялық құрылғыларға
интернет желісі арқылы тапсырыс бере аласыздар. Сонымен қатар басқа шет
мемлекеттердің емдеу тәсілдерімен тәжірибе алмаса аласыздар. Ал бізідң
бүгінгі тақырыбымыз интернет желісінің тағы бір мүмкіндігі Чаттар,
Форумдар, ICQ, E-mail электронды поштасымен тереңірек танысып жұмыс
жүргізуді үйрену.
Чат (chat) сөзі ағылшын тілінде сөйлесу дегенді білдіреді. Internet
желісіндегі Чат –бұл Сізге желінің өзге қатынаушыларымен шынайы уақыт
режімінде тілдесуге мүмкіндік беретін қызмет болып табылады. Тілдескісі
келетін әрбір адамның өз есімі, болуы қажет (ағылш. nickname), есім латын
не орыс әріптерінен құралуы тиіс.
Форум - бұл сайтта қатынас жасау құралы. Форумдағы хабарламалар пошта
хабарламаларына ұқсайды, олардың әрқайсысының авторы, тақырыбы және мазмұны
бар.
Форумның негізгі міндеті –ондағы хабарламалар тредтерге (ағылш. thread-
“жіп”) деп аталады. Яғни форум тредтерден құралған. Форумға жіберілген
хабарламалар өте ұзақ уақыт сақталуы мүмкін
ICQ қызметі – бұл Internet желісінде адамдардың тегін қарым-қатынас
жасауы үшін тегін таралатын бағдарлама. ICQ (ағылш. I Seek You- Мен сені
іздеп жүрмін) бүкіл дүние жүзіндегі адамдармен қарым –қатынас жасаудың ең
оңай тәсілі болып табылады.
Электронды пошта немесе e-mail, - Интернеттің недәуір жиі қолданылатын
мүмкіндіктерінің бірі. Электронды хаттарды жөнелтіп, қабылдап алу үшін,
электронды поштаның тіркеулік жазбасы қажет. Жазбаны жасауға мүмкіндік
беретін веб-сайттар қызметіне жүгінуге болады,мысалы: http: // mail.ru,
http: // mail.kz, http: // mail.hotmail және т.б
7. Студенттердің өзіндік жұмысына әдістемелік бағдар беру және бейнеролик
көрсету 3 мин - /компьютермен жұмыс жасамас бұрын, қауіпсіздік ережесін
еске түсіру/

8. Тәжірибелік тапсырмаларды орындау. Студенттердің өзіндік жұмысын
ұйымдастыру 90 мин
а/ Студенттердің орындайтын ситуациялық сұрақтар-
1. Сіздің қабылдауыңызға 20 жасар науқас келді. Науқас тісінің қатты ауырып
жатқанына, бетінің ісіп кеткеніне шағымданып келді.
Бұл кезде сіздің іс әрекетіңіз және науқасты қандай әдіспен тексересіздер.

2. Науқас 12 жаста тіс хирургының қабылдауына тісін жұлдыруға келді.
Қарап тексергенде 13 -тіс тіс қатарынан шығып тұр. Науқаста прогениялық
тістем. Бұндай кезде сіздің іс әрекетіңіз. Осы тіс, жұлына ма жұлынбай ма.
Өз жауаптарыңызды жазсаңыздар.
/Енді біз осы қойылған сұрақтарымыздың нақты жауабын видеоқоңырау арқылы
байланысқа шығып толық білетін боламыз. Мақсұт ағай сіз балдардың жауабын
қараған шығарсыз, оларға маман ретінде қандай баға бересіз.
Екі жақты байланыс орнату үшін дәрігердің сіздерге, сіздердің дәрігерге
қоятын сұрақтарыңыз болса сұхбатты бастайық. Видеоқоңыраумен байланысқан
шыққан сұрақ-жауаптарыңыз да бағаланады./
/ICQ бағдарламасы бойынша студенттердің өзіндік жұмысын бағалау/

б/ Студенттердің жұмыс дәптерін пайдалана отырып, компьютерде орындайтын
тапсырмалары.

/ Жалпы әлеуметтік желілердің бір –бірінен айырмашылығын білдік, соның
ішіндегі ICQ бағдарламасын қолданып көрдік, бұл бағдарламаның ерекшелігі -
ол жерде біз бір-бірімізбен чаттар жасадық, форум құрдық, видеоқоңыраумен
байланыс жасадық Ал енді ICQ бағдарламасынан шығып, планшеттермен
жұмысымызды аяқтаймыз.
Кішкене шаршаған боларсыздар, бойымызды жазып сергітіп жаттығу жасап
алайық.
/ серігу сәті: біз шаршадық, серігу үшін бейнекөріністі көре отырып
жаттығу жасайық. Жаттығу жасап болсақ/
Ендігі біздің орындайтын тапсырмамыз компьютерде орындалады. Ол үшін
инертенке кіреміз, Mail.ru –да электронды пошта құру, www.mail.ru сайтына
кіріп, әр студент өзіне электронды пошта ашып, тіркелуі тиіс. Бұл
тапсырманы сіздер менімен бірге орындайсыздар. Ол келесі әрекеттерді
орындау арқылы іске асады./

/ Ал енді мен сіздердің осы тапсырманы қалай меңгергендеріңізді білу үшін,
барлығымыз поштамызды жабамыз. Қайта ашып маған көрсетесіздер. Өткен
сабақта сіздерге интернеттен тақырыпқа байланысты қосымша материалдар
әкелу берілген болатын. Сол материалдарыңызды менің электронды поштама
жіберіңіздер. Менің электронды поштамының адресі raulan.03@mail.ru Ал енді
осы адрестен келген хатты ашыңыздар. Бұл сіздерге жіберілген тосын сый. Бұл
әрекеттеріңіз бағаланады.
Ал енді бұл тапсырманы да орындап шықтыңыздар, келесі орындалатын
тапсырмамыз электронды оқулықпен байланысты. /
в/ Компьютерде электронды оқулықтан тапсырмалар орындау:
Электронды оқулықтан тапсырмалар орындайды.

9. СӨЖ–ді бағалап, сабақты қорытындылау 10 мин
/ Студенттердің алған білімін интерактивті тақтада арнайы дайындалған
кестені ашып көрсете отырып қорытындылау/.
10. Үйге тапсырма беру 4 мин
Тақырыбы: Компьютерді вирустардан қорғау. Антивирустық қорғау
программалары.
Өзіндік дайындалуға арналған сұрақтар мен тапсырмалар:
✓ Антивирус туралы мағлұмат беріңіз;
✓ Антивирустық программалардың түрлері;
✓ Антивирустық программалармен жұмыс істеу;
✓ Антивирустық программалардың негізгі типтерін атаңыз;
✓ Антивирустық программаны латын тілінен аударғандағы мағынасы;
✓ Вирусқа қарсы программаның іске қосылу жолы;
✓ Вирусқа қарсы программа арқылы вирусты тексеру;
✓ Қазіргі кездегі қолданыстағы антивирустық бағдарламалар.

[pic]