Балалар әдебиетінің ерекшеліктері

ҚАЗАҚСТАН    РЕСПУБЛИКАСЫ  БІЛІМ ЖӘНЕ ҒЫЛЫМ  МИНИСТРЛІГІ
СЕМЕЙ ҚАЛАСЫНЫҢ ШӘКӘРІМ  АТЫНДАҒЫ МЕМЛЕКЕТТІК УНИВЕРСИТЕТІ
                           3-деңгейлі СМЖ
                                 құжаты
                                       
                                   ПОӘК
                                       
                                       
                        ПОӘК 042-18-28.1.23/03-2013
                                       
                                       
                                   ПОӘК
                      <<Балалар әдебиеті>>
пәніне арналған оқу-әдістемелік материалдар
______2013 жылғы 
                             № 3 басылым


          5 В 050117 <<Қазақ тілі мен әдебиеті>>
                     5 В 020500 <<Филология>>  
                     <<Балалар әдебиеті>> 
          ПӘНІНІҢ ОҚУ- ӘДІСТЕМЕЛІК  КЕШЕНІ
                                        
             ОҚУ-ӘДІСТЕМЕЛІК МАТЕРИАЛДАР

                                       
                                       
                                       
                                       
                                       
                                       
                                       
                                       
                                  СЕМЕЙ
                                     2013
                                Мазмұны
1  Глоссарий
2  Дәріс сабақтарының мазмұны
3  Тәжірибелік сабақтардың мазмұны
4  Студенттердің өздік жұмысы 





















1. ГЛОССАРИЙ
  + Әдебиет теориясы - әдеби шығармашылықтың табиғаты мен адамзаттық қызметін зерттейтін және оны талдаудың методологиясы мен методикасын айқындайтын әдебиеттану ғылымының саласы. Әдебиет теориясының зерттеу объектісі үш түрлі мәселені қамтиды: қаламгердің болмысты бейнелеудегі суреткерлік шеберлігін, шығарманың әдеби көркемдік құрылымын, әдеби процесті. 
  + Эстетика  -  болмысты суреттеудегі әдебиеттің  адамның эсетикалық санасын байытып, жан тазалығы, эстетикалық ләззат беретін әдемілікті идея мен мақсатқа сай суреттеу. Эстетиканы анқтаудың  үш шарты бар: 1) тұтастық, 2)үйлесім, 3) айқындық.
  + Әдеби шығармашылық  -  қаламгердің көркем туындылар тудырудағы еңбек  процесі.
  + Методологиялық мектептер  -  көркем шығармаларды жазу мен танудағы ғылыми ілімдер. 
  + Әдеби бағыт - әдебиет тарихындағы қаламгерлердің идеялық көркемдік мақсат-мүдде бірлігінен туған шығармашылық үндестік.
  + Әдеби ағым  -  бірнеше қаламгерге тән шығармашылық бірлік.
  + Көркем әдебиеттің табиғаты  -  көркем өнердің халықтық, танымдық, тәрбиелік, көркемдік, эстетикалық мәндері.
  + Эстетикалық таным  -  халықтың өмірге философиялық көзқарасының көркем өнердегі көрінісі.
  + Кейіпкер  -  көркем әдебиетте бейнеленетін оқиғаға қатысушы образ. 
  + Архетип  -  о баста адам қиялында пайда болып, соңында өзіндік мазмұнға ие болған архаикалық рәсімдердегі психологиялық схемаларға тән мотивтер мен әдіс-тәсілдер.
  + Автор - өнер туындысын дүниеге әкелуші қаламгер. 
  + Поэтика  -  көркем шығармадағы құндылықты бар болмысымен айқындар жүйе туралы  әдебиеттанудың көне ғылым  саласы.
  + Сюжет - өзара жалғасқан оқиғалар тізбегі, біртұтас желісі.
  + Композиция - әдеби шығарманың құрылысы, оның үлкен кішілі бөлім бөлшектерінің бір-бірімен қисынды түрде қиюластырылып, әр түрлі тәсілмен байланыстырылған тұтастық бірлігі.
  + Герменевтика  -  текстерді ұғындыру  және оның принциптерін түсіндіру жөніндегі ілім. 
  + Жанр - әдеби шығармалардың жеке түрлері, көркем әдебиеттің салалары.
  + Әдеби процесс- бұл белгілі бір дәуірде, сонымен қатар, ұлттар мен елдердің, аймақтардың, әлемнің күллі тарихи кезеңдерінде өмір сүріп келе жатқан әдебиеттің тарихи заңды қозғалысы.
  + Стиль  -  жазушының өмір шындығын танып-білу, сезіну қабілетін, бейнелеу шеберлігін, өзіндік суреткерлік тұлға бітімін танытатын даралық өзгешелігі, жазу мәнері, қолтаңбасы.  
  + Әдеби байланыс  -  ұлттық әдебиеттер арасындағы көркемдік дәстүрлер жалғастығы, ықпалдастығы.


2  Дәріс сабақтарының мазмұны
1 модуль. Халық ауыз әдебиеті  -  балалар әдебиетінің бастауы. Халықтық бесік жырларының мазмұны.    

№1 Дәріс.  Кіріспе. Балалар  әдебиеті туралы  түсінік
* Балалар әдебиеті  -  рухани қазына
* Қазақ балалар әдебиеті жайындағы зерттеулер
* Балалар әдебиетінің ерекшеліктері
	Мақсаты:  Балалар әдебиеті туралы түсінік беру ,теориялық негіздері  туралы мағлұмат беру. Балалар әдебиетінің тарихи қалыптасу, даму жолдарын меңгерту. Әдістемелік мұра және оны талдау әдістері туралы түсінік беру       
*  Балалар әдебиеті  -  рухани қазына.
Балалар әдебиеті жайында әңгіме қозғағанда, біздің есімізге ХХ ғасырдағы орыс әдебиеті дәстүрі түседі. Қазан төңкерісі жеңіске жеткен алғашқы күндерден бастап-ақ М.Горький балалар әдебиетін дамыту жөнінде пікір айтып, практикалық шараларды жүзеге асыра бастаған. Санкт-Петербургте балалар журналын ұйымдастырған, балаларға арналған сериялық кітапхана жасау керектігін айтып, бағдар сілтеген.  Ойлап қарасақ, ұлы жазушының осы іс-әрекетінде көрегендік жатады екен. Өйткені, балалар әдебиеті  -  жалпы әдебиеттің дамуы үшін баспалдақ болады. 
ХІХ ғасырдың екінші жартысына дейін қазақта балалар әдебиеті деген ұғым бола қойған жоқ. Оған қарап, қазақта балаларға арналған рухани қазына жасалмаған екен деп ойлауға болмайды. Қазақтың бай ауыз әдебиеті, халық әдебиеті, жыраулар поэзиясы  -  тұнып тұрған балалар әдебиеті. Қазақ балалар әдебиетінің түп атасы  -  Ыбырай Алтынсарин. Негізі ХІХ ғасырда қаланған балалар әдебиеті ХХ ғасырда С.Дөнентаев, С.Көбеев, Б.Өтетілеуов, Т.Жомартбаев шығармалары арқылы дамып, өрістеді. Жиырмасыншы жылдардың аяғында І.Жансүгіров, С.Мұқанов, Ө.Тұрманжанов секілді қаламгерлердің тікелей балалар әдебиетімен шұғылдануы, өздерімен бірге қаламдастарын тартып, көптеген мәселелерді ортаға салып, ойласып шешуі - әдебиеттің бұл саласына ерте назар салына бастағанын аңғартады. 
М.Әуезовтің "Көксерек" философиялық әңгімесі, Ө.Тұрманжановтың "Құмырсқалар, аралар  -  қиыспас дос, құдалар" мысал-поэмасы, Б.Соқпақбаевтың "Менің атым Қожа" повесі қазақ балалар әдебиетінің табысына айналды. Қазақ ақын-жазушылары аталған шығармаларымен әлемдік балалар әдебиетінің образдық галлереясын жаңалады, жанрлық байлығын толықтырды дей аламыз. 
     С.Мұқанов, Ө.Тұрманжанов, С.Бегалин, С.Омаров секілді аға буын шығармаларынан ХХ ғасыр басындағы, сол жылдардағы балалар тағдырын табамыз. Бертінде Б.Соқпақбаев, С.Бақбергенов, Н.Серәлиев, О.Сәрсенбаев, М.Мағауин, М.Қаназов Отан соғысы жылдарындағы балалар өмірін бейнеледі. Әдебиетке жаңа буын келді. Олар әдебиеттегі кейіпкерді жаңалады. Әрбір жаңа буын өз өмірбаянын әкеледі әдебиетке. Демек, біз қазақ әдебиетінің жас буын шығармашылығымен таныссақ  -  жаңа буын өмірбаянымен табысуға, сырласуға тиісті екенбіз. Егер ол шығармалар балалар әдебиеті туындысы болса, міндет екі есе ауырлайды деген сөз. Өйткені, авторлардың бала шақта түйсінген өмір сыры, талғамы басқа, көркемөнер жөнінде байламы бөлек, ғылыми-техникалық прогресс қойнауында тіршілік кешіп отырған бүгінгі бала оқырманды шығарма ретінде сүйсіндіруі, түйсіндіруі, шарапатымен қозғауы керек қой. 
     Өкінішке қарай, қазақ балалар әдебиетіне деген ынта-ықылас кейін келе түрлі себептермен бәсеңдеді де, көкейкесті көп проблемаларын ортаға салып шешу үрдісінен жаңылып қалды. Балалар әдебиетінің ендігі халі жекелеген таланттар еркінде қалған еді.  Сондықтан, қазақ балалар әдебиеті әдебиетке жігерлі, білімді таланттар келген сәттерде ғана ілгерілеп, көп ретте іркілумен келді. Солай дей тұрсақ та, қазақ балалар әдебиетінің өзіндік қызықты тағдыры, сан алуан проблемалары бар. Қазіргі қазақ балалар әдебиеті - орыс тіліне, орыс тілі арқылы әлем халықтары тіліне жүйелі аударылып, жұрт назарын жете аударып жатпағанымен, өз тілінде недәуір ілгеріліп өскен әдебиет.  
      Қазақ балалар әдебиеті  -  қазақ қоғамымен бірге туып, біте қайнасып келе жатқан рухани іргелі сала. Жас балалар өздерінің алғашқы кішкентай ойындарынан бастап-ақ үлкен кісілердің істеріне еліктейді. Жас баланың ой-арманы асқақ келеді. Олар да ұшқыш болып аспанда шарықтасам, суда жүзсем, түрлі машиналар ойлап шығаратын ірі конструктор болсам,  мұғалім, ғалым болсам, космонавтар қатарына қосылып, солардай жер жүзін таң-тамаша етсем деп қиялданады. Қалай да тез өсіп үлкендер қатарына қосылуды, даңқты адамдардың қатарында болуды аңсайды. 
Жасөспірімді дұрыс бағытқа сілтеп, сол үшін ат салысатынның  бірі - балалар әдебиеті.   Балалар әдебиеті - жас буынның сана-сезімін оятып, ақыл дамытатын, оларды адамгершілікке тәрбиелейтін өмір оқулығы. Оның мақсаты -  мектеп жасына дейінгі үш жасар баладан бастап, он алты жасқа дейінгі оқушыларға көркем әдеби тілде жазылған жоғарғы идеялық қызықты шығармаларды беру. Осының барлығы жас буынды саналы өмір сүруге талпынтады. Оның келешегіне жол ашады, бағыт сілтейді. Өмірге жанасымды, икемді, төзімді күрескер етеді. 
    Жазушы М.Пришвин қаламынан шығып, кейін қанаттанып кеткен "Балалар әдебиеті  -  кішкентайлардың үлкен әдебиеті" деген пікірде көп мән-мағына бар. Табиғатпен іргесін ашпай, гармониялық бірлікте қалам тербеп өткен ойшыл айтып отырған "кішкентайлар", тереңірек ой жіберіп қарасақ, адамзат болашағы болып шығады. Ендеше, балалар әдебиеті сол болашақ, келешекті тәрбиелейтін рухани үлкен күш қой. 
    Жете үңіліп қарағанда, бүгінгі балалар әдебиеті уақыт талабынан кенжелеп келе жатыр. Кенжеліктің ең басты себебі балалар әдебиетінің профессионалдық талабынан, өзіндік ерекшелігінен  туындайды. Соның көбісі қазіргі бала табиғатының күрделілігінен туындап отыр. Әрине, бала табиғатының күрделілігі  -  ұлы Л.Толстойдан бері сан рет қайталанып, айтылып, жазылып келеді. Әйтсе де, әр кезеңнің уақыт, қоғамға сай өзіндік күрделі сипаттары болған шығар-ау, ол бірақ, тап бүгінгі уақыт перзенттеріндей жұмбақ күйге айнала қоймаған.  Зерттеуші Акимованың пікірімен айтсақ: "бүгінгі бала табиғатының күрделілігі сонша  -  ол ғылым үшін жаңа пәнге, өнер үшін бұрын-соңды болып көрмеген материалға айналып отыр". Бұл күрделілік уақыт күрделілігінен туындайды.
 Ғалымдар зерттеуіне қарағанда, әр бір он жылдықта дүниеге келген сәби, бала психологиясы бір-бірінен көп алшақ жатады екен.  Қазіргі таңда Халықаралық балалар әдебиетін зерттеу қоғамы(МОИДЛ) құрылу сыры да осында жатса керек.  Міне, осындай сәтте, адамзат болашағы үшін, ұрпақ тәрбиесі үшін еңбек ететін патриот болмаса, кімнің балалар жанын зерттеп, шығарма жазуға тәуекелі бара қойсын?  Оның үстіне біздің балалар әдебиетіне назардың төмендігі, бар жұпарын балаларға арнайтын таланттардың еңбегі бағалана бермейтіні де әдебиеттің бұл саласының өркендеуіне кедергі болмай тұрмайды. 
    Балалар әдебиеті - әрбір ұлт мәдениетінің мықтап қаланған тас іргесі, халықтың рухани ахуалын балалар әдебиетінің дамуымен өлшеу керек, балалар әдебиеті жолға қойылмай тұрып, әдебиетіміз кемелдену үстінде деп мақтанушылық  -  үйдің ірге тасын қаламай тұрып, шатырын жабамын деген әурешілікпен бара-бар. 
2. Қазақ балалар әдебиеті жайындағы зерттеулер
     Балалар   әдебиетінің  жіктелуі,   салаланып  дамуы,   сараланып  сөз  бола бастауы ХХ ғасырдың 30-шы жылдарынан басталды. 1927 жылы "Өтірік" деген жинаққа жазған алғысөзінде І.Жансүгіров "Ел өтірігі үлкендерден гөрі балалардікі, балалар әдебиетіне жатады"- деп өтірік өлеңге бірінші рет анықтама береді. 1931 жылы жазған "Мен қалай жаздым?" мақаласында "Бізде балалар әдебиеті жасалмаған әдебиет. Сондықтан менің бір ойым осы әдебиеттің бізде жасалуына көмектесу еді"  -  деген. М.Әуезов "Әр жылдар ойлары", "Ертегілер" деген еңбектерінде "Балалар әдебиетінің арғы төркіні халықтық шығармалардан туады" деп көрсетеді. С.Ерубаев "Балалар әдебиетін жасайық" деген мақаласында(1930) мектепте оқитын жүз мыңдаған оқушылардың балалар әдебиетіне шөліркеп отырғандығын айтады. Б.Бұлқышевтің Қазақстан Жазушыларының ІІ съезі қарсаңында жазылған "Балаларға жақсы кітаптар керек" мақаласында балалар әдебиетіне жеткілікті дәрежеде көңіл бөлінбей келе жатқандығы айтылады. 
С.Ерубаев қазақ балалар әдебиеті жайында. Горькийдің 20-жылдардың аяғы мен 30-жылдардың басында жарыққа шыққан "Тағы да сауаттылық туралы", "Балалар әдебиеті туралы", "Балаларға -әдебиет", "Тақырыптар туралы", "Балалар кітаптары мен ойындары туралы жазбалар"  мақалаларында да болашақ балалар жазушыларын тәрбиелеу  мәселесі басты орынға  қойылды. Саттар мақаласының нысанасы да осыған  саяды: "... нақтылы міндеттемелер алыңыздар, балалар көркем әдебиетін жасауда өздеріңізді жауапты деп санаңыздар. Болайын  деп отырған жазушылар съезінде  мәселе көтеріңіздер. Өздерінің тілегендерінен қызғылықты, түсінікті кітап, әңгіме, өлеңдер жазып беріңдер, балалар өміріне жақын келіңдер. Балалар өмірінің өзгешелігімен танысыңыздар, балалардың өз тілімен  өз өмірлерінен де жазып беріңдер". Ендеше, қандай тақырыпта жазылмасын, балалар шығармаларының басты кейіпкері баланың өзі болуға тиіс. Балалар әдебиетінің осынау басты ерекшелігін Саттар ақын-жазушыларға "...балалардың өз тілімен өз өмірлерінен де жазып беріңдер" деу арқылы аңғартып өтеді. Сөйтіп, С.Ерубаевтың аталған мақаласынан балалар әдебиетін ересектер әдебиетінен дараландырып тұратын сипаттарға сол тұстағы қазақ қаламгерлерінің назарын аудармақ болған мақсатын байқағандаймыз. 
     Саттар хат иелері  -  кішкентай оқырмандар жөнінде былай дейді: "Бұл оқушылар  -  кітапқа, қызғылықты өмірге, күреске құмар оқушылар. Бұлардың бәрі де "қызғылықты кітап жоқ,  ал болса аз" дейді" /273 б./. Бұл санамаланған қасиеттердің бала психологиясына тән екендігін және қызықты кітапқа деген зәруліктің  қазақ балалар әдебиетінде әлі күнге  орын алып отырғандығын ескерсек, Саттар  ой-пікірі, ескертуінің сол  кезең үшін ғана  елеулі болып қоймай, қазір де үлкен мәнге ие екендігін  айрықша атап айтамыз.      "Лениншіл жас" газетінің 1934 жылғы 29 майда шыққан санында бұрынғы Әулиеата қаласының бір мектебі оқушыларының "Бізге көркем жазылған жақсы, қызық балалар кітабы мен ойын, өлең, әңгімелер керек" деген ашық хаты басылады. Саттардың жоғарыдағы "Осы уақытқа дейін біздің қазақ жазушылары балалармен сөйлесуді, өмірімен танысуды, балалардың пікірін білген емес. Бірақ қазақ пионерлері жазушылар бастамаса өздері бастады. Ендігі міндет  -  пионер қойған тілекті орындауда" деуі осы себепті. 
Балалар хатына Ғ.Мүсірепов, Т.Жароков, Ә.Тәжібаев және тағы басқа ақын-жазушылар жауап береді. Мұқтар Жанғалин екеуі бірігіп жазған орта мектептің 10 сыныбына арналған оқу құралында "...жас жазушылардың қатарынан көрнекті жазушылардың қатарына еркін қосылған талантты жазушы" атанған Ғ.Мүсіреповке де және тағы басқа қазақтың көрнекті ақын-жазушыларына да өзінің "қоғамдық борышым" деп есептеген талап-тілегін інілік ізетпен жеткізе білуін өжет жастың ерлігі деп бағалауға болады. 
Б.Бұлқышевтің 30-жылдар аяғында Қазақстан жазушыларының ІІ съезі қарсаңында "Жазушылардың ішінде балалар әдебиетіне ептеп көңіл аударған Қалмақан еді. Ол да соңғы рет балаларға өмір бойы азық қылыңдар деп "Тәтті қауынын" тарту етті де, соңғы уақытта  балалардан ол да қол үзіп кетті" дегеніндегі өкпе-назға ұқсас сезім Саттар емеуірінімен 30-жылдардың басында жазушылардың І съезі қарсаңында-ақ "Қалмақанның колхозға жетуі" болып жеткен дей аламыз.    Бұл жерде жазушыларды балалар әдебиетін жасауға шақырған Саттардың өзі жас оқырмандарға арнап арнайы шығарма жазды ма деген сауал туады. "Өз сөзіне лайық Саттар Ерубаев (1914-1937) "Терек пен гүл" дейтін әңгіме мен "Мәңгілік өмір туралы" жас ұрпақтың еліктеуіне тұратын өлмейтін де өшпейтін, әрқашан  айтып жүретін жыр жазып берді"  -  делінген 1976 жылы жарық көрген "Қазақ кеңес балалар әдебиеті" оқу құралында /3, 77 б./. 1972 жылы өз алдына жеке суретті кітапша болып шықса да, бұл жырды балаларға тікелей арналып жазылды дей аламыз ба? Әрине, жоқ. Себебі, ересектер үшін жазылған  шығармаларды  да балалар оқуына ұсынуға болатынын өмірдің өзі дәлелдеді. Мәселен, Горькийдің өзі көзі тірісінде "Дауылпаз туралы жыр", "Италия жайындағы ертегілер", "Изергиль кемпір", "Челкаш" және тағы басқа көптеген шығармаларын жас жеткіншектер назарына ұсынған болатын.  
  Саттардың балаларға арнайы шығарма жазбауының бір кілтипаны  -  кішкентайлар үшін шығарма жазудың қиындығын сезінуінде және бұл жауапты іске кірісуге өзінің даяр еместігін түйсінуінде деп топшылаймыз. "Ойлап, түпкі маңызына жете түсініп алмай, кешігіп қаламыз деп шалағай жазсақ, әрине, қарқын мен сапаны бір-біріне қарсы қойған боламыз. [...] Құрылыстан қалмау үшін, құр қалмады деген атақ алам деп жылдам қосылу (бұл бәрібір қалғандық) жақсылыққа жеткізбейді, қарқынмен қабат мәселені жете түсініп, ойланып, маңызды қылып жазу керек" /1, 361 б./. Міне, осындай ойлардың иесі  жас Саттардың  еш  дайындықсыз сыншыл да сезімтал, талғампаз қауым  -  балаларға шығарма жазуға міндеттеме алуы  мүмкін де емес еді.  Денсаулығының дімкәстігіне  қарамастан "көркем шығарма жазумен қатар, әлеумет тіршілігінің бәріне араласып, пікірін айтып отырған" Саттардың көрнекті ақын-жазушы ағаларына  сыпайы тілмен "балалар әдебиетін жасайық!" деуі олардың даярлығына кәміл сенгендігі деп ұққанымыз жөн. 
     Б.Бұлқышев балалар әдебиеті жайында. 1934 жылы Қазақстан жазушыларының бірінші съезі қарсаңында С.Ерубаев "Балалар әдебиетін жасайық" деген мақаласымен былай деп ұран тастаған еді: "Болайын деп отырған жазушылар съезінде мәселе көтеріңдер. Өздерінің тілегендерінен қызғылықты, түсінікті кітап, әңгіме, өлеңдер жазып беріңдер, балалар өміріне жақын келіңдер. Балалар өмірінің өзгешелігімен танысыңыздар, балалардың өз тілімен өз өмірлерінен де жазып беріңдер"/3, 375-б./. Баубек те  Қазақстан жазушыларының ІІ съезі қарсаңында жазылған "Балаларға жақсы кітаптар керек" мақаласында  балалар әдебиетіне жеткілікті дәрежеде  көңіл бөлінбей келе жатқандығын айтады. Мақаладан  Баубектің  бала  психологиясын жетік білетіндігі байқалады. Олардың әр нәрсеге әуестенгіш, әсерленгіш, жылт еткен құбылысқа ынтық көңілдерін тап басып көрсетеді. Балалар үшін үлкен тәрбие құралы  -  көркем әдебиет екендігін жұртшылық есіне салады.  "Жазушылардың ішінде балалар әдебиетіне ептеп көңіл аударған Қалмақан еді. Ол да ең соңғы рет  балаларға өмір бойы азық қылыңдар деп "Тәтті қауынын" тарту етті де, соңғы уақытта балалардан ол да қол үзіп кетті. Мүмкін, Қалмақан балаларға "Тәтті қауын" есейіп, ер жеткенше қорек етуге жетеді деп жүрген болар. Бірақ балалар бірнеше "Тәтті қауын" сияқты тәтті әдебиет жемістерін күтіп отыр. Қалмақанның мұнысына да рахмет. Басқа ақын-жазушылар "Тәтті қауын" түгіл балалардың әдебиет қорына бір уыс бүлдірген де қосқан жоқ" деп/1, 378-б./  жазады Б.Бұлқышев. 
      Баубек сынына іліккен Қ.Әбдіқадыров 1930 жылдары балаларға арнап екі кітапша шығарған болатын. Қалмақанның "Тәтті қауын" әңгімесі 1933 жылы жазылып, 1936 жылы осы атпен аталған әңгімелер жинағына енгізілді. Ал Баубектің  мақаласы 1939 жылы "Октябрь балаларының" 29 мамыр, №40-шы нөмірінде жарияланды. Қалмақанның балаларға арналған шығармаларынан қалам қабілеті қарымын таныған Баубек  оның  үш жыл бойы үнсіз жатқандығына қынжылады. Дегенмен басқа жазушылармен салыстырғанда оның бүлдіршінге ұсынылған дүниелері бар екендігіне шүкіршілік етеді. Демек, Баубекті қынжылтатын жайт  -  сыншылар сынайтын балалар әдебиетінің жоқ екендігі. "...біздің ақын-жазушыларымыз балалар әдебиетіне көңіл бөліп, балалардың тілегіне сай жақсы, қызықты шығармалар бере алмай келеді"- дейді /1, 379-б./ Баубек. Әдебиетке, әсіресе балалар әдебиетіне қатысты жоқ-барды қанағат еткен дұрыс емес. Мәуелі ағаштан жылдан-жылға мол жеміс күту  -  қандай заңды болса, әдебиеттен де жақсы туынды талап ету сондай табиғи, қажетті, заңды. 
      "Балаларға жақсы кітаптар керек" деген мақаласы Қазқстан жазушыларының ІІ съезі қарсаңында жазылса, "Жазушылармен әңгіме" съезд өткен соң  жазылды. 1939 жылы "Октябрь балалары" газетінің 12 шілде №50-ші нөмірінде жарық көрді. "...Қазақстан жазушыларының екінші съезі(1939) әдебиеттің рухани  жүдеушілігі жағдайында өтті. Онда жаңа әдебиеттің табыстары сөз болмады"- дейді /2, 74-б./С.Қирабаев съезд жайында. "Октябрь балалары" газетінің ұжымы ұйымдастырған әңгімеге Қазақстан жазушылары ІІ съезінің делегаттары мен облыстардан келген ақын-жазушылар қатысады. А.Тоқмағамбетов, Ә.Әбішев, Ж.Тілеков, С.Машақов және тағы басқалары балалар әдебиетін жандандыруға қатысты өз ұсыныстарын айтады. Сөйтіп бұл жиында "Октябрь балалары" газетінің коллективі пионерлер мен мектеп оқушыларының тілегіне сәйкес көркем тілді, терең сюжетті әңгімелер, қызық поэмалар, ертегілер, сапта жүргенде әнге қосып айтатын жақсы өлеңдер жазуды ақын-жазушыларға ұсыныс етіп қойды."/1, 385-б./. Бұның өзі Баубектің тікелей қатысуымен өткен шара, балалар әдебиетін дамытуға арналған игілікті істердің бірі еді.
       Қазақ балалар әдебиетінің сараланып сөз бола бастауы ХХ ғасырдың 30-жылдарында басталса, Баубектің балалар әдебиеті мәселелеріне арнаған мақалалары сол тұстағы зерттеулер сапында балалар әдебиетінің даму ерекшелігінен қалың жұртшылықты хабардар етті. Сонымен Баубек ізденісі өткеннен бастау алған және өзге ел мәдениеті мен әдебиеті дәстүрінен үлгі алған сапада ғана емес, жаңашылдыққа бой алдырған сапада да жемісті болды. 
Балалар әдебиеті жайында жазылған сын-мақалалар, әсіресе, Отан соғысы жылдарынан кейін кең қанат жайды. М.Ғабдуллин өзінің оқу құралында халық ауыз әдебиетінің кейбір жанрларында балалар фольклорына жататын мұралар барын атап өткен. Қазақ балалар әдебиетінің әр түрлі жанрлары жайында С.Қирабаевтың, Ә.Тәжібаевтың, А.Нұрқатовтың, С.Сейітовтің, Ә.Дербісәлиннің, С.Ордалиевтің, Б.Сахариевтің, Н.Ғабдуллиннің мақалалары баспасөз беттерінде жарияланды. Аталмыш салада ойлы пікір айтқан ғалымдар мен қаламгерлер қатарын кейінірек Б.Ысқақов, Қ.Мырзаәлі, Ә.Табылдиев, З.Серікқалиев, Е.Елубаев, С.Қалиев, Қ.Ергөбек, Б.Сарбалаев, Б.Ыбырайым, Ә.Бөпежанова және т.б. құрады.  60-70 жылдар аралығында Ш.Ахметовтің қазақ кеңес балалар әдебиетін зерттеген еңбектері жарық көрді. 
    С.Қирабаевтың <<Қазақ совет балалар әдебиетінің кейбір мәселелері>>(Әдебиет және искусство. 1954. №2.), Ә.Тәжібаевтың <<Жас ұрпаққа жақсы әдебиет әдебиет жасайық>>(Жұлдыз, 1961. №6), А.Нұрқатовтың <<Балаларға арналған шығармалар туралы>>(Халық мұғалімі, 1954. №2), С.Сейітовтің <<Ілияс Жансүгіровтің балаларға арналған шығармалары>>(Қазақ тілі мен әдебиеті, 1958. №1), Ә.Дербісәлиннің <<Қазақ балалар әдебиеті жайында бірер сөз>>(Қазақ тілі мен әдебиеті, 1959. №2), С.Ордалиевтің <<Балалар драматургиясының кейбір мәселелері>>(Халық мұғалімі, 1954. №11), Б.Сахариевтің <<Балалар әдебиетінің тәрбиелік мәні>>(Халық мұғалімі, 1950.№7), Н.Ғабдуллиннің <<Орынсыз сөз ойландырар болар>>(Қазақ әдебиеті, 1960.)  деп аталатын  мақалалары баспасөз беттерінде жарияланды. 
Ақын Қ.Мырзаәлінің <<Сөз сиқыры>> сын кітабы, К.Матыжанның қазақ балалар фольклоры, Б.Ыбырайымның қазақ балалар әдебиеті жайында жазған  еңбегі, Қ.Ергөбек құрастырған және жазған <<Мейірім шуағы>>, <<Сөзстан>>, <<Қазақ совет балалар әдебиеті>>, <<Арыстар мен ағыстар>>(1-том) кітаптарын айтуға болады. Бұл саладағы айтулы еңбектер санының саусақпен санарлықтай аз болуы қазақ балалар әдебиетінің зер сала зерттейтін мәселелері әлі де болса жетерлік екендігін байқатады. 
     Балалар әдебиеті жайында балалар ақыны Қ.Баянбай былай дейді: "Балалар әдебиеті барша әдебиеттің бастауы болуы керек. Балалар әдебиетіне қатынаспаған жазушылар жақсы дүниелер тудыруы мүмкін. Бірақ балалар әдебиетін парақтамаған жазушының бір кемшілігі сезіліп тұрады. Горькийдің балалар жазушысы өзге жазушылардан да сапалы жазуы керек дейтін сөзі бар. Шынында әдебиеттің қайнар бастауы, әрі балаларды әдебиетке әкелетін шығармалардың сапасыз болуға хақысы жоқ". "Балалар әдебиеті меніңше, барлық әдеби, мәдени ой-санамыздың қалыптасуына тұңғыш ықпал ететін бастау дер едім. Әдебиеттің бастауы фольклор десек, осы фольклордың негізі бесік жырынан басталады. Тақпақ, санамақ, өтірік өлең, ертегі, жұмбақ, жаңылтпаш мұның бәрі үлкен әдебиетке жол салатын балалар әдебиетіне жатады."- дейді Е.Өтетілеуұлы.
*  Балалар әдебиетінің ерекшеліктері. М.Горькийдің 1928 жылдан 1936 жылға дейін жазған <<Тағы да сауаттылық туралы>>(1928), <<Құлағына мақта тығып алған адам>>(1930), <<Жауапсыз адамдар туралы>>(1930), <<Балаларға әдебиет>>(1933), <<Тақырып туралы>>(1933), <<Ертегілер туралы>>(1935) деген көптеген еңбектері ғылымға және балалар әдебиеті жайында жазылған сын мәселелеріне енгізілген ірі мұра болып табылады. Аталған мақалалар балалар әдебиетінің теориясын дамытқан еңбектер болып саналады.  М.Горькийдің айтуынша балалар әдебиетінің өзіндік өзгешелігі қайсы? Баланың талғамы, ойы, ықыласы, есі, қабілеті, тілінің даму мәдениеті, олардың өсу, есею жылдарына қарай әр түрлі ерекшеліктері болады. Жазушы тіл шеберлігін игерумен қатар, алдыңғы қатардағы білімді, мәдениетті азамат болумен қатар, бала тәрбиесіндегі мақсаты мен міндетін ұмытпауы керек. 
        <<Балалар әдебиетіне араласатын автор әр алуан жастағы оқушылардың барлық өзгешеліктерін ескеруге тиіс. Бұлай етпеген күнде оның кітабы балаға да, үлкенге де керексіз, иесі жоқ кітап болып шығады>> - деп ескертеді М.Горький. Балалар әдебиетіне қойылатын критерий де осы. М.Горький балалар әдебиеті ең алдымен тәрбие құралы екенін айтқан еді. Балалар әдебиеті ғылыммен, тәрбиемен тығыз байланысты болуын талап етті. Әр қилы тақырыптарға жаза білу үшін жазушы алдымен білімді, талантты, тіл көркемдігін игерген шебер болуға тиіс. Тақырып жайында сөз ете келіп М.Горький <<Телескоп, телевидение адамның көзбен көрушілігін ұзартты, микроскоп оны тереңдетті. Телефон, радио есітуді күшейтті. Жер бетінде сумен, ауамен сапар шегудің қазіргі кездегі жаңа амалдары аяқты ұзартты. Алыста тұрып басқару қолды ұзартты>> - дейді. Мұндай тақырыптарға жазу баланың ой-өрісін дамытуға себепкер болар еді. Тақырып таба білу де балалар әдебиеті үшін үлкен жаңалық. 
    Балалардың оқуына қажетті кітаптарға шек қою, әлі де болса, балалардың жастық шақтағы қабілеттілігін ұға білмегендік болар еді. Үлкендерге арнап жазылған жақсы шығармалардың көпшілігі балалардың түсінуі мен олардың тәрбиесіне қайшы келмесе, қайта оларға қазіргі дәуірдегі жаңа адамды тәрбиелеудің ең үздік үлгілерін көрсетіп, өмір жолын танытарлық дәрежеде болса, ол сөзсіз балалардың оқуына да кең түрде ұсыныла береді. Өмір жолын танытып, саналы түрде тәрбиеге баулитын кітаптарды үлкен кісілердің араласуынсыз-ақ балалардың өздері де біріне-бірі ұсынып, көпшіліктің оқуына айналдырып жібереді. Бұл - өмір заңы, оған қайшы келуге болмайды. Мысалы, орыс жазушыларында Отан қорғау ісіне байланысты, әсіресе Отан соғысы тақырыбына байланысты жазылған шығармалардың көпшілігі балалардың оқуына лайықталып кетіп, соңынан балалар баспаханасы арқылы шығып жатқаны белгілі. Д.Фурмановтың <<Чапаев>>, А.Фадеевтің <<Жас гвардия>>,  М.Шолоховтың <<Адамның тағдыры>> атты әңгімелері - осының айқын дәлелдері. Жоғарыда аты аталған жазушылардың бәрі де осы шығармаларын о баста балаларға арнап жазбағаны белгілі. 
Сол сияқты Ұлы Отан соғысы тақырыбына арнап жазылған Ғ.Мүсіреповтің <<Қазақ солдаты>> романы, С.Бақбергеновтің <<Талғат>> повесі мен М. Хакімжанованың <<Мәншүк>> атты поэмасы толығынан балалардың оқуына икемделіп кеткен шығармалар деп  атаймыз. Кеңес Одағының Батыры  атағын екі рет алған Талғаттың, Кеңес Одағының Батырлары Қайырғалидың, Мәншүктің, Әлияның ерлік образдары, әсіресе, жас өспірімдердің жүрегінен берік орын алған, ең сүйікті кейіпкерлері екені баршаға аян. Сонымен қатар Отанға деген қаһармандықтың, табандылықтың, анаға, табиғатқа деген сүйіспеншіліктің ең  жоғарғы үлгілерін көрсететін осы сияқты  көптеген таңдаулы шығармалар еліміздегі әрбір балаға мәлім. <<Біздің ата - бабаларымыздың білген тар дүниесі қазір жетіжылдық бітірген баланың қалтасын да толтыра алмайды>>,- деп Ғ.Мүсіреповтің өзі айтқандай, қазіргі кезде балаңдығы байқалған бұрынғы кездегі ұсақ-түйек уағыздарға балалар қанағат тұтпайды.
Ш.Ахметов   <<Қазақ   балалар     тарихының   очеркі>>      кітабында балалар әдебиетінің алты ерекшелігін атайды. Біріншіден, балалардың психологиясына зерттеу жасағанда, олардың ойлау, түсіну қабілеті әңгімеленіп отырған оқиғаның, көркем образдың нақтылығын, дәлдігін, әсіресе кқрнектілігін, өз өмірінің айналасынан алынып отыруын қажет етеді; Екіншіден, әңгімеленіп отырған оқиғаның барысында лиризм болуы шарт. Баланың ішкі дүниесіне, ой-санасына бірен әсер ететін күшті де мағыналы сөздер айтылуы керек; Үшіншіден, балалар әдебиетінде оқиғаны және адам характерін суреттеу өзгешеліктері мен әдістерінің динамикасы ерекше болады. Психологияның дәлелдеуіне қарағанда, балалар алдымен оқиғадан оқиғаның туып отыруына, бұлардың тез өзгеруіне, шешіміне, кейіпкерлер мінездерінің әр жақты болуына қызығады. Одан соң оның неден шыққан себептерін іздестіре бастайды; Төртіншіден, балалар жаратылыстың көркем көрінісітерін, пейзажды шебер зейнеттеуді ұнатады, оған сүйсіне қарайды, соны өз айналасынан іздейді. Көркем әдебиеттегі жаратылыс суреттері олардың байқағыштық, талғампаздық қабілетін арттыра түсеі. Пейзаждық сурет  -  эстетикалық тәрбиенің бір көрінісі. Эстетикалық тәрбие көбіне ақыл тәрбиесімен тығыз байланысты болып отырады. Өйткені көркемдікке тәрбиелеу  -  баланың ақыл-есінің тез жетіліп, тез дамуына көмектесіп отырады. Эстетикалық тәрбие сондықтан да көркем өнердің барлық салаларында ұлы шеберелер жасаған көркем өнердің, көркем әдебиеттің аса құнды шығармаларын балалардың терең түсінуін, сол шығармалардан рахаттанып рухани ләззат алуын дамытады; Бесіншіден, балалар әдебиеті шығармаларының мазмұн мен идеясы олардың белсенділігін арттырып, өз өмірінің жарқын болашағын танытуға себепкер болуға тиісті. Оларды белгілі мамандыққа үйретіп, еңбексүйгіштікке әуестендіре білуі керек; Алтыншыдан, <<Сөз - әдебиеттің негізгі материалы. Біздің барлық әсерімізді, ойымызды көркем түрге келтіретін  -  сол. Әдебиет  -  сөз арқылы сұлу суреттелетін өнер>> - деген М.Горький. Әсіресе, балалар әдебиетіне қойылатын талаптар да дәл осындай. Балалар әдебиетінің тілі ойнақы, жеңіл, әрі көркем, әрі қысқа, әрі мейлінше түсінікті, айқын да дәл, әсерллі болып отыруға тиісті. Блалар әдебиетінің тілі олардың сөздік қорын байытуға жәрдемдесетін бірден бір құрал болып табылады. 
       

Дәрісті қорытындылау: Балалар әдебиеті жайында түсінік беріп, балалар әдебиетінің ерекшелігіне кеңінен тоқталып, балалар әдебиетінң зерттелуіне талдау жасау.
                      Негізгі әдебиеттер
* Ш.Ахметов. Қазақ балалар әдебиеті тарихының очеркі. А. 1965.
* Қ.Ергөбек. Арыстар мен ағыстар. 1 том. А. Өркениет. 2003.
                                       
                      Қосымша әдебиеттер
* С.Ерубаев. Мәңгілік өмір. А.Жазушы. 1994.
* Б.Бұлқышев. Заман біздікі. А.Жалын. 1994.
* Дет. литература. М. Просвещение. 1989. Под ред. Е.Е.Зубаревой. 
* Зарубежная детская литература. М. Просвещение. 1974. Под ред.   
      И.С.Чернявской.
* Русская литература  для детей. М. Изд. центр. Академия. 1998. Под 
     ред. Т.Д.Полозовой.

2 дәріс. Балалар фольклоры (Балалар  ауыз әдебиеті)
* <<Балалар фольклоры>> ұғымы
* Балалар фольклорының жиналуы мен зерттелуі
* Балалар фольклорының үлкендер фольклорынан айырмашылығы
* Балаларға арналған халық өлеңдері
Мақсаты:  Балалар әдебиетінде ауыз әдебиетінің алатын орыны. Фольклор туралы жалпы түсінік береу, теориялық негіздері  туралы мағлұмат беру. Балалар әдебиетінің тарихи қалыптасу, даму жолдарын меңгерту. Әдістемелік мұра және оны талдау әдістері туралы түсінік беру       
* <<Балалар фольклоры>> ұғымы.
     Көне мәдениетіміздің қай саласының болмасын қайнар көзі деп біз әрқашан да фольклорды танимыз. Дәстүрлі тәрбиенің де алтын тамырының сол фольклорда жатқандығы даусыз.
     Бүгінде <<фольклор>> термині халықаралық көлемде өзінің бір кездегі <<халық ауыз әдебиеті>> деген ұғым шеңберін ұлғайтып, халық өнерінің музыка, қолданбалы өнер, халық ойындары сияқты салаларын толық қамтитын кең өріске ие болып отыр.  Оның тәрбиелік ролін де осы кең мағынасында қарастырған жөн. 
<<Этнопедагогика  -  белгілі бір халықтың, тайпаның өзіне тән ерекшелігі бар дүниетанымдық, тәрбиелік, мәдени мұрасы. Этнопедагогика ғылымы екі саладан тұрады: халықтың ауыз әдебиеті мен салт-дәстүрлерінен құралған ауыз әдебиеті және ұлттық тәлім-тәрбиесінің жазу мәдениетіндегі көрінісі. Ғылымда жеке бір халықтың, тайпаның этностық(түп-тұқияндық) ерекшеліктерін айқындайтын ғылыми салаларына <<этнос>> түбірі қолданылады(этнография, этнопсихология, этнопедагогика т.б.). Қазақ этнопедагогикасының негізгі саласы  -  халық педагогикасында өрнекті ұғым - әдеп. Әдеп  -  эстетика ғылымының <<этика>> деп аталатын үлкен саласының ұлттық мәдениетке тән қисынды баламасы. 
Әдебиет  -  тәрбие құралы. Әуелі жеке дарындардың дуалы ауыздарынан шығып, кейін оны халық қалап, қастерлеп, жаттап, жадында қалдырып, ғасырлар бойы өңдеп, өркендетіп, қадірлеп қалыптастырып, асылым деп ақыл-санасына сіңірген ауыз әдебиетінің үкілі үлгілері  -  мәдени мұрамыздың ең құнды қазынасы. Ол  -  ұрпақ тәрбиесінің күн сәулесіндей әсерлі нұрымен от алатын ой тамызығы болып, жанды жалындататын, қиялды қияндататын, ақыл-сананың айшықты көріністерін бейнелейтін қасиетті, киелі мұра.
 Бесік жыры, тұсау кесу жыры, санамақ, жаңылтпаш, жұмбақ, мазақтама, тақпақ, жырлар мен ертегілер, аңыз әңгімелер бәрі де тілді, ойды дамытып, тәлім-тәрбие беріп, дүние танытатын этнопедагогикалық ғаламат туындылар. Бұл  -  халық педагогикасының үлкен бір саласы. Жалпы педагогика ғылымының негізі халық педагогикасында жатыр. Халық педагогикасының бұл саласын этнопедагогиканың және жалпы педагогиканың барлық салаларында ғылыми, іс-әрекеттік негізде пайдалануға болады. Ал, халықтың мақал-мәтелдері педагогикамен қатар, философиялық дәрістердің түсініктемелеріне арқау бола алады. 
Халық мұрасының танымдық, тәрбиелік мәні шексіз, шектеусіз терең дүние. Оның ішінде тікелей бала тәрбиесіне бағытталған, сәбидің жан-дүниесінің қалыптасуына, рухани марқаюына негізгі ұйытқы болатын шығармалар өзінше арна түзеді. Мұны фольклор ішінде <<балалар фольклоры>> деп атау қалыптасқан.
Сәбилер дүниетанымы ес біле бастағаннан-ақ екі түрлі негізге сүйенеді. Оның алғашқысы  -  машықтық дағды, яғни көрген-білгенін тез қағып алып үйрене қайталау. Екіншіден, бала жан дүниесі сезімге ерекше бай,  әсерленгіш келеді. Бұл, әсіресе, жеткіншектік жаста ерекше көрінеді. Баланың айналасын танып білудегі бұл ерекшелігін жетінші қарасөзінде ұлы Абай да тап басып көрсетеді.     Сонымен, балалар фольклоры  -  балалар психологиясын, көркемдік талғамын, шығармашылық мүмкіндіктерін танытатын халықтың ғасырлар бойы жасаған асыл мұрасы. Ол өзінің бала қабілетіне лайықтылығымен, логикалық жүйелілігімен, тілінің нәрлілігімен, ақ пен қараның жігін айқын ажыратқан тәрбиелік маңыздылығымен бағалы. 
<<Балалар фольклоры>> деген ұғымның ауқымы кең. Бұған ауыз әдебиеті үлгілерінің көптеген жанрлары мен жанрлық түрлері жатады. Олардың ішінде қара сөз түріндегі шығармалар да, үлкенді-кішілі түрлі мақсатпен айтылатын өлең-жырлар да бар. Бұған қоса ойынға байланысты және ертегі, аңыз-әңгімелерде жиі кездесетін ырғақты прозаның да балалар фольклорынан алатын орны ерекше. Дегенмен, ауыз әдебиеті үлгілерінің кез келгенін, мәселен, эпостық жырларды, мақал-мәтелдерді балаларға лайықты іріктеп, өңдеп жариялауға болғанымен, олардың барлығын "балалар фольклоры" деген ұғымға толығымен жатқызуға болмайады. Ауыз әдебиетінің кез келген жанрларынан балаларға үлгі боларлықтай, тәрбиелік маңызы зор шығармаларды көптеп кездестіреміз. Бірақ олар балалардың өзіне ғана арналған, болмаса  балалардың өз творчествосының нәтижесінде пайда болған ауызша сөз өнерінің белгілерін сипаттай алмайды. Ал, ертегі, аңыз-әңгімелер, төрт түлік жырларының, жұмбақтардың үлкендерге де, балаларға да қатысы бар.  
2. Балалар фольклорының жиналуы мен зерттелуі. Қазақ  фольклоры   алғашқы   үлгілерінің  жүйелі  түрде жиналып  зерттеле бастауы ХІХ ғасырдың екінші жартысынан басталады. Қазақ фольклорын жинаушылар ол кезеңде балалар фольклорына арнайы көңіл бөлген жоқ, халық мұрасының бір қыры ретінде бесік жыры, жұмбақтар, өтірік өлеңдер сияқты танымал жанрларды қағазға түсірді. Мысалы, Радловтың <<Түркі тайпаларының халық әдебиеті үлгілері>> еңбегінің қазақ фольклорына арналған үшінші томында өтірік өлең үлгісі кездеседі. Ы.Алтынсариннің <<Қазақ хрестоматиясында>>(1879) қазақ халық әдебиетінің озық үлгілерінен балаларға лайықталған тамаша үзінділер мол. Олар жас ұрпақты тәрбиелеу ісінде ауыз әдебиетінің де маңызды роль атқаратындығын жақсы түсінді. 
    Кеңес өкіметінің алғашқы жылдарында бұл мәселе қауырт қолға алынып, А.Байтұрсынов, М.Дулатов, Ж.Аймауытов, Х.Досмұхамедов, Н.Құлжанова, М.Жолдыбаев, Б.Майлин, М.Әуезов сияқты қазақ оқығандарының педагогикалық еңбектерінде заңды жалғасын тапты. М.Дулатовтың <<Қирағат>> атты оқу құралында(1911) фольклорлық үлгілер аса мол қамтылған. 1926  жылы шыққан <<Балаларға тарту>> жинағында халық поэзиясының балаларға арналған үлгілері тұңғыш рет толығырақ топтастырылды. І.Жансүгіров құрастырған <<Ел өтірігі>> кітабы да (1927) осы жылдардағы бағалы жинақтардың бірі  болды.    Бұл кезеңде қазақ балалар фольклрының үлгілері жиналып, жарық көріп қана қойған жоқ, зерттеушілер  назарына да іліне бастады. А.Байтұрсыновтың <<Әдебиет танытқыш>> еңбегінде(      ) өтірік өлең, жұмбақ, жаңылтпаш, тақпақ, жарапазан, бесік жыры сияқты терминдер алғаш ғылыми айналысқа түсіп, мағыналық жағынан тиянақталады. Ғалым ауыз әдебиетінің жанрлық түрлерінің балалар репертуарынан алатын орнына да назар аударады.  Х.Досмұхамедовтың <<Қазақ халық әдебиеті>>(1924) еңбегінде бала табиғаты мен тілінің дамуы жөніндегі мәселені анықтауға да мол сәуле түсіреді. Салмақты сілтеме ойларды М.Әуезовтің <<Қазақ әдебиетінің тарихы>>(1927), С.Сейфуллиннің <<Қазақ әдебиеті>>(1932) кітаптарынан да кездестіреміз. Кейінгі жылдары тұрпайы социологиялық саясаттың  салқынынан күңгірт тартқанымен зерттеушілер еңбектерінде  әр қырынан белгілі дәрежеде көрініс тауып келеді. Бұл орайда, Х.Арғынбаев, С.Қалиев, Қ.Жарықбаев, Н.Оршыбеков, А.Төлеубаев, Е.Сағындықов сияқты ғалымдардың  халық педагогикасына қатысты еңбектерін атаған жөн. 
      М.Ғабдуллин <<Қазақ халқының ауыз әдебиеті>> оқулығында ауыз әдебиеті үлгілерінің жанрлық түрлеріне сипаттама береді.  Ш.Ахметов <<балалар фольклоры>> терминін өз еңбегінде алғаш қолданып, түсініктеме береді. Балалар фольклорының ішкі жанрлық түрлерін өзгеше  саралайды. Б.Уахатов <<Қазақтың халық өлеңдері>> монографиясында балалар өлеңдеріне жеке бөлім арнаса, <<Қазақтың тұрмыс-салт жырларының типологиясы>> кітабында оның түркі тектес халықтар фольклорымен ортақ желілеріне тоқталады.
* Балалар фольклорының үлкендер фольклорынан       айырмашылығы.
     Халқымыздың балалр фольклоры жанрлық құрамы жағынан сан-салалы, соған лайықты олардың атқаратын қызметі де түрліше. Зерттеу еңбектерінде дәстүр бойынша оларды шығу, орындау ерекшеліктеріне қарай үлкендердің балаларға арнап шығарған, бірақ, негізінен, балалардың репертуарында сақталған шығармалар және балалардың өздері таратқан өлең-жырлар деп екі салаға жіктеу қалыптасқан.
    Қазақ балалар фольклорын саралап жіктейтін болсақ, олардың ішінде кейбір жанрлардың үлкендерге де, балаларға да ортақ екендігін көреміз. Олар: ертегілер, жұмбақтар, өтірік өлеңдер, төрт түлік жырлары т.б.  Алайда осы жанрларға жататын көркем шіғармалардың мазмұны, түр-сипаты, әшкі табиғаты бірдей емес. Олардың ішінде балалар айтатын, өзеріне ғана лайықты өлең-жырлар бар. Қой баласы  -  қоңырым, Қойдан жуас момыным, Шопан ата түлігі  -  Қошақаным, қайдасың? Пұшайт, пұшайт!  Төлді қалай шақыру, малдың баласын сүюі, бөбектің төрт түлікке айтқан тілегі, қой мен ешкінің айтысы, сондай-ақ шешілуі оңай, құрылысы қарапайым жұмбақтар, ұғымға жеңіл өтірік өлеңдер, бұлардың қай-қайсысы да балалар репертуарында молынан сақталған. Бұл жырларды алғашқы шығарушылары ересек адамдар болуы әбден ықтимал. Балалар фольклорын ұрпақтан ұрпаққа жеткізіп, балдырғандарға үйретіп отыратын да негізінен үлкендер болса керек. Демек, үлкендер мен балалар творчествосының тығыз қарым-қатынаста болуы, ауыс-түйіс ортақ  шығармалардың екеуінде де ұшырасуы заңды. Алайда ауызша коллективтік творчествоның ерекшелігі сонда, олар көпшіліктің талап-тілегіне лайықты ұзақ сүзгіден өтіп, өңделіп, түрлі сыннан өткен дәстүрлі қалыпқа түспейінше толық мағынасындағы фольклорлық шығарма бола алмайды. 
     Осы тұрғыдан келгенде балалар фольклоры да о баста кім шығарғанына, қалай пайда болғанына қарамастан балалар коллективінің өзіндік сүзгісінен өтеді. Өз ұғымдарына, түсініктеріне, тіл оралымына, іс-әрекеттеріне сәйкес емес туындылар көпшілік тарапынан қабылданбайды. Ал қабылданған жағдайда балалар творчествосының дәстүріне лайықты іс жүзінде өзгеріп, өңделеді. Оралымсыз тіркестер, ұғымға ауыр шумақтар ұмытылады. 
     Осы тұста бір ескеретін жағдай - балалар фольклорының кейбір үлгілерінде мазмұнға жеткілікті мән беріле бермейді. Ұйқасы оңай, ойнақы болса, әсіресе, түрлі іс-әрекеттерге айтылуы сәйкес келсе, ондай өлеңдер көбірек қолдау табады. Осындай өзгешелікті біз әсіресе ойын өлеңдерінен анық көреміз. 
    Балалар фольклорының тағы бір ерекшелігі, ауыз әдебиетінің басқа түрлеріне қарағанда коллективтік сипатының басым екендігі. Олардың дені көпшіліктің есінде жүреді. Көбін балалар жаттап алып, жиналған жерде кез-келгені жекелеп те, топталып та айта береді.
 Бұған қоса балалар фольклорында поэзияның іс-әрекет, ойыннан, түрлі көне түсініктерден, ырым мен салттан, қарапайым әуендерден, жан-жануарлардың даусы мен қимылына еліктеуден қарасын үзіп толығымен ажырап кетпегендігін байқаймыз.  Бұл, сөз жоқ, балалар поэзиясының көп қырлы, ертеректегі синкретті белгісін айғақтайтын құбылыс. Міне, осы айтылған өзгешеліктердің бәрі де жалпы аламзат фольклорының ерте дәуірдегі сәбилік шағына тән белгілер. Рас, балалар фольклоры түрлі тарихи дәуірлерді бастан кешірді, өзгерді, өркен жайды. Сөйте тұра ол осы айтылған дәстүрлі қалыптың аясында дамыған сияқты. 
* Балаларға арналған халық өлеңдері. 
     Жалпы дамыған елдер өміріне көз жіберсек, фольклорлық жанрлардың бірінен соң бірінің балалар репертуарына біртіндеп көшіп жатқандығын байқауға болады. Мәселен, кәдімгі ертегі. Шығу тегі жағына келсек, бұл ересектер фольклорының көнеден келе жатқан күрделі де, негізгі жанрларының бірі. Бірақ ол бүгін таза балалардың сүйіктісіне айналып кетті емес пе? Бүгінгі сәбидің ойлау жүйесі бір кездегі адамзаттың балаң кезіндегі ойлау жүйесімен көп жағдайда сәйкес шығып жатады. Міне, осы тұрғыдан келгенде балалар шығармашылығы мен ересектер мұрасының арасына қазіргі кезеңде шек қоюға тырысудың өзі шартты мәселе. Бұл шарттылық шынтуайтына келгенде кез келген ғылыми зерттеудің мүддесіне байлансты бой көтереді. Сонымен зерттеушілер балалар фольклорын саралау кезінде көп жағдайда шығармалардың авторы мен орындаушыларына мән беріп, оларды "балаларға арналған үлкендер шығармалары", "үлкендер репертуарынан балалар аузына көшкен шығармалар", "таза балалар шығармашылығы" деп үш топқа бөліп қарастырып келеді. Бұл негізінен генетикалық(шығу тегі) принципті басшылыққа алудың нәтижесінде пайда болған саралау еді. Оның олқылығы сонда, көптеген шығармалардың шығу тегін, кімдер орындайтындығын тап басып айту қиын еді. Оның үстіне тақырып, мазмұндық, функциялық, поэтикалық құрылым жағынан келгенде бұлайша жіліктеу ғылыми сараны қанағаттандыра алмайтын. 
      Кейінірек В.А.Василенко шығармаларды атқаратын міндетіне(функция) қарай жіктеп, "ойын әрекеттіріне байланысты шығармалар", "ойын әрекеттерінен тыс шығармалар" деген топтау үлгісін көрсетті. Орыс балалар фольклорын көптен бері зерттеп жүрген белгілі ғалым М.Н.Мельников өзінің "Орыс балалар фольклоры" атты кітабында аталмыш мәселені зерделей келіп, балалар мұрасын "Әлпештеу поэзиясы"(пестования), "тұрмыстық(бытовой) фольклор", "ермектік(потешный) фольклор", "ойындық фольклор" деп төрт топқа бөлуді ұсынады. 
    Сол сияқты балалар фольклорын өзінше кіші әлем ретінде тұтастай бөліп алып, әдебиеттанудағы классикалық саралау үлгісімен "лирикалық, эпикалық, драмалық" деп жіктеушілер де бар. Бірқ мұнда да толық айқындалмаған, пікірталасқа қарай жетелейтін тұстар жетерлік. Тұтастай алғанда балалар фольклорын іштей топтап, жанрлық түрлерге саралауға біржолата қалыптасқан, айнымас ұстам әзірге орныға қойған жоқ. Бұл жалпы, бүлдіршіндер мұрасының  өзіндік табиғатының аса күрделілігінен болса керек. Балалар фольклорын іштей саралауда назар аударып, есте ұстайтын шарттар мыналар болмақ. Оның алғашқысы - шығармаларды кім шығарып, кімдердің орындайтындығын және қалай орындайтындығы. Мәселен, бесік жырын ата-аналар шығарып, негізінен солар орындайды. Көптеген шығармалар балаға байланысты әдет-ғұрып, салттар негізінде болып келеді. Ал мазақтамаларды балалар өздері шығарып, өздері орындайды. Осыған орай бұл шығармалар түрлі топтарға жіктелмек. Екінші ескеретін мәселе шығармалардың атқаратын қызметі. Бұл шарт балалар фольклорын іштей саралауда маңызды міндет атқарады. Мәселен, бесік жырын да, алдарқату жырын да ересектер орындайды, бірақ екі шығарманың атқаратын міндеті екі басқа. Бірі - - баланы тыныштандырып, ұйықтатуды мақсат етсе, бірі алдандырып, көңілін сергітуді мұрат тұтады. Немесе, тақпақ пен драмалық ойындардың қай-қайсысын болмасын балалар өздері орындайды, бірақ шығармалардың міндеті әр түрлі. Сондай-ақ шығармаларды саралауда балалардың жас ерекшелігін де ескерген жөн. Мәселен, ата-аналар сәбилерге олардың табиғатына лайық шығармалар айтса, келе-келе бала әрбір жанрлық түрді жас ерекшелігіне қарай біртіндеп игереді. Төртінші ескеретін негізгі шарттың бірі - шығармалардың поэтикасы. Яғни шығарманың тақырыптық, мазмұндық, сюжеттік, композициялық құрылымы, сөз саптасы, тіл кестесі т.т. Фольклортанушы К.Ісләмжанұлы осы шарттар бойынша қазақ балалар фольклорын мынандай топтарға жіктеп, ішкі жанрлық түрлерге бөледі:
* Әлпештеу поэзиясы(бесік жыры, сәбилік ғұрып жырлары, мәпелеу жырлары, уату-алдарқату жырлары)
* Жеткіншектер поэзиясы(маусымдық жырлар, арнау-тілек өлеңдері,балалар өлеңдері:тақпақ, сұрамақ, қызықтама, өтірік өлең,мазақтама)
* Ойындық фольклор(ойын өлеңдері: тәжікелесу, жаңылтпаш, жұмбақ, балалар айтысы,ойынға байланысты жырлар: ойынға шақыру, қаламақ, санамақ, драмалық ойындар).
 Әлпештеу жырлары. Әлпештеу поэзиясына жатқызылатын жырларды шығарушылар да, орындаушылар да - ересектер. Ол жырлар сәбидің шыр етіп дүниеге келген күнінен бастап оны бағып-қағуға арналған түрлі салт-дәстүлерді сүйемелдейді. Ата-ананың, қалың жұртшылықтың сәбиге деген сүйіспеншілігі, арман-тілегі жыр тілімен өрнектеледі. 
     Бесік жыры. Бесік жырларын дәстүрлі бесік жырлары және суырып салма бесік жырлары деп екі топқа бөліп қарастырған жөн. Дәстүрлі бесік жырына ұзақ жылдар бойы айтылып әбден қалыпқа түскен жырлар жатады. Бұл жырлар тікелей балаларға арналған. Жырдың негізгі мазмұны баланы ұйықтатуға тыныштандыруға, оның жарқын болашағына ақ тілек білдіруге құрылады. Суырып салма бесік жырлары адамның жеке басындағы, тұрмыстағы, тарих пен қоғамдағы түрлі оқиғалардың әсерінен туып тарап отырған. Бала тербетіп отырған адам бесік жырының дәстүрлі нұсқасын пайдалана отырып, өз ой толқынысын, күйініш-сүйінішін сыртқа шығарады. Бесік жыры көбінесе тілек айту мәніне құралады да, жыр айтушы бөбектің келешегіне сенім артып, қуанышқа бөленеді. Үміт тілек: - Айыр қалпақ киісіп, Ақырып жауға тиісіп, Батыр болар ма екенсің? Бармақтарың  майысып, Түрлі ою ойысып Ұста болар ма екенсің? Бата тілек(сенім арту): Ала биең құлындап, Алатауға сыймасын>> Қара биең құлындап, Қара тауға сыймасын...Ақылыңмен батыл бол, ғайынмен тату бол. Бағаналы таудай бол, Шағалалы көлдей бол. Халық педагогикасының бұл саласы ғасырлар бойы бала тәрбиесіне өз өрнектерімен әсер етіп, қазіргі көркем әдебиет нұсқаларымен дамып келеді. 
      Сәбилік-ғұрып жырлары. Бөбек туғаннан кейін жеті-сегіз айдан соң, әуелі еңбектеп(еңбектеудің де әр түрлісі бар) содан кейінірек қаз-қаз тұрып, қаз басып жүре бастайды. Бала тәй-тәй басып жүре бастаған кезде, тұсау кесу рәсімі жасалып, тұсау кесу жыры айтылады. Сонымен  баланың алғаш бесікке бөленуі, қырқынан шығуы, тіс жаруы, құйрық басып отыруы, тілінің шыға бастауы, қаз тұрып, тәй-тәй басуы т.б. сәттері түрлі ырым-жоралғылармен атап өтіледі.  Осыларға орай тілектер айтылады. Мұндай тілек өлеңдерде халық түсінігінің түрлі көріністері, діни наным-сенімдерге байланысты салт-дәстүрлері бой көрсетеді. Солардың бірі  -  <<Тұсау кесу>> жыры баланың апыл-тапыл басқан алғашқы қадамына арналып айтылады. <<Тұсау кесудің>> ырғақты интонациясы мен сөзі баланың бір басып, екі басып барып жүрексініп қалатын аяқ алысына ыңғайланып жасалған. Тұсау кесу жырын балбөбекті күтушілер оның тұсауын кескенге дейін де айтып, оның тәй-тәй басып жүруіне қуаныш білдіріп, сүйеніш, жетекші іс-әрекет тәсілдерін қолданады. 
Тұсау кесу жырының бұл түрі "тәй-тәй" деп аталады: Тәй-тәй, балам, тәй балғын, Жүре қойшы жай балғын, Қарыс сүйем Қаз бастың, Қадамыңнан айналдым Тәй-тәй-тәй! Жүре ғой жай! Қазақ балалар поэзиясында бірсыпыра ақындардың(Ж.Смақов, М.Әлімбаев т.б.) тұсау кесуге арналған жырлары бар. Мысалы, ақын Жақан Смақов Тәй-тәй бас, құлама, Құласаң жылама! деп баланы батылдыққа тәрбиелейді. Мәпелеу жырлары(пестушки). Мәпелеу жырлары халықтың баланы бағып-қағуға байланысты өмірлік тәжірибесінен туындаған. Сәби денесінің дұрыс жетілуіне қолайлы жағдай туғызу мақсатынан баланың аяқ-қолын созып, әр түрлі жаттығулар жасату  -  практикалық қажеттілік. Анасы бала құлағына жағымды сөзбен жаттығу әрекеттерін сүйемелдей өлеңдетеді. Өлеңнің ұйқасы мен ырғағы, көркемдік құрылысы дене жаттығуларын сүйемелдеуге ыңғайланған, сол әрекеттермен үндес шығып отырады. Мазмұны балаға жақсы тілектер тілеу сипатында болып келеді. Мәпелеу жырларына <<Өс, өс, балам>>, <<Сыламақ менен>>, <<Ақ білек>> және т.б. жатады 
     Уату-алдарқату жырлары(потешки). Уату-алдарқату жырларының әрқайсысының(<<Қуырмаш>>, <<Бөпем менің қайда екен?>>, <<Бір дегенім білеу...>> т.б.) мазмұнынан халық тұрмысының өзіндік ерекшеліктері танылады. Уату жырларының міндеті  -  тынышсызданған баланы алдандырып, сергітіп, көңілін басқа жаққа аудару. Уату-алдарқату жырлары  -  бала көңілін аулайтын ермек қана емес, үлкен тәрбие құралы. Сондай-ақ, саусақтарды ретімен жұмып, ретімен ашу да бала ұғымын жүйелілікке тәрбиелейді. 
Жеткіншектер поэзиясы. Маусымдық жырлар. Қазақ балаларының маусымдық жырларын көктем мен жаз, күз бен қыс өлеңдері деп екіге бөлген жөн. Алғаш күн күркірегенде, алғаш жыл құсы келгенде, алғаш бие байлап, қымыз ашытқанда түрлі ырымдар жасалады. Міне, осындай көктем, жаз, күз, қыс құбылыстары балалар өлеңдерінен өз орнын тапқан. Көктем мен жазға арналған өлеңдер(<<Жыл құсын көргенде>>, <<Самалық, самалық>>, <<Жазда>> т.б.)қуанышты көңіл-күй әуендерімен ерекшеленсе, күз бен қыс туралы өлеңдерде(<<Күзде>>, <<Қыста>> т.б.)  сүреңсіз суық күндер, ауылдың сұрқай тіршілігі басым бейнеленеді. Арнау-тілек өлеңдері(заклички, приговорки). Арнау-тілек өлеңдерінің ішкі мазмұнына үңілсек, күнге, айға, табиғат құбылыстарына арналған жырлардан(<<Айға>>,<<Күн шыққанда>>, <<Жаңбыр жауғанда>> т.б.) жалбарынудың, өтіне сұранудың нышанын байқаймыз. Ал жан-жануарларға арналған жырларда(<<Балыққа>>, <<Құртқа>> т.б.) өтініштен гөрі бұйыра айту сарыны басымдау.
     Балалар өлеңдері(тақпақ, сұрамақ). Жеткіншектердің күнделікті тіршілігінде жиі айтылып, кең таралған өлеңдер тобын шартты түрде балалар өлеңдері деп жеке топтауға болады. Тақпақ(<<Торғай>>, <<Қарға>>, <<Сауысқан>> т.б)  -  шағын көлемді шығарма. Тақпақта дыбыстық үйлесімдер жарасымы анық байқалады. Мазмұны  балалардың таным-түсінігіне, күнделікті тірлігіне етене жақын болып келеді. Сұрамақ(<<Қарға, қарға, қарғалар>>, <<Ауылың қайда?>>, <<Бақа>> т.б.) диалогқа құрылып, екі баланың кезектесіп айтуына ыңғайлы болып келеді. Өлең құрылысы да ойнақы, жеңіл, шымыр ұйқасқа құрылады. Айтыс түрінде келетін өзгеше қызық формасы да(<<Қой мен ешкінің айтысы>>) бар. 
     Қызықтама(прибаутки). Қызықтамалардың(<<Түлкі, түлкі, түлкішек>>, <<Түйе, түйе, түйелер>> т.б.) ең басты ерекшелігі, өлеңдік баяндауға құрылатындығы. Олардың сюжеті үнемі тізбекті болып келеді. Бұл өлеңдерді балалар ынталана тыңдап, тамашалап қана қоймай, оның астарындағы юморды да түсіне білуі шарт.
Мазақтама(дразнилки). 6-12 жас аралығындағы балалар бір-біріне ат қойып, айдар тағуға, кез-келген жағдайда бір-бірін келемеждеуге ыңғай тұрады. Және ол келемеждерін көбінесе өлең жолдары арқылы білдіреді. Балалар мазақтамаларын мазмұны, тақырып объектісі жағынан балалар атына ұйқастырылған(рифмованные прозвища) мазақтамалар және бала бойындағы, мінезі мен әрекетіндегі түрлі кемшіліктерді күлкі етуге арналған сайқымазақ мазақтамалар деп екі жікке бөлуге болады. Мазақтаманың негізгі мақсаты  -  баланың мінін көрсетіп, сынау, оны тәрбиелеу. Ал балалардың бірін-бірі мазақтауы кезінде орынсыз пайдаланып, бір-бірінің арына тиіп, ызаландырып жасытуы мүмкін. Ондайда оларға үлкендік, салиқалық кеңес керек. 
Ойынға байланысты жырлар. Балалар  ойынының поэзиялық өрнегіне, фольклорлық мән-мағынасына тоқталатын болсақ, екі үлкен жікке бөліп саралауға болатын тәрізді. Оның алғашқы тобына балалардың қимыл-қозғалыс ойындарына, ойынның басталуына, жүргізілуіне, аяқталуына байланысты айтылатын, яғни, ойынға байланысты өлеңдер, екінші жікке өлең-ойындар жатады. Екінші жағдайда балалар өлең сөзін ойынға айналдырады, сол арқылы тапқырлық, ұтқырлық сияқты ой жарысына түседі. Әрекетке құрылған рольді ойындардың(ролевые игры) құрылысында өлең сөз ерекше белсенді қызмет атқарады. Ойынға байланысты келетін өлеңдердің әрқайсысының өзіне тәуелді функциясы, соған орай мазмұны мен өзіндік ерекшеліктері бар. Осы сипаттарына қарай бұл өлеңдерді фольклоршылар мынадай ішкі жанрлық түрлерге жіктеп жүр: Ойынға шақыру өлеңдері. Қаламақ. Санамақ. Драмалық ойындар. 
     Ойынға шақыру(голосянки). Ойынқұмар ауыл балалары өз серіктерін іздеп бірін-бірі ойынға шақырады. Балалар көп жағдайда бір-бірін өлеңмен де шақырады. Ол өлеңдерді балалар жеке-жеке де, хормен де дауыстап айта береді. Өлеңнің мазмұны көбіне баланы ызаландырып, шамына тиіп қалайда ойынға шығаруды көздейді(<<Айдағаным торпақ, ала тайым жортақ. Кім ойынға шықпаса, қоян жүрек  қорқақ>>, <<Әуеде ұшқан алты қаз, атайын десем оғым аз. Егер ойынға келмесе,  пәленшенің басы таз>>, <<Сәуле бізбен дос, қолы күнде бос. Добын ала шығады,  дарбазасын жаба шығады>>). 
     Қаламақ(жеребьевки). Балалар ойынының басталуында да өлеңнің атқарар рөлі зор. Көпшілік ойындардың ойнау шарты бойынша балаларға екі топқа бөлінуге тура келеді. Мұндай жағдайда балалар әр түрлі тәсілдер қолданады. Осындай тәсілдің бірі  -  қаламақ арқылы жіктелу. Ойын алдында балалар екі жетекші сайлайды, содан соң екі-екіден жұптасып, өздеріне жасырын ат қояды. Сол жасырын ат бойынша екі жетекшіден кезек-кезек қалауын сұрайды. Мысалы, <<аспандағы жұлдыз керек пе, судағы құндыз керек пе?>> деп сұрайды. Жетекшінің бір <<судағы құндыз>> немесе <<аспандағы жұлдыз>> дейді. <<Құндыз бала>> немесе <<жұлдыз бала>> сол жаққа шығады. Осылайша олар екі топқа бөлінеді. 
     Санамақтар(считалки). Санамақтар балалар ойындарын бастауда басты рөл атқарады. Бұл жанрдың тәлімдік мәні өте зор. Ең алдымен ұйқасты өлеңдер баланың поэзияға құмарлығын арттырып, әдемі сөйлеуге дағдыландырады. Жаттау қабілеттерін, танымдық ой-өрісін дамытады. Санамақ тәртібін бұзбай  айту  баланы сергектікке, байқампаздыққа, турашылдыққа баулиды. Санамақтар көп жағдайда <<сен тұр, сен шық>>, <<сен кір, сен шық>> деген тәрізді  белгілі тіркестермен аяқталады. Драмалық (рольді) ойындар.  Ойын(<<Айгөлек>>, <<Ақсүйек>>, <<Ақ серек, көк серек>>, <<Үй артында қол ағаш>>, <<Соқыр теке>>, <<Асау мәстек>> т.б. )  өлеңдерінің шартты белгісі  -  олардың орындалуының ойындық шартты әрекеттермен міндетті түрде қабысып келуінде. Өлең ойындар(песни-игры). Бұл топтағы жырлардың қимыл-қозғалыс ойындарымен байланысы жоқ. Ойын сөзге, өлеңге негізделіп құрылады. Балалар диалог арқылы сөз қақтығысына, ой жарысына түседі. Сөзбен ойнай жүріп тілдерін сындырып, қиялдарын ұштайды, білім-біліктерін байытады, түрлі дағдылар қалыптастырылады. Өлеңді сөз бен ойды ермек етуге негізделген бұл өлең-ойындардың құрамына мынадай жанрлық түрлерді топтастыруға болады: тәжікелесу, жаңылтпаш, жұмбақтар, балалар айтысы. 
Тәжікелесу(поддевки). Тәжікелесу  -  балалардың күнделікті тірлігінде кең тараған ермек өлеңдердің бір түрі. Олардың көлемі әр түрлі, көбінесе, ұйқастырылған тақпақ түрінде келеді. Мазмұнында балалардың бір-бірін келекелеп, қағытқан әзілі жатады. Тәжікелесулердің жасанды диалогқа негізделген тәжікелесулер(<<-қасық деші  -  қасық  -  аузың сасық, -жәшік деші  - жәшік  - сенің әкең піркәшік>> т.б. ), табиғи     диалогқа    негізделген    тәжікелесулер (<<-немене  -  тегене -төмен қарай дөңгеле>>, <<-мынау қандай ағаш?  - қайың  - сыбағаң дайын>> т.б.), тәжіке-жұмбақтар(<<-белі бүкір алысқа түкір  - мылтық  - аузыңа жүн тық, -даусы тырау-тырау, денесі қырау-сұрау  -  тырна  - бас салып тырна>>), тәжіке-сауалдар(-ақ па, қара ма? -ақ  - бетіңе батпақ жақ  - қара-басыңа шықсын жара  - ат па, айғыр ма? Ат  -  арам қат  -  айғыр  -  міне алмай қайғыр), алдамшы тәжікелесулер(-ананы қарашы  - қараттым, қараттым, қарғаның саңғырығын жалаттым, -алдадым, алдадым, қара суды жалдадым) деген түрлері бар. Тәжікелесудің сөздің мағынасын бұра сөйлеуге құрылған дәстүрлі формалары да бар. 
     Дәрісті қорытындылау: Балалар әдебиеті ауыз әдебиеті түсінік беріп, балалар әдебиетінің ерекшелігіне кеңінен тоқталып, балалар әдебиетінде фольклордың алатын орыны, зерттелуіне талдау жасау.

                      Негізгі әдебиеттер
* Ш.Ахметов. Қазақ балалар әдебиеті тарихының очеркі. А. 1965.
* Қ.Ергөбек. Арыстар мен ағыстар. 1 том. А. Өркениет. 2003.
                                       
                      Қосымша әдебиеттер
* С.Ерубаев. Мәңгілік өмір. А.Жазушы. 1994.
* Б.Бұлқышев. Заман біздікі. А.Жалын. 1994.
* Дет. литература. М. Просвещение. 1989. Под ред. Е.Е.Зубаревой. 
* Зарубежная детская литература. М. Просвещение. 1974. Под ред.   
      И.С.Чернявской.
* Русская литература  для детей. М. Изд. центр. Академия. 1998. Под 
     ред. Т.Д.Полозовой.
                                 3-ДӘРІС
 Халық  ауыз  әдебиеті  үлгілері -  бала  тәрбиесінің құралы
* Мақал - мәтелдер.
* Жұмбақтар.
3. Жаңылтпаштар.
4. Өтірік өлеңдер
5. Балалар айтысы
Мақсаты:  Балалар әдебиеті туралы түсінік беру ,теориялық негіздері  туралы мағлұмат беру. Балалар әдебиетінің тарихи қалыптасу, даму жолдарын меңгерту. Әдістемелік мұра және оны талдау әдістері туралы түсінік беру       
1. Мақал-мәтелдер. Қазақ мақал-мәтелдері - ерте дәуірден қалыптасып, ауызекі сөйлеу тілімізде дамып келе жатқан жанр. Мақал мен мәтел - халықтың еңбек және әлеуметтік өмір тәжірбиесінен алынған білімнің жиынтығы. Мақалдар аз сөзге көп мағына сіңірген, тәрбиелік жағынан өсиет, ереже, этикалық, моральдық нормалар іспеттес. Көне дәуір ескерткіштеріндегі Қорқыт мұраларынан, М.Қашғаридің <<Дивани лұғата-ат түрік>>, <<Кодекс Куманикусте>> қазіргі қазақ мақалдары жиі ұшырасады. Қазақ мақал-мәтелдері ХІХ ғасырдың 70 жылдарынан бастап, баспа жүзінде жарық көре бастаған. Бұл істе орыс ғалымдары: В.В.Радлов, М.Терентьев, А.В.Васильев, Н.Н.Пантусов, В.Катаринский,  Ә.Диваев, М.Ж.Көпеев т.б. елеулі жұмыстар жүргізді. Қазақтың мақал-мәтелдері бұдан кейін 1935,1951,1957 жылдары бірнеше рет жинақ болып жарық көрді.  
        Мақалдың мәтелден айырмашылығы. Мақал мен мәтел құрылысы, түрі, сөз қолданысы жағынан бір-біріне жақын және ұқсас келеді. Бірақ өзара айырмашылығы да бар. Басты айырмашылық  -  бұлардың мазмұнында. Қай мақалды алсақ та, оның мазмұнында өмірде болған елеулі оқиға, әңгімелер жатады. Мақал соларға берілген даналық қорытынды, тұжырымды түйін болып отырады. Мақалда дәлелдеу мен қорытынды пікір бірдей жүріп отырады. Мақалдың тағы бір ерекшелігі  -  оның құрылысында. Мақалдар, көбінесе, сөйлем түрінде келеді(<<Тіл  -  қылыштан өткір>>, <<Ақыл жастан шығады, асыл тастан шығады>>). Мәтелде мақалда кездесетін мазмұнды оқиғалы әңгімелер жоқ деуге болады. Мәтел айтайын деген ойын турасынан білдірмей, жанама түрде әр түрлі салыстыру, теңеу арқылы жеткізеді. Кейбір сөздерін тыңдаушының өзі аңғарып түсінер деген оймен әдейі қалдырып кетеді(<<Көппен көрген ұлы той>>, <<Құрыққа сырық жалғап>>, <<Тілге тиек жасап>>, <<Ханнан қазық, биден тоқпақ>> т.б.). Бұл мәтелдің өзіне тән ерекшелігінің бір болып табылады. Мәтелдер, көбінесе, сөз айшығы, көркем теңеу, сөз образы ретінде қолданылады. Егер мақалда дәлелдеу мен қорытынды пікір бірдей келіп отырса, мәтелде бұл екеуінің бірі ғана болады.  
     <<Мақалдар  -  нақыл, өсиет түрінде айтылатын философиялық ой түйіндері, сөз мәйегі. Мақалдар, көбінесе өлеңдік өрнекпен, сабырлы, салмақты ырғақпен айтылады, қара сөзбен, яғни шешендікпен айтылатын мақалдар да бар. Мақал, негізінен, екі бөлімнен(көбінесе екі тармақтан) құралады. Бірінші бөлімде пайымдау (айтатын ойдың түп негізі), екінші бөлімде ой қорытындысы айтылады. (Еңбек етсе, емесің). Тура мағынада (Еңбек етсең, ерінбей, тояды қарның тіленбей), ауыспалы мағынада (От жақпаған үй  -  қорамен тең, адам кірмеген үй моламен тең) қолданылатын мақалдарды, көбінесе, халық шығарған. Жыраулар мен ақындар, ел басылары мен батырлар, зиялы адамдар шығарған(авторы белгілі) мақалдар мен мәтелдер де өте көп. 
       Мәтелдер, негізінен, тұжырым тұспалы өлеңде сыңар тармақты, қара сөзде нұсқалы сөз ретінде айтылады. <<Өлең  -  сөздің патшасы>>, <<Қызым, сған айтам, келінім, сен тыңда>> т.б. Мәтелдер де тура мағынада <<Қадіріңді білгенге жұмса>> деп және ауыспалы мағынада <<Тікен гүлін қорғайды>> деп айтылады.>> (Ә.Табылдиев. Қазақ этнопедагогикасы.Оқу құралы. А.Санат. 2001.17-б). Сонымен мақал - тура, нақтылы іске жасалған сөз түйіні(<<Өнер алды  -  қызыл тіл>>, <<Еңбек түбі  -  мереке>>, <<Еңбегіне қарай өнбегі>>, <<Ат- ер қанаты>> т.б.) Ал  мәтел  көбіне ойды тұспалдап ишарлай, топшылау арқылы жеткізеді(<<Соқыр тауыққа бәрі бидай>>, <<Қызым саған айтам, келінім сен тыңда>>, <<Шабан үйрек бірінші ұшар>>,т.б.). 
       Мақал-мәтелдің тақырыптары. Мақал-мәтелдер  мағынасы терең, сөзі ықшам да  көркем, есте сақтауға жеңіл болатындықтан бала тәрбиелеу ісінде үлкен орын алады. Бала өсіруде, тәрбиелеуде халық өзінде бар барлық асыл сөз, даналық ойларын балаларға да арнады. Өз өмірінің ғасырлық тәжірибесінен алынған асыл ойларын мақал-мәтел етіп, үлгі-өнеге ретінде өмірінің жалғасы болатын баласына, немересіне қалдырып отырған. Мақал-мәтелдер балаларға терең ой салумен қатар оларды бейнелі сөйлеуге жаттықтырады, сөз байлығын дамытады. <<Қазақтың мақал-мәтелдерінің көбірек қамтитын тақырыптары: елдік, ынтымақ, бірлік туралы мақал-мәтелдер. Елдік туралы мақал-мәтелдер: Туған жерге туыңды тік. Ит ттойған жеріне, ер туған жеріне. Өз елім - өлең төсегім. Өзге елде сұлтан болғанша, өз еліңде ұлтан бол. Отан  -  оттан да ыстық. Батырлық, ерлік туралы мақал-мәтелдер: Өжет адам өлімді жеңеді. Ер бір өледі, қорқақ мың өледі. Қару күшті емес, қару ұстаған күшті. Белдескеннің белін сындыр, тірескеннің тізесін бүктір. Қара бет болып қашқаннан қайрат көрсетіп өлген артық. Өнер-білім турлы мақал-мәтелдер: Өнерлі өрге жүзеді. Өнерді үйрен де, жирен. Ата көрген оқ жонар, Ана көрген тон пішер. Өнерліге өлім жоқ. Білекті бірді жығар, Білімді мыңды жығар. Төрт түлікке байланысты мақал-мәтелдер: Қойдың сүті  -  қоғасын, Қойды соққан оңбасын. Мал өсірсең қой өсір, Өнімі оның көл-гөсір. Есі кеткен ешкі жияр, Ешкісімен есін жияр. Нар жолында жүк қалмас. Екі аяқтыда бажа тату, Төрт аяқтыда бота тату. Ат ерінді келер, Ер мұрынды келер. Айғырды неден салсаң, Атты содан мінерсің. Сиыр сипағанды білмейді, жаман сылағанды білмейді. Егіншілікке байланысты мақал-мәтелдер: Жері байдың  -  елі бай. Арпа, бидай ас екен, алтын, күміс тас екен. Екпей егін шықпас, үйренбей білім жұқпас. Егін ексең тыңға, шықтым дей бер шыңға. Адамгершілікке байланысты мақал-мәтелдер: Жақсының жаттығы жоқ. Жақсыда кек жоқ, кектіде тек жоқ. Жаман болса туысың туыспай-ақ құрысын. Төсектің тарлығы  -  тарлық, көңілдің тарлығы  -  қорлық. Әлсіз ат сүріншек, ақылсыз адам еріншек. Тәні сұлу  -  сұлу емес, жаны сұлу  -  сұлу. Адам болар баланың кісіменен ісі бар, Адам болмас баланың кісіменен несі бар.>> (Ә.Табылдиев. Қазақ этнопедагогикасы.Оқу құралы. А.Санат. 2001.18-19-б) Өнер-білім, оқу, ғылым жайын сөз қылғанда халық бұлардың адам баласына  тигізетін пайдасы көп екендігін көрсетуден бастайды. <<Оқыған озады, оқымаған тозады>>, <<Білек сүріндіре алмағанды білім сүріндіреді>>, <<Өнерліге өлім жоқ>>, <<Білекті бірді жығады, білімді мыңды жығады>>, <<Өнерлінің өрісі ұзақ>> деп халық өнер-білімді, оқу-ғылымды аса жоғары бағалайды. Білім алу жолының оңай еместігін <<Оқу- инемен құдық қазғандай>> деп түсіндіреді.
       Тәрбие жайында. <<Отбасында ата-аналар бала тәрбиесіне лайықтап іс-әрекет, пікірлесу, пікірсайыс кезінде өнеге көрсетіп, өсиет айтып: ана тілін алмасаң, арың кетеді; әке  -  тірегің, ана  -  жүрегің; бірінші байлық  -  денсаулық; сабыр түбі  -  сары алтын; еріншектің ертеңі таусылмайды; көзің ауырса, қолыңды тый, ішің ауырса, асыңды тый; іс істесең, ретін тап; ағасы бардың жағасы бар, інісі бардың тынысы бар; бір үйдегі бәрің де бір-біріңе меймансың; ас ішсең аяғыңды жина; ашу  -  дұшпан, ақыл  -  дос; ерте тұрған әйелдің бір ісі бар, ерте тұрған еркектің ырысы бар; әке тұрғана бала сөйлегеннен без; әдептілік - әдемілік; қыз қылығымен жағады; бала - жақсы болса, бала, жаман болса  -  пәле т.б. мақалдарды жиі айтады. Баланың өмір тәжірибесі аз, сондықтан оған айтатын ақыл-насихат, өнеге-өсиет әрі әсерлі, әрі ойда қалатындай мәнді болу керек. Сол мәнді сөздер  -  мақалдар мен мәтелдерді орынды пайдаланған ата-ана ой қозғап, ақылға қонымды сөздер айту арқылы баланы тәрбиелейді және санасын арттырады. <<Ұяда нені көрсең, ұшқанда соны ілерсің>> дегендей баланы ана тілін ардақтауға үйретіп, ой қисындарын сөз жүйесіне келтіре алу қабілетін дамыту үшін ата-ананың мақалдап сөйлеуінің мәні зор. 
        Мақалдың да мақалы бар, кейбір ескірген, қазіргі өмірге қолдануға қолайсыз, тіпті теріс тәрбиелейтін мақал-мәтелдерді пайдаланудан сақ болу керек. Ұлы Абай <<жиырма тоғызыншы>> сөзінде <<Жарлы болсаң арлы болма>>, <<Атың шықпаса, жер өрте, <<Ата-анадан мал тәтті>> т.б. зиянды мақал-мәтелдердің <<құдайшылыққа, не адамшылыққа>> жарамайтынын айтады>>(Ә.Табылдиев. Қазақ этнопедагогикасы.Оқу құралы. А.Санат. 2001.20-б). <<Жорғаның тері кетпес, еркенің көз жасы кеппес>>,  <<Есер баладан ерке бала жаман>> деп баланы жас кезінен ерке, шолжың етпей өсіруді жақтайды. Балаға баласынып қарамау керектігін де әрқашан еске салады. <<Балаңа байқап сөйлесең, ақылыңа көнер, байқамай сөйлеген көп ішінде өлер>> деп баланың қалай өсуі алдымен ата-анаға байланысты екенін құптайды. 
      Жолдастық жайында. Жас жеткіншектерді мейірімді, кішіпейіл болуға, берілген уәде, айтқан серттен айнымайтын адал дос, жақсы жолдас болуға үйретеді. <<Ат жаманы жолда қалдырар, жолдас жаманы қолда қалдырар>> деп жаман адамның соншалық опасыз болатынын білдіреді.
       Еңбек туралы. Халық баланы еңбек процесімен таныстыруды көздейді. <<Жан қиналмай жұмыс бітпес, талап қылмай мұратқа жетпес>> деп қай нәрсені болса да еңбексіз қолға түспейтінін сендіре айтады. <<Еңбегі бардың өнбегі бар>>, <<Еңбек түбі - мереке>> деп халық адал еңбекті ардақтайды. <<Еңбек түбі - зейнет>> деп оның арты бақытқа, дәулетке, абырой-атаққа жетуге бастайтынын көрсетеді. <<Еңбек етсең, емерсің>>, <<Әлің бар да, еңбек ет, еңкейгенде - емерсің>> деп оның қызығы мен рахаты алда екенін де ескертеді. Мақал-мәтелдер ақындардың өлең жолдары арқылы да таралуда. Қазақ мақал-мәтелдерінің пайда болуын түсіндіретін ертегі, аңыз, әңгімелер де(<<Күшік пен мысық>>, <<Аяз би>>, <<Жан-жануарлардың жылға таласуы>> т.б) бар. Бұлар <<Сөздің  -  көркі мақал>> екендігін айғақтайды.
2. Жұмбақтар. Қазақ фольклорының бір саласын  -  жұмбақтар құрайды. Оның көне жазба үлгілерін қыпшақ тілінің ескерткіші(ХІҮ) <<Кодекс куманикус>>, М.Қашқаридың <<Диуани лұғат-ат түрк>> сияқты кітаптарынан кездестіреміз. ХІХ ғасырдың екінші жартысында П.М.Мелиоранский, Ә.Диваев, М.Иванов, А.Алекторов, М.Иванов, А.Лютш қазақ жұмбақтары мен жұмбақ айтыстарын сол кездегі газет-журналдар бетіне шығарып отырған. Жұмбақтардың қыр-сыры М.Әуезов, С.Сейфуллин, Ә.Марғұлан, М.Ғабдуллин еңбектерінде кеңінен сөз болады. Қазақ жұмбақтарының толық жинағы 1959 жылы ғана жарық көрді. 
     Қазақ жұмбақтарын мазмұны жағынан бірнеше үлкен тақырыптарға бөлуге болады: жаратылыс(Ақ сандығым ашылды, ішінен жібек шашылды <<күн>>), адам(күндіз шайқасады, түнде айқасады <<кірпік>>), жасанды  зат(шыркөбелек айналар, беліне жіп байланар <<ұршық>>), білім жайында(ұзын, ұзын, ұзын жол, ұшына жеткен бар ма екен, түбі терең қара су, түбіне жеткен бар ма екен, түбіне жетіп бұл судың, қанып ішкен бар ма екен? <<оқу>>) және т.б. Бұл жұмбақтардың бәрі бір затты бір затқа ұйқастырып көркем сурет береді. Жұмбақ мереке, сауық үстінде айтылып қана қоймай,  ой шығармасы түрінде де айтылады. Айталық, бір кезде даналықты, кемеңгерлікті жұмбақпен сынау әр жұрттың салтында болған. Оның ішінде шешен, дана болатын жігітті сынау - елдің ескі әдеттерінің бірі. Күйеу таңдаған ару қыздар да жігіттерді жұмбақ арқылы сынаған. <<Кейде бүкіл бір ертек жұмбақтан тұрады. Әңгімелі әсем жыр, дастан атаулының талайының жұмбаққа соғып кететіні болады>> деп жазады М.Әуезов. <<Оларды(жұмбақтарды) адам баласының ой-өрісі, дүниетанымы, білім көлемі ұлғая беруіне көмектесетін, тапқырлыққа, білмегенді білуге, ізденуге ой салатын, соған ұмтылдыратын білімдік, тәрбиелік мәні бар халық шығармасы деп қараймыз>> - деп түйеді ойын М.Ғабдуллин. 
       Жұмбақ  -  ойын өлеңдердің ерекше формасы. Қай елдің халық шығармашылығында болмасын жұмбақ негізінен балалар еншісіндегі ең сүйікті жанр болып саналады. Жұмбақтың балаларды қызықтырғыш қызметі  -  ең алдымен олардың білуге, үйренуге деген ынтасын қанағаттандыруында. Ол баланы байқағыштыққа, көңіл зеректігіне, көп қасиеттердің ішінен ең мәндісін ажырата білерлік талғампаздыққа да үйретеді.  Жұмбақ өз ойын жинақтап, аз сөзбен жеткізе білуге де тәрбиелейді. 
       Жұмбақ жанрының ішінде философиялық дүниетанымды жұмбақтаған бала түсінігіне өте ауыр күрделілері де бар. Балалардың жұмбақты қарапайымнан, жеңіл-желпіден бастап,  күрделіге қарай бірте-бірте игеретіні анық. Бала есейген сайын оның айналаны тануы мен өмірлік көзқарасының да жетіліп отыратыны сияқты олар жаттайтын жұмбақтардың ішкі құрылымы мен шешімі де күрделене береді. Жұмбақтың өлең оралымдары мен айшықты сөз қолданыстары арқылы балаларға берер эстетикалық нәрі аз емес. 
       <<Нақты бір зат туралы тұспалдап, ұқсатып, бейнелеп айту арқылы баланы ойлату, танымдық, білімдік ұғымдар мен түсініктерді ой-қиял елегінен өткізіп, тұжырым жасап, шешімге келуде тапқырлық пен дүниетанымдық дәрежесін байқау үшін халық ертеден-ақ жұмбақтардың алуан түрлерін шығарған. Ертедегі жұмбақтар Апаң, апаң  -  Ескі шапан, Иір қобыз, Жарық жұлдыз(Түйе) сияқты, көбінесе мал шаруашылығына байланысты және Сүмбіл теректі, Жасыл желекті, Ерден қалмайды, Жауға керекті(Найза) сияқты қару-жарақ, құрал-саймандар туралы болған.>> (Ә.Табылдиев. Қазақ этнопедагогикасы.(Оқу құралы) А.Санат. 2001.14-б) Дегенмен, <<ат басты, арқар мүйізді, бөрі кеуделі, бөкен санды(шегіртке)>> тәрізді кілең бейнелі өлеңге негізделіп құрылған тамаша жұмбақты бүгінгі балалар ұғына бермейді. Өйткені олар көз алдына арқардың мүйізін, бөрінің кеудесін де, бөкеннің санын да елестете алмайды. Оның есесіне балалар репертуарында <<шыр-шыр етеді, құлағыңнан өтеді, ұстай алсаң, сөйлеп кетеді(телефон)>> деген сияқты жаңа жұмбақтар көп. 
       <<Заман өзгерген сайын халық педагогикасы жаңа мазмұнды жұмбақтармен толыса берді. 19-20 ғасырларда бу машиналары, электротехника, радио, телеграф, самолет, ракета, космос кмелері т.б. техникалық, мәдени прогрестерге байланысты жұмбақтар туды. Жолы темір, Жалы темір Шымыр атты Зымыраттым.(Трамвай) Көкшіл айна үйдегі Көрсетеді киноны(Теледидар)>>(Ә.Табылдиев. Қазақ этнопедагогикасы.Оқу құралы.А.Санат. 2001.14-15б). Балалар өздері де жұмбақ құрастырады. <<Жұмбақтардың дүниетанымдық, ой дамытарлық мәнімен қатар, тәрбиелік мәні де ерекше. Өйткені жұмбақ айтысу, жұмбақтарды жаттау кезінде тәрбиеленуші өзінің білім дәрежесін байқап, көп білуге талпынады, ынта-жігері артады, жауапкершілікке бейімділіп, өнерге талпынушылығы артады>> (Ә.Табылдиев. Қазақ этнопедагогикасы.Оқу құралы. А.Санат. 2001.17-б).
3. Жаңылтпаш. Жаңылтпаш  -  балалардың тез де, жаңылыссыз сөйлеуіне, дыбыстарды анық айтуына дағдыландыратын өлең-ойын. Оның ойындық сипаты балалардың бір-бірімен жарыса кезекпе-кезек айтысуында жатыр. Жаңылтпаштың бала тілін жаттықтыруға байланысты қызметі  -  оның басты қызметі. Бұл орайда, жаңылтпаштың тілге ауыр оралатын дыбыстардан құрылатынын ескерген жөн. Әсіресе<<Ара, ара, аралар, орманның бойын аралар, гүлдерден сорып бал алар, алысқа ұшып бара алар, бал тәтті ғой, балалар>> деп келетін <<Р>> дыбысына жаттығуға  арналған жаңылтпаштар өте көп. 
      Жаңылтпаш бойында сөз ойнатып, балаларды қызықтыра тартатын эмоциялық реңк, қисынды ұйқас бар(<<Шілікті шаптым, жілікті астым, шілікті жақтым, жілікті шақтым>>). Бала сөзді тез айтуды ғана емес, логикалық қисынды бұзып алмауды да жадында сақтайды. <<Халық педагогикасының бұл саласын қазақ ақындары дамыта түсті. Олардың бір ерекшеліктері, ол жаңылтпаштар көбінесе әрі тіл ширату, әрі дүние таныту, әрі білім беру, тәрбиелеу. Мысалы: Тілалғыш Бек  -  Тіл алғыш, - деп Мақтасақ біз Біл алғыс деп, - білімділікке тәрбиелеп, бүлдіршінге сүйіспеншілік білдірсе, Бөдене бедеде көбелек көдеде Бедені  -  беде де, Көдені  -  көде де деген жаңылтпаш арқылы әрі <<б>>, <<к>>, <<д>> дыбыстарын айқын айтуға жаттықтырса, әрі <<бөдене>>, <<беде>>, <<көбелек>>, <<көде>> деген сөздердің мағынасын жақсы ұғындыруды мақсат тұтады. Кеспе, өссін ал, Өссе өсімтал, Өссе өссін тал Кеспе, өссін тал, - деген жаңылтпаш баланы табиғатты қорғуға тәрбиелейді, әрі с, т дыбыстарын айқын айтуға жаттықтырып, баланың тілін ширатады. (Ә.Табылдиев. Қазақ этнопедагогикасы.(Оқу құралы) А.Санат. 2001.10-11-б.) Жаңылтпаштың  ең басты  қызметі -  тіл  үйрету. Жаңылтпаштың  айтылуындағы  тағы бір  ерекшелік, дыбыс қайталаулар. Өтірік  өлең  жаңылтпаштарын  мысалға келтірейік:
Қарға  қанша  екен,  қанша екен?
Қанша екен?
Құзғын -  қыры  тиын! Қырық тиын!
Қырық  тиын! Саусқан -  шық  қымбат екен!...
Шық  қымбат  екен!...
Немесе
Алты ана  қасқыр, Алты  бала қасқыр.
Он  кісі жиналып бір  тырнаны жеген екен.
Ол  тырнадан  бір  жілік  қалған  екен.
Ол  жілікті кшкене  дейін десе,
Алты  қанат ақ ордаға тіреу  екен.
Ол ақ  орданы кішкене  дейін  десем,
Алты  ақ нарға, алты қара  нарға жүк  екен.
Демек,  жаңылтпаш  жанрын  айрқша  байытқан  өтірік өлеңдер  болып  табылады.
4. Өтірік өлеңдер(перевертыши). <<Өтірік өлңдер  де  қазақтың халық  шығармаларында ертеден  орын алған жанр.  Мұның  түп  нұсқасы  әзіл-оспаққа, өткір сынға құрлады.  Сонымен  қатар мұндақиыннан  қиыстырылған  тапқырлық, ойдың өткірлігі мен  логиканың күштілігі  сарапқа түседі. Әсіресе,  балалрдң  ақыл-өрісін  кеңейтетін  фантазиялық қиял  пырағы  кең шарықтауға  дейін мүмкіндік  береі.  Сөзеткен  тақырыптардың  бәрінде  де  адам күлерлік,  бой сергітерлік  әдемі  жарастықты  әзіл-оспақтардың  болуымен  қатарр.,  өмір  танытарлық  құбылыстар  да қамтылып  отырады>>(Ш.Ахметов.362-бет.) 
     І.Жансүгіров былай  деген болатын: <<Ел өтірігі -  үлкендерден  гөрібалалардікі,  балалар  әдебиетіне  жатады>>. Көлемі  шағын  өтірік өлеңдер ең  алдымен  ойын  балалары  арасында  туған. Өтірік өлеңдердің құрылысы қарапайым келеді, ұзын сонар сюжет болмайды. Көбінесе қара өлең үлгісіндегі қысқа шумақтардан тұрады. Мысалы:
                      Мініп  алып  құртқа,
                       Өрмеледім  бұлтқа.
                       Алып  келдім Айды,
                   Көрсеттім  көп жұртқа.
Өтірік өлең бала қиялын ұштайды,  ұтқырлыққа, тапқырлыққа тәрбиелейді. Өтірік өлеңнің көлемінің үлкен-кішілігіне қарамастан олардың негізінде іс-әрекет, белгілі сюжет болады. Сюжеттік желіге арқау болған күлкілі әрекеттер бала жанын баурап отырады. Және ол іс-әрекеттер шектен тыс әсірелене(гипербола) немес  шектен тыс кемітілген(литота) көркемдік тәсілдермен шендестіріле сипатталады. 
      <<Өтірік өлеңдерді дарынды ақындар қиыннан қиыстырып, қиялмен әсерлендіріп, қызықты қисындарға құрып шығарған. Өзгеше әсерлік өтірік өлеңдерді халық ықылас қоя жаттап, ұрпақтан ұрпаққа жеткізді.Авторы белгісіз болғанмен халық аузынан жиналған өтірік өлеңдердің көркемдігі биік, мағынасы терең. Өтірік өлеңде әсірелеу-бейнелеу, шендестіру, салыстыру тәсілдері арқылы көркем бейнелер жасалынады, өлеңнің желісі күлкілі сюжеттерге, үдеген фантастикаға(қиял-ғажайыптарға) құрылады. Мысалы:
        Жасадым  жұмыртқадан  алтын табақ,
         Сүңгі мұздыборшалап еттім  тамақ.
      Шегірткенің  сирағынан  қасық жасап,
         Ертеден  кешке  дейін іштім шалап,
 Ондағы оқиғалар шынайы өмірге сәйкес келмейтін дәрежеде; әдейі әсерленіп, шебер суреттеледі. Кейінгі өтірік өлеңдер ғылым мен техникалық прогреске лайықталып, жаңаша ой-қиялға сәйкес құрылған. Өтірік өлеңдер оқушылар мен тыңдаушылардың ой-қиялын, дүниетанымын, өлең өнеріне деген ықыласын, қызығуын дамытады, қисынды ойлауға үйретеді, тілдік қорын молайтады.
        <<Әрине,  балалар репертуарындағы өтірік  өлеңдердң  ересетер  жырынан айырмашылығы  бар. Ең  алдымен  үлендер  өтірік  өлеңдеріндегі  салмақты  әлеуметтік жүк  балалар өлеңдерінде  байқала  бермейді.  Олардың  құрылысы  қарапайым,  ұзын онар сюжет  жоқ.  Көбінесе  төрт жолдан тұратын  қара  өлең  үлгісіндегі  қысқа шумақтардан келеді. Өлеңдерде шендестірілетін  заттар,  жан-жануарлар  да  балаларға  күнделікті  өмірден  таныс  болп  келеді>>(К.Ісләмжанұлы. 82-бет).Балалар  өтірік өлеңдеріндегі  бір  ерекшелік,  кішкене  жәндіктер  өлеңге  қосылады. Мысалы.
     Айттым да  өтірік өлең  жұртқа жақтым,
      Қой  қылып  құмырсқаны  жаздай  бақтым.
         Айғырын  шегірткенің  ұстап  алып,
       Қой тастан  адыр-адыр түлкі  қақтым.
Өтірік  өлеңдерде  бейнелеу  құралдарына жататын дыбыстық қайталаулардың  екі  түрлі тәсілі(аллитерация,  ассонанс) және эпитет,  теңеулер  де  ұшырасады.  Ажарладың  екі  түрлі  дыбыс қайталаы  арқылы  берілуі  өтірік өлеңнің кез  келгенінен кездеседі:
Шымшықтың  шылым қылдым қу  басынан,
Бозторғай  шылбыр  қылдым  шудасынан.
Бір өзіме арайтын мың  торғай  бар,
Ешкім  менің  бай  емес,  бір  басымнан.   
Өтірік өлеңнің  бір  ерекшелігі  - ұлғайту  мен кішірейту. 
Баласы  қасқа  айғырдың бөлтірік-ті,
Айтпамын өлтірсең  де  өтірікті.
Мың  кісі  бір  тышқанға  мінгескенде,
Япырмай бәрін  тулап  өлтіріпті.  
Сонымен,  өтірік  өлеңнің  ең басты  белгісі-  өлеңге  бір  ауыз шындық  қоспай, ақиқат  шындықты  негізге  ала  отырып, болмысты керісінше  түсіндіру  арқылы  жаман  әдеттен  жиренту. Бұл  мақсатты  жүзеге асыру  үшін  өтірікші үнемі  өлеңде  шендестіру,  теңеу, көрітеу, әсірелеу  арқылы  елді  күлкіге  кенелтеді. 
5. Балалар айтысы. Айтыстың ерекше дамыған жерлері - үнді елі, Арабтардың бәдәулиелер арасы, қарақалпақ, башқұрт, алтай елдері  т.б. жерлер. Қазақ айтысы - суырыпсалмалық өнер бәсекесі. Қалыптасу жағынан айтыс негізінен әдет-ғұрыптарға қатысты туған айтыстар және ақындар айтысы болып бөлінеді. Айтыстың ең көркемі және әлеуметтік мәселелер көтеретіні ақындар айтысы болып табылады. Айтыс көркем бейнелі сөздерді талғампаздықпен қолдануды қажет етеді.
      Айтыс өнеріне деген алғашқы ықылас бала кезден басталады. Ең алдымен айтыстағы ұтқыр сөз тауып, қисынды ой айтуға негізделген диалогтық форма баланы ерекше қызықтырады. Айтыста бала өз ойын ең жоқ дегенде бір шумақ өлеңмен бере білу керек. Сондықтан да, әдетте, балалар айтысқа есейе  бастаған шақта ден қоя бастайды. 
      Балалар арасында ұрпақтан ұрпаққа ауысып келе жатқан жаттанды жауаптасулар көп кездеседі(Ұл: домбырам басы ырғай-ды, қыздар қолын бұлғайды. Бұлғаса да бармаймын, әлдене деп қарғайды. Қыз: домбырам басы ырғай-ды, қыздар қолын бұлғайды. Шақырғанда бармасаң, <<көк шешек>> деп қарғайды т.с.с.). Балалар арасындағы сөз қақтығысының көбінесе, қыздар мен ұлдар арасында болып келетіндігі, олардың психологиялық ерекшеліктерінен болса керек. Балалар репертуарында үлкендер шығарып берген айтыс өлеңдері де бар(Бала мен шілдің айтысы). Мысалы:
Бала:
Шілмісің,  кекілікпісің,  неменесің?
Беткейге  тұзақ  құрсам кез келесің.
Қаңғырып  қайдан келдің  сорлы байғұс,
Шілім-ау,  шыныңды  айтшы,  енді өлесің
Шіл:
Екеуі. Шіл,  кекілік  ағайынды,
Жаныңа  өлең  айтып  жағайынды.
Аға-екеш,  мені өлтірмей  қоя  берші
Жақсылық  еттіп  баян бағайынды.
Бұнда балалар өмірі мен шіл тірлігінің біраз танымдық қырлары ашылады. <<Қонады біздің ауыл қиыр шетке, сені мен өлтірмеймін біттей етке>> деп баланың шілді босатып  қоя беруінде де үлкен ғибрат жатыр.
      <<Кісі  мен қиқар  бала>>, <<Суайт  бала  мен  қарт>>, <<Бала мен  шілдің  айтысы>>,  <<Ағаш  пен шөптің  ажырасқаны>>  атты  айтыс  үлгілері  өтірік  пен  шындықтың тайталасына  құрылған.    Өтірік  айтыс  мысал  үлгісінде қалыптасқан.   Алғашқыда  сөз  жарысы  арқылы  пайда болған  өтірік  өлең кейін  әңгімеге,  өлең-жырға  айналып кеткен. Мысалы,  <<Кісі  мен  қиқар  бала>>  өтірік  өлең атысы:
Кісі:  Кімнің  баласысың?
Бала:Әкемнің  баласымын
Кісі. Әкеңнің  аты  кім?
Бала: Әкемнің  аты  жылқыда.  Құла ат.
Кісі: Ауылыңның  үлкені кім?
Бала:Түйе.
Кісі: сақалдысы?
Бала: Теке.
Немесе,  <<Суайт  бала  мен  қарт>> жауаптасуына  назар  адарайық:
Суайт бала: Ассалаумағалейкум,  шал  еке>>
Қарт: Уағалайкумассалам,  балеке! Ал,  әңгіме  айт!
Бала:  Көргенімді  айтайын  ба,   естігенімді айтайын  ба?
Қарт: Естігенің  жаңсақ  болар,  көргеніңі  айт.
Бала: Ендеше  ана  қырдың  астында,  алпыс  ала  қасқыр,  жетпіс бала  қасқыр,  бір  сонаны  тауыса  алмай  жатыр.
Қарт:Әй, шырағым-ай,  сона дегенің сонашық-тағы!
Бала:  Сонашық  екенін содан  біліңіз,  ортан  жілігі отау  үйге тіре  болады.
      Айтыстың түп-тамыры  мен  шығу  тегі  мысал  айтыстарында  жатыр  деуге  болады.  <<М.Қашқаридың  <<Қыс  пен  жаздың  айтысы>>  атты  туындысы өзінің  мазмұны  жағынан дәстүрлі  айтыс  іспеттес  болып  келсе  де,  құрылысы мен  түрі  тұрғысыннан мысал  айтысқа  өп  ұқсас.  Бұған  қарағанда, айтыс  сол  кездің  өзінде-ақ  халықтың  тұрмыс-тіршілігі  мен кәсібіне орай  біршама  өркен жайып  кң  қолданыста  болғанғаұқсайды>>(М.Жармұхамедұлы.19-бет).Осының  бірі  дәлелі -  өтірік  өлең  айтысы.
        Балалар айтысының бүлдіршіндерді айтыс өнеріне баулып, тәрбиелеудегі рөлі өте жоғары. Айтыс ақындарының барлығы да халықтың дәстүрлі тәрбиесіндегі осындай мектептен өсіп жетілген.
Дәрісті қорытындылау: Балалар әдебиеті ауыз әдебиеті түсінік беріп, балалар әдебиетінің ерекшелігіне кеңінен тоқталып, балалар әдебиетінде фольклордың алатын орыны, зерттелуіне талдау жасау.

                     Негізгі әдебиеттер.
* Ш.Ахметов. Қазақ балалар әдебиеті тарихының очеркі. А. 1965.
* Қазақ балалар әдебиетінің хрестоматиясы. А. Мектеп. 1980.
* М.Ғабдуллин. Қазақ халқының ауыз әдебиеті. А. 1974.
* К.Ісләмжанұлы. Рухани уыз. А. Ана тілі. 1995.
* Шахина  С.Ж. Қазақтың  өтірік  өлеңдері. Қарағанды, 2004. 
* Ақ сандық, көк сандық. А. Жазушы. 1988.
* Соқыр теке. А. Өнер. 1990.
* Жаттамақ. А. Балауса. 1994.

                     Қосымша әдебиеттер.
* Қазақ әдебиеті тарихы. Іт.,-Алматы, 1960.
* Садырбаев С. Қазақ халық әдебиеті.-Алматы,1990.
* Қазақтың халық жұмбақтары.-Алматы,1959.
* Әлімбаев М. Жұмбақтар.-Алматы,1978.
5. Әбжанов М. Қазақ халқының жұмбақтары.-Алматы,2000ж.
6.Қазақтың мақалдары мен мәтелдері.-Алматы,1959.
7.Қазақтың мақал-мәтелі.-Алматы,1980.
8.Адамбаев Б. Халық даналығы.-Алматы, 1976.

     5 дәріс. Ертегілер және аңыз әңгімелер
* Ертегілер
* Аңыз әңгімелер
Мақсаты:  Ертегілер және аңыз әңгімелерге түсінік беру ,теориялық негіздері  туралы мағлұмат беру. Балалар әдебиетінің тарихи қалыптасу, даму жолдарын меңгерту. 
1.Ертегілер. Қазақ фольклорындағы қарасөзбен баяндалатын шығармаларды халық прозасы құрамына енгіземіз. Бұның басы ертегілер болып табылады. Ертегілер халқымыздың тарихын, тұрмыс-салтын, әдет-ғұрпын, нанымын, дүниетанушылық көзқарастарын білдіреді. Алдағы көп нәрселерді болжаған халық кейінгі ұрпақтарының тұрмыс-тіршілігін жеңілдетуді, табиғаттың мылқау күштерін өзіне бағындыруды, соны жеңуді ерте заманның өзінде-ақ арман етіп, қиял дүниесін кезеді.
 Қазіргі техника табыстары мен ертегі оқиғаларын салыстырсақ, халықтың бір кездегі аңсаған арманы біздің дәуірімізде шындық болып іске асқандығына және сондай болатындығына халықтың кәміл сенгендігін көреміз. Қазақ халқы кейінгі ұрпаққа жақсы тәрбие беруді, оларды зұлымдық әрекеттерден сақтандырып, адамгершілікке үндеу мәселелерін ерте кезден-ақ қолға алғаны байқалады. Көп ертегілерде суреттелетін әділдік пен жауыздық арасындағы күрес осы тілектен туған. Ертегілерде зұлымдық, жауыздықтың символы ретінде мыстан, жалмауыз, дәу, алып тағы басқалар суреттелсе, әділдіктің жақтаушысы ретінде мерген, батыр, айлалы, ақылды адамдар бейнеленеді.Әділдікті жақтаушылар күрес жолында үлкен қиыншылықтарға кездесіп, кейде уақытша жеңіліс тапса да, ақыр аяғында мерейі үстем болумен тынады.
      Қазақ ертегілерін М.Әуезов, Ә.Марғұлан, М.Ғабдуллин, Ә.Қоңыратбаев, Е.Тұрсынов, С.Қасқабасев т.б. ғалымдар арнайы зерттеді. М.Әуезов қазақ ертегілерінің идеялық-көркемдік ерекшеліктерін, тарихи даму жолдарын зерттеді, ертегілердің әдебиет тарихынан алатын орнын анықтады. <<Ертегілер>> атты ғылыми еңбегінде қазақ ертегілерін жан-жақты алып тексереді, мазмұнына қарай тақырыпқа бөледі, көркемдік ерекшеліктерін анықтайды. Қазақ ертегілері (төрт мыңға жуық) сан алуан. Оларды кезінде бірқатар ғалымдар  хайуанаттар туралы ертегілер, қиял-ғажайып ертегілер, тұрмыс-салтқа байланысты еретігілер, шыншыл ертегілер деп бірнеше топқа бөлген болатын.
       Қазақ балалар фольклорының ішінде кейбір жанрлық түрлер үлкендерге де, балаларға да ортақ болып келеді. Олар: фольклорлық балалар поэзиясының үлкен жанрына жататын батырлар жыры және ертегілер, аңыз әңгімелер. <<Ауыз әдебиетінің кез келген жанрларынан балаларға үлгі боларлықтай, тәрбиелік маңызы зор шығармаларды көптеп кездестіреміз. Бірақ олар балалардың өзіне ғана арналған, болмаса балалардың өз творчествосының нәтижесінде пайда болған ауызша сөз өнерінің белгілерін сипаттай алмайды>>(2;5). 
      Демек, ертегілердің ішінен балалардың өзіне ғана арналған түрлерін анықтау оңай шаруа емес. Халық ертегілерін уақытында М.Әуезов қиял-ғажайып ертегілері, хайуанаттар жайындағы ертегілер және шыншыл ертегілер деп қарастырған болатын. Шыншыл ертегілерді  салт ертегілер, күлдіргі ертегілер, аңыз ертегілер және күй аңызы деп жіктеді(3;5). Кейіннен <<Ертегілер>> еңбегінде  хайуанаттар жайындағы ертегілер мен қиял-ғажайып ертегілерінің қатарында салт ертегілерін атайды да, салт ертегілерін тұрмыс-салт ертегілері, күлдіргі ертегілер, аңыз ертегілер деп бөледі(6;189). 
     Сонымен, қазіргі ғылыми ұстаным бойынша қазақ халық ертегілері хайуанаттар жайындағы ертегілер, қиял-ғажайып ертегілері, новеллалық ертегілер, батырлық ертегілер және сатиралық ертегілер түрінде қарастырылады. Қазақ балалар фольклорында жасы кіші балаларға арналған арнаулы ертегілер бар. Олар: <<Мақта қыз бен мысық>>, <<Күшік пен мысық>>, <<Қотыр торғай>>, <<Шудалы торғай>>, <<Құйыршық>> және т.б.  <<Хайуанат жайындағы осы алуандас ертегілердің көбі балаларға арналған күлкі, жеңіл болып та кетеді>>(3;214). 
      Қиял ғажайып ертегілерінде(<<Ұшқыш кілем>>, <<Ұр тоқпақ>>, <<Жеті өнерпаз>>, <<Жалмауыз кемпір>>, <<Ер төстік>>, <<Адам білмес тас>>, <<Күн астындағы күнкей қыз>> т.б.)  қиял мен миф сабақтас келеді. Ертегілердің ішіндегі баланың қиялын шарықтатып, балалық шақтың болашағын елестетіп, келешекке сеніммен қарауға тәрбиелейтін ең әсерлі ертегілер  -  қиял-ғажайып ертегілері. Ертеде <<Ұшқыш кілем>> ойлап шығарған халық енді <<Зымыранның>> өмірде бар екенін тілге тиек етіп, жұлдыздар мен планеталарды еркін аралайтын алыптар туралы ертегілер шығарды. Мұндай ертегілердің көпшілігі ғылым болжамдарына сәйкестендіріліп шығарылады. Сондықтан оларды ғылыми-фантастикалық ертегілер деп жүрміз. 
      Хайуанаттар жайындағы ертегілер(<<Арыстан, қасқыр, түлкі>>, <<Арыстан мен түлкі>>, <<Батыл есек>>, <<Айлакер тышқан>>, <<Қарға мен лашын>> т.б.)  астарлай, кейіптей айтылады. Оның әр жағында миф пен тотемистік түсініктер жатыр. Адамдар арасындағы қарым-қатынастар сатира және юмор арқылы астарлай беріліп отыратындығы сюжеттік ерекшеліктердің бірі болып табылады. <<Хайуанаттар туралы ертегілер көне заманда елдің және аңдардың, малдың киесі бар деген сенім қалыптасқан кезде пайда болған(ақ қасқыр, шопан ата, Шек-шек ата, Ойсыл қара, Зеңгі баба, Қамбар ат т.б.) ол дами келе тыңдаушыны қуантатын, көңілдендіретін ертегілермен толысты. Қазіргі хайуанаттар туралы ертегілерде космосқа ұшып жүрген(<<Бәтіңке, шұжық, балқаймақ>>) хайуанаттар мен төрт түлікті көреміз. 
       Батырлық ертегі тақырыбы(<<Керқұла атты Кендебай>>, <<Құла мерген>>, <<Жоя мерген>>, <<Жерден шыққан Желім батыр>>  т.б.)  -  ерлікпен үйлену және неше түрлі құбыжық-жалмауыз күштермен соғысу болып отырады. <<Батырлық ертегілерде елін қорғап, халқын қадірлеген ерлердің таңғажайып іс-әрекеттері баяндалады(<<Күн астындағы Күнікей қыз>>, <<Ер Төстік>>, <<Керқұла атты Кендебай>> т.б.) олардың ерліктері мен еңбектері, адамгершілік іс-әрекеттері кейінгі ұрпаққа үлгі-өнеге етіп айтылады. Көбінісе, қиял-ғажайып ертегілер мен батырлық ертегілер бір-бірімен сабақтас, өзектес келеді. Сондықтан көп батырлық ертегілерді әрі қиял-ғажайып ертегілер деуге болады. 
     Новеллалық ертегі(<<Уәзірдің қызы>>, <<Әке өсиеті>>, <<Әділ патша туралы ертегі>>, <<Аяз би>> т.б.) - шытырман оқиғаларға құрылып, үй-іші, ерлі-зайыптылардың адалдығын дәріптейді. Тұрмыс-салтқа байланысты ертегілер халықтың тарихи талаптарына байланысты туған. Онда бай баласы мн жарлы баласының таптық айырмашылықтары сөз болады, ақылды кедей мен сараң бай, қанағатсыз саудагер, ақымақ хан мен данышпан шаруаның іс-әрекеттері, мінез-құлықтары суреттелінеді.
   Сатиралық ертегілер(Тазша туралы, Қожанасыр жайлы т.б.) қоғамдық әлеуметтік қатынастар мен теңсіздікті, тұрмыс-тіршілікті сатира мен юмор арқылы береді. <<Аңыз ертегілер, негізінен, Алдар көсе мен Жиренше шешеннің, Қожанасырдың есімдерімен байланысты. Ондағы кейіпкерлер сараң бай, зұлым хан, қаныпезер уәзір, қуақы құл, еріксіз қыз, еңіреп туған ер-азмат болып келеді. Онда зұлымдықты тапқырлық жеңіп отырады. 
        Балаларға арналған халық ертегілері. Жазба әдебиет сияқты, ауыз әдебиетінің де өз тыңдаушысы, оқушысы бар. Ертегі шығарушылар  оларды да ескереді. Ертегіні кімге айтады, не үшін айтады, ертегінің мақсаты не? Ертегі шығарушылар мұны да аңғарған. Мысалы, <<Қотыр торғай>>, <<Өзі бір қарыс, сақалы қырық қарыс>>, <<Құйыршық>> ертегілері құрылысы, сюжеті, тілі жағынан басқа ертегілерден мүлде ерекше. Бұлар балалардың ой-санасы, дүниетану дәрежесіне лайықталып шығарылған ертегілер.  Халық ертегілеріндегі фантастика балалардың ойына қозғау салады, ақыл-ой қызметінің дамуына жәрдемдеседі. Халық ертегісін балалардың сүйіп оқитыны, ықыласпен тыңдайтыны оның көркем, әрі жеңіл тілмен берілетіндігінде. Қазақ балалар фольклорындағы <<Тазша баланың өтірігі>>, <<Айлакер тазшаның өтірігі>>, <<Тоқсанбай мен тоғыз жасар бала>>, <<Екі суайт>> және т.б. ертегілердің қай-қайсысы болсын балаларды тапқырлыққа, алғырлыққа баулиды.  Қиыннан қиыстыра айта білетін шешендік өнерге жетілдіреді. Аталған ертегілер балалардағы логикалық ойдың даму процесін жеделдетуге көмектеседі. Қазақ ертегілеріндегі тазшалар сырт-пішіні жағынан елеусіз болып көрінсе де, ақыл-айласы бәрінен де асып түседі. Алдынан ажал тосып тұрса да, сабыр сақтайтыны, жол тауып құтылып кете беретіні балаларды сүйсіндіреді, ойға қалдырады. Халық ертегісіндегі өтірік өлеңдер балаларды неше алуан жәндіктердің атымен, олардың тіршілігімен таныстырады. Сирек қолданылатын көне атауларды еске түсіреді. Күлдіргі ертегілер(<<Ши бұт, қағанақ бас, қыл тамақ>>, <<Қаңбақ шал>>, <<Байбай шал>>, <<Айлалы шал>>, <<Ұр, тоқпақ>>, <<Тазшаның қырық ертегісі>> т.б.) көбінесе ықшам да қысқа келеді. Сол себепті ертегі баланың есінде сақталуына, жатталуына икемделіп тұрады. 
       Хайуанаттар жайындағы ертегілерге құрылысының қарапайымдылығы, шағын көлемділігі және диалогқа құрылуы жағынан новеллалық(салт) ертегілер(<<Ши бұт, қағанақ бас, қыл тамақ>>, <<Ұр, тоқпақ>>, <<Қаңбақ шал>>, <<Байбай шал>>, <<Айлалы тазша>>, <<Қу тазша>>, <<Тазшаның қырық өтірігі>>, <<Қу бала>>, <<Екі еріншек>>, <<Үш жалқау>>, <<Олақ қыз>> т.б.)  ұқсас келеді. <<Алдымен бұндай ертегілердің оқиға ортасында жүретін бас геройының өзі ерекше. Оның бар іс-мінезінен бұрын аты-қалпы, кескін-ұсқыны да күлкі, оқыс келеді>>(6;225). <<Ши бұт, қағанақ бас, қыл тамақ>> ертегісіндегі  кейіпкерлердің оқшау тұрпаты әңгіме басында-ақ күлкі туғызады. Олардың  өрескел әрекеті мен өлімі де күлкі туғызбай қоймайды. <<Ұр, тоқпақ>> ертегісі сиқырлы заттардың әрекетіне құрылған. Бұлар шалды ойда жоқта оқыс күлкі туғызатын жағдайларға душар етеді.  <<Қаңбақ шал>>, <<Байбай шал>> ертегілерінде әлсіздік пен тапқырлық, айлакерліктің қатар жүріп, иесін жеңіске жеткізетіндігі әңгімеленеді. Тазша бала жайындағы ертегілерді М.Әуезов  күлдіргі ертегілердің ең шебер үлгісіне жатқызады. <<Күлдіргі әңгіме, тегінде, анық шебер құрылса, осындайлық көпке мәлім, көпке қанық жайдан алыну керек. Ол үшін күлкілі хал барлық жұрт білетін, көптің көз алдындағы табиғат ішінен алынатыны  -  халық күлкісінің бір ерекшелігі, даналығы>>(6;226). Бірқатар ертегілер жалқаулықты, еріншектікті, олақтықты әшкерелейді. Балаларға бұндай ертегілердегі тұрмыс, кәсіп белгілері мен сипаттары қызықты болмақ. Аталған ертегілердегі юмор мен тапқыр сөз - әрқашан бала тілегін қанағаттандыратын нәрлі дүние. 
      Қиял-ғажайып ертегілерінде  қиял тудырған неше алуан жан иелері көрінеді. Жалмауыз кемпір, мыстан кемпір, жезтырнақ, айдаһар, жалғыз көзді дәу, алып қара құс, тұлпар ат,  алтын шашты қыз т.б.  қатысады. Қиял-ғажайып ертегілерінің тіл кестесі, сөздік құрамы, жалпы әңгімелену ерекшеліктері өзгеше.  Ертегі <<баяғы өткен заманда>>, <<ерте, ерте ерте екен, ешкі жүні бөрте екен, қырғауылы қызыл екен, құйрық жүні ұзын екен>>,  <<есте жоқ ерте заманда>> деп басталады да, <<барша мұратына жетіпті>>, <<барша мұрат басына жетіпті>>, <<бақытты ұзақ өмір сүріп, мұраттарына жеткен екен>> деп аяқталады.  Қиял-ғажайып ертегісінде басты кейіпкер аса қатерлі жаумен(жалмауыз кемпір, мыстан кемпір, жезтырнақ, айдаһар, жалғыз көзді дәу т.б.) алысады. Ертегіде қажыр-қайрат, қимыл-әрекет адамының қуатына  сену бар. Олар - Ер Төстік, Кер құла атты Кендебай сияқты өз ақыл-ой, қажыр-қайратына сүйенген жандар. Бас қаһарманға көмек көрсететіндер - ай десе аузы бар, күн десе көзі бар  ару қыздар(Күн астындағы Күнікей қыз, Ай астындағы Айбарша т.б.), таусоғар, көлжұтар, желаяқ, саққұлақ сияқты ғажайып жан иелері,  алып қара құс, тұлпар ат т.б. Сиқырлы қазан, алтын сақина, айна, дастарқан, кездік, тоқпақ, семсер сияқты заттар да қаһарман керегіне әрекет етеді.  Қиял - ғажайып ертегілерінде тұрақты сөз тіркестері мен қолданыстары жиі кездеседі. Қимыл-әрекетті жылдамдату, тездету мақсатында <<заманды күндер болғанда>>, <<күндердің күнінде>>, <<қотыр тай ұстағанда құнан, жүгендегенде дөнен, ерттеп мінгенде бесті ат болады>>, қиын-қыстау күн туғанда <<маңдайы тасқа тиіп, табаны жерге тиіп>>, <<ұшқан құстың қанаты күйеді, жүрген аңның тұяғы күйеді>>, <<қара құсқа қоң етін кесіп береді>> т.с.с. тіркес сөздер молынан ұшырасады. Қиял-ғажайып ертегілері фольклордың басқа жанрларының көптеген стилистикалық әдіс-тәсілдерін өз бойына жинақтаған. Қиял-ғажайып ертегісіндегі айрықша сөздік үлгілер   оны өзге ертегілер қатарынан бөлекше етіп көрсетеді.  
      Хайуанаттар жайындағы ертегілердің сипаты. Үй хайуандары жайындағыертегілердің кейбіреулері жеңіл, күлкілі әңгіме түрінде балаларға арналған. Мұндай ертегілердің   оқиға желісі балалардың өздері күн сайын көріп жүрген нәрселерді суреттейді. Олардың оқиға-әңгімесі айтушыға да, тыңдаушыға да жеңіл, ыңғайлы, ықшам келеді. Бұған мысал етіп  <<Қотыр торғай>>, <<Мақта қыз бен мысық>>, <<Күшік пен мысық>>, <<Құйршық>>, <<Түлкі мен бөдене>>, <<Түлкі мен тауық>> т.б. ертегілерін алуға болады. <<Қотыр торғай>> ертегісінде қотыр торғай <<қотырымды ауырттың деп шеңгелге ашуланады да, оның үстінен ешкіге шағым етеді. <<Шеңгелді жеп қойшы>> - дейді. Бірақ ешкі оның тілін алмайды. Сонан кейін қотыр торғай ешкіні қасқырға айтады, қасқырды жылқышыға, жылқышыны байға, байды шешесіне, шешесін желге айтады. Ақырынды ертегінің кейіпкерлері бір-бірін қуыса бастайды, ешкі келіп шеңгелді жейді. Қотыр торғайдың кегі қайтады. Осы секілді күлдіргі жай <<Мақта қыз бен мысық>> ертегісінде де бар. Үй хайуандары жайындағы ертегілердің балаларға арналған әңгімелері оқиғаны көбінесе тізбектеп айтуға құрылады. Бір оқиғаның кілтін екіншісінен іздеу, осы ретпен барлық әңгімені қысқа түрде тізбектеп айту әдісін қолданады. <<Оны балаларға арналған ертегілердің өзіндік құрылысы, ерекшелігі деуге болады>> - дейді М.Әуезов. Мұның мәнісі оқиғаны аурлатпай, балаларға жеңіл, әрі күлкілі, әрі түсінікті етіп әңгімелеуді ойлағандықтан туған секілді. Ертегідегі біркелкі эпизодтар осылайша қайталанып келіп, соңында бас кейіпкер белгілі бір нәтижеге жетеді.  Орыс халқының <<Ешкі мен жаңғақ>> ертегісі де осындай тізбекке құрылған. Сондай-ақ, балаларға арналған ертегілердің көлемі шағын келеді, кейде диалог түрінде де айтылып отырады.     Қайталанатын эпизодтардағы диалогтардың көбінесе ұйқасқа құрылуы, яғни өлең түрінде келуі де кездеседі. Өлең араласқан ертегі театрландырылған көрініске сұранып-ақ тұрады.  <<Бес ешкі>> ертегісінде  ат теуіп , шықшыты сынған қасқыр  былай деп ұлиды:
                    Қара тоқтыны жемеген
                  Қабылан басым-ау, у...у...
                      Бес ешкіні жемеген
                   Бегпен басым-ау, у...у...
          Құла атты құдықтан суырып алған
                   Балуан басым-ау, у...у...
                 Артына шығып, құран оқып,
                  Көз жұмар молда ма едім?
                                 Ау...у...
    Баланың жасы кіші болған сайын  ертегі қаһармандары мен ондағы оқиғаларды шын өмірдегідей қабылдайды. Лақ, қозы, бұзау, күшік, мысық тәрізді  ертегі кейіпкерлері  баланы баурайды. Олардың тірлігі адам өміріне ұқсас. Адам харакетін қайталайды. Уақыт өте келе хайуанаттар әлемі өкілдері белгілі бір сипатқа ие бола бастайды. <<Әрбір аң айнымас мінез иесі болады. Арыстан - әр зорлықтың, асқақ күштің иесі; қасқыр  -  тойымсыз қомағайлық, жеміттк мінез иесі; түлкі  -  пәле басы және жаурыны жерге тимес, аяр алдамшы, өзінен өзгенің бәріне іші қас, сырты дос болып жүреді.[...] Өзінше, біралуан келесіз, ақылсыз қара күштің иесі болып аю жүреді.[...]Момын, жазықсыздан, кең тазалықтан осы хайуандар арасында жүріп жем болатын түйе бар>>(6;213).
     Хайуанаттар жайындағы еретегілерде балаларды қызықтырарлық және ой саларлық екі түрлі сипат бар. Бірінші жағы, балалар бұлардың бәрінен хайуанаттардың мінез өзгешеліктерін, сырт көрінісі мен тіршілігін байқайды.Бұл ретте қазақ ертегілеріне жыртқыш аңдардан молырақ енгені арыстан, қасқыр, түлкі, аю болады. Халық ертегісі бұлардың әрқайсысына лайықты мінездеме береді. Арыстан  -  асқан күштің, зорлықтың, қасқыр  -  қомағайлық пен қорқаулықтың иесі болып кейіптеледі. Түлкі - айла мен аярлықтың иесі. Бұлармен қатар, қазақ ертегілерінде ожарлық, аңқаулық кескінімен аю жүреді. Жұрттың бәріне мазақ, күлкі ретінде маймыл қатысады.   Ертегімен танысқаннан кейін оларды енді өздері тікелей білуге, көруге, зерттеуге құштарлықтары арта түседі. Екінші жағы, хайуанаттар жайындағы ертегілер адамдар арасында болатын тартыстардың сыр-сипатын байқатады. Түлкі ел арасын бүлдіруші, жұртты алдаушы, өсекшіл, күншіл адамның бейнесін елестетеді. Арыстан бейнесінен талайды қан қақсатқан, жұртты жәбірлеуші адамдарды көреміз. Бұл айтылғандарға <<Қасқырдың қойдан қорыққаны>>, <<Үш жігіт>>, <<Түлкі мен арыстан>>, <<Түйе неге артына қарайды?>> ертегілерін мысал етуге болады. 
     Халық ертегілері сюжет құру, образ жасау, тіл байлығын қолдану жөнінде жазба әдебиетінің алғашқы үлгілеріне көп әсе етті. Жазба әдебиетінің шеберлері осы күнде де халық әдебиетінен тіл байлығын үйренетіні, кейде оның сюжетін пайдаланғандығы белгілі. 
      2. Аңыз әңгімелер. Қазақ халық прозасының  бір саласы <<Ертегілерден тыс прозалық жанрлар>> болып табылады. Бұны фольклоршылар <<Аңыздық проза>> деп атайды. Бұлар өзінің мазмұн-мағынасына қарай төмендегідей түрлерге бөлінеді: миф, әпсана, хикая, аңыз әңгімелер. Аңыз әңгімелер -өмірде болған оқиғаларға қатысты туған шығармалар. Аңыз дегеніміз  - бір мекеннің, жергілікті жердің, я болмаса бір елдің, тайпаның, рудың ауызекі шежіресі (устная хроника), бір аймақта болған оқиғаның әңгімесі. <<Онда, көбінесе, өмірде болған нақты оқиғалар алынады да, оған қызық-ғажайып сюжеттер қосылып, тыңдаушыны баурап алатындай әңгіме жүйесі ерекше әсерлі құрылады. Аңыз әңгімелер: 1. Аспан әлемі, жан-жануар, ер, су, мекен аттары туралы. Жетіқарақшы, Үркер жұлдыздары, Самұрық, Бозінген туралы аңыз әңгімелерде жұлдыздар мен құстар адамша сөйлеп, ғажап тірлік пен ғажайып оқиғаларды басынан кешеді. 2.Ру, тайпалардың шығу тегіне байланысты. Үш жүз, Алты арыс Алаш, Домалақ ене т.б. аңыз әңгімелерінде ру, тайпалардың шығу тегі туралы өсиетті-өнегелі ойлар айтылады. 3. Діни мистикаға(дәріптеу  -  қиял-ғажайып). Лұқман Хакім, Қағбаның қара тасы т.б. аңыз әңгімелерде діни сенімдер уағыздалып, мистикалық(діни сенім ғажайыптары) нанымдар дәріптеледі. 4. Әлеуметтік утопияға(үміт, қиял). Жерұйық атты аңыз әңгімеде әлеуметтік арман-талап, мұң-мұқтаждың қиялдағы ғажап жақсылықтары орындалып, <<қой үстіне бозторғай жұмыртқалаған>> бейбітшілік заман суреттеліп, молшылық тұрмыс-ахуалдың дәуірлеген кезеңі баяндалады. 5. Тарихи қаһармандық туралы құрылады. Тарихи қаһармандықты насихаттап, данышпандар мен шешендерді, батырларды үлгі-өнеге етіп көрсететін аңыз әңгімелер өте көп. Асан қайғы қазақ еліне жақсы жай іздейді. Қорқыт ата халыққа өлмейтін өмір, өшпейтін өнер іздейді. Төле би қазақ халқының бірлігін көксеп, басын біріктіреді. Кейкі мен Аманкелді жаңаша жақсы заман орнатпақ болады. Қажымұқан дүние жүзіндегі ең күшті палуан  -  қазақ деген мақтаныш туғызады. Төлеген Тоқтаров ерліктің ерлігін көрсетеді, Мәншүк пен Әлия  -  ержүрек қазақ қызының бейнесін көрсетеді. Сонымен аңыз әңгімелер жанрлық жағынан үшке бөлінеді:топонимикалық аңыз әңгімелер, күй аңыздары, тарихи аңыздар. Топонимикалық аңыздар жер-су, елді мекен, тау-тас, өзен-көл туралы айтылатын әңгімелер. Күй аңыздары  - халық күйлерінің  шығуы жөніндегі  әңгімелер(  <<Ақсақ  құлан>>, <<Бозайғыр>>,  <<Нар идірген>>, <<Дүние қалды>> т.б.). Тарихи аңыздар тарихта болған ірі тұлғалар жөніндегі әңгімелер екені мәлім. Тарихи аңыз сюжеті шағын, басты қаһармандары тарихи адамдар болып келеді. Асан қайғы, Алдаркөсе, Жиренше, Абылай, Жошы, Қасымхан, Есім хан т.б. 
     Тарихи аңыздар. Асан қайғы жайындағы аңыздың ең мағыналысы  -  оның қазақ жайлаған өрістің бәрін шарлап, шарқ ұрып кезетіндігі жайында.  Көрген қоныс, мекеннің бәріне қанағат қылмайды.  Ол <<суы  -  сүт, жағасы - балқаймақ>> өзенді аңсайды, шаруаға жай, жанға рақат жерді іздейді. Осындай жерді ол өзінің қиялымен ғана тапқан болады. Оның аты  -  <<Жерұйық>>. Асанның қиялынан туған <<Жерұйық>> - шаруа үшін аса қадірлі қоныс, көкорай шалғынды өріс, мыңға мекен болатын жер деп танылады. Ол осындай жерді қиялы арқылы таба тұрса да, оның шындығында болмағанына өкінеді. <<Жерұйықтай>> жер болса, шаруаға ырыс бітер еді деп арман етеді. Бұл арманына ол кезде жете алмайтындығына қайғыланады, қапалнады. Осыдан барып, оның Асан атын <<қайғы>> деген сөз жалғанады да, <<Асан қайғы>> атанады.  Халықтық оратада туған аңыздарда Асан жайы осылай баяндалады. <<Жерұйық>> жерді елі, жұрты үшін іздеген Асанды ел қамқоры деп ардақтайды. 
      Алдар көсе жайындағы аңыздардың бәрінде ол халықтың ақылды, айлалы ұлы, тапқыр, өжет жігіт болып суреттеледі. Алдар Көсеге байланысты аңыз-әңгімелер тек қазақта емес,  қырғыз, өзбек, қарақалпақ, түрікмен елдерінде де бар.  Алдар көсе топас ханды(Алдар көсе мен Алаша хан), сараң байды(Алдар көсе мен  шық бермес Шығайбай) күлкі етеді. Күлкілі сюжетке құрылған <<Алдар Көсе мен Алаша хан>> дейтін аңызда ел билеген хандардың топастығы мен қомағайлығы мысқылға алынады. Бұл аңызда Алаша хан қатты алданып қалумен қатар жұрт алдында әжуа, мазақ болады.  Алдар Көсе жайында қазақ арасында шығарылып, көпке тараған аңыздың күрделісі  -  <<Алдар Көсе мен Шық бермес Шығайбай>>. Бұл аңыз сараң да қалтырауық, пейілі тар байлар жөнінде халықтың сыны, көзқарасы қандай екендігін айқындайды. Алдардан қулығын асырмақ болаған Шығайбай әр түрлі әрекеттер жасайды. Шығабайға  келген  Алдар  көсе  жабықтан  қараса, бай қазы  тіліп,  бәйбішесі  нан  илеп, қызы тырнаның  жүнін жұлып, тоқалы бас  үйтіп  отырады.   Алдарр  үйге  кіріп  келгенде,  үй иелері қолдарындағы  нәрселерін  тыға  қояды.   Бай әңгімеге  кіріседі.  Алдапдан  <<не  білдің,  не  көрдің?>> -  деп  сұрады.  <<Естіген -  өтірік,көрген - шындық>>  дейді.  Жолда  үлкен сары  жыланмен  соғысқанн  айтады.   <<Осы  айтқандарым өтірік болса,  байдың  атындағы  қазыдай  тілініп,  бәйбішенің  нанындай иленейін,  тырнадай жұлынайын  баста  үйітілейін>> дейді. Шығабай  ет орнына  сірі жейді,  атынан және  қойнына тыққан  наны  мен  айранынан, қызынан айрылады.   Алдар Көсе  дүниеқоңыз  байды  осылай  алдап  соғады.   
    Халықтың тарихында бұқара ортасынан шығып, адал ниет, шын көңілімен халқына қызмет еткен талай е азаматтар, қол бастаған батырлар, сөз бастаған шешендер өткен. Соның бірі  -  Жиренше шешен. Жиреншенің қай кезде өмір сүрген адам екендігін айту қиын. Оның аты, ісі тек халықтың аңыздарында ғана сақталған.
        Жиренше шешен жайындағы аңыз-әңгімелер оның ақылын, тапқырлығын, шешендігін, тоқсан ауыз сөзден тобықтай түйін жасайтын адам екендігін көрсетуге құрылады. Сондықтан да оны халық аңыздары ел басқарған ханмен қатар қояды.  Халық аңызы Жиреншені ханның залымдық, жауыздық істерін, ақымақтығын, елге қиянатын әшкерелеу үшін оған жолдас етеді.Ол жұрт алдында ханның сорақы қылықтарын көрсетеді, ханды ақымақ етіп шығарады. Мұның өзі кейіннен үлкен тартысқа айналады. 
       Хан мен Жиреншенің арасындағы тартыс ел аңыздарының айтуынша <<Ханның Қарашаш сұлуға үйленбек болуы>> деген аңыздан басталады. Аңыздардың айтуынша Қарашаштың асқан ақылы, білгір  қыз екенін байқаған халық өз теңі деп Жиреншеге қосады. Халық аңыздарында Жиренше мен Қарашаш ақылы, білгірлігі, адамгершілігі жағынан бір-біріне тең, айнымас дос, сенімді серік ретінде бейнеленеді. Жиреншеге өшіккен хан қайтсе де оны құрту, ең болмағанда абыройын түсіріп масқаралау ниетінен танбайды. Ханның  аспазшылары пісірілген қаз  етін   хан  алдына  қояды.  <<Қазды  өзіме,  ханымға,  екі  балама  және өзіңе  бөл,  біреуге  артық  жібермей,  біреуге  кем жібермей  тең бөліп  бер.  Егер  бірімізге бір  мысқал  артық,  не  кем бөлсең,  өзіңді  қатты  жазаламын>>дейдіхан  Жиреншеге.  <<Тақсыр,  сіз  біздіңбасымыз  едіңіз>> -  деп қаздың  басын  ханға  тартады. <<Хан ханымсыз болмас,  қс мойынсыз  болмас>>-  деп  қаздың  мойнын ханымға  береді.>>Екі  балаңызсздің екі  қанатыңыз>> - деп  екі қанатын оларға  бөліп  береді.  <<Мен  өзім  бас  та, аяқ  та емес,  орташа  ғана  адаммын, мына  қаздыңорта  денесі маған  лайық>> - дейді.  
    Сөйтіп, шиеленіске, көпке созылған айқасуларда Жиренше жеңіп жүреді. Оған бұл жорлда жәрдем беретін, көмек көрсететін, тіпті көптеген қауіп-қатерден құтқарып алатын Қарашаш болады. Кей кезде Қарашаштың білгірлігі Жиреншеден асып та түседі. Сондықтан да халық аңыздары Қарашашты да ардақтайды, оның ақылы мен білгірлігін сүйсіне әңгіме етеді. Бұдан әйелдер жайындағы халықтың турашыл, әділ көзқарасы да көрінеді.
     Жиренше мен Қарашашқа арналған аңыздардың қайсысы болса да мағынасы терең, мәні зор қысқа сюжеттерге құрылады. Әңгімені әріден бастамай, нақтылы тартысқа, тапқырлыққа құрады. Дәлелін келтіріп, қорытындысын бірден шығарады және оқиғаны ұзақ сонарға салып баяндамай, барар жерін нақ айтады. Бұл оның өзіне тән ерекшелігі болып табылады.  
                                       
Дәрісті қорытындылау: Балалар әдебиетіндегі ертегілердің алатын орнына түсінік беріп, ертегілердің ерекшелігіне кеңінен тоқталып, балалар әдебиетінде ертегілердің алатын орыны, зерттелуіне талдау жасау.
                                       
                                       
Негізгі әдебиеттер
1. Ахметов Ш. Қазақ балалар әдебиеті тарихының очеркі. А. 1965
2. Қазақ балалар әдебиетінің хрестоматиясы. А. Мектеп. 1980.
3. Ғабдуллин М. Қазақ халқының ауыз әдебиеті.  - Алматы, 1994.


                      Қосымша әдебиеттер
1.Қасқабасов С. Қазақтың халық прозасы.  - Алматы, 1984.
2.Марғұлан Ә. Ежелгі жыр, аңыздар.  -  Алматы, 1985.
3. Ертегілер. 1,2,3, 4  томдар.  - Алматы,1988, 1989.
4.Жармұхамедов М. Айтыстың даму жолдары. Алматы,1976.

          6 дәріс. Эпостық жырлар тағылымы
* Эпостық жырлар
2. Батырлық эпос

	1.Эпостық жырлар. Отан соғысы аяқталғаннан кейінгі кезеңде кеңестік көркем өнерді жаңа идеялық творчестволық белестерге көтереміз, әлемге социалистік мәдениеттің артықшылығын танытамыз деген даурықпаның желі көтерілді. Қазақстн Коммунистік партиясының Орталық Комитеті 1947 жылы 21 ақпанда <<Қазақ ССР Ғылым академиясының Тіл және әдебиет институтының саяси өрескел қателері туралы>> қаулы алып, әдебиеттану саласында көрініс берген кейбір кемшіліктерді қатты сынға алды, мәдени-әдеби мұраны тапшылдық тұрғыдан зерттеу қажеттігін нығарлап көрсетті.
        <<Бастауыш және орта мектептерге арналған қазақ әдебиеті мен тілі бойынша оқулықтардағы өрескел қателіктер туралы>> 1951 жылғы 28 тамыздағы қаулы тағы да қазақ тарихын, әдебиетін жүдеушілікке ұшыратты. Осы талқандау процесі 1953 жылы ауыз әдебиетінің халықтығы деген проблемаға ұласып, өзінің шырқау биігіне жетті. Осының нәтижесінде қазақтың ауыз әдебиеті тарихының көп шығармалары ескішіл деп жарияланып, оларды оқуға тыйым салынды. Батырлар мен эпос кейіпкерлері  шыққан тегіне қарай жіктелді. Қобыланды, Алпамыс  -  байдың балалары, байларды қорғаған батырлар, Төлеген  -  бай баласы, Қыз Жібек  -  хан қызы ретінде бағаланды. Қазақтың бай эпосынан кедейдің ішінен шыққан Қамбар батыр халықтық деп танылды. Үш жүзге тарта батырлар жырынан тек төрт-бесеуін ғана зерттеу нысанасына алынды.  
       Қазақ халық поэзиясының ең бір көркем, ең көлемді  саласы -  эпостық жырлар. Тақырыптық жағынан  қазақ эпосы үлкен он  салаға жіктеледі.  Жанрлық жағынан  эпостық мұраларымыз төмендегіше бөлінеді:көне эпос, батырлық эпос, лиро-эпос, тарихи жырлар. Қазақтың жалпы эпостық мұраларының жиналуы мен зерттелу тарихы бар. Бұған қатысты көл-көсір әдебиеттер жазылды. Қазақ батырлық жырларын жазып алуда Ш.Ш.Уәлиханов, Н.И.Ильминский, В.В.Радлов, Г.Н.Потанин, А.В.Васильев, И.Н.Березин, Ә.Диваев, Ы.Алтынсарин,  А.Құнанбаев, М.Ж.Көпеевтер айтарлықтай үлес қосты. Ғылыми тұрғыда зерттеу ісінде  А.Байтұрсынов, Ә.Бөкейханов. С.Сейфуллин, С.Мұқанов, М.О.Әуезов, Е.Ысмайлов, Қ.Жұмалиев, М.Ғабдуллин, Ә.Марғұлан, Ә.Қоңыратбаев, О.Нұрмағамбетов және т.б. құнды еңбектер қалдырды. Бүгінгі фольклортану ғылымында  қазақ эпосына қатысты Р.Бердібай, С.Қасқабасов, Ш.Ыбыраев т.б.  жаңаша зерттеулерімен танылды.
    Көне эпостың қалыптасуы   ерте замандарды меңзейді. Ертегі, миф, аңыз желілері арқылы қалыптасып,  шытырман оқиғаларға құрылатын және негізгі арқауы  ерлікке жауап беретін жырларды көне эпос дейміз.  Сюжеттің негізгі түзілісі  батырдың ғажайып тууы, ерлкпен үйленіп, өліп-тірілуі және ақырында  дию, пері, дәу, аждаһа, мыстан кемпір т.б.  бәрін жеңіп  мұратына жетуі жүйелі баяндалады. Мұнда көне дәуірге тән  нанаым-сенімдерге  кеңінен орын беріледі. Себебі жырдың туған дәуірі сол өткен өмірдің ісі мен тынысы екендігі анық. Бұған біздің  <<Құламерген  -  Жаямерген>>, <<Мұңлық - Зарлық>>, <<Дотан батыр>> т.б. жырлар дәлел. Ертегі, миф, аңыз желілері арқылы қалыптасып,  шытырман оқиғаларға құрылатын және негізгі арқауы  ерлікке жауап беретін жырларды көне эпос дейміз.  Сюжеттің негізгі түзілісі  батырдың ғажайып тууы, ерлікпен үйленіп, өліп-тірілуі және ақырында  дию, пері, дәу, аждаһа, мыстан кемпір т.б.  бәрін жеңіп  мұратына жетуі жүйелі баяндалады. 
           Лиро  - эпос. Батырлық эпосты жинаушылар лиро-эпос мұраларын жарыққа шығаруға ат салысқан. Батырлық эпостағы негізгі тақырып  -  ерлік болса, лиро-эпос  -  махаббат, сүйіспеншілік мәселесін дәріптеуге құрылады. Қай жырдың айтары махаббат еркіндігі болып отырды. Эпикалық шығарма әдеп-ғұрып, салт-сананы барынша аша алуымен ерекшеленеді. Жырда таптық қайшылықтар қалыс қалмайды. Басты трагедияның өзі осыдан келіп шығады. Бұған сандаған ғасырлар белесінен сүрінбей өтіп, бізге жеткен <<Қозы Көрпеш  -  Баян сұлу>>, <<Қыз Жібек>>, <<Айман - Шолпан>> жырлары жауып береді. Осымен қатар көшпелі тұрмыс-тіршілік арқылы ауысып, шығыс сюжетіне құрылған қазақ дастандары ертедегі шығыспен қаншалықты  байланыстарымыздың болғандығын дәлелдей түседі. Бұның жарқын дәлелі ретінде <<Бозжігіт>>, <<Таһир - Зуһра>>, <<Жүсіп-Зылиха>>, <<Сейфулмәлік>>, <<Иранғайып шаһ Ғаббас>>, <<Шәкір-Шәкірат>> т.б. эпикалық мұраларымызды  атаймыз. Бұлардың жасалуында да көркем жағынан поэтикалық тіл өрнегі теңеу, эпитет, өлең құрылысы қазақ эпосының дәстүріне сай туғандығын көрсете алады
         Тарихи жырлар. Тарихи жырлар қазақ хандығы дәуірінен бастап, одан кейінгі ел басына төнген қауып пен қактерді сап- сабымен баяндайды. Тәуелсіздік жолындағы күрестегі қаһармандардың ерлік ісін дәріптеу тарихи жырдағы өлең, тарихи аңыздар айырықша ықпал еткен. Батырлық жырларда  эпосқа ертегі, мифтер араласса, тарихи жыр аңыз бен тарихи өлеңдерді бойына сіңіріп, шын мәнін де өмірде болған тарихи адамдардың ерлігін баян етеді. Тақырыптың жағынан тарихи жырлар былайша бөлінеді.1)Қазақ хандығының құрылып, оны нығайту жолындағы оқиғаларға қатысты туған тарихи жырлар.(Есім хан, Сәтбек батыр, Олғыам батыр, Әз тәуке т.б. 2)ХҮІІІ ғасырдағы <<ақтабан шұбырынды>> оқиғасына байланысты туған жырлар: (Абылай, Қабанбай, Бөгенбай, Шақшақ Жәнібек, Олжабай, Батыр баян, Өтеген, Бөгенбай, Шақшақ Жәнібек, Өтеген, Малайсары, Сырым т.б. 3)ХІХ ғасырдағы отарлауға қарсылықты білдіретін тарихи жырлар.(Исатай  -  Махамбет, Кенесары  -  Наурызбай, Ерназар  -  Бекет, Досан, Жанқожа, Ағыбай т.б. 4)1916 жылғыұлт-азаттық көтеріліске қатысты туған тарихи өлең, жырлар:(Аманкелді; Бекболат т.б.). Бұл тарихи жырлардың тақырыптық бөлінісі болса, жанрлық жағынан тарихи жырлар былайша жіктеледі.1) Тарихи жырлар (ХҮ  -  ХҮІІІ ғ.ғ.) 2)Реальды  -  тарихи эпос (ХІХ  - ХХ ғ.б.).Тарихи жырлар батырлық эпос дәстүрінде жасалса да, сюжеттік жағынан көптеген ерекшеліктер бар. Бұл мәселе эпостың тіл көркемдігінен де көрінеді
     Сонымен, жанрлық жағынан  эпостық мұра көне эпос, батырлық эпос, лиро эпос, тарихи жырлар болып бөлінеді. 
            Батырлық эпос шығу мерзімі жағынан түркі қағанаты, оғыз-қыпшақ, ноғайлы дәуірлерімен ерекшеленеді. Тарихтың айтуы бойынша, ХҮ ғасырға дейін <<Қазақ>> деген тұтас халық болмаған, жеке бытыраңқы рулар болған. Олардың бәрі <<ноғайлы>> деген жалпыға бірдей атпен аталған. Кейіннен, ХҮ ғасыр ішінде бұл рулардың көпшілігі бір жерге қосылып, содан былай қазақ хандығы құрылған. ХІІІ ғасырдың басында монғолдардың Шыңғыс хан бастаған шапқыншылары Қазақстан мен Орта Азияға жорық жасайды. Монғол шапқыншылары мұнымен қанағаттанбай Иран мен Иракқа, Кавказдық елдерге және Еуропаның оңтүстік шығысына қарай  шабуыл жасайды. 1256 жылдан бастап бүкіл Кавказдық елдер, Иран, Ирак және Кіші Азияның бірсыпыра жерлері Хулағу хан құрған монғол мемлекетіне(ұлысына бағынады. Бірсыпыра уақытқа дейін жергілікті елдер  Хулағуліктерге бағынбай соғысып, алысып өткен. 1295 жылдан 1304 жылға шейін Ғазан хан(Қазан хан) хандық құрған. Хулағуліктерге бағынбай, соғысып, алысып өткендер кавказдықтар, азербайжандар мен қыпшақтар болған. Осындай жағдайда жауларынан өздерін айыру үшін ирандық монғолдар бастарына қызыл бөрік киеді. Осыдан барып оларды <<қызылбас>> деп атаған деседі. Ғазан хан және одан кейінгі хандар да өздері құрған мемлекетті нығайту мақсатымен айналасындағы елдерге талай рет шабуыл жасап отырған. Өздерінің жер-су, қоныстары үшін қызылбастарға қарсы күресіп, қарсылық көрсеткен, ерлік жасап соғысқан ел қыпшақтар болған.
      Міне, ертеде шыққан жырларда қазақ(қыпшақ) батырларының алысатын жаулары қызылбастар болып келуі жоғарыда көрсетілген тарихи шындықтың елесі секілді. Ал бертін келе, қазақ жеріне шабуыл жасаушылар қызылбастар емес, қалмақтар болады. Қазақ халқының қалмақ басқыншыларына қарсы күресі бергі кезде болды. Бұған қарағанда, қалмақ феодалдарының шапқыншылық әрекеттеріне қарсы ерлікпен күресіп, жауға тойтарыс берген қазақ халқының батырлық тұлғасын көрсету үшін жыршы ақындар өткен заманда туған батырлар жырын да пайдаланған секілді. Ескі жырларға соңғы кездің оқиғаларын қосып, біраз жаңартқан деуге болады.
       Батырлық жырлардың  классикалық үлгілері <<Алпамыс>>, <<Қобыланды>>, <<Ер Тарғын>>, <<Қамбарлар>>  болса, тұтастану құбылысына жауап беретін <<Қырымның қырық батыр>> жырлары бар. Жырлану барысында эпостық жырлар бірнеше нұсқаға айналып, бірнеше варианттарына байланысты версиялар құрайды. Типологиялық жағынан көптеген ұқсастықтар бар. Ұқсас жерлер, тізбектеле жырлау, негізгі мифтері ғажайып туылу,  жедел өсу, үйлену, жекпе-жек, соғысу,  түс көру, мұратына жету т.б. болып келеді. Көркемдік жағынан аллитрация мен ассонанс, гиперболла мен литота, теңеу мен эпитет және т.б. батырлық эпостан мол ұшырасады. Эпикалық батырлық жырларды жырлаушы көптеген  өнер өкілдерінің есімдері мәлім.  
       Тарихи жырлар қазақ хандығы дәуірінен бастап, одан кейінгі ел басына төнген қауіп пен қатерді баяндайды. Тәуелсіздік жолындағы күрестегі қаһармандардың ерлік ісін дәріптеу тарихи жырдағы өлең, тарихи аңыздар айырықша ықпал еткен. Батырлық жырларда  эпосқа ертегі, мифтер араласса, тарихи жыр аңыз бен тарихи өлеңдерді бойына сіңіріп, шын мәнін де өмірде болған тарихи адамдардың ерлігін баян етеді. Қазақта батырлар жыры мен тарихи жырдың көбірек туған кезі ХІҮ  -  ХҮІІІ ғасырлардың арасы секілді. Осы аталған кезеңдерде бүгінгі қазақ халқының көне тарихында бірнеше елеулі оқиғалар болып өтті.  Бұл тарихи фактілер батырлар жыры мен тарихи жырдың тууына әсер етеді. Қазақта батырлық пен тарихи жырдың тууына әсер еткен екінші бір жағдай  -  қазақтар мен қалмақтардың арасындағы қарым-қатынастар, көп заманға созылған күрестер еді. Тарихи деректерге қарағанда ХҮІІ ғасырдың қарсаңында қалмақтар күшті мемлекетке айналады. Қалмақтың шонжарлары қазақтардың шұрайлы жерін, мал-мүлкін тартып алуды, қазақ елін құл етуді мақсат етеді.Халық басқыншыларға қарсы қазақ халқының ерлік күресін, батырлық күшін, жеңісін суреттеп жырына қосты.
2.Батырлық эпос. Қазақтың халық педагогикасындағы аса бай мұра  -  батырлық жырлар. [..] Батырлық жырларда ел қорғау, басқыншыларға қарсы күресу кезінде көрсеткен батырлардың ерліктері жырланады, батырлардың отбасына, еліне, Отанына деген сүйіспеншілігі  -  шынайы патриоттығы дәріптеледі, көбінесе бірегей ұлға зар болған қарт ата-аналардың арман-тілегі орындалады(Алпамыс, Қобыланды т.б.) [..] Батырлық жырлар, көбінесе 7-8 буынды жыр тармақтарымен жырланады, кейде он бір буынды қара өлең ұйқасымен де жырланады. Жырда әсірелеу, суреттеу басым болады, жыр жедірме екпінімен жеңіл айтылады.[..] 
      <<Алпамыс>> деп талатын жыр өзбекте де, қазақта да, қарақалпақта да бар. Арасында аздаған айырмашылық бола тұрса да, ол - әр халықтың өз шығармасы. <<Алпамыс>>  - Орта Азия халықтарының ерте замандарда ру болып жүрген кезінде туған шығармасы. Бұл жырдың Орта Азия халықтарына ортақ болу себебі де осыдан. <<Алпамыс батыр>> жырының негізгі идеясы  -  ру бірлігін сақтау. Сондықтан да жырда ру бірлігін көздеген, әр рудың арасында араздық, шапқыншылық емес, татулық болуын мақсат еткен адамдардың іс-әрекеті ардақталады. Оларды рудың қамқоршысы етіп суреттейді. <<Алпамыс>> жырын бағалауда теріс көзқарастар да болмай қалған жоқ. Бұл жырдың өзбекше вариантын қарастырған кейбір зерттеушілер 1952 жылы баспасөз бетінде оны халыққа жат, зиянды шығарма деп бағалады. Қате көзқарасқа уақытында тойтарыс берілді. 
      Кейіпкерлері  -  Алпамыс,  Гүлбаршын, Ұлтан,  Қаражан,  Мыстан  т.б. Алпамыстың батырлық іске бел байлаған сапары Гүлбаршынды іздеп шығуынан басталады. Өзіне жар-жолдас- қалыңдық іздеп шығу, бұл жолда әр түрлі ерлік істер жасап, батырлық сыннан өту  -  дүние жүзіндегі эпостық шығармалардың көбінде кездесетін жай. Ондағы батырлардан Алпамыстың бір үлкен айыпмашылығы бар: Алпамыс батырлық іске тек Гүлбаршын үшін ғана аттанбайды. Ол бір кезде Байбөріге өкпелеп бөліне көшкен, қалмақ еліне кеткен Қоңырат руының бір бөлегін іздеп те шығады. Халық жыры Алпамысты қалмақ еліне аттандырады, ол өкпемен көшіп кеткен ел-жұртының бір бөлегін қайтару, оны қоңыраттар,а қайта табыстыру, татуластыру мақсатын көздейді.   Алпамыс образы - халықтың руға қамқор, қорған болар батырды арман еткен қиялынан туған образ. 
<<Алпамы>>  жырының  ерекшелігі, -  оқиғаны  шегініспен  қатар,  диалог  арқылы  баяндайды.  Жырда  бір оқиғаны  әңгімелеп  келе  жатады  да, оны аяқтамай,  екіншісіне  көшеді.     Оқиғалары  осы ретпенбаяндалады.  Жыршы ақын  тыңдаушы  жұртты  жыр оқиғасынақызықтырып  отыру  үшін  шегініс  әдісін  жиі  қолданған  тәрізді.  Көптеген  оқиғалар,  аддамның күініш-сүйініштері  диалог  арқылы  среттеледі. 
      Жыр  сөздігінде қазіргі  күні  мағынасы ескірген  сөздер көп  кездеседі.  Өлең қрылысы  бірелкі  емес.  Өлең  түрі кейде  жеті-сегіз  буынды,  кейде  он бір,  кейде  он буынды  болып  келеді. Мұның  мәнісі  -  жырдың   <<Алпамыс>>   -  бірнеше  халыққа  ортақжыр.   Мұның қазақ  вариантынаәсері  болғандығы айқын.  
    <<Алпамыс батыр>> жыры жас жеткіншектерге <<бірлік бар жерде тірлік, елдік барын>> аңғартады. Достыққа адалдық, сертке беріктік, ел мүддесін жоғары қоюшылық  -  жырдың кішкентай оқырманы үшін әрқашан да өнеге. Жыр ел қорғау жолында халық мүддесі үшін күресушілердің жеңетіндігін аңғарта отырып, жас ұрпақтың алдына халық үшін қызмет ету жолын таңдауды ұсынады. Жырдың өміршеңдігі де осынысында және ел бірлігін сақтау жөніндегі идеясында. 
      <<Қобыланды батыр>> жырында қызылбастардың(тек бір вариантында қалмақтардың) басқыншылық, жаулық шабуылдарына қарсы қыпшақ батырларының жүргізген ерлік істері сипатталады. Қазақтағы батырлар жырының ішінде варианты көбі  -  <<Қобыланды батыр>>. Қобыландының батырлығы жөнінде жыршы ақындардың бәрі де (Марабайдан басқасы) әңгімені әріден, баланың тумай тұрған кезінен, Тоқтарбай мен Аналықтың бір перзентке зар болуынн бастайды. 
      Дүние жүзілік эпостың көбінде батыр образы батырдың есейген кезінен басталса, Қобыландының болашақта асқан батыр болатындығы оның ана құрсағында жатқан уағында-ақ білінеді. Мәселен, Қобыландының шешесі Қобыландыға екіқабат кезінде жерік асына не арыстанның жүрегін, не айдаһардың өтін жейді, немесе қара тасты шайнайды. Жыршылар Қобыландының образын оның ана құрсағында жатқан кезінен бастаса, Тайбурылдың болашақта батырға жолдас болатын тұлпар екендігі кер биенің ішінде жатқан кезінде-ақ белгілі болады. Қобыланды батыр>> жырындағы Қобыландыны ерлік іске бастаған да, оны рухтандырған да - халық, халықтың намысы. Қобыландының батыр атануы  -  оның ел-жұртын адал ниет, шын көңілмен сүйгендігінен.  Кейпкерлері -  Қобыланды,  Құртқа,  Қарлыға, Қараман,   Қазан,  Көбікті,  Алшағыр,   т.б.  
    <<Қобыланды>> жырындағы  оқиғалар бір  адамның  айналасына  құрылады.   Жырдың негізгі  тірегі  -  Қобыланды.  Жыр  ерекшелігі  -  бір  оқиғадан  екіншісін  тудыра,  өрістете жырлау,  шегініс жасамай жырлау болып  табылады. Жырдағы  тіл  балығын  есепке  аламыз.  Жыр  тілінің  байлығы  теңеу,  метафоралар  жасауымен, дыбыс  қайталауларымен көрінеді.  
   Жырда Тайбурылдың шабысы өте әсерлі суреттелген. Тайбурылдың шабысы  арқылы халқы үшін кек алуға аттанған батырдың тасқындаған күші, ыза-намысы берілгендігі байқалады. Мұнымен қатар Тайбурылдың шабысында халықтың ой-арманы, қиялы жатқаны да байқалады. Одан сеңгір-сеңгір таулардан бір-ақ қарғып өтетін, алысты жақын ететін, қырық күншілік жерге бір күнде жететін көлік болуды аңсаған халық қиялы көрінеді. Жырда ерте кездегі талай-талай географиялық атаулар да кездеседі. Сонымен қатар қазірде сирек аталатын өсімдіктердің аттарымен де балаларды таныстырып қалуға зор мүмкіндік береді.
      <<Ер Тарғын>> жырын фольклортанушылар ноғайлы дәуірінде туды, ол белгілі мөлшере сол дәуірді және оның қарым-қатынастарын елестетеді дейді. Басқа жырларға қарағанда <<Ер Тарғын>> жырының варианттары көп емес. Көп уақытқа дейін ғалымдар <<Ер Тарғын>> жырын қазақ ауыз әдебиетіндегі халықтық сипаты бар көркем шығарманың бірі деп бағалап келді. 1951 жылғы қаулы әсерінен <<Ер Тарғын>> жырына қарсы пікірлер айтыла бастады. Осындай себептерден <<Ер Тарғын>> жыры біраз уақыт қатардан шығып қалды. Кейіпкерлері  - Ер Тарғын,   Ақжүніс, Қарт  Қожақ,    Ханзада, Тарлан ат  т.б.  Жырдағы Тарғын қалың қол бастаған батыр болып көрінбейді. Ол  -  жеке ұрыстарда ерекше ерлік жасаған, сонысы үшін ер атанған адам. 
     <<Ер Тарғын>> жырындағы Тарғын - бір рудың ғана емес, бүкіл ноғайлы жұртының батыры. Оған ноғайлы атанған елдің алыстығы жоқ, бәрі де жақын, тума-туыс болып көрінеді.  Сондықтан ол ноғайлының бір елінен шығып, екіншісіне келеді.  Тарғын басқыншы жаулардан өзінің ел-жұртының елдігін қорғауды және сол елдің бірлігін сақтауды, оған қызмет етуді мақсат етеді. Тарғынның Ақшахан әскерлеріне еріп, торғауыттарды жеңуде ерлік көрсетуі осы мақсаттан туады. Басқа ырларда басты кейіпкерлер жайы бірден айтылатын болса, бұл жағай <<Ер Тарғын>> жырында жоқ. Жырдың сюжет құру, образ жасауындағы негізгі ерекшеліктің бірі де осында. Жыршы әңгімені Тарғынға байланысы жоқ жайды суреттеуден бастайды. Жырда Тарғынның бейнесі тек ел қорғау жолында жасаған ерлік істерін суреттеу арқылы ғана жасалып қоймайды. Оның батырлық тұлғасы, ерлік ісі, алып күші Тарғынның өз сөзімен де, басқа адамдардың (мәселен, Сыпыра жыраудың) сипаттауымен де беріліп отырады. 
    Жырдың  оқиғасы Тарғынның  ерлік  істерін  суреттеу  арқылы  дамиды. <<Басқа  жырлармен  салыстырғанда,  айтайын  деген  ойды,  суреттейін  деген  құбылысты  асқан шеберлікпен  беруде  <<Ер  Тарғын>>  жыры,  біріншіден,  дамыту әдісін,  екіншіден, шендестірді  мол қолданады  және шендестірудің  жай  түрін емес,  ұлғайған,  күрделі  түрн жасайды>>(Қ.Жұмалиев).   Жырдың  бұл  ерекшелігі адам образын  жасаудан айқын  байқалады. Ақжүністіңкелбеті төмендегіше суреттеледі:
                  ...Қара  жерге қар  жауар,
                  Қарды көр  де  етім  көр,
                   Қар үстіне  қан  тамар,
                 Қанды  көр  де  бетім  көр.
Ақжүністің  Қарт Қожақты  сипаттауында  да  шендестір  әдісі  қолданылған. 
      <<Қамбар батыр>> жыры  -  қазақ еліне ерте кездің өзінде-ақ тараған жыр. Кейіпкерлері  -  Қамбар  батыр, Назым,   Алшыораз,  Әзімбай,  Қараман,  Келмембет т.б.   <<Қамбар батыр>> жырының басты идеясы халыққа қызмет еткен батырды, оның ерлік істерін ардақтаудан туған. Егер басқа жырларда батыр образы көбінесе бірден оның күреске, аттанысқа қатысуын суреттеу арқылы жасалса, олардан Қамбар образының елеулі бір айырмашылығы бар. Халық жыры оны еңбекші халыққа қызмет еткен еңбек ері деп көрсетеді. Бұдан халықтың ел қорғаған батырды ғана емес, еңбек адамдарын да ардақтайтындығы байқалады. Екіншіден, халық неше түрлі жыртқыш аңдарды, соның ішінде жолбарысты жеңуін Қамбардың күшті батырлығы деп бейнелейді. Жырда Қамбар образы жау адамдарының іс-әрекеті, сөзі арқылы да толықтырылып отырады. Қараман мен Келмембеттің Қамбардан сескенуі, қорқуы, одан қауіптенуі батыр образын ұлғайта түскен.  Халық бейбітшілік кезінде де, басқыншы жау шабуылдаған кезде де жұрт үшін аянбай күресетін ер-азаматы Қамбардай болуын арман еткендігін білдіреді.
<<Қамбар  батыр  жырының ерекшелігі  -  оқиғаны  әр  түрлі  шегініс  жасау  арқылы жырлауында.  Жырдың  тілі көркем.  Аз сөзбен  көп мағына  беріліп  отырады. Мысалы,  Қамбардың  аң  аулауға  шыққаны была  суреттеледі: 
                Күмістен  тағып  қарғысын,
                   Соңына  ертіп тазысын,
                  Ау қылып Қамбар шығады.
                       Қасындағы  құмайы
                 Таңынан  тартып  талайын
                      Тау  текені  жығады.
                   Таңы  арылып  жыртылып,
                 Киік  пен жатқан  құланы,
                      Ат бетіне қаратпай,
                     Ақбөкендей  жосытып,
                    Айқайын  салып  қуады.
Бұл  суреттен  қазақ халқының  ерте  кездегі тұрмыс-тіршілігі, күн-көрісі бір  көзі    аңшылық болғандығы   байқалады.
        Қандай шығарма болса да, оның негізгі мақсаты  -  тәрбие. Ауыз әдебиеті  -  халықтың ой-санасы мен мінез-құлқын қалыптастыратын тарихи мектебі. Батырлық жырлар  -  сол мектептің маңызды құралы.[..] Қаршадайынан халықтың ауыз әдебиетін сүйе тыңдап өскен әрбір қоғам мүшесі еліне пайда тигізетін ер болуды армандады. 
       Жеке адамдардың жетесіне жеткен қара бастың қамын ойлайтын психологияға эпостық жырлардағы халықтық ойлар қарсы қойылып отырды. Халық ер мен езді, ақылды мен ақымақты, еңбекшіл мен тірліксізді айқын бағалап, ұрпақтарына жақсыны үйретті, жаманнан жирентті. Тәрбие мүддесіне сай, халық эпостық шығармаларға сюжеттер ендірді, мінездеу мен кульминация неғұрлым әсерлі болуын қарастырды, жеке образдар көркем де шебер жасалынып, есте мәңгі қалатындай әсерлі болды, ой түйіндері өнегелі өрнекпен құрылды. Бағдарлай зерттеп байқасақ, эпостық шығармаларда тәрбиенің алуан түрі бар. Дене шынықтыру тәрбиесі, ақыл-ой тәрбиесі, адамгершілік тәрбиесі, эстетикалық тәрбие, отансүйгіштік тәрбие, еңбексүйгіштік тәрбие, еңбек тәрбиесі,батырлық жырлардың табиғатындағы мақсатты мұрат  -  міне осылар.
    Эпостық шығармалардың негізгі оқиғалар арқаулары да  -  осы тәрбиелік мақсаттар. 1. Дене шынықтыру тәрбиесі эпостық шығармаларда бірінші кезекке қойылады. Эпостық шығармаларда атқа шабу, мергеншілік, найзагершілік, қылыш шабу шеберлігі дәріптеліп жырланады. Халықтық шығармаларда бұл өнерлер оңайлықпен келмейтіндігі суреттелінеді. Батыр мерген болу үшін әуелі мергеншілікке үйреніп, мергеншілік мектебінен өтеді де үлкен айқаста сынаққа түседі. 2.Халық Отан қорғау адамгершіліктің асқар шыңы деп тұжырымдайды. Ел үшін ерлік жасаудан артық адамгершілік болмасқа керек. Сондықтан халықтың арман-мүддесін айқындайтын батырлардың ауыздан-ауызға мәңгі жатталған бейнелері өздерінің үлгі-өнегелік құнын еш уақытта бәсеңдетпейді. Қобыланды, Ер Тарғын, Қамбар бейнелері қазіргі жастарға да үлгі. 3.Батырлық жырларда халықты қорғаушы ерлер мен азаттық үшін күресуші ғашықтардың ерліктерімен қатар, сол халық үшін жан аямай еңбек еткен еңбексүйгіш, кішіпейілді, саналы жандар да тәрбиелік үлгі ретінде баяндалады. Мысалы, Қамбар батыр ең әуелі аң аулап, "алпыс үйлі арғын мен тоқсан үйлі тобырды" асыраған; Қобыланды батыр мал бағып, аң аулаған; Құртқа Тайбурылды алты жыл күні-түні бағып-баптаған.  
     Сонымен батырлық эпостың көпшілігі халықтың Отанды сүю, басқыншы жаудан ел қорғау, халық үшін ерлік жасау, еңбек ету идеясынан туған. Біріншіден, батырлық эпостардағы батырлар образы  -  патриоттық идеяның образы. Батырлар бейнесінің балаларға игі ықпалы мол.  Олар жас жеткіншектерді батыл, табанды, парасатты және әділетті болуға үйретеді. Екіншіден, эпостық жырлардың тілі көркем. Ондағы теңеулер  мен тұрақты эпитеттердің мол болуы да балаларды әсерлендіреді. Эпостық жырларда  оқиғаны еселеп, қайталап айту жағы да көп кездеседі.  Мұндай ерекшелік оқиға желісін ұмытпауға мүмкіндік береді.


Негізгі әдебиеттер.
* Ш.Ахметов. Қазақ балалар әдебиеті тарихының очеркі. А. 1965.
* Қазақ әдебиеті тарихы Іт. Ікіт.-Алматы,1960.
* Ғабдуллин М. Қазақ халық ауыз әдебиеті.-1974.
* Бердібаев Р. Қазақ эпосы. Алматы,1982.
* Ыбыраев Ш. Эпос әлемі.  - Алматы, 1993.
* Батырлар жыры 1-6т.  - Алматы, 1986-1990.
* Тарихи жыр. Іт. Алматы 1995.

Қосымша әдебиеттер
* Бердібаев Р. Эпос  -  ел қазынасы.  - Алматы,1996.
* Қоңыратбаев Ә. Қазақ эпосы және түркология.-Алматы,1987.
* Ғабдуллин М, Сыдықов Қ. Қазақ халқының батырлық жыры.-А.,            1972.

2 Модуль. Абай мен Ыбырай Алтынсарин шығармаларының тәрбиелік мәні

                                 	6-ДӘРІС
 Махамбет Өтемісовтің патриоттық  өлеңдері
1. ХІХ ғасырдың бірінші жартысындағы әдебиет
2. Махамбет Өтемісұлы  өмірі
3. Махамбет жырлары  -  тарихи оқиға шежіресі.
1. ХІХ ғасырдың бірінші жартысындағы әдебиет. ХІХ ғасырдың одан бұрынғы ғасырлардан өзгешелігі  -  бұл ғасырда шын мағынасындағы жазба әдебиет туды. Негізінен, ХІХ ғасырға дейін ауыз әдебиеті, жыраулар поэзиясы болып келсе, енді әдебиет сырт түрі, үлгісі жғынан бірнеше түрлі болды. Ішкі көркемдік сапа жөнінен де көп өзгеріс, жаңалық туды. Қазақ өлеңі жаңа түрлер жасады. Оның басында Махамбет, Дулат тұр. Бұл құбылыс Абаймен жалғасты. Жаңа жанрлар туды. Европалық мәндегі жаңа жазба әдебиет қалыптасты. Мысал, сықақ, сатира жанры жаңғырып, жанданды. Сырлы да нұрлы лирика толысты. Сал-серілер өнері шарықтады. Айтыстың мәні, мазмұны тереңдеді. Поэманың алғашқы нысандары көрінді. Тарихи жырлар туды.  ХІХ ғасыр әдебиетіне байланысты С.Мұқанов 1942 жылы мынандай тұжырым жасады: <<ХІХ ғасыр әдебиетінің дәуірлері одан бұрынғы ғасырлардың әдебиет дәуірлеріндей көмескі емес, айқын, ашық. Мәселен, ХІХ ғасырдың алғашқы жартысында ұлт бостандығын жырлайтын әдебиет жасалды. ХІХ ғасырдың 50-70 жылдарында <<Зар заман>> әдебиеті басым болды, ХІХ ғасырдың 70 жылдарынан бастап просветительдік(мәдениетке үндеуші) әдебиет туды>>. 
    Сонымен ХІХ ғасыр әдебиетінің аса көрнекті өкілдері:
- бостандық рухты жырлаған Махамбет ақын, Шернияз;
- зар заман әдебиетінің айтулы тұлғалары Дулат, Шортанбай, Мұрат, Әубәкір;
- әйгілі айтыс ақындары Шөже, Орынбай, Кемпірбай, Түбек, Марабай;
- атышулы сал-серілер Сегіз Сері, Біржан сал, Жаяу Мұса, Ақан сері
- қиссашыл ақындар;
- Қоқан езгісіндегі өңірдің әдебиет өкілдері Сүйінбай, Мәделі, Құлыншақ, Майлықожа, Базар;
- жаңа жазба әдебиет өкілдері Абай, Ыбырай, Шоқан.
     ХІХ ғасырдағы қазақ әдебиеті - өзінің мазмұны мен идеясы жағынан біраз ілгерілеген, әлеуметтік беті айқындала бастаған әдебиет. Бұл кез әдебиетінде дәуір көрінісі айқын бейнеленді. Заман сыры жан-жақты ашылды. Әлеуметтік теңсіздіктер, қоғамдық қайшылықтар жырланды. Жаңа дәуір поэзиясының алдыңғы қатарлы өкілдері  заманы ұсынған жаңа талаптарға сай, әділетсіздікке қарсы  батыл күрес идеяларын қолдады.  Қазақ поэзиясында  жаңа бір өршіл сарын пайда болды. Жаңа пафосты ерлік идеядағы күресшіл поэзия бой көрсетті. Бұл - сайып келгенде өзіне дейінгі батырлар жыры дәстүрінің жаңарған тың түрі. ХІХ ғасыр ақындары өзінің жаңа идеяларын поэзияның бұрынғы дәстүрлі үлгі формаларында жырлады. Осылардың ішінде, ХІХ ғасыр поэзиясын кең өріске көтерген жанрлары деп арнау, толғау, айтыс формаларын ерекше атап көрсеткен орынды. Бұрынғы дәстүрлі формалардың өзі жаңа идеяны жырлау үстінде біраз жаңғырады, жетіледі. Мысалы, Махамбет толғаулары өзінің екпінділігімен, ырғақтылығымен өзгешеленіп, толғау формасын идея жағынан да, түр жағынан да жаңартты деп айтуға болады.  Өмірінің соңғы кезеңін қуғында өткізген ақын көңіл-күй лирикасының озық үлгілерін туғызды. Ақын жырларынан оның қасіретке бөленген мұңды жаны танылады.  Махамбет қазақ лирикасын сапалық және көркемдік жаңа бір белеске көшірді. 
     Қазақстанның батыс аймағында, әсіресе, Еділ, Жайық, Нарын, Тайсойған, Ойыл, Қиыл, Жем, Сағыз өңірінде ол кезде ел арасына белгілі ақын, жыраулар аз емес-ті. Олардың көбі өздеріне дейінгі жыраулар мұрасы мен батырлық жырларды ел арасына таратып, елдік, ерлік дәстүрді насихаттаушылар еді. Олар әділетсіздікке отаршылдық саясатқа қарсы еді. Исатай, Махамбет көтерілісінің жеңіске жетуіне жан-тәнімен тілектес болатын. Бірақ олардың бәрі де белсене шығып, көтеріліске араласып кете алмады. Тіпті, көтеріліс сапында болған Шернияздың өзі де дәл Махамбеттей көтеріліс жаршысы бола алған жоқ.
        Әр уақытта да әділетсіздікке қарсы шығу үшіні  өлім мен бейнеттен сескенбейтін  жалынды жүрек керек еді, жан-тәнімен, ой-санасымен берілген берік сенім керек еді. Тек Махамбет дәуірінде ғана емес, одан бұрынғы, одан кейінгі замандардың бәрінде де әділетті жақтап, жалғандық пен жауыздықты әшкерелеу тек ерлердің қолынан ғана келген.  Махамбетке әсер еткен жағдайлардың бірі  -  Қазақстанның батыс аймағындағы ақын, жыраулардың дәстүрлі әдеби ортасы, олар жырлап таратқан ерлік жырлар. Махамбет Шәлгез, Асан, Сыпыра, Доспанбет, Қазтуған сияқты жыраулар мұрасын жақсы білген.  Демек, туа біткен талант, әлеуметтік теңсіздікті сезіну, әдеби орта әсері сияқты жағдайлар Махамбеттің ақын болып қалыптасуына  ықпал еткен. Махамбет поэзиясы  -  жауынгерлік поэзияның, жыраулық өнердің үздік үлгісі. Махамбет шығармаларында көтеріліс тарихы жатыр. Махамбетке әсер еткен жағдайлардың бірі  -  Қазақстанның батыс аймағындағы ақын, жыраулардың дәстүрлі әдеби ортасы, олар жырлап таратқан ерлік жырлар. Махамбет Шәлгез, Асан, Сыпыра, Доспанбет, Қазтуған сияқты жыраулар мұрасын жақсы білген.  Демек, туа біткен талант, әлеуметтік теңсіздікті сезіну, әдеби орта әсері сияқты жағдайлар Махамбеттің ақын болып қалыптасуына  ықпал еткен.
           Махамбет поэзиясының бір қыры  -  жыраулар поэзиясымен үндес тұстары. Ақын толғауларында жыраулар поэзиясынан жеткен дәстүрлі қолданыстар мол. Махамбет Қазтуғаннан да, Шалкиіз, Доспамбет, Ақтамбердіден де сөз үлгісін мейлінше көп алды. 
Балдағы алтын құрыш болат,
Ашылып шапсам, дем тартар,
Сусыным қанға қанар деп(Шалкиіз жырау).
Қарқыны күшті көк семсер 
Шапқан  сайын дем тартар,
 Сусыным қанға қанар деп.(Махамбет).
 Хан емессің, қасқырсың,
 қас албасты басқырсың,
 Алтын тақта жатсаң да
 ажалы жеткен пақырсың(Марғасқа жырау).
 Хан емессің, қасқырсың, ...(Махамбет).
 Арғымаққа оқ тиді
 қыл майқанның түбінен,
 аймадетке оқ тиді
 отыз екі омыртқаның буынынан,
 ... жағдайсыз кетіп барамын
 жанымда бір туғанның жоғынан!...(Доспамбет).
 Арғымаққа оқ тиді
 қыл мықынның түбінен...(Махамбет). 
Махамбет шығармаларынан ХІХ ғасырдың жаңа өлеңі де көрінеді. Өмірінің соңғы кезеңін қуғында өткізген ақын көңіл-үй лирикасының озық үлгілерін тудырды. 
2. Махамбет Өтемісұлы өмірі. Махамбеттің кейбір өлеңдері ХХ ғасыр басында қазақ ақындарының жинақтарына енді. 1908 жылы <<Мұрат ақынның Ғұмар қажыға айтқаны>> деген жинаққа(Қазан) Махамбеттің жүз жолдан астам өлеңі енген. Махамбет толғауларының кейбір үзінділері 1910 жылы <<Шайыр>>(1910) жинағында да басылған. 1925 жылы <<Исатай-Махамбет кітабында(Ташкент), 1926 жылы <<Аламан>> жинағында, <<Жаңа мектеп>>, <<Сәуле>> журналдарында Махамбет өлеңдері түгелге жақын жарияланды және Исатай көтерілісі туралы мәліметтер басылды. Кейбір газеттерде осы қозғалыстың тарихи мәні баяндалып, мақалалар жарияланды. Халел Досмұхамедұлы Махамбет өмірбаянын тұңғыш рет берді. Махамбеттің шығармашылығы, көтеріліс себептері мен сабақтары турлы жазды. 
      Махамбет ақындығының әр қырынан сөз қозғады. Махамбеттің жыраулығы күшті деп байлам жасады. М.Әуезовтің <<Әдебиет тарихы>>(1927) еңбегінде, М.Әуезов, Ә.Қоңыратбаев, И.Жолдыбевтар оқулықтарында да (1933-1934жж.) Махамбет өмірі мен творчествосына біршама орын берілген. Тарихшы А.Ф.Рязанов <<Воостание Исатая Тайманова>> деген кітап(1927) жазды.  Ақын мұрасына С.Мұқанов 1942 жылғы <<Қазақтың ХҮІІІ-ХІХ ғасырлардағы әдебиет тарихынан очерктер>> еңбегінде кеңінен тоқталды. Бостандық рухындағы әедебиет өкілі атады. 1939 жылы Махамбет өлеңдерінің жинағы жеке кітап болып басылды. 1948, 1951, 1958, 1962 жылдарда шыққан Махамбет өлеңдері жинағының құрастырушысы  Қ.Жұмалиев болды.     Махамбеттің өмір жолы халық тарихының елеулі кезеңдерімен тығыз байланысты. 
Қазақстанның батыс аймағында Сырым Датов бастаған бұқара көтерілісінен кейін ел ішінде феодалдық езгі ұлғая түсті. 1795-1796 жылдардағы жұт әсерінен бұқара күйзеле бастады. Бөкей сұлтан 1 Павел патшаға  Еділ, Жайық арасына өту туралы өтініш жасайды. 1801 жылы 11 наурызда Бөкей сұлтан біраз ауылдарды бастап Еділ, Жайық арасына өтеді. Бұл өңір сосын <<Ішкі өңір>>, <<Бөкей хандығы(ордасы)>> аталған. 1815 жылы Бөкей өліп, уақытша Сығай билейді. 1823 жылы хандық тізгіні Жәңгірдің қолына көшеді. Астрахань губернаторы Андреевскийдің үйінде тәрбиеленген арабша, орысша сауатты Жәңгір ханды орыс патшасы мен ұлықтары басқа жүз хандарынан беделді тұтып, оны қазақ даласына ықпал етудің қол шоқпарына айналдырды. 
Патша тарапынан Жәңгір өле-өлгенше Бөкей ханы болып есептелінді. Бірақ Еділ мен Жайық арасындағы Бөкей ордасы басқа сырт елдермен көп байланыс жасай алмады. Тек Россиямен тікелей байланыс жасап, өз хандығының елге саяси ықпалын нығайтуды ойлады. Жәңгір хан тұсында ел тыныштығы мүлде бұзылды. Қазақ билері, сұлтандары, старшындары білгендерін істеп, берекесіздікті өршітті. Хан алым-салықты көбейтті. Бұған қоса Ішкі Орда жұрты жер қысымына ұшырады. 30-жылдары Ішкі Орда бұқарасының хан-сұлтандар мен бай-билер қысымына қарсы күресі ашық айқасқа айналды. 
 Көтеріліс басшыларының бірі, жалынды ақын Махамбет Өтемісұлы 1804 жылы Еділ, Жайық арасындағы Нарын құмында, Бекетай деген жерде дүниеге келген. Бір өлеңінде <<Өтемістен туған он едік, онымыз атқа мінгенде, жер қайысқан қол едік>> дейді(Тоқтамыс, Бекмұханбет, Махамбет, Исмайыл, Досмайыл, Қожахмет(Ахмет), Әйіп, Хасен, Сүлеймен, Ибрайым). Махамбет жасынан батыр, балуан, мерген, домбырашы, ақын атанады.
       Халықтың айтуына қарағанда, Махамбет арқалы күйші, композитор болған. Қазіргі домбырашылар Махамбет күйлері деп орындап жүрген күйлер(<<Өкініш>>, <<Қайран, Нарын>>, <<Жұмыр, Қылыш>>, <<Жорық>>, <<Ақтабан>>, <<Тарлан>>, <<Шілтерлі терезе>> т.б.) бар. Махамбеттің жаза білгені, орысша, мұсылманша сауатты адам болғаны туралы деректі материалдар да бар екені мәлім.      Қалың еңбекші қауымның ортасында өскен ол бұқара халықтың зары мен мұңын жақсы білді. Жігіт шағында хан ордасы маңында болып өктем орта сырын терең түсінді.
       Исатай, Махамбет көтерілісі басталуының ең басты  себебі  -  бұқараның экономикалық және рухани қанауға ұшырауы. 1837 жылы Исатай, Махамбет сарбаздары хан Ордасын қамайды. Хан қандай талапты болса да орындамақ болып, он күн мерзім сұрайды. Сол уақыт ішінде Орынбор генерал-губернаторынан  подполковник Геке бастаған қарулы қол алдырады. Геке әскері 1837 жылы 15 ноябрьде Бекетай құмында, Тастөбе деген жерде Исатай қолымен кездеседі. Исатай жасағы шығынға ұшырайды.  Декабрьдің он екісінен он үшіне қараған түнде Исатай, Махамбет аз ғана қолмен Жайықтың бергі бетіне өтеді. Жайықтың бергі бетінің сұлтаны Баймағанбет Айшуақов  Геккені шақыртады. Исатай қолы 1938 жылы 12 июльде Геке мен Баймағанбет әскеріне кездеседі. Ақбұлақтағы осы шайқаста Исатай қаза табады.
        Хан ордасын қамау кезінде Исатайдың алдауға көнуі, Тастөбе, Ақбұлақ шайқастарындағы сәтсіздіктер, көтерілісшілер ішінде жеке басының қамын ойлаған Қайыпқали Ешімов сияқты опасыздардың болуы, хан жасағы мен патша әскерінің күшінің басымдығы көтерілістің жеңіліспен аяқталуына себеп болды.  Аңдыған жау Махамбетті Жайық бойында Қараой мекенінде жалғыз үй отырғанда қайғылы қазаға ұшыратты. Махамбет ақын 42 жасында 1846 жылы қапыда қаза болды.
3. Махамбет жырлары  -  тарихи оқиға шежіресі. Махамбет өлеңдерінен көтеріліс күндерінің әрбір елеулі оқиғасы айқын аңғарылады. Жәңгір мен Баймағанбетке деген ыза-кек, Орданы қамау, Тастөбе шайқасы, халық батыры Исатайдың асқақ бейнесі, батыр өлімінен кейінгі көңіл-күйлері, хан, сұлтандарға деген бітіспес күрес  -  бәрі-бәрі көз алдыңыздан өткендей әсер береді. М.Әуезов Махамбет поэзиясын <<қимыл мен күрестің өзгеше жыры>> дейді. Махамбет өлеңдерін үш кезеңге бөліп қарастыруды, яғни көтеріліс алдында, барысында, жеңілгеннен кейінгі деп қарастыруды ұсынады. 
        Махамбет өлеңдерінде саяси өткірлік пен терең ой, нәзік сезім әрдайым ұштасып, біте қайнасып жатады. Осы қасиеті Махамбетті көтеріліс туын көтерген әрі жалынды үгітшісі, әрі ардақты ақыны етті. Бұл мазмұн Махамбет өлеңдерінің құрылысы мен түріне әсер етті. 1837 жылғы ноябрь(ақырап) айында болған жеңілістен кейін, Исатай, Махамбет бастаған аз адам Жайық өзені қатқанға шейінНарын құмында қашып жүреді де, декабрь айының 12 күні кешке жақын Жайықтан келіп өтпекші болады. Көк мұзға ат салып, Жайықтан көктей өтеміз дегенде, линия бойындағы отряд біліп қалып, оқ атады. Исатай, Махамбет аз шығынмен өтіп кетеді. Жайықтан өткеннен кейін боран үдетіп кетеді де, ел таба алмай, батырлар далаға түнейді. Талай айлар қуғында жүргенн адамдар түн бойы қар жамылып, мұз төсеніп, ұйқысыз шығады. Іштерінен кейбіреулер әлсіздік білдіреді. Оларға күрестерінің болашағы бұлдыр, келешегі үмітсіз көрінеді. Осындай сарыуайымға салынушылардың бетін қайтару үшін Махамбет <<Ереуіл атқа ер салмай>> өлеңін сол жерде шығарыпты деседі: Ереуіл атқа ер салмай, егеулі найза қолға аламай, еңку-еңку жер шалмай, қоңыр салқын төске алмай, тебінгі терге шірімей, терілігі майдай ерімей  ... ... . Өлеңнен қасындағы жолдастарын да, елін де, күреске шақырушылық, ерлікке үндеушілік аңғарылады.     
     Халық ерлерінің айбынды күшін суреттеуде ақын шеберлігі барынша айқын. Махамбет Исатайдың ерлік тұлғасы арқылы бұқара халықтың алып күшін көз алдыңа елестетеді. Халықтың көтерілістен күткен мақсаты мен арманын жырлайды. Бұны оның өзі жайындағы және Исатай туралы өлеңдерінен, әсіресе, Баймағамбетке айтқан сөздерінен  байқаймыз. <<Баймағамбет сұлтанға айтқаны>> өлеңінде Махамбет Исатай қозғалысының екі түрлі мақсаты болғанын айтады: бірі  -  хан билігін жою, екіншісі  -  бұқара бостандығын жақтау. <<Еңсесі биік ақ орда, еріксіз кірсем деп едім, керегесін кескілеп, отын етсем деп едім>> дейді ақын. <<Хан керегесін отын етемін>> деу  -  батырлар жырындағы сарын. Махамбет көтерілістің екінші мақсатын былайша суреттейді: <<Еділдің бойы ен тоғай, ел қондырсам деп едім, жағалай жатқан сол елге мал толтырсам деп едім>>. Хан ордасын бұзу  -  саяси талап, ал қоныс, жер-су, мал үшін күресуі  -  экономикалық талап. 
         Өз кезеңі үшін бұл талаптың мәні аса зор болды. <<Тарланым>>, <<Мінкен ер>>, <<Қызғыш құс>>, <<Тайманның ұлы Исатай>>, <<Исатай деген ағам бар, <<Исатай сөзі>>, <<Арғымақтың баласы>>, <<Біз неткен ер>>, <<Ұл туса>>, <<Туған ұлдан не пайда>>, <<Еңселігі екі елі>> т.б. өлеңдерінде ақын халықтың ерлік тұлғасын толық таныта алады. Махамбет бұл өлеңдерінде Исатайдың образын  -  батыр образын жасады. <<Мұнар күн>>, <<Исатай мен Жақия>>, <<Соғыс>>, <<Махамбеттің Баймағамбет сұлтанға айтқаны>> т.б. өлеңдерінде де Исатайдың ерлік істері мен адамгершілік, азаматтығы жырланады.  Исатайдың өлімі ақын жанына қатты батты. Өзімен жолы бір, арман-тілегі бір халық батырының өлімі әрі ел қайғысы, әрі Махамбеттің өз қайғысы болды. Исатай өліміне арнаған өлеңдерінде ақын өзінің ой кернеген мұңын, кеуде кернеген шерін терең суреттейді.  Махамбет Исатайды әрі көтеріліс көсемі, әрі батыр, әрі ақылды, халық тілегін жеке басының мақсатынан жоғары санайтын, басқалардан жөні бөлек, шоқтығы биік жан етіп көрсетеді.
       Исатайдың тарихи рөлі де, кейінгі ұрпақтар үшін оның істерінің әлеуметтік мәні де <<қара қазақ баласын хан ұлына теңгеру>> болды. <<Мінкен ер>> атты өлең Исатайдың  Жайықтан бері өтіп, Кіші жүз ішіне келуін суреттейді. <<Исатай өлген соң ел еркесінен айырылып, сергелдең болды>> дейді ақын. <<Әй, Махамбет, жолдасым>> өлеңін Исатай өлген соң, Махамбет оның атынан өзі жырлаған. Мұнда Исатай өзінің не үшін және  қалай күрескенін, мақсатына жете алмағанын, көтеріліс күндері жіберген қателіктеріне тоқтала келіп, елдің ендігі тағдырын Махамбетке және келер ұрпаққа тапсырады. Өз баласы Жақияны да атаған. Сөзінің аяғында батыр бостандық жолындағы өз арманын бүкіл ұрпаққа мирас етіп қалдырады: <<Арманымды айтып кетейін, найза ұстаған ерлерге, Арыстан туған Исатай дегеніне жете алмай, арманда өтіп кетті деп...>> 
       <<Тарланым>> атты элегиялық формадағы толғау Исатай мінездемесіне құрылған.  Батыр образын жасауда Махамбетке ауыз әдебиеті, әсіресе, батырлар жырының азды-көпті әсері болғандығы аңғарылады. Батырлар жырында жиі ұшырайтын әсіреулер де Махамбетте аз кездеспейді. Ақын Исатайды суреттеген толғауларында неше алуан теңеу, эпитет, метафоралар қолданады. <<Тарланым>> өлеңінің өзінде-ақ  Исатай бар болмысымен көз алдыңа елестейді. Батырдың сырт тұлғасы ғана емес, ішкі сыры, қайтпас қайсар мінезі, жайдары жарқын жүзі, ақылы мен өнері, жауға деген айбары, ерлігі, ел ішіндегі беделі  -  барлық жағынан сүйкімді сипатта көрінеді(<<Кермиығым, кербезім, келіскендей шандозым. Құландай ащы дауыстым, құлжадай айбар мүйіздім...>>).
        <<Қызғыш құс>> өлеңінде еліне, халқына сүйіспеншілігін, сезімін <<ау, қызғыш құс, қызғыш құс, ел қорыған мен едім, мен де айрылдым елімнен, көл қорыған сен едің, сен де айрылдың көліңнен>> деген психологиялық параллелизм арқылы бейнелейді. Елден айрылып, қуғынға түскен ерлердің халі лашыннан ығысқан панасыз қызғыш құс тағдырына ұқсастырыла жырланады.  Қызғыш құстың көлсіз тіршілігі болмаса, ақынның туған елінсіз тіршілігі жоқ. Сол өлеңінде <<Сені көлден айырған- лашын құстың тепкіні, мені елден айырған  -  Хан Жәңгірдің екпіні>> ден қас жауының кім екенін айқын аңғартады.  Бірақ Махамбет ешқашан өмірден түңіліп, өзі бастаған істен бас тартқан емес. Ол атаның бастаған ісін ілгері дамытатын ерлердің туатынына берік сенеді. Халықты жасымауға, қамықпауға шақырып, жаудан кек алуға үндей түседі. Болашаққа сеніммен қарайды. Махамбет өлеңдері  -  халықтың сарқылмас күш-қуатын бейнелейтін көркем шығарма. 
Исатай сөзі ретінде айтылған "Әй, Махамбет, жолдасым" деген өлеңінде батырдың ешкімнің сөзін тындамайтын қыңырлық және аңқаулық ісі батыл ашылады. 
Махамбет өлендері өзіне тән сипатымен көркемдік жағынан ерекше жанр жағынан тарихи шындықты, уақиғаны лирикалық сезімге бөленіп баяндалған, оған өз көзқарасын, қатысын және қалай сезінуін қоса айтады. Осындай үлгі лиро-эпикалық жанрға жатады. Махамбет өлеңдерінің тарихи салмағы басым баяндалады. Ақынның өлеңдерінде эпостық баяндау сарыны да бар, ол жалынды лирикамен араласып келеді ("Баймағанбетке айтқаны").
Махамбет өлендері әлеуметтік сарындағы саяси-үгіттік лирикаға да ұштасады. Өйткені онда өз көңіл күйі мен елдің күй-жағдайы ілік-шатыс келеді. Махамбет көтеріліс басшысының бірі болғанда, ол халықтың күреске деген сана-сезімін оятарлық үгіт-насихат қызметін өзінің өткір әсерлі өлеңімен іс жүзіне асыра білген.
Махамбет өлеңдерінің көбі дерлік жоқтау сарынында айтылады. Ол әсіресе Исатай мерт болғаннан кейін туындайды. Оның жоқтауы халық ауыз әдебиеті жоқтаулары үлгісінде құрылады. Теңеу, эпитет, метафора қолданыстары сол мұрадан сусындайды. Мысалы, "Тарланым", "Тайманның ұлы Исатай".
Махамбетте өмірді философиялық бағытқа негіздеп өзінің түйіндеген ұғымын баяндайтын сәттер де бар. Олар риторикалық сұрақтармен де айтылады. ("Қоғалы көлдер, қом сулар", т.б.).
Махамбеттің Исатайдан айырылып, әбден сәтсіздікке үшырап, көңілі құлазыған кездерінде шығарған өлеңдерінде өз көңіл-күйін көрсететін элегиялық лирика біраз орын алады.
Махамбет  --  сауатты ақын, сонда да ол жыр ағымымен суырып салма түрде толғаған. Көбіне арпалыс кезеңнің жағдайына бейімдеген. Сондықтан оның өлендері 7 буынды, 7 және 8 буын аралас түрде жасалған. Ал 11 буынды тек бір ғана "Мінгені Исатайдың Актабан-ай" деген өлеңі бар.
Махамбеттің тақырыбы да ерлік және халықты күрес қимылдарына шақыру болып саналады.
Махамбеттің тіл көркемдігі тартымды. Исатайды ел қамын ойлап, "қызғыштай болған есіл ер" деп теңеу жасап, батырды аң патшасы арыстанға балап, "Арыстан еді-ау Исатай" деп "Таудан мұнартып ұшқан тарланым" деп қыранға балап, әсерлі метафора қолданады. "Қой мойынды көк жұлын" деп ер серігі тұлпарды метонимиялық бейнеде суреттейді.
Махамбет өлендерін 1838 жылға дейінгі және одан кейінгі деп екі тарапта айырып қарау бар. Осы бөлістің алғашқы кезеңінде ақын лирикасы оптимистік прогрестік романтизм сипатты туындыларға жатады. Онда ақын ер-азаматты басқа түскен ауыртпалықты қайыспай көтеруге, қас жауға "қанды көбік жұтқызуға" шақырады. Ал, екінші кезең, әрине, көтеріліс жеңіліп, Исатай өліп, қалың қол тарап, ақынның басы жалғыздыққа кезіккен шақта айтылған лирика-элегия. Осындай тарихи қасірет ақынның көңіл күйіне, ой-пікіріне елеулі әсер етті. Онда да Махамбет күйреп кеткен жоқ. Алған бетінен қайтпады. Әлде де жаудан кек алуды қарастырып, өзінің "Үлы арман" деген өлеңінде:
                   Желп-желп еткен ала ту,
                   Жиырып алар күн қайда!?
                   Орама мылтық тарс ұрып
                 Жауға аттанар күн қайда?
 --  деп алға қойған мақсатынан танбады.
     Махамбет - өзіне дейінгі және кейінгі ақындардан өмірді басқаша танып, шындық болмысты дұрыс көре білген халық әдебиетінің өкілі.  Махамбет - қазақ әдебиетінде ең алғаш болып хан-сұлтандарға қарсы қарғыс оғын жаудырып, халық тілегін  батыл да ашық айтқан адам. Махамбет ең алдымен халқын, Отанын сүйген патриот ақын. Оның өлеңі - елін тереңнен сүюдің айқын үлгісі. Махамбет өзінің қысқа ғұмырында төңкерістің жеңісі мен жеңілісін поэзия тілімен кестелеп, туған халқына деген шексіз сүйіспеншілігін, күш-қуатын  елдің бостандығы мен тәуелсіздігі жолына жұмсады. Махамбет - кейінгі ақындар үлгі алған, өзіндік өлең құрылысы, тіл өзгешелігі, өз стилі бар ақын. Бүгінгі ақындар Махамбеттің образ қолданысынан үлгі алады. Махамбеттің әр образды, сөзді әр жағдайдың өзіне тән етіп қолданатын шеберлігін үйренеді. Ақын шығармалары жас жеткіншектерді  табандылыққа, қиыншылықты жеңетін қайсарлыққа тәрбиелейді. Ол  -  асыл сөздің кені, көркем тілдің ұстасы, ерлікке үндейтін жалынды үгітші. 

                      Негізгі әдебиеттер
1. Ш.Ахметов. Қазақ балалар әдебиеті тарихының очеркі. А. 1965.
2. Х.Сүйіншәлиев.  Қазақ әдебиеті(ХҮІІІ-ХІХ ғ.ғ) А. Мектеп. 1981.
3. Қ.Жұмалиев. Егеулі найза(зерттеулер) А. Арыс. 2003. 
                                       
                      Қосымша әдебиеттер
* Сарай Әнес. Екі тарлан. Зерттеулер. А.Арыс. 2003. 
* Б.Аманшин. Жыр-семсер. А. Арыс. 2004.
3. Ақын тағдыры. 1927-1946. А. Арыс. 2003.
4. Ақын қазасы. А. Арыс. 2003.
5.  Махамбет. Ереуіл атқа ер салмай.(өлеңдер) А.Жазушы. 1989.
6. Махамбет Өтемісұлы. Өлеңдер. А. Жазушы. 2002.
 

                                 7-ДӘРІС
 Ы.Алтынсарин  -  қазақ  балалар әдебиетінің  атасы
1. Ы.Алтынсарин өмірі мен шығармашылығы
2. <<Қазақ  хрестоматиясы>>  еңбегі
3.  Ы.Алтынсарин өлеңдері
1.Ы.Алтынсарин өмірі мен шығармшылығы. Ы. Алтынсарин - шын мәніндегі тұңғыш   ағартушы ұстаз,  тамаша тарихшы,   фольклоршы - этнограф  ғалым, тіл білімпазы,  осы    күнгі     әліпбиімізде    жазылған     ең      алғашқы оқулықтың туындыгері, халық   ағарту  ісінің шебер ұйымдастырушысы.  Ы. Алтынсарин 1841 жылы 20  қазанда Торғай  облысы, Николаевск      уезінің Аманқарағай болысында     (қазіргі  Қостанай   облысының  Затобол        ауданында) дүниеге  келді. Әкесі     қайтыс    болғаннан    кейін    сәби      Ыбырайдың     тәрбиесі      атасы -  Балқожа   бидің қолына    көшеді. 
   Сөйтіп    болашақ    ақынның      бүкіл    балалық   шағы    осы     үлкен      атасының    тәрбиесінде     өтеді.    <<Қыран ұяда не   көрсе,  ұшқанда соны іледі>> дейді    халық    даналығы.  Бұл сөздің растығын Ыбырайдың  өмір-өнегесінен де байқағандаймыз. Балқожа бидің <<үміт еткен көзінің нұры>> бала Ыбырай атасының замандас достары - Досбол шешен, Наурызбай, Мұғал би секілді дүйім жұрттың назарын  өзіне қаратқан от ауызды,  орақ тілді үлкен ақыл    парасат иелерінің үлгі-өнегесін  көріп өсті.
   Балқожа би Орынборда оқуда жүрген шәкірт Ыбырайдың ел    арасындағы  дау - жанжалдарға    төрелік   айтуға,   билік шешім  қабылдауға   баулып отырған. Соның  біршамасы     ел   аузында    <<Ыбырайдың  айтқаны>>,  <<Ыбырайдың шешімі>>,  <<Ыбырайдың    тоқтамы>> деген     тұрғыда  ұрпақтан- ұрпаққа жалғасып тарап келеді. Ыбырайдың ұстаздықтың  ұзақ та ұлы жолына аяқ   басуында  үлкен  атасы Балғожа бидің орны ерекше. Әрине,  мұндай атаның  тәрбие-тәлімі, өнеге-үлгісі, ой-арманы, қиялы шәкірт-немеренің, болашақ   ұлы   ұстаздың  рухани  қалыптасуына,  қайраткерлік   дәрежеге көтерілуіне, сөз   жоқ,  зор  ықпал  етті. Оның көрнекті ақын, талантты жазушы болып қалыптасуына да белгілі бір  дәрежеде әсер етті.
     Ыбырай қазақ ауылының үстіне төнген қара түнектің жиегі көтерілмей тұрған кезде өмір сүрді. Біріншіден, елді патша өкіметі қанады. Екіншіден, халықты патша өкіметіне сүйенген жергілікті әкімдер сүліктей сорды. Қайғысы мен қасіреті мол осындай кезеңде өмірге келген Ы.Алтынсариннің мақсаты мен міндеті  елі үшін талмай еңбек етіп, халқына қызмет жасау болды. Ол үшін ағартушылық қызметке араласу керек болды. Соның бірі  -  мектеп ашу ісі. ХІХ ғасырдың орта шенінде  қазақ даласында     мектеп ашу  ісі қиынның   қиыны   еді.  Мектеп  үйі, оқытушы, оқу құралдары т.б. нәрселер  көшпелі  қазақ  санасына онша орнықпаған ұғым  болатын. Бұл  айтылғандармен  қоса осындай  игілікті  іске қожа, молда,  бай, болыстар мен  патша чиновниктері барынша салқын қарады. Патша өкіметі отар  халықтарды қараңғылықта ұстауды қолайлы санады.
Оған қоса оқудың, білімнің мәнісін түсінуге халық санасындағы ескі   стереотиптік көзқарас та кесірін тигізді. Бірақ осы айтылғандардың бәрі    Ы.Алтынсариннің таудай  талабына бөгет бола  алмады.  <<Мектеп - білім  берудің басты құралы, халықтың  келешегі тек осы мектептерде>> - деп түсінген ұлы  педагог Ы.Алтынсарин осы  мақсатпен қысы-жазы  ел-елді  аралап, халықты  өнер-білімге  шақырып  қана қоймай, мектеп ашуға  қаржы жинау ісімен де айналысты. Бұқара халық Ыбырайдың игілікті ісін ықыласпен  қолдап, біраз қаржы жинап  берді. 1864  жылы  қаңтарда Торғайда тұңғыш    қазақ балалары үшін мектеп ашып, 14 баланы мектепке қабылдады. 
 Балалар интернатта жатып оқитын болды. Оның ағартушылық, педагогтік көзқарасы негізінен, орыс педаготарының ықпалымен қалыптасты және қазақ халқының  ұлттық тәрбиесінің  негізіне сүйеніп жүргізді. Ол елін надандыққа  қамап отырған  феодалдық-патриархалдық, рушылдық қоғамның кертартпа жақтары мен отаршылдық  саясатты сынай отырып,  туған халқының  келешегіне  зор сеніммен қарады. <<Тастан сарай салғызған, айшылық алыс жерлерден жылдам хабар алғызған>> деп   алдыңғы қатарлы өнерлі жұрттардың  ғылыми-техникалық  табыстарын сөз ете келіп,  <<үміт еткен достарым, сіздерге бердім батамды>>- деп жастарды  өнер-білімді меңгеруге, оқуға үндейді. Ы.Алтынсарин өзі ашқан орыс-қазақ мектептерін миссионерлік бағыттағы  жат пікірден де,  шығыстың   жаттамалы  діни  оқуынан да  қорғап    бақты. Жастарға шынайы білім беретін дүнияуи пәндерді    (жаратылыстану, география, тарих, есеп, т.б ) оқытуды   іске асырды.  Ыбырайдың   оқу-ағарту ісіндегі   тағы бір жаңалығы қазақ жастарына  кәсіби  мамандық   беру  мәселесін қолға  алуы болды.  Ол Торғайда, Қарабұтақта  қолөнер училищесін, Қостанайда  ауылшаруашылығы  училищесін ашып, қазақ  жастарынан   қажетті  маман кадрлар даярлау  ісіне зер салды. Қазақ қыздарына тұңғыш дүнияуи білім беру ісіне жол ашқан да         Ы.Алтынсарин  болды.   Ол  Ырғызда   қазақ қыздарына арнап интернаты бар  мектеп аштырды.  Мұның  өзі  қазақ  халқының өмірінде  орасан зор маңызы бар тарихи уақиға еді. Ы. Алтынсарин патша  әкімшілігінен Торғай облысының барлық уездерінде   қыздар  училищесін  ашуды  өтінді. Соның нәтижесінде  Торғайда(1891), Қостанайда(1893), Ақтөбеде(1896) қыздар  училищелері ашылды.
Ы.Алтынсарин 1862 жылдан бастап халықтың ауыз әдебиеті нұсқаларын жинау, зерттеумен шұғылданады. Сонымен бірге орыс әдебиетінің үздік үлгілерімен, орыстың әйгілі жазушыларының шығармаларымен түпнұсқада танысады. Оларды күнделікті ағарту, оқу саласында  үнемі кәдеге жаратып, пайдаланып отырады. Мұның өзі Ы.Алтынсариннің қоғамдық, ағартушылық   танымын қалыптастырып, дамытумен қатар жазушылықтың әдіс-тәсілін үйренуге ықпал жасады. Жалпы Ы.Алтынсариннің публицистикалық мақалаларын үш топқа бөлуге болады:
1. Хаттары
2. Этнографиялық тақырыпқа жазған очерктері
3. Экономикалық саяси-әлеуметтік мәселелерге арналған мақалалары
  1870 жылы Ы.Алтынсариннің <<Орынбор ведомствосы қазақтарының  өлген адамды жерлеу және оған ас беру дәстүрінің   очеркі>>, <<Орынбор ведомствосы қазақтарының құда түсу, қыз ұзату және той жасау дәстүрлерінің очеркі>> мақалалары жарық көреді.
 Ы.Алтынсариннің философиялық көзқарасы оның ағартушылық, педагогикалық, экономиалық көзқарастарымен тығыз байланысты. Ағартушы ретінде ол туған халқының сауатын ашуға тырысты. Ол өзінің ағартушылық қызметінде қиындықтарға     кездесе жүріп бұл мұратты жүзеге асыру үшін халықтың надандығымен ғана емес, оған үнемі кедергі келтіріп отыратын ресми саясаттың       қарсылығын жеңу керек екендігін де жақсы түсінді. 1880 жылы <<Орынбор листогі>> газетінің редакциясына 1879-1880 жылдары Торғай қазақтарының  басына түскен апаттар(<<жұт қысы>>) туралы  мақала жазып жібереді. 1880 жылдың 4 сәуірінде В.В.Катаринскийге былай деп жазады: <<Жуырда мен <<Орынбор листогына>> Торғай қазақтарының басына түскен апаттары туралы мақала жазып жібердім. Осы мақаламда қазақ еліне орыс селендерін әкеліп орнатпақ болған пікірлерге қарсы екенімді білдірдім. Бұл пікір, меніңше, ешбір ақылға сыймайтын нәрсе сияқты. Егер істі дұрыс жүргізе білмесе, онда  айттым да қойдым  қазақтар, - келешегі жақсы деп үміт етіп отырған осы халық  -  тез құрып кетеді, содан кейін бұл істі ешқандай түзете алмайсың. Осындай ерсі жобаларды оқығанда және естігенде салың суға кетеді. Сондықтан, қолайсыздау істеп отырғанымды біле тұрсам да, өзімнің оған қарсы екенімді білдіруге бел байладым>>[2;229] деп патшаның отарлау  саясатына ашық қарсылығын білдіреді.
 Ыбырай өзі  ашқан мектептерге арнап оқулық жазуды қолға алады. 1876-1877 жылдар шамасында <<Қазақ хрестоматиясын>> жазуға кіріседі.  1879 жылы Орынборда <<Қазақ хрестоматиясы>> мен <<Қазақтарға орыс тілін үйретудің бастауыш құралы>> жарық көреді.  Ы.Алтынсарин  1879 жылдың бірінші қыркүйегінде Торғай облысының мектептері инспекторы болып тағайындалады. Ы.Алтынсарин өзі ашқан орыс-қазақ мектептерін Шығыстың жаттамалы  діни  оқуынан қорғап бақты. 1882 жылы ұлы Әбдіхамит(Абдолла) дүниеге келеді. Осы 1882 жылы Ы.Алтынсариннің <<Шариғат-ул-ислам>>(<<Мұсылманшылық тұтқасы>>) еңбегі жазылып бітеді. Кітап екі жыл өткен соң 1884 жылы Қазан қаласында басылып шығады.  
Ы.Алтынсарин жастарға шынайы білім беретін пәндерді(жаратылыстану, география, тарих, есеп т.б.) оқытуды іске асырды.  Ағартушы ғалым қазақ жастарына кәсіби білім беру мәселесін қолға алды. 1882 жылы 22 ақпанда Орынбор оқу округінде Торғайдан ашылатын  қолөнер мектебінің ұйымдық жобасын жасайды. 1883 жылы15 қарашада Торғай қаласында қолөнер мектебі ашылады.  10 сәуірде Орск қаласында қазақ даласындағы тұңғыш қазақ мұғалімдерін даярлайтын мектеп ашады. 1884 жылы екінші ұлы Әбдірахман     дүниеге келеді. 1886 жылы қызы Шәрипа өмірге келеді.  1886 жылы <<Қазақтың болыстық мектептері туралы записка>> деген белгілі еңбегін жазады.  1887 жылы Торғай облысының әскери губернаторы А.П.Проценко болыстық мектептер  ашуға ресми рұқсат береді. Алтынсарин ұйымдастыруымен 1887 жылы 15 қарашада Ырғыз қыздар училищесі  ашылады. 1888 жылдың 28  қазанында училище интернаты құрылады.  
Ы.Алтынсарин патша әкімшілігінен Торғай облысының барлық уездерінде қыздар училищесін ашуды өтінеді. Қыздар училищелері Ыбырай қайтыс болғаннан кейін Торғайда(1891), Қостанайда(1893), Ақтөбеде(1896) ашылады. 1889 жылдың ақпан, наурыз айларында Ақтөбе, Елек, Ырғыз уездеріндегі мектептерді аралау, үлкенді-кішілі кезек күттірмейтін мәселелерді шешу бұрын да ыңқыл-сыңқылмен жүрген Ыбырайдың денсаулығын одан әрі нашарлата түседі. Ы.Алтынсарин 1889 жылдың 17 шілдесінде  47 жастан асқан шағында қайтыс болады.
       Енді осы ашылған оқу орындарына керек нәрсе, яғни балаларды тәрбиелеуде қажет нәрсе, ол - оқу құралы болды. Ы.Алтынсарин мектеп кітапханасын ұйымдастырып, оқулықтар алдырды, орыс тіліндегі құралдарды аударды, қазақ тілінде оқулық жазды. Балаға жастай дұрыс тәрбие беру бүкіл дүние жүзіндегі педагог-ғалымдардың ертеден бері үлкен көңіл аударып, айрықша көтерген мәселесінің бірі десек, ХІХ ғасырдың екінші жартысында қазақ даласынан оларға үн қосушы бірінші қазақ педагогі Ыбырай Алтынсарин. Бұл мәселе жөнінде ол көптеген педагогтердің, әсіресе, орыстың алдыңғы саптағы  ұлы педагог  -  ғалымдары К.Д.Ушинский, Л.Н.Толстой, Бунаковтармен пікірлес болды. Ол орыс-қазақ училищелерінде К.Д.Ушинскийдің <<Балалар дүниесі>>, Л.Н.Толстойдың <<Әліппе және оқу кітабын>>, Б.Ф.Бунаковтың <<Әліппе мен оқу құралын>>, Тихомировтың <<Грамматиканың элементарлық курсын>> оқу құралы ретінде ұсынды. Ы.Алтынсарин орыс халқының ХІХ ғасырдағы классикалық мол әдебиеттерімен танысты. Өзінің педагогикалық идеясын іске асыру үшін алдымен балалар әдебиетін жасауға бет бұрды. Ол орыс классиктерінің балалар әдебиеті тақырыбына жазылған шығармаларын қазақ тіліне аударды. Оларды қазақ халқының ұғымына лайық етіп аударды және туған халқының әдет-ғұрып, психологиясына неғұрлым жақын шығармаларды ғана аударды.  Кейін орыс ғалымдарының үлгісімен өзі де <<Қазақ хрестоматиясы>>, <<Қазақтарға орыс тілін үйретудің бастауыш құралы>> атты екі құралын бастырып шығарды. Оның үстіне Ыбырай сол кездегі қазақ жазбасында тұрақталып қалыптасқан араб жазуын емес, орыс алфавитін пайдаланды. Ыбырай Алтынсарин қазақ әліппесін ұлттық ерекшеліктерге сәйкес құрып, қалыптастыруды арман етті. Ол үшін ұстаз кирилица нұсқасын алып, оған қазақи дыбыстардың әріптерін белгілеп қосуды ойлады. Сөйтіп алғашқы хрестоматияны(<<Қазақ хрестоматиясы>> - Киргизская хрестоматия, 1979) шығарды. Өйткені мың жылдан астам қазақ жазуында қолданылып келе жатқан араб әліппесі қазақтың ұлттық фонемасына сәйкестендірілмеді, оның фонетикалық жағынан күрмеу бола бастағанын ұстаз бала оқыту кезінде байыптады. Бұл жайды белгілі ғалым(филолог-лингвист) Ахмет Байтұрсынов та кейіннен кеңінен зерттеп, төте оқу әліппесін түзген болатын. Қазақ мектептерінде 1940 жылдан қолданыла бастаған қазіргі әліппе арқылы қазақтың ұлттық жазуы дамып, қалыптасты. Сонымен қазақ балалар жазба әдебиеті ХІХ ғасырдың екінші жартысында қалыптасты да және оның қалыптасуы Ы.Алтынсарин есімімен тығыз байланысты болды. 
2. <<Қазақ хрестоматиясы>> еңбегі. <<Қазақ хрестоматиясы>> орыс хрестоматияларының үлгісімен жасалды. 1876 жылдың 3 желтоқсанында Н.И.Ильминскийге жазған хатында былай дейді: <<Бірінші кітабымды Паульсон кітабының құрастырылу тәртібімен жазып шыққалы отырмын. Әрине, мұны қазақ балаларына лайықтап жазамын>>(210). Ы.Алтынсарин сол кездегі қазақ жазбасында тұрақталып қалыптасқан араб жазуын емес, орыс алфавитін пайдаланды. Ыбырай қазақ   әліппесін ұлттық ерекшеліктерге сәйкес құрып қалыптастыруды арман етті.  Кирилица нұсқасына қазақи дыбыстардың әріптерін белгілп қосуды ойлады. Сөйтіп, 1879 жылы алғашқы <<Қазақ хрестоматиясын>> шығарды.  Өйткені араб әліппесі қазақтың ұлттық фонемасына сәйкестендірілмеді. Оның фонетикалық жағынан күрмеу бола бастағанын Ы.Алтынсарин бала оқыту кезінде байыптады. Бұл жайды А.Байтұрсынов та кейін кеңінен зерттеп, төте оқу әліппесін түзген болатын. 
<<Қазақ хрестоматиясы>> төрт бөлімнен тұрады. Бірінші бөлім  <<Ұсақ әңгіме - ертегілер(балалар турасында)>>, екінші бөлім  <<Үлкен кісілер турасындағы әңгімелер>>,  үшінші бөлім <<Әр түрлі өлең-жырлар>>,  төртінші бөлім <<Мақалдар>> деп аталады. 
Хрестоматияға енгізген шығармаларды іріктеуде, біріншіден, әр халықтың тұрмыс-тіршілігі мен салт-дәстүрлерінен хабардар ету принципін көздеді.  Екіншіден, оқушылардың бойына адамгершілік қасиеттерді дарытуды көздеді. Үшіншіден, бастауыш сынып оқушыларының түсінігіне жеңіл, тілі жатық әңгімелерді беруге тырысты. Ол өз шығармаларында халықтық тілдің негізгі сөздік қорын шебер пайдалана білді. Әдеби тіл принциптерін қатаң сақтады. Оқушылардың ұғымына жеңіл етіп қарапайым тілмен жазды.  
     Ағартушының Н.И.Ильминскийге, В.В.Катаринскийге жазған хаттарынан Ы.Алтынсариннің <<Қазақ хрестоматиясын>> екі кітап етіп шығаруды жобалағанын байқаймыз. 1876 жылы 3 желтоқсанда Н.И.Ильминскийге жазған хатында былай дейді: <<Бірінші кітабымды Паульсон кітабының құрастырылу тәртібімен жазып шыққалы отырмын. [...] Екінші кітабымды мен балаларға қызғылықты етіп, табиғат құбылыстары, табиғат күштері туралы, тарихи және географиялық-ғылыми әңгімелер келтірмекпін>>[1;210]. 1880 жылдың 4 сәуірінде В.В.Катаринскийге жазған хатында былай дейді: <<Декабрь айындағы қиын сапардан кейін аяғымның сырқырап ауыра беруінің салдарынан қыстың денін  сырқаттанумен өткіздім, сол мезгіл-мезгіл ауырған сырқатымның ара-арасында хрестоматияның екінші бөлімін құрастыра бастадым. Мұны бір-екі жылда аяқтайтын болармын. Хрестоматияның бұл бөлімінде мен мүмкін болғанынша толық түрде жаратылыс тарихы туралы, география, тарих туралы, аздап химиядан, физикадан, техникалық өндірістен  түсінік бергім келеді. Қазақ халқының қазіргі жағдайында маңызы күшті болатын бұл еңбекті ойдағыдай орындап шығуыма құдай тек өмір мен күш беретін болсын, - мұны жақсылап қолдана білсек, бұл қазақ даласына көп өзгеріс енгізеді>>[1;229]. 
      Хрестоматияның құрастырылу үстінде екендігін 1883 жылғы хатында тағы хабарлайды. Әрі оқулықтың араб әрпімен терілуіне байланысты ойынан хабар береді. <<Хрестоматияның екінші бөлімін жазып жатырмын, жаратылыс тарихы бөлімін аяқтадым, енді географиялық суреттеме бөліміне кірісіп отырмын. Бірақ, тағы да бұл хрестоматияны араб әрпімен бастыру керек-ау деген ойдамын. Өткен жолы алфавит мәселесі жөнінде, попечительге көрсетсе керек болар деген оймен, Сізге ресми түрде хат жазған едім. Осы жөнінде өз пікіріңізді хабарласаңыз жақсы болар еді>> деп жазады[1;256] 1883 жылдың 4 ақпанында В.В.Катаринскийге. Демек, 1879-1884 жылдар ішінде Ы.Алтынсарин хрестоматияның екінші кітабын құрастыру үстінде болған. Ыбырайдың шәкірті Ғ.Балғынбаевтың естелігі бойынша,  хрестоматияның  баспаға дайын екінші бөлімін Алтынсариннен кейін инспектор болған А.В.Васильев өз қолымен қайта көшірген. Ғ.Балғынбаев  <<... тарату мақсатын көздеп мен арқылы беріп жіберді>> дейді де[2;369] қайда, кімге беріп жібергендігі турасында да және қолжазбаның одан кейінгі тағдыры жайында да ештеңе жазбайды.   
         1886 жылы 2 сәуірде В.В.Катаринскийге <<Мен қазір өте жабырқау, өте көңілсізбін, өйткені, мен көмектеседі, қолдайды деп үміт еткен өкімет орындарының өзі ақырында келіп, мені заңды және тіпті заңсыз жолдармен қудалап отырады>> деп жазған[1;281] Ы.Алтынсариннің  <<Қазақ хрестоматиясының>> <<қазақ даласына көп өзгеріс енгізетін>> бөлімін жалғастыру жолындағы еңбегінің еш кеткендігі таңқаларлық жайт емес. 
3. Ы.Алтынсарин өлеңдері. Ы.Ыбырайдың әдеби еңбектерінің жинағы -  <<Қазақ     хрестоматиясы>>    автордың айқын   ағартушылық   мақсатта    жазған   әйгілі  екі    өлеңімен    ашылды. Ақын бұл   шығармаларын  хрестоматияның  өз кезіндегі      басылуында    <<Сөз  басы>>  деген  атпен  кітаптың алғашқы  бетінде      жариялаған   еді. Қазіргі   кезде  олар  <<Кел, балалар, оқылық!>>,    <<Өнер - білім   бар  жұрттар>> деген    атаулармен   айтылып,   жұртшылық     ұғымына      әбден  сіңісіп  кеткен. Ыбырай бұл   өлеңдерінде    қазақ  жастарын  білім    алуға, мәдениеттің  жаңа дәстүрін  батыл меңгеруге   шақырды. 
     Өлеңдерінің      ұрандық, жаңалыққа шақырушылық  қасиеттерінің    басым болуы да   осыған     байланысты. Бұл шығармаларын кітаптың  алғашқы    беттерінде     жариялай   отырып, ол    оқушының  назарын  бірден кітаптағы  негізгі мәселеге -     халық     ағарту  мәселесіне аударуды көздеді. Сол себепті  бұл   екі    өлеңді    кітаптың      бүкіл  өзекті  мәселесі  мен   мақсатын  өз  оқушысына   бірден  танытсын    деп  <<сөз  басы>> деп берді. Шындығында да, олар  <<Қазақ  хрестоматиясы>>      сияқты  кітап  үшін тамаша   сөз басы   еді,  бұл  екі   шығарма осы  күйінде      қазақтың ғылым-білім дүниесіне  қарай  аттаған  бірнеше жас ұрпағына     абзал  қызмет  етті.
  <<Кел, балалар, оқылық>>. Ыбырай өлеңдерінің ішіндегі ең кең тарағаны да - <<Кел, балалар, оқылық!>>. Бұл  -  балаларға үгіт ретінде жазылған, оларды оқуға, өнер үйренуге шақырған, өнер-білімнің пайдасын түсіндіретін өлең. Бұл өлең кеңес дәуірінде балаларға арналған оқулықтар мен оқу құралдарының бәрінде де үздіксіз басылып келді және қазіргі кезең оқулықтарында да басылуда.  Бұл  -  аталмыш өлеңнің уақыт талабына жауап бере отырып, әр дәуір ұрпағын тәрбиелеуге үн қосып келе жатқандығының айғағы.<<Кел, балалар, оқылық!>> өлеңі  -  түгелдей Ыбырай өмір сүрген дәуірдің рухына, шындығына толы. 
      Білім-өнерден алыс жатқан қазақ балаларын жинап алып, осы тәріздес үгіттік, ұрандық мәні бар өлең оқу ол дәуір үшін тың жаңалық еді. Бала ұғымына жанды әсер ету үшін ақын оқу-білімнің өлмейтіні мен <<мал-дәулеттің байлығы бір жұтаса жоқ болатынын>> біріне-бірін қарсы қоя отырып түсіндіреді. Сонымен қатар адам еңбегіне мән береді  -  <<сауысқан тамақты шоқумен табады, өнер-білім оқумен табылады>> дегенді еске салады. Өлеңнің <<Кел, балалар, оқылық!>> деп қайталанып отыратын үш тармағы ойды бекітіп, оның үгіттік әсерін арттыра түседі.<<Әлпештеген      ата- ене қартаятын ...     қартайғанда     жабығып,  мал    таятын     күн    болатын>>,     <<ата - енең      қартайса,     сосын      қолдан     мал    тайса,    тіреу  де,   сүйеу   де    оқу- білім>>   болатынын  ұмытпауға  шақырды: Кел, балалар,  оқылық, оқығанды     көңілге ықыласпен    тоқылық! ... деген Ыбырай   атамыздың  өлең  жолдары әр   ұрпақтың, бар буынның      жадында  жатталып  қалған  жан серігіндей.  
       Ыбырайдың  <<Кел балалар, оқылық!>> өлеңінің айрықша құндылық    қасиеттерінің  бірі - оның  халық  дәстүрі,  халықтың ұғым өлшемі    негізінде     жазылғандығында. Бұл жағдай Ыбырай шығармаларының қазақ      еңбекшілерінің түсінігі  мен талабына  сәйкес  келіп,  оның  халық арасына    оңай және  тез  сіңісуіне  мүмкіндік   туғызған   фактор  ретінде  көрінеді. <<Кел, балалар, оқылық!>>   өлеңінің    екінші    бір   құндылық   жағы     - қазақ  қоғамының сол   дәуірдегі   өмір шындығына айқын көрініс бере     алатындығы десек,  асыра  айтқандық болмайды.
       Автор өзінің негізгі  идеясын   оқушыға   қазақ  тұрмысындағы белгілі  жағдайлар арқылы    жеткізуді    көздейді.  Атап  айтқанда, ол  қазақ даласында  кең   етек  алған  мал  байлығы   мен   қазақтар  үшін әлі де  қолға  түспей отырған  білім    байлығын қатар салыстыра  келіп,  малдың   <<жұтқа>> ұшырауы сияқты қазақ   өміріндегі кесір-кердең  апаттарды суреттейді, білімсіз, еңбексіз табылған  байлықтың  баянсыздығын ұғындырады, мал шаруашылығының дала      тұрмысында   күн   көрудің  бірден-бір  көзі болып  отырғанын  қынжыла, ашына бейнелейді.
       <<Кел, балалар, оқылық!>>  өлеңі  ұлттық шеңберде, қазақ қоғамындағы   мәселелердің төңірегінде жазылған, идеялық бағыты  мен   негізгі тақырыбы    жағынан мәдениетті елдердің ағартушыларының осы  саладағы  еңбектерімен       үндес  те үзеңгілес шығарма болды. <<Өнер-білім бар жұрттар>>. Ыбырайдың  <<Өнер  - білім  бар   жұрттар>>  деген  өлеңі  <<Кел,   балалар,   оқылық!>> өлеңінің жалғасы тәрізді.  Екі шығарманың да мазмұны мен идеялық мақсаты  жағынан  біртұтастығы   осы пікірді растай түседі. Ыбырай хрестоматияның өз кезіндегі    басылымдарында бұл  екі  өлеңді  сол  себепті де бір-бірінен бөлмей    жариялаған   болатын. Сөйтіп,  кітаптың   бірінші  бетінің  өзі Ыбырайдың әдеби және      ағартушылық еңбектерінің идеялық жағынан бір-бірімен тығыз байланыста   туғанын және  айқын  халықтық      мақсатта     дүниеге    келгенін    білдіреді. 
         Ақын  <<Кел, балалар, оқылық!>>  өлеңінде білімнің артықшылығын      қазақ  қоғамындағы   әр түрлі   жағдайлармен  салыстыра  отырып  көрсетсе,   <<Өнер-білім бар   жұрттар>>  өлеңінде ғылымның  жетістіктерін тікелей   мадақтайды,  мәдениетті елдің озық салтын баяндайды. Шығарманың     лирикалық кейіпкері  өз  замандастарының  назарын мәдениетті  елдің   қолы     жеткен табыстарына  аударуды   көздейді, олардан үйренуге шақырады,   халқының  мәдени   мешеулігіне  қынжылады. Автор ғылым  мен     мәдениеттің  негізгі көзі   деп, атын атамаса да  орыс  қоғамын, оның  халықтық  мәдениетін   көрсетеді.<<Өнер-білім бар   жұрттар>>  өлеңінде  ғылым мен техниканың сол   кездегі ең басты жаңалықтары толық   баяндалады.  Олардың қайсысы  да    ғасырлар  бойы езушілікте болып, жақсы өмірге аңсаумен келе жатқан қазақ      халқының  көңіліне   қонымды   жүйеде  дәлелденеді, оның  жаңалыққа    талпынушылығын   арттыра  түсетін   дәрежеде  көрінеді. 
Ы.Алтынсариннің табиғат лирикасы. Ыбырайдың    бірлі-жарым    өлеңдері     табиғаттың   сұлу  көріністерін   суреттеуге    арналған.   Мұндай    лирикалық    өлеңдер    қазақ   әдебиетінде   Ыбырайға дейін  жөнді  кездеспейтін  еді. Оның  <<Жаз>>, <<Өзен>>   өлеңдері    кезінде қазақ әдебиетіне жаңалық болып қосылды. Адам өмірі табиғат аясынан тыс болмақ емес. Бірақ Ыбырайға дейінгі қазақ ақындары табиғатты өз алдына тақырып жасап, бөлек жырлауды дәстүр етпеген еді. Ыбырай мен Абай қазақ әдебиетінде жыл мезгілдерін өз алдына тақырып етіп жырлаған жаңашыл лирик ақындар болды. 
     Ыбырай мен   Абайдың     табиғат    көрінісіне   айрықша  көңіл  аударып    оны  шабытпен    жырлауы   кездейсоқ  емес.   Мұнда   біраз  заңдылық бар  сияқты.  Ең  алдымен, бұл арада Абай мен Ыбырайдың  идеялық  бағыты жағынан    озықтығын,  соның  нәтижесінде олардың   эстетикалық сезімінің тереңдігін  айтуымыз   қажет,  екіншіден,   олардың  орыс әдебиеті    классиктері   Пушкин   мен Лермонтовтың    осы тақырыптағы    шығармаларынан   үйреніп    үлгі    алғандықтарын    көрсету  қажет. Шын мәніндегі  пейзаждық лириканы Ыбырай  жасады. Ыбырай табиғат лирикасын туғызған кезде оның алдында даяр үлгі  -  орыс әдебиеті мен батыс поэзиясы бар еді. Ақын оны шебер меңгерді және оған өзіндік талғаммен қарады. Ол табиғатты адам өмірімен байланыстыра жырлаған Байрон, Пушкин, Лермонтов сияқты ақындарды үлгі тұтты. Сөйтіп, ол әрі мәнді, әрі сұлу суретті табиғат лирикасын жасады. Ыбырайдың табиғат туралы өлеңдері бастан-аяқ адам тіршілігіне байланысты. Ақынның бұл өлеңдері реалистік суреттерімен ерекшеленеді. 
       Ыбырай  өлеңдерінің лирикалық  кейіпкері  оқушыға тым    жақын.  Ол     оқушының     жан   дүниесінде   жайдарылық  сезім  туғызады, көңілді   әсер    қалдырады.    Ақынның    лирикалық   кейіпкері   табиғат сұлулығын да    тани біледі,  одан  өзіне  рухани   күш     те    ала  алады. Шын  мәніндегі пейзаждық лирика  нағыз талантты ақынның   қаламынан, жазба әдебиеттің  кексе   өкілінен  ғана  туады  деп есептесек,  <<Жаз>>, <<Өзен>>  өлеңдерін  оқи отырып Ыбырайдың   осы айтылған  талаптарға  сай келетін ақын  болғанына    көзімізді  еркін  жеткізуге болады. Оның  өлеңдерінің әр шумағында    табиғаттың  белгілі  бір  көрінісі    суреттеледі. Жеке    суреттеулердің жанды  бейнеге   келтірілуі    табиғаттың   әр   құбылысын   оқушының  көз алдына келтіре   алады. 
       Ыбырайдың <<Жаз>>, <<Өзен>>   өлеңдері    халықтың  11   буынды қара  өлеңнің   ұйқасы негізінде  жазылған    және   сөздік    қолданысы,  негізгі мәселені суретеуі  жағынан да халық  өлеңдеріне ұқсас. Ыбырайдың  бұл   шығармалары    осындай  өткірлік,    көркемдік қасиеттерінің арқасында  халық  аузында да  кеңінен  тарап,   өздерінің  бүкіл     ерекшеліктерімен   халық  талабына толық  үндесті.    Соның   нәтижесінде   олар  ХІХ  ғасырдың    аяқ  кезінде   авторы  белгісізденіп,    мүлде   халықтық   шығармалар    болып  кетті. Бірақ   соның   өзінде  бастапқы  түрін    толық  сақтады.      Орыс   оқымыстылары     И.Лаптев пен      Д.  Львовичтің   қазақ    ауыз   әдебиетінен   жинаған    материалдарында  осы шығармалар    кездеседі.    Олардағы текстілердің   хрестоматияның     1879  жылы    басылуындағы  негізгі   текстілерден  мүлдем  айырмашылығы  жоқ.  Осы  бір  фактының    өзі  <<Жаз>>, <<Өзен>>  өлеңдерінің   көркемдік   қасиеттерін    айтпай-ақ   танытады.   Өйткені    нашар   шығарманы халық  жаттамайды да,  таратпайды да,   ал  таратқан  күннің өзінде   үлкен  өзгеріске  ұшыратады,    өңдейді, сөйтіп  өзіндік шығарма етіп  жібереді.   Ал   <<Өзен>> мен   <<Жаз>>   мұндай халге ұшыраған    жоқ. Ыбырайдың <<Балқожа бидің баласына жазған хаты>>, <<Бұл кім?>> <<Араз бол,  кедей  болсаң, ұрлықпенен>>, <<Әділдік    көрмегені      үшін    бір  төреге  айтылған    сөз>> , <<Әй,  достарым!>> деген өлеңдері де бар.   

                      Негізгі әдебиеттер
1. Ш. Ахметов. Қазақ балалар әдебиеті тарихының очеркі, А., 1965.
2.Ыбырай Алтынсарин тағылымы. А. Жазушы. 1991.
3.Әнуар Дербісәлин. Ыбырай Алтынсарин өмірі мен қызметі туралы. 
   А. 1965.
4. Әсет Ламашев. Ыбырай Алтынсарин. А. Ана тілі. 1991. 
5.Ә.Сыдықов. Ы.Алтынсариннің педагогикалық идеялары мен     
   ағартушылық қызметі. А.Мектеп. 1969.
                                       
                      Қосымша әдебиеттер
1. Ә.Қоңыратбаев. Қазақ әдебиетінің тарихы. А.Санат. 1994.  
2. Ы.Алтынсарин. Қазақ хрестоматиясы. А. Білім. 2003.
3. Ы.Алтынсарин. Таза бұлақ. А., 1988.
4. Ы.Алтынсарин. Өнер-білім бар жұрттар, А., 1991.
5. Қазақ әдебиетінің қысқаша тарихы. А., 2001.
6. С. Қирабаев. Шындық және шығарма. А., 1981.
7. Х.Сүйіншәлиев . ХІХ ғасырдағы қазақ әдебиеті. А., 1986.
                                       

                                 8-ДӘРІС
 Ы.Алтынсарин  -  қазақ  балалар  әдебиетінің  атасы 
1. Ыбырай  әңгімелері
2. Ы.Алтынсариннің <<Мұсылманшылық тұтқасы>> еңбегі.
     1.Ыбырай әңгімелері. Ыбырайдың  жемісті еңбек  етіп, едәуір  жақсы  шығармалар   қалдырған  саласының бірі  - проза  жанры  болды. ХІХ ғасырдың 70-80 жылдары аралығында қазақ даласының рухани және әлеуметтік-экономикалық өмірінде зор өзгерістер орын алған еді. Қоғамда болып жатқан өзгерістер әдебиет саласына да өз әсерін тигізді. Ы.Алтынсаринді сол тұстағы шығармалардың формасы мен мазмұны қанағаттандырмады. Ол жаңа шығармашылық әдіспен жазылған көркем шығармаларды әкелуге тырысты. Нәтижесінде, Ы.Алтынсарин қазақ балалар әдебиетіне шағын әңгіме формасын енгізді. Хрестоматияға Ыбырай, біріншіден, қазақ халқының Қара батыр, Байұлы, Жиренше шешен, Тазша бала туралы ертегі, аңыз-әңгімелерін енгізсе, екіншіден, өзінің <<Бай баласы мен жарлы баласы>>, <<Қыпшақ Сейітқұл>>, <<Киіз үй мен ағаш үй>> т.б. ғибратқа, өсиетке құрылған әңгімелерін, үшіншіден, И.И.Паульсоннан, Л.Толстойдан, К.Ушинскийден т.б. аударған әңгімелерін енгізді.  
      Жазушы хрестоматиясына енгізген үлгілерді мейлі халық ауыз әдебиетінен алсын, мейлі басқа ел әдебиетінен алсын, оны ол өзіне  ғана тән ой толғауларымен қайта баяндап, кейбір шығармаларға өзіндік идея, өзгеше мән беріп, қайта өңдеген еді. Кейбір ұзақ әңгімелерді қысқартып қолданған, сондай-ақ кейбір әңгімелердің ұзын-ырғасын түгел сақтамай, оның түйінді мәселесін ғана жинақтап қысқартып баяндаған. Кейде бір әңгіменің сюжетін пайдалана отырып, оны өзінше құрған. Тіпті қазақ халқының ертегі-аңыздарын да Ыбырай ой елегінен өткізіп, өңдеп ұсынады.  Ыбырай әңгімелерінде өмір құбылысы, адам әрекеті ешқашан шындықтан алшақтамайды. Оқиға өмір шындығына сай алынады да, реалистік әдіспен суреттеледі. 
     Ыбырай әңгімелері тек мазмұн жағынан ғана құнды емес, тіл, стиль жағынан да ерекше маңызды. Ол өз шығармаларында халықтық тілдің негізгі сөздік қорын шебер пайдалана білді. Әдеби  тіл принциптерін қатаң сақтады. Оқушылардың ұғымына жеңіл, әсерлі, қарапайым тілмен  жазды.            Ш.Ахметов Ыбырай әңгімелерінің төрт түрлі ерекшелігін атайды.  <<Ы.Алтынсарин шығармаларының көбі балаларға арналғандықтан алдымен оның тілі жеңіл болуын қарастырды. Қарапайым, халықтық тілмен жазды. Осы кездерде, одан бұрын да қазақ әдебиетіне араласып, шұбарлай бастаған араб, парсы, татар, шағатай тілдері Ы.Алтынсарин шығармаларына енген емес. Діни сөздер мүлде кездеспейді. Қазақ әдеби тілінің біртұтастығы мен тазалығы үшін күрескен. Мұның аса құнды жақтары осы еді. Баланың ұғымына қиын тиетін бірде бір түсініксіз ауыр сөздер жоқ. Екіншіден, сөйлем орамдары мейлінше қысқа,  көбіне жай сөйлемдер болып отырады. Үшіншіден, жазылған әңгімелерінің көлемі шағын.  Төртіншіден, оқиға желісі шұбалаңсыз, баланы жалықтырматын  әрі қысқа, әрі жеңіл, әрі қызықты болып келеді. Нысанаға тиетін ойларды дәл айтады, боссөзділік, артық суреттемелер  жоқ>> - дейді Ш.Ахметов.(4:99).
      Жалпы алғанда, Ыбырайдың қазақ ауыз әдебиетінен жинаған және кезінде жариялаған материалдарын төрт түрлі жанрға бөліп қарауға болады: аңыз-әңгімелер(<<Лұқпан хакім>>, <<Таза бұлақ>>, <<Жомарт>>, <<Өтіріктің залалы>>, <<Ізбасты би>>, <<Жиренше шешен>> т.б.), ертегілер(<<Қара батыр>>, <<Тазша бала>>, <<Алтын айдар>> т.б.), эпостық шығармалар(<<Қобыланды>> және басқа жырлардан үзінділер) және мақалдар мен мәтелдер.Осыларға қоса, Ыбырайдың хрестоматиясынан сол кездегі қазақ әншілері мен жыршылары шығарған кейбір өлең, айтыстарды кездестіруге болады. Ыбырайдың ауыз әдебиетінен пайдаланған шығармалары, негізінен, халық аузындағы варианттарын сақтаған.
      Хрестоматияда  жарияланған  халық  аңызының  бірі  -  <<Жомарт>>  әңгімесі. Ол  ел  аузында  көп  тараған  <<Атымтай  Жомарт>>  деген  аңыздың  негізінде  шыққан.  Бұл  аңыздың  да  әр түрлі варианттарының бар  екені  мәлім,  бірақ сол  алуан  саладағы  вариантардың  ішінен  Ыбырай  ең бір  халықтық  түрін  таңдап  ала білген.  Мұны  Жомарттың  адамгершілік  қасиеттері мен әрекеттерінен  көруге  болады.       Жомарт - халықтың  ауыр  тұрмысқа  қынжылуына  байланысты  туған,  оның  болашаққа  арманын  бейнелейтін  образ. Ол  әуелде  кедей  бола  тұрып,  кейін  өзінің  еңбегі  арқылы  байыған  адам  болып  көрінеді.  Бұл -  әрине,  халықтың  қиялы, тілегі. Бірақ  соның  өзінде  халық Жомартты  бай етіп көрсеткенмен,    Шығайбай  сияқты    көрсетпейді,  керісінше, оның  әрбір  іс-әрекетіне  сүйсініп  отырады.  Жомарт  өзінің  еңбек етуін  бұрынғы   күнімді    ұмытпауыма    және    қатарымдағы      шаруаларды       естен    шығармауыма     жәрдемін      тигізеді   деп   біледі.
      <<Лұқпан хакім>>   әңгімесінен   еңбекші бұқараның  Лұқпанды  өз  адамы  деп  танып, оған  сүйіспеншілікпен,  үмітпен  қарағанын  көру  қиын  емес.  Соның  нәтижесінде  Лұқпан да  өзін  халықтан  бөлмейді, оның  мүддесі  үшін  күресуге  талаптанады. Ыбырай жариялаған <<Таза бұлақ>> деген әңгіменің сюжеттік, тілдік ерекшелігіне, идеялық мазмұнына қарағанда, оның халық аузынан алынған шығарма екендігіне шүбәлануға болмаййды. Халық   арасында   көп   тараған    аңыздың   бірі    - <<Жиренше шешен>>. Ыбырай  Жиреншенің  ханды  қаңбақ пен  қаз   арқылы    масқаралайтын,     Қарашашпен  қосылатын, Қарашаштың тапқырлығын суреттейтін   мәтіндерді     жариялады. Бұл  аңыздан  халық  өкілі   Жиреншенің  бейнесін    толық көруге   болады.  Ол ханның   топастығын   дәлелдейді,   өзін   өлімнен   құтқарады.  Өзінің шыққан  ортасы    сияқты  Жиренше   де   кедей,  бірақ  өз лашығын <<айхай,   менің  өз   үйім,   кең сарайым  -  боз   үйім>>   деп   санап,   өмір  қиыншылығына жасымай,   халыққа   тән   данышпандық,   тапқырлық  қасиеттерді  танытады.  Жиреншенің   қауіпті  жағдайдан  оңай  құтыла беруі  де,  осы жолда   Қарашаш сияқты  ақылды  жарының   болуы  да - халықтың    арманынан    туған  жайлар.
        Ыбырайдың    <<Таза бұлақ>>   әңгімесі -  халық  аузынан   алынған    шығарма.     Әңгіменің    сюжеті    мынадай:   үш жолаушы   бір  бұлақтың   басында   кездесіп,    су    ішіп қанғаннан   кейін,   тастағы :    <<Ей,   жолаушы,    болсаң,    осы бұлақтай   бол!>>  -   деген     жазуды  оқиды.    Жолаушылардың    бірі  саудагер,   екінішісі молда екен. Олар жазуды   өздерінің   мақсаттарына  сай жориды.  Үшінші  адам  көркем   келген   бір әдемі  жігіт екен. Ол    жазуды <<таза,   ақ жүрек адам   бол>>  дегені деп   шешеді. Халық кісі  еңбегін  қанайтын саудагерді де, жалған   уағыз     тарататын  молданы да  жек   көреді.  Сол   пікір осы   әңгімеде айқын    бейнеленген.    Бұған  қоса, үшінші адамның  көркем  келген  сұлу жігіт болып    суреттелуінде де    мән  бар. Халық   оны   сүйсіне    көрсетіп   отыр  және   оған өзінің ойындағы пікірін айтқызған. Еңбекші бұқараның   адамгершілікті,   әділдікті   сүйгені   және  оны арман   еткені    мәлім. 
     <<Ертегілер>> еңбегінде <<Мақта  қыз  бен  мысық>> ертегісін М.Әуезов балаларға арналған ертегілер қатарына жатқызған болатын. Аталған ертегіні Ы.Алтынсарин өз хрестоматиясына енгізеді. Ертегінің жасы кіші бала үшін танымдық та, тәрбиелік те мәні үлкен. Ертегідегі тышқан, тауық, дүкенші, қыздар, ағаш, сиыр, мақта қыз, мысық әрекеттерінің тізбекті болып келуі балалар үшін қызықты. Ыбырай пайдаланған аңыз-әңгімелердің ішінде қазақтың жыл санауына байланысты аңыз да бар. Ол <<Жан-жануарлардың дауласқаны>> деген тақырыппен берілген. Бұл аңызды пайдалануда Ыбырайға орыс тіліндегі оқулықтар ой салған тәрізді. Ыбырай пайдаланған орыс педагогтерінің оқулығында осы тақырыптас (<<Спор животных>>) әңгіме кездеседі. Бірақ олардың сюжеті мүлде басқаша: үй хайуандары өздерінің қожасына еткен еңбектерін айтып таласады.
    Ыбырай әңгімелерінде  сабырлылық адам баласының аса бір үздік қасиеті ретінде көрсетіледі.  <<Асыл  шөп>> әңгімесінде ауыр жүк көтеруден аһлап-уһлеп мазасы кеткен Злихаға Бәтима қыздың <<Менің жәшігімнің ішінде ауырды жеңілдететін асыл шөп бар, ол шөптің аты - сабыр>> деуі көңілге қонады. <<Бақша  ағаштары>> деген әңгімесінде қисық ағаш сияқты қыңырайып қалмай, түзу өсу үшін, алдымен, ата-ананың,  мектептің айтқанына, тәртібіне, тәрбиесіне мойынсұну керектігін ескертеді. Имандылық, инабаттылық тәрізді  тақырыптар Ы.Алтынсариннің  <<Шеше  мен  бала>>, <<Мейірімді бала>>, <<Полкан деген ит>>, әңгімелерінде көтеріледі.  Ауруы жанын көзіне көрсетіп тұрса да, анасы үшін дыбысын шығармаған бала, құсты аяп, еркіндікке жіберіп, оны сатқалы тұрған балаға күнкөріс үшін ақшасын берген кішкентай қыз, әкесі үшін кесуге өз қолын ұсынған мейірімді қыз  -  бүгінгі мектеп баласын адамгершілікке үйрететін образдар. Ы.Алтынсарин қазақ халқының әдет-ғұрпын, даналығын, салт-дәстүрлерін, ырым-нанымдарын балаларға арналған әңгімелерінде кеңінен насихаттайды. Ыбырайдың өлең-жырлары  мен әңгімелері халық санасына жаңалық болып сіңді. Ол өз шығармаларында қазақ халқының әлеуметтік өміріндегі қайшылықтарды ашып көрсетті. Қазақ балалар әдебиетінің негізін қалады. Ы.Алтынсарин өзінің шығармалары арқылы қазақ балалар әдебиетін жанр, түр, мазмұн, идея жағынан ілгері бастырып қана қойған жоқ, байытты.  Өмір шындығын танытатын көркем прозаның шағын үлгісін  жасады. Сөйтіп жаңалықтың жаршысы болды. 
         <<Қазақ хрестоматиясына>>  енгізілген әңгімелерінің бәрі Ыбырайдың негізгі педагогтық ісімен тығыз байланысты болды.  Яғни хрестоматияға енгізген шығармаларды іріктеуде, біріншіден, әр халықтың тұрмыс-тіршілігі мен салт-дәстүрлерінен хабардар ету принципін көздесе, екіншіден, оқушыларды адалдыққа, қайырымдылыққа, еңбекке, ұқыптылыққа, тапқырлыққа тәрбиелеу, адамгершілік қасиеттерді олардың бойына дарытуды көздеді. Үшіншіден, жастардың, әсіресе бастауыш сынып оқушыларының түсінігіне жеңіл, тілі жатық әңгімелерді беруге тырысты. Оның қаламынан бойындағы тамаша талабын танытқан көркем әңгімелер туды. Сөйтіп Ыбырайдың жазушылық қызметінің түпкі қазығы  оқу-өнер, білім мәселесімен сабақтас дамыды. Оның  жазушылық қиялына қанат бітірген нысанасы қараңғы қазақ халқының көзін ашу, көңілін ояту, оны озық мәдениетті елдердің қатарына қосу болды.  
       <<Бай  мен   жарлы    баласы>>   деген   қысқа   әңгіме -  Ыбырай     творчествасының    биік   сатысы.   Ол   ағартушының    озық   педагогикалық   ойларының   көрінісі   болып   саналады.    Әңгіме   оқушысын  еңбек   етуге,  өмір  сырын  үйрене,  меңгере  түсуге   шақырады.    Өмір,   табиғат   өздігінен    ештеңе   бермейді,   мәселе   оны    жеңе,     бағындыра    білуде   деген  идеялық  қорытынды   ұсынады.      Әңгіменің   осы   ерекшелігі   Ыбырайдың   бүкіл   ағартушылық   еңбегінің   негізгі   сырын,  әлеуметтік    тенденциясын   айқын  ашып  береді.   <<Бай  мен  жарлы   баласы>>   әңгімесі,  ең   алдымен   сол   дәуірдің   өмір  көрінісін   дұрыс   бейнелейді. Әңгімедегі  көріністер  Асанның  адам  болып  жаратылғаннан  бері  өмір  сүру  күйін,  яғни,  тек  ас  ішуге  ғана  дағдыланғанын,  сондықтан да  тамағы  тойса  күліп,  қарын  ашса  жылауды  ғана  біліп,  өзге  дүниені  ойлау  дегеннен  мүлде  мақұрым  қалғанын  айқындайды.  Асанның  тағы да  бір  осалдығы  -  ол өзі   пайдаланып  отырған  тамақтың да  қайдан  және  қалайша  табылатындығын  білмейді. Елсіз  далада  қалғанда  ол нендей  нәрсенің  тамақтыққа  жарайтындығын да айыра  алмайды,  сондықтан  оның  іздеп  те  әуре болмайды,  тек  қайғырып  жылаумен  болады.  Ал Үсен болса Асанға  қарама-қарсы  бағытта  суреттелген.  Үсеннің  әрбір  қимылы мен  әрекетіне  жазушының  өзі де  сүйіспеншілік  сезіммен  қарап  отырады.  Жасы  12-13  - тің  шамасындағы  Үсен  әлі  күрделі  бір  істер  істеп  тастамағанмен  келешегінің  зор  екендігін  танытады.  Мұны  оқушы  да  еркін  аңғара  алады.  Автордың  негізгі  көрсетпек  болып   отырған  мәселесі де  осы. Үсен  өз  ісіне  әр  кезде де  сеніммен  кіріседі,  өйткені  оның  дұрыстығына  шүбаланбайды.  Ол   әрдайым  кез  келген  істі  бастауда  <<әкем  айтушы  еді>> - деп,  өз  әкесінің  айтқандарымен  жүзеге  асырғандарың  басшылыққа  ала  отырады,  осы  арқылы  жалпы  халықтың тәжірибесіне  сүйенеді.  Оның  әкесінің  халық  өкілі  екені  мәлім.  Жазушы  Үсеннің  қиындықты  жеңіп  шығуының  бір  себебін  оның  осы  халық  тәжірибесіне  сүйенуінен көрсетеді. Сөйтіп  Үсеннің  мықтылығының өзі  сол  халықпен  байланысынан келіп  шығады.  Жазушы  осы  оқиғалар  арқылы  халық  күші  мен  тәжірибесінің  жеңімпаздық  қуатын  баса  көрсетеді.
       Ыбырай  <<Бай  мен  жарлысы  баласы>>  әңгімесінде  екі  баланың  еңбекке  екі  түрлі  қатынасын  көрсетсе,  <<Қыпшақ  Сейтқұл>> шығармасында творчестволық  еңбектің  нәтижелерін  суреттеді. Сөйтіп  жазушы  бұл  әңгімелерде  екі  ұрпақ өмірін  суреттейді,  сол  арқылы  жалпы  халықтың  тіршілік  ету, өмір  тану, табиғатты  меңгеру  әрекеттерін  баяндайды.  <<Бай  мен  жарлы  баласы>>,  <<Қыпшақ  Сейтқұл>>  әңгімелерінің  бір-біріне  байланысты  шығармалар  ретінде  қаралуы  осы  себепті. Жазушы  бұл  шығармада  қазақ  даласында  жаңадан  кең  орын  тебе  бастаған  жер  шаруашылығы  мен  сауда  кәсібінің  алғашқы  нәтижелерін  көрсетеді, олардың  прогресшілдік  сипатын  тәжірибе  жүзінде дәлелдейді,  қазақ  кедейлерінің  жаңалыққа  ұмтылу  және  оны  қабылдау  дәрежесін  суреттейді.  Осыған  байланысты  жазушы  тұрмыстағы  ескі  салттардың  да  ыдырай  бастау   процесін көрсетеді.  Мұның  өзі  шығармада, ең  алдымен, қоғамдық  өмірдің  шындығы  ретінде  нанымды  оқиғалармен  байланысты  екендігі  аңғарылады.
       Қазақ  қоғамының  60-70  жылдардағы  тарихына  көз  салсақ, Қазақстанның  Россияға  біржолата  қосылуына  байланысты  дала  өмірінде  бірсыпыра  феодалдық    ескі  саясаттардың  шайқала  түскені  мәлім. Ағартушы  Ыбырай  бұл  шығарманың  тәрбиелік  мәніне  де  айрықша  көңіл  бөлді.  Ол  осы  әңгімесі  арқылы,  ең  алдымен,  еңбектің,  әсіресе,  ұйымдасқан  еңбектің  күшін  көрсетпек  болды, екіншіден,  қалың  көпшілікті жер  шаруашылығымен  айналысуға  шақыруды  мақсат  етті.           <<Бай  мен  жарлы  баласы>>,   <<Қыпшақ   Сейтқұл>>   әңгімелерінен  ағартушының  еңбек   мәселесіне   айрықша  назар  аударғанын  көреміз.   Шын  мәніндегі  педагог  Ыбырайдың  бұл  мәселені  қалыс  қалдыруы   да  мүмкін   емес  еді.   Өйткені  жастарды   еңбекке   баулу -   қай   кезде   де  азаматтық   тәрбиенің   елеулі   шарттарының   бірі   болды. Қазақ халқы  -  кәсіпқорлықты дәріптеген халық, аңшылық, егіншілік, ағаш ұстасының өнері мен қолөнер кәсібі  -  біздің ата мұрамыз. Ыбырай Алтынсарин әңгімелерінде халықтың осы өнерпаздық қасиетін ерекше  насихаттаған. Жазушы <<Киіз  үй  мен  ағаш  үй>> әңгімесінде кәсіп мәселесін сөз қылады, отырықшылық тұрмысты уағыздайды. Бір жерді түпкілікті мекен еткен елге киіз үйден гөрі  ағаш үй қолайлы болады деген ой айтады. Киіз үйдің мал баққан шаруа үшін қажеттілігі де жазушы назарынан тыс қалмайды. Бұл шығармасында қаламгер отырықшылықтың тиімділігін көрсетуді мақсат еткен. Бұл -  осының    белгісі. 
Оқулыққа енген көпшілік шығармалар, Ыбырайдың өзі  атап көрсеткендей, Паульсонның хрестоматиясынан алынды. Олар: <<Асыл шөп>>, <<Бақша ағаштар>>, <<Шеше мен бала>>, <<Мейірімді бала>>, <<Дүние қалай етсең табылады>>, <<Әдеп>>, <<Мұжық пен жасауыл>>, <<Сақып>> және т.б.  Л.Толстойдан аударған әңгімелері: <<Силинші деген ханым>>, <<Малды пайдаға жарату>>, <<Мұңсыз адам>>, <<Айуанның естісі көп, бірақ адамдай толық ақылы жоқ>>, <<Жамандыққа жақсылық>>, <<Данышпан қазы>>, <<Үш ұры>> т.б.  Ушинскийден аударған әңгімелер:  <<Полкан деген ит>>, <<Түлкі мен ешкі>>, <<Үнді>> т.б. 
Ыбырай көркем аударманың мүмкіндіктерін ашты. Оның аударма әңгімелері тым жатық, қазақтың төл туындысындай оқылады. Кейбір әңгімелердің ұзын-ырғасын түгел сақтамай, олардағы түйінді мәселелерді ғана жинақтап, қысқартып баяндайды. Мәселен, Л.Толстойдың <<Петр І и мужик>> әңгімесі екі шағын бөлімнен тұрады. Біріншісінде Петр патша жолдан адасып жүріп, ағаш шауып жатқан мұжыққа тап болады да, біраз әңгімелеседі. Екінші бөлімде мұжық патшаны орманнан алып шығып, жол көрсетеді. Алтынсарин өз әңгімесіне бірінші бөлімдегі оқиғаны ғана өзек етіп алады және тұтастай емес, өз пайымына қарай ыңғайлап алады. Толстой әңгімесіндегі мұжық ақшасын үшке бөледі, бірінші бөлігімен әке-шешесіне қарызын өтейді, екінші бөлігін ұлдарына қарызға береді, үшіншісін қыздарын асырауға жұмсайды. Алтынсарин әңгіме атауын ауыстырып қана қоймай, кейіпкерлерін де өзгертеді. Әңгіме кейіпкері  -  көп мал тауып, азбен қанағат етіп, аз жұмсап тұратын үйші. <<Қарт әке-шешеме берген ақшаларымды өтеп тұрған борышым деп білемін, өзімнен туған балаларға оқу оқытуға, асырауға шығарған малымды өсімге берген мал деп білемін. Балалар адам болып, біз қартайғанда жақсы асыраса, олардың борышымды өтегені емес пе, - деді>>(Ы.Алтынсарин. Қазақ хрестоматиясы. А.Білім. 2003. 40-бет). Ыбырай әңгімесінде өлеңдерінен бастау алатын ой(<<Баладан қайыр болмаса, баланы неге сұрайды?>>, <<Ата-анаңды өнер білсең асырарсың>> деген жолдар бұған дәлел) жалғасын тапқан. Сөйтіп жазушы ұзақ әңгімелерді қысқартып пайдаланған.
       Кейде бір әңгіменің сюжетін  пайдалана отырып, оны өзінше құрады. Мысалы, Л.Толстойдың <<Царь и рубашка>> әңгімесін Алтынсарин <<Мұңсыз адам>> деген атаумен аударған.  Аударма әңгімеде өзгешеліктер жоқ емес. Мәселен, Толстой әңгімесінде патшаның өзі дертті болса, Ыбырайда патша ханымы аурулы болады. Ханым  сырқатына еш дауа табылмайды. <<Патша мұнан соң бақсы-балгерлерді жидырып, жарлық айтты: - Балдарыңызды ашып, осы ханымға не еме болатынын табыңыз, егер таппасаңыз, бәріңізді де асып өлтіремін, - деді>>(Ы.Алтынсарин. Қазақ хрестоматиясы. А.Білім. 2003. 47-бет).
  <<Царь и рубашка>> әңгімесінде патша жарлығы қатал талапқа құрылмайды: <<Один царь болен и сказал: - Половину царства отдам тому, кто меня вылечит>>(Л.Толстой. Царь и рубашка. 79-бет.) 
<<Бақсы-балгерлер қорқып, сасып тұрғанда, ішінде біреуі айтты: - Мен бұл аурудың емін таптым>>(Ы.Алтынсарин. Қазақ хрестоматиясы. А.Білім. 2003. 47-бет).
<<Тогда собрались все мудрецы и стали судить как царя вылечить. Никто не знал. Один только мудрец сказал, что царя можно вылечить>>(Л.Толстой. Царь и рубашка. 79-бет.) 
<<Сол сөзбен мұны ханға алып келісті. Бұл балгер ханға айтты: - Дүниеде мұңсыз кісі тауып, соның көйлегімен қақтырсаңыз, бұл ауруға сол  ем екен>> (Ы.Алтынсарин. Қазақ хрестоматиясы. А.Білім. 2003. 47-бет).
<<Он сказал.  -  Если найти счастливого человека, снять с него рубашку и надеть на царя  -  царь выздоровеет>>(Л.Толстой. Царь и рубашка. 79-бет.) 
Л.Толстойдың <<Пожарные собаки>> әңгімесін Ы.Алтынсарин <<Айуанның естісі көп, бірақ адамдай толық ақылы жоқ>> деп аударыпты. Аударма әңгіменің тақырыбы мен кіріспесі ғана бөлекше. Кіріспесі төмендегіше басталады: <<Ит  -  адамға шын дос жануар. Дүние жүзінде иттің неше атасының  ұлы бар: біреуі қора, біреуі үй күзетеді, біреуі малшы орнына мал бағады, біреуі аң-құс алып береді, біреулері, тіпті, ат орнына жегіліп те жүріледі. Бұлардың бәрін де екінші кітапта уақытымен айтамыз>>(54). Ы.Алтынсариннің <<Қазақ хрестоматиясының>> екінші кітабын шығармақ болғаны белгілі. Бұл жерде осы еңбекті айтып отырғаны күдік тудырмайды. Тағы бір сәл өзгешелік соңғы сөйлемде: <<Собака побежала в дом и скоро выбежала с чем-то в зубах. Когда народ рассмотрел то, что она несла, то все расхохотались, она несла большую куклу>>(169). <<Біраздан соң Боб аузында бір тістегені бар, үйден жүгіріп шыға келді. Қараса, әпкелгені бір үлкен қуыршақ екен>>(55). Аударма әңгіменің бұлай аяқталуы өзгертілген атауына байланысты алынған сияқты. Сонымен жазушы өзі аударған әңгімелерге өзіндік идея, өзгеше өң береді.
     Алтынсариннің атауын ауыстырмай аударған әңгімелері  -  <<Үш ұры>>(Три вора) және <<Данышпан қазы>>(Праведный судья). <<Три вора>> әңгімесінде үш ұрыға алданатын адам мұжық болса, аударма әңгімеде  -  сарт. Саудамен айналысатын қасиеті  ескерілгендіктен алынған болу керек.  Сартқа құдайды ауызға алғызады. <<Сарт.  -  Ендеше, Құдай үшін, есегімді ұстай тұр деп, есегін ұрыға ұстатып, өзі ағашқа жүгіріп кіргенде, бұл ұры есекті алып жөнеледі>>(67). Орысшасында <<Мужик побежал догонять козу и попросил вора подержать осла. Второй вор увел осла>>(71) деп келеді. Осылардан өзге айырмашылық жоқ. <<Данышпан қазы>> әңгімесінде <<ученыйды>> молда деп аударған. Әңгіме соңында қазыға разы болған Бауакас патша <<Тілегің болса, тіле>> - дейді. <<Қазы: - Маған сый керек емес. Патшаның осы мақтағаны да маған жетерлік сый деді, - дейді>>(66). Ал түпнұсқасында бұл жоқ. Сонымен, Л.Толстойдан аударған әңгімелерінде біріншіден, түпнұсқаны сақтап, тақырыбын ауыстырмай өзгеріссіз аударады. Кейіпкерлерін қазақ ортасына қарай бейімдейді.(<<Үш ұры>>, <<Данышпан қазы>>). Екіншіден,  тақырыбын ауыстыру арқылы сюжетін қысқартып немесе толықтыру енгізе отырып аударады. Кейіпкерлерін  өз мақсатына байланысты өзгертеді.(<<Малды пайдаға жарату>>, <<Мұңсыз адам>>, <<Айуанның естісі көп, бірақ адамдай толық ақылы жоқ>>).
Ушинскийдің <<Играющие собаки>> әңгімесін <<Полкан деген ит>> атаумен аударған. Сюжет пен түйін бір болғанымен  қанден мен Полканның әрекеттерін сөз қылатын кейіпкерлер өзге. Түпнұсқа әңгіме сюжеті Володя деген бала мен әкесінің диалогына құрылған. Аударма әңгімеде  қанден мен Полканды әңгіме объектісіне айналдыратын шәкірт бала мен ұстазы. Бұдан Ыбырайдың әңгіме оқиғасын мектеп тірлігіне, оқушы мінез-құлқына жақындату мақсаты айқын көрінеді. 
        Ушинскийден аударған <<Түлкі мен ешкі>> әңгімесінің атауы еш өзгеріссіз берілген. Бірақ ықшам аударылған.  Ушинскийде түлкінің құдыққа қалай түсіп кеткендігі(қарғаларға қараймын деп), құдықтың іші мен құдыққа үңілген ешкі сипатталады.  Алтынсаринде түлкі мен ешкі екі-ақ ауыз сөзбен тіл қатысса, орыс жазушысында құдық жайын ұзақ сөз қылады. Құдыққа секіріп түскен ешкіге түлкі <<су шашыраттың>> деп кейістік білдіріп те қояды. Орысшасы <<чуть было не пропал козел с голоду в колодце; насилу-то его отыскали и за рога вытащили>> деп (125) аяқталады. Ал қазақшасы ешкінің құдықта қалуымен аяқталады.
       Қазақтың жаңа жазба әдебиетіндегі диалогтың алғашқы үлгілерін              Ы.Алтынсарин, сөз жоқ, аударма шығармалардан барып шығарды. Мәселен, <<Шеше мен бала>> әңгімесінде диалогтық үлгі бар. Драматургия элементі байқалады. Нақтылы сурет жасау,  шын құбылысты қаз-қалпында жеткізу шеберлігі де қазақтың жазба көркем әдебиетінде осы аудармалардан бастау алады. Ы.Алтынсарин қазақ әдебиетінде адамның портретін жасау үлгісін   қалыптастыруда орыс әдебиетіндегі үлгілерден үйренді. Ыбырай тілінің халыққа ұғынықтылығы, тазалығы, қарапайымдылығы көп айтылады. Қарапайым болғанымен, қарабайыр емес. Сөзге жан кіргізу үрдісі де, біздіңше, Ыбырайда аударма үлгісінен өріс алады(<<Сәтемір хан>>). Ыбырайдың жазба  тілі аударма арқылы да ысылды. Ыбырайдың тілінде орысша оралымдар  кездесетіні кездейсоқ емес. <<Ол кемпір   қастықпен өлтіруге ойлапты>>(<<Алтын Айдар>>), <<Менің бір досым әңгіме етеді>>(<<Надандық>>).  
     Ы.Алтынсарин қазақ балалар әдебиетіне жаңа сападағы мысал жанрын енгізді. Ильминскийге жазған хатында(1876, 3 желтоқсан) былай деді: <<Мысалдарды (басни)енгізгім келмейді. Өйткені, қатаң тұрмыста өскен қазақтарға бұдан гөрі мәндірек әңгімелер керек болады. Мысалдарды қазақ балалары оқығысы келмейтінін, оқыса оған күлетінін, ал олардың ата-аналары: балаларымызға сауысқан мен қарға сөйлеседі деген сияқты жоқ нәрсені үйретеді деп, тіпті ренжитінін тәжірибемнен білемін>>(210). Дегенмен де, Ы.Алтынсарин И.А.Крыловтың <<Қарға мен түлкі>> мысалын өлеңмен еркін аударған. И.А.Крыловтағы салған жерден айтылатын  мораль бұнда жоқ. Түпнұсқа қарғаның ірімшік тауып алуынан басталса, аударма аш түлкінің тамақ іздеп, жортып келе жатуынан басталады.
2. Ы.Алтынсариннің <<Мұсылманшлық тұтқасы>> еңбегі. Еңбек 1882 жылы жазылып бітеді. Түпнұсқаны баспаға бастыруға Н.И.Ильминскийге жібереді. <<...мұндай оқу құралды, менің басында ойлағанымдай, орыс әрпімен жазу мүлде мүмкін емес; өйткені, мұндай дін кітабы шариғат тұрғыларына  толық сай құрастырылғанымен де, сыртқы жағынан қарағанда мұсылманша болмаған соң, қазақ арасында сенімді болмас еді, әр түрлі қолайсыз әңгімелер туғызар еді, сөйтіп іске аспай, мектеп кітапханаларында босқа жатып қалар еді>>  -  деп>>[1;245]  Ильминскийге 1882 жылдың 12 қыркүйегінде жазады. Кітапты бастыру ісін Ильминскийге тапсырады: <<мен енді осы оқу құралын, Орынбор оқу округі попечителінің де айтуы бойынша, аса қайырымды Николай Иванович, Сізге жіберіп, мұны бастыру ісіне өзіңіздің араласуыңызды сұрайын деп отырмын; өйткені, мұндай татар кітаптарының басылу жолын мен білмеймін(цензор Готвальд деген біреу болса керек) және осындай кітаптың бір-екі мың данасын бастырып алуға қанша ақша керек болатынын да білмеймін: бұл ақшаны мен өз жанымнан төлемекпін. Менің ағайындарым осымен бірге Алдияров пен Қарабаев деген студент туысқандарымның бұл кітапқа корректор болуларын сұраймын>>[1;246]. Бірақ кітаптың жарыққа шығуы кешеуілдей береді. 
Студент туысқаны Қарабаевтан кітапты шығару қиыншылықтары турасында хат алғаннан соң 1883 жылы Ильминскийге былай деп жазады: <<..мен сізді ешқандай қиыншылық жағдайға түсіремін деп ойлаған да жоқ едім. Оның үстіне, округтің попечителі де сізбен ақылдас деп кеңес беріп еді. Мен жеке адамдардың бастырып шығарып жүрген жалпы татар кітапшаларының бәрі сияқты(айта кетелік, бұлардың ішінде цензураның мүлдем жібермеуге тиісті кітапшалары да аз емес) менің кітапшам да, жергілікті цензура қарап шыққаннан кейін баспаханада басылып шыға береді ғой деп ойлап едім. Бірақ, менің ісім бұлай болып шықпай отыр>>[1;251]. <<Мұылманшылық тұтқасы>> еңбегі 1884 жылы Қазан қаласында басылып шығады. Ы.Алтынсарин діннің тәрбиелік мәнін жоғары бағалады.  Дін иелері түсініп жаттап, оның тәрбиелік мәнін тыңдаушыларға аша білу парыз деп түсіндірді. <<Түсінбей жаттау  -  күнә>> деп діни уағыздарды құр босқа жаттап алып молда болу ел мәдениетіне, тәрбие ісіне жат екенін ашына жазды. Ол діни оқулықтардың мазмұнын  жете түсінбеген дүмше молдалар дін-шариғат қағидаларын өздерінше бұрмалап теріс түсініктер беретінін қаттты сынады. 
Ыбырай шариғат сүрелерін ана тілінде түсіндірді. Оларды өмір тіршілігімен, адам тәрбиесімен тығыз байланыстыра талдады. Діни терминдердің мән-мағынасын ашуға зер салды. Кітап төрт бөлімнен тұрады. Бірінші бөлімде иман туралы айтылады(иман дегеннің не екені, құдайдың бірлігі, Мұхамбет оның елшісі екендігін қалай тану керек екендігі көрсетіледі). Екінші бөлімде құдайға құлшылық ету, намаз оқу, ораза ұстау, кедейлерге садақа беру(зекет)  беру және жалпы қайырымдылық істер істеу, қажыға бару көрсетілді, оқылатын аяттар қосылды. Үшінші бөлімде адамгершілік жайы көрсетілді. Төртінші бөлімде арабша аяттар қазақ тіліне аударылып берілді.   Ағартушы ғалым адамның не нәрсеге болса да берік сенімі жүректен терең орын алмаса, ол әсерлік, тәрбиелік нәтиже бермейді деген тұжырым жасайды.  
        
                                       
                      Негізгі әдебиеттер
* Ш. Ахметов. Қазақ балалар әдебиеті тарихының очеркі, А., 1965.
* Ыбырай Алтынсарин тағылымы. А. Жазушы. 1991.
* Әнуар Дербісәлин. Ыбырай Алтынсарин өмірі мен қызметі туралы. А. 1965.
* Әсет Ламашев. Ыбырай Алтынсарин. А. Ана тілі. 1991. 
* Ә.Сыдықов. Ы.Алтынсариннің педагогикалық идеялары мен ағартушылық қызметі. А.Мектеп. 1969.
                                       
                     Қосымша әдебиеттер:
* Ә.Қоңыратбаев. Қазақ әдебиетінің тарихы. А.Санат. 1994.  
* Қазақ әдебиетінің қысқаша тарихы. А., 2001.
* С. Қирабаев. Шындық және шығарма. А., 1981.
* Х.Сүйіншәлиев. ХІХ ғасырдағы қазақ әдебиеті. А., 1986.
* Ы.Алтынсарин. Қазақ хрестоматиясы. А. Білім. 2003.
* Ы.Алтынсарин. Таза бұлақ. А., 1988.
* Ы.Алтынсарин. Өнер-білім бар жұрттар, А., 1991.


3  Модуль. ХХ ғасыр басындағы қазақ балалар әдебиеті.

                                 9-ДӘРІС
 Қазақ  балалар  әдебиетіндегі Абай  шығармаларының рөлі(тәрбиелік  мәні)
* Абай  өмірі мен шығармашылығы
* Абай өлеңдері
* Поэмалары  мен  аудармалары
* Абай ғақлиялары.
1.Абай  өмірі мен шығармашылығы. Қазақ балалар әдебиетінде ұлы ақын Абайдың да көрнекті орны бар. Балаларға арнайы еңбек жазып, өзі педагогтік іспен шұғылданбаса да, Абай бала тәрбиесіне, оның келешек қоғам үшін пайдалы адам болып шығуына үлкен зер салған. Ұлы ақын 1845 жылы Бұрынғы Семей(қазіргі Шығыс Қазақстан) облысындағы Шыңғыс тауларында туған. Өзінің туған даласының ақындары мен әншілерінің толып жатқан бай шығармаларының бәрін  -  түрлі хикая-әңгімелерді, ертектерді, батырлар жырларын, тарихи өлеңдерді ауылында жүргенінде талай рет зейін сала тыңдап, жаттайды.
     Ауылдағы молдадан хат танытқаннан кейін Құнанбай сегіз жасар Абайды Семей қаласына жіберіп, Ахмет-Риза имамның медресесінен оқытады. Осы медреседе оқыған үш жылдың ішінде дарынды, зирек бала көп нәрселерді үйренеді. Араб-иран және түрік ақындарының шығармаларын құмартып оқи бастайды. Абай жастайынан-ақ сөз тапқыш, өткір сөзді шешен деген атаққа ие болды. Абайдың ерте кезде жазған өлеңдері біздің заманымызға толығымен жеткен жоқ. 
      Өмірінің 35 жасында Абай қайтадан өлең жазуға кіріседі. Бірақ бұл кездегі өлеңдерін де ол әлі де болса өзінің жақын жас досы Көкпай Жанатаевтың атынан шығарады. Он-жиырма жылдың ішінде ой-өрісі кеңіп, мәдениеті өсе бастаған Абай халық әдебиетіні, шығыс ақындарының ең жақсы мұраларын, әсіресе, орыстың классикалық әдебиетін оқып үйренеді. Тек 1886 жылы, жасы қырыққа жеткенде ғана ол <<Жаз>> деген өте көркем өлеңін жазып, осыдан кейін тұңғыш рет өзінің шығармаларына өз атын ашық қоя бастады. Міне, осы уақыттан бастап, оның қалған өмірінің жиырма жылы терең мағыналы ақындық творчествосының қанатты кең жайып, еркін гүлдене бастаған кезеңіне айналды. 
       Абай өзінің есейген шағында жазған шығармаларында халықтың сана-сезімін оятуға тырысады, өзінің турашыл, мысқылшыл өткір тілді өлеңдерінде  ел ішіндегі әділетсіздікті әшкерелейді, патша өкіметі әкімдерінің қылықтарын сөгеді, халықты өнер-білімге шақырады, тек өнер-білім, ағарту ісі арқылы ғана   ауыр азаптан, әділетсіз тұрмыстан құтылуға болады деп көрсетеді. Өздігінен оқып, білімін толықтыру ісімен де терең шұғылданады, орыс классиктерінің шығармалары оның ең жақын серігіне айналып, қолынан түспейтін болады. 70-80 жылдары Ресейден жер ауып келген орыс революционерлерімен танысады. 1886 жылдың жазынан бастап Крыловтың, Пушкиннің, Лермонтовтың шығармаларын аударуға кіріседі. Абай композитор да болды. Қазақтың халық әндері мен күйлерін жақсы біліп, аса жоғары бағалаған. 
        Абайдың төңірегіне оның хат танитын шәкірттері Көкпай, Мұқа, Ақылбай, Кәкітай, Шәкәрім, Мағауия сияқты жас ақындар топталады. Абайдың өзі шығарған өлеңдерін ғана емес, оның шәкірттері шығарған өлеңдерді бүкіл жұртшылық аузынан тастамай айтып жүреді. 1897 жылы қара ниетті адамдар болыс-билердің, ру басы старшындардың атынан Абайды жамандап, қаладағы губернаторға, уез бастықтарына арыз жаудырады. Семей полициясының адамдары тінту жүргізеді. Патша өкіметінің жергілікті әкімдері Абайға қандай шара қолданса да, Абай аты бұрынғысынша шарықтап, ел аузында аңыз болды. Ұлы ақын алпыс жасында өзінің туып-өскен жерінде бұл дүниеден мәңгілікке сапар шекті.   
2. Абай өлеңдері. Абайдың <<Жасымда ғылым бар деп ескермедім>>, <<Ғылым таппай мақтанба>>, <<Әсемпаз болма әрнеге>>, <<Интернатта оқып жүр>> т.б. өлеңдері қазақ балаларына арналған туындыларының бірі болып табылады. Ұлы аќын Абай <<Жасымда ѓылым бар деп ескермедім>> деген өлеңі оқу-білім, өнер тақырыбына жазылған өлеңдері ішіндегі ең алғашы. 
        <<Ғылым таппай мақтанба>>(1886). Көлемі 77 жол. Ақын жастар алдына міндет-талаптар қояды. Ең ардақты мақсатың  -  ғылымды меңгеру дейді. Бес нәрседен аулақ болып, бес асыл қасиетті бойға дарытпасаң ғылымнан опа жоқ дегенді айтады. Ақын ғалым болу мен адам болу мәселесін бір-бірінен бөлмейді. Ғалым болудың тағы бір шарты  -  ақыл сенген нәрсеге ғана сену. Жастарды артық сенгіштіктен сақтандырады. Кісіні ақылына, ойына қарай бағала деген пікір айтады. Ақылды, парасатты адамның идеал бейнесін ұсынады. Надан, керітартпа адамның жағымсыз бейнесін қарсы қояды. Өлең 6-8 буынды аралас ұйқас үлгісінде жазылған.
         <<Әсемпаз болма әрнеге>>(1894). Әрқайсысы 4 тармақты 6 шумақтан тұрады. Адамгершілік туралы ойларын қайрат, ақыл, әділет, шапқат секілді қасиеттер негізінде ашады. Мағыналық құрылымы жағынан 4 бөлімнен тұрады. Бірінші бөлімде адам алдына міндет қойылады.  Екіншісінде    сол міндетті орындауға қажетті адамгершілік қасиеттер көрсетіледі. Үшінші бөлімде адамның қандай жаман қылықтардан аулақ болуы керектігі көрсетіледі. Төртінші бөлім адамның қандай жақсы қылықтарды әдет етуі қажеттігін танытады.  Бұл бөлімдегі ой алдыңғы бөлімдердегі мазмұнның қорытындысы іспеттес. Өлең 7, 8 буынды шалыс ұйқас үлгісінде жазылған. 
                  <<Интернатта оқып жүр>>(1886).  Көлемі  -  77 жол. Идеясы  -  жастарды ғылымға, өнерге, халыққа қызмет етуге шақыру. Ақын шен-шекпенге бола оқитындарды әшкерелейді. Бас пайдасы үшін емес, ар, адамгершілік үшін оқу керек дегенді ескертеді. Жер-жерде орыс-қазақ мектептері ашылды. Олардың жанынан интернаттар құрылды. Ақын оқудың көлеңкелі жақтарын сынайды. Мектеп-интернаттардың түпкі мақсатының тайыздығына өкініш білдіреді. Шәкірттердің рухани қазынадан қағыс қалғанына қынжылады.  Өйткені, олар адвокат, не тілмаш болуды ғана аңсайды. Жалған бедел жинауды арман етеді. Кейбір деректерге қарағанда, ақын бұл өлеңді балаларын Семейге оқуға бергеннен кейін жазса керек. Өлең 7 буынды шалыс ұйқас үлгісінде жазылған. 
 2. Абайдың табиғат лирикасы. М.Әуезов пікірінше: <<Абай Ыбырайды жақсы білген. Ыбырай өлеңдері үнемі бірге көшіріліп, жазылып жүруші еді. Абайдың өзінің тапсыруы бойынша солай болса керек. Бұл тегін емес. Екеуінің қазақ ауылындағы көктем жайында жазғандарын оқып отырсаңыз, шынында, бір ақындық мектептің, бір түрлі ақындық дәстүрдің үлгісін көресіз және екеуі де бұрын қазақ жазбаған өлеңді жазған. Кейін аңғарсақ, табиғат суретінің үлкен мастері болған ұлы Пушкин үлгісімен туған өлеңдер екен>>,-деп пікір айтқан
                <<Күз>>(1888). Өлең 11 буынды, қара өлең үлгісінде жазылған. Әрқайсысы 4 тармақты 6 шумақтан тұрады. Ауылдың күнделікті өмір тұрмысын нақтылы түрде сипаттайды. Көшпелі ауыл тіршілігі көз алдымызға келеді.  Табиғат көрінісінен гөрі елдің өмір-тұрмысы, тіршілік әрекетін бейнелеу басым. Суыққа тоңған бала мен кемпір-шал сиқы күзгі табиғат түріне сәйкес. Ағаш пен қурайды шал-кемпірмен салыстырады.   
       <<Қыс>>(1888). Әрқайсысы 4 тармақты  6 шумақтан тұрады. Көлемі 24 жол. Қыс жанды бейнеде суреттеледі. Оны кәрі құдаға теңеу  -  таза ұлттық тәсіл. Өлеңдегі қазақ өмірінің суреттері  қыс бейнесін толықтырады.   Ақын сөзін малшыларға арнаумен аяқтайды. Өлең 11 буынды қара өлең үлгісімен жазылған. <<Күз>>, <<Қыс>> өлеңдерінде тұрмыстың ауыртпалық жағы көбірек айтылады. 1888 жылы жазған <<Қыс>> өлеңінде Абай жылдың бір мезгілін былай суреттейді: Ақ киімді, денелі, ақ сақалды, Соқыр, мылқау, танымас тірі жанды. Үсті-басы ақ қырау, түсі суық,Басқан жері сықырлап келіп қалды ...   ... .адам бейнесінде суреттелген қыс кішкентай оқушы көзіне Аяз ата болып елестейді. Қыстың ызғарлы, боранды сұрапылымен қоса, бір жағынан қасқырдың да шабуылы елді алаңдатып қоятын тажал екендігі айтылады. Сұрапыл қыстан малды аман алып шығу қажеттігін малшыларға ескертеді. Қыспен бірге тұмсығын салды қасқыр, Малшыларым, қор қылма итке малды.Соныға малды жайып күзетіңдер,Ұйқы өлтірмес, қайратқыл, бұз қамалды. дейді ақын. Әрине, жаратылыс сұрапылына күресетін адам болған соң, <<ұйқы өлтірмес, қайрат қыл, бұз қамалды>> деп  оған қарсы шығып, жеңіп шығуға үндейді. Адамның сұрапыл күшті жеңетініне ақын еш күмәнденбайды. Өлеңнің құдіреті де осында. Ақы адамға сенім арта сөйлейді. Қыстың пейзаждық көркем сипатымен бірге осындай терең мағына-мазмұны да бар 
     <<Жазғытұрым>>(1890). Елдің табиғат аясындағы тіршілігі бейнеленеді. Көлемі 66 жол. Адам өмірі мен табиғат құбылыстарының арасындағы жалғастық бақалады. Ақын табиғат құбылыстарына(жер, аспан, ай, жұлдыз, жел) символдық мағына береді. Күн бейнесі қалыңдық айттырған күйеу тұлғасын елестетеді. Жұлдыз бен айдың күйеу келерде өңдері қашып, берекесі кетеді. Жел той хабаршысы ретінде көрінеді. Соңғы шумақта ақын өмір-болмысты, табиғатты, аспан мен күнді нақтылы, шынайы қалпында бейнелейді. Өлең 6-8 буынды шалыс ұйқаспен жазылған.
      3.  Поэмалары  мен  аудармалары. Абай лирикасы көп болса да, сюжетті дастандары аз. "Ескендір", "Масғұт", "Әзімнің әңгімесі"  поэмалары  -  көлемді шығарма жазуға ойыса бастаған кезеңін танытатын еңбектер. 
        "Ескендір" поэмасында А.Македонскийдің озбырлығын, соғысқұмарлығын, дүниеқорлығын әшкерелейді. Дүниенің төрт бұрышын жаулап алса да, оған бәрі аз көрінеді. Ақын Ескендірге Аристотель сияқты ойшыл бейнені қарсы қояды. Сөйтіп осы бейнелер арқылы патша өкіметінің отаршылдық, ел талаушы саясатын сынға алады. 
        "Масғұт"  -  философиялық поэма.Оның негізгі тақырыбы жай ғана махаббат емес, әлеуметтік өмірдің қайшылығы. Поэманың идеясында әйелді қоғамның ерлерге тең мүшесі деп тану, оның әлеуметтік өмірдегі орнын бағалау жағына көбірек көңіл бөлінеді.
        "Әзімнің әңгімесі"  -  "Мың бір түн" ертегісінен алынған бір уақиғаның өлеңмен жазылған түрі. Абай өз дәуірінің капиталистік жолмен баю психологиясынан туған жалған мінезін топшылайды. Ол қалайда бай болуға құмартып, оның оңай жолын қарастырып, өзінің үйреншікті кәсібін тастап, барға місе тұтпаған жастың тағдырын танытады. Сондай-ақ ақшақұмар жылпостардың адам өмірімен еш санаспаспай қыршын жасты алдап, өлімге айдап, оның сүйегін аттап, алтын табудан тартынбайтынын әшкерелейді. Поэма аяқталмаған. Бұл үш поэманың реалистік ерекшелігі қазақ даласының болмысын дәл суреттеуінде емес, көлденең образ арқылы сынауында.  
      Аудармалары. Пушкин шығармаларын аударумен Абайдың көбірек шұғылданғаны  -  1889 жыл. Бұл жылы "Евгений Онегиннен" үзінділер күйінде сегіз өлең аударады.  Олардың көбі  -  Онегин мен Татьяна арасындағы хаттар.  Олардың  хаттарын аудару арқылы Абай қазақ жағдайындағы соған ұқсас тағдырлар мұңын жоқтады. Татьяна сөзі қазақ даласына ән болып тарады. 90-жылдардың басынан бастап Абай өмірінде көңіл құлазытар бірқатар келеңсіз оқиғалар болады. Ақынға қарсы айбат көрсетушілер тобы өсе түседі. 1891 жылы інісі Оспан, 1895 жылы сүйікті ұлы Әбдірахман қайтыс болады.Осылардың бәрі ақынды өмірден түңілдіріп, жалғыздық  азабына салады. Осындай тұстарда ол Лермонтовпен көбірек сырласады. Абай Лермонтовтан жалпы саны 27 шығарма аударған. 
        90-жылдардың аяқ кезінде Абай Крылов мысалдарын көбірек аударумен шұғылданған. "Емен мен шілік", "Қазаға ұшырығанқара шекпен", "Жарлы бай", "Есек пен бұлбұл", "Бүркіт пен қарға", "Шегіртке мен құмырсқа", "Әншілер", "Ала қойлар", "Түлкі мен қарға", "Есек", "Бақа мен өгіз", "Піл мен қандан" мысалдарын аударған.
        4. Абай қарасөздері арқылы қазақ арасындағы ел билеу тәртібіне, сыйымсыз тәлім-тәрбиеге,  керітартпа әдет-ғұрыпқа қарсы шығады. Ақын надандықтан құтылудың жолын қарастырады. Халықты өнер-білімге, адал еңбекке, адамгершілікке үндейді. Қазақ жастарын адамға жат мінез-құлықтан сақтандырады. Мәдениетті елдерден өнер үйренуге шақырады. Абай қарасөздерінде ғылымдық, философиялық, моральдік, діни мәселелер өлеңдерінен гөрі айқын көрінеді. Ақын  қарасөздерінің тіл жағынан да, стиль жағынан да өзіндік ерекшелігі бар:
* жеке қарасөзінде бір мәселені әңгімелейді;
*  жеке қарасөзінде брнеше мәселені қамтиды;
* әр қарасөзінде қорытынды жасайды, жасаған қорытындысы негізінде адамға пайдалы ақыл айтады;
* бір сөзінде әңгіме қылған мәселеге екінші бір сөзінде қайта соғып, оны толықтырады. 
* әр сөзінен өзіндік пікір өзгешелігі байқалады.
  Х.Сүйіншәлиев Абай қарасөздерін мазмұнына қарай 5 үлкен тақырып төңірегіне топтайды:
1. Қоғам құрылысы,  ел билеу жайын көп қозғайтын қарасөздері;
2. Оқу, өнер-білім, тәлім-тәрбие мәселесі туралы қарасөздері;
3. Еңбек, шаруа жайларын әңгімелейтін қарасөздері;
4. Адамгершілік, мінез-құлық жайларын көрсететін қарасөздері;
5. Дүние, өмір туралы ойлары мен дін мәселесін түсіндіретін қарасөздері.
        1, 2, 3,14, 24, 26, 29, 33, 39, 41, 42 сөздерінде және "Біраз сөз қазақтың қайдан шыққаны туралы" мақаласында саяси-әлеуметтік, мемлекеттік, қоғамдық маңызы бар мәселелер қозғалады. Жағымсыз құбылыстар, мінездер сыналады. Кейде ғылыми мәселелер көтеріледі. 4, 5, 8, 9, 10, 12, 16, 19, 25, 27, 31, 32, 40 сөздері әңгіме, кеңес ретіндегі диалог, монологтар болып келген. Абай кейде екі адамды не бірнеше адамды сөйлестіріп, кеңестіреді. Кейде өзі әңгіме-дүкен құрып, тыңдаушысымен, не өзімен өзі кеңесіп отырады. Біреуге сұрау қойп, жауап күтеді, не өзі екінші кісінің ролінде толғанады.
         Абайдың 37 сөзі нақыл, тұспал сөзден(афоризмнен) тұрады. Афоризмдер Абайдың өлеңдерінде де, қалған қара сөздерінде де кездеседі. Мысалы, "Сақалын сатқан кәріден еңбегін сатқан бала артық", "Дүние  бір қалыпты тұрмайды, адамның қуаты бір қалыпты тұра алмайды. Ендеше көңіл қайдан бір қалыпта тұра алады"(20-сөз). 7, 17, 43, 45 сөздері Абайдың философиялық ойларын, дүниеге көзқарастарын білдіретін, ғылыми пікірлер айтқан эсселері болып табылады.  Абайдың 13, 20, 28, 38 сөздері адамгершілік, мораль, мінез-құлық туралы өсиет мазмұнды және діни ғибрат ретінде  келеді. Қысқасы, бұл сөздері арқылы Абай өз замынының ірі бұқарашыл публицисі болды. Ол қазақ жазба әдебиетінде публицистикалық прозаны бастады. Қазақ публицистикасының басы болды. Публицистика - мерзімді баспасөздің шығуына байланысты пайда болған жанр. Онда саяси-әлеуметтік, мемлекеттік, қоғамдық маңызы бар мәселелер қозғалады. Қара сөздер Абайдың соңғы туындыларының қатарына жатады. 
     
                     Негізгі әдебиеттер:
* Ш. Ахметов.  Қазақ балалар әдебиеті тарихының очеркі. А. 1965
* <<Абай>> энциклопедиясы.  А.  Атам+-ра. 1995.
* М. Єуезов.  Абай Ќ+-нанбаев. А. Рауан. 1997
* С.Ж%.нiсов. М.Єуезовтiњ Абайтану туралы лекциясынан. А.   
          Санат.1996
* С.Ќасќабасов. Абай жєне фольклор. А. Білім.  1995.
                                       
                     Қосымша әдебиеттер:
1. Ә.Ќоњыратбаев. Ќазаќ  єдебиетiнiњ тарихы. А. Санат. 1994
2.А.Машанов. Єл - Фараби жєне Абай. А. Ќазаќстан.1994
3.Х.Сүйіншәлиев. ХІХ ғасырдағы қазақ әдебиеті. А., 1986.
4.Х.С%.йiншалиев. Абайдыњ ќарасuздерi. А. 1956
5.Х.С%.йіншалиев. Ќазаќ єдебиетініњ ќалыптасу кезењдері. А. 1960
*  Абай. Шығ. жинағы. 1, 2 том. А. Жазушы. 1986

                                 10-ДӘРІС
   ХХ ғасыр бас кезіндегі балалар әдебиеті
* Ағартушылық  демократтық бағыт өкілдері(Ш.Құдайбердіұлы, 
         С.Торайғыров, С.Дөнентаев, С.Көбеев)
* Ұлт-азатшыл  бағыт  өкілдері( А.Байтұрсынов, М.Жұмабаев, 
         М.Дулатов, Ж.Аймауытов)
1. Ағартушылық  демократтық бағыт өкілдері. Ш.Құдайбердиев. Шәкәрімнің бай әдеби мұрасына оның өлеңдері, поэмалары, мысалдары, нақыл сөздері, әңгімелері, роман, мақалалары, аудармалары жатады. Ақынның бай әдеби мұрасында өзі өмір сүрген дәуірдің қоғамдық көріністері із қалдырды. Оның 73 жас өмірінің 13 жылы кеңестік дәуірде өтті. ХХ ғасырдың алғашқы кезеңінде Шәкәрім  әдеби өмірге құлшына араласты. Ұлт әдебиетінде Шоқан, Абай, Ыбырай орнықтырған арна-дәстүрлерді жалғастырды.  
        Октябрь төңкерісімен келген  дүбірлі өзгерістер тұсында да Ш.Құдайбердиев өзінің демократтық, ағартушылық көзқарасына, прогресс жолына қызмет ету мақсатына адалдық танытты. Ақын жастарды ғылым-білім, өнерге баулуды мұрат тұтады. Ағартушылық, адамгершілік идеяларды уағыздады.     Шәкәрім жас ұрпаққа арнап бірнеше өлең жазды. Жастарға сенім артты. Қоғамның өрге өрлеуі келешек ұрпақтың қолында екенін айтты.   <<Қазақ айнасы>>жинағына енген <<Абай марқұм өткен соң өзіме айтқан жырларым>>, <<Ақылшы торғай>>, <<Қасқыр, түлкі, бөдене>>, <<Талап пен ақыл>> өлеңдерінде ұстанған бағытының әлеуметтік сыншылдық, гуманистік сипаттары аңғарылады. 
     Өмірінің соңғы жылдарын тауда жалғыз өткізіп жүрген 73 жастағы Шәкәрім 1931 жылы дүниеден өтті.  Ыбырайдың <<Бай баласы мен жарлы баласы>> Ыбырай әңгімесінің сюжеті де, идеясы да Шәкәрімнің <<Піскен мен шикі>>өлеңінде түгел қайталана жырланған. Ақын ғылымды үйреніп, білімді адам болуға кедергі жасайтын: самарқаулық, еріншектік, салақтық, немқұрайдылық, жауапсыздық сияқты мінез кеселдерін өзінің сатиралық өлеңдерімен қатты сынайды. Ақындық, жазушылық, композиторлық дарынын өмірде өнегесімен көрсете білген философ білімді көңілге қондырып, санаға дарытудың жеті шарты бар, олар: мейірім, ынсап, әділет, шыдам, шыншылдық, қаракет, ақ ниет дейді.
          С.Торайғыров. С.Торайғыров өмір сүрген уақыт  -  ХХ ғасырдың бас кезі  -  дүниені дүр сілкіндіоген қилы-қилы тарихи оқиғаларға толы кезең болатын. С.Торайғыровтың жеке басының қалыптасуы туралы сөз қозғағанда оны өзінің әлеуметтік ортасынан  -  А.Байтұрсынов, М.Дулатов, Ә.Бөкейханов, Ғ.Қарашев, І.Ізтілеуов, Ы.Шөреков, Б.Күлеев, М.Сералин және т.б. ғұмыр кешкен ортадан бөлек алып қарастыруға болмайды.  
       Кезең оқиғалары ақынның дүние-таным көзқарасына, шығармаларының тақырыптық мазмұны мен түріне, жанрына әсер етті. 
     Іргелі оқу орнынан білім алу, халқының қызметіне жарайтын азамат болу  -  оның ынта-тілегіне айналады. Ақын <<Шәкірт ойы>> деген  өлеңінде  <<Іздегенім табылды, енді дегеніме жетем, халқыма жұлдыз емес, ай емес, күн болам>> деген ойға келеді. Оның лирикалық кейіпкері
                    Қараңғы қазақ көгіне
                       Өрмелеп шығып, күн болам!
                      Қараңғылықтың кегіне
                     Күн болмағанда, кім болам!
                    Мұздаған елдің жүрегін
                     Жылытуға мен кірермін.
дейді. Бұл  -  жаңа заман жасының өр талабы. Отан, халық алдындағы борышын түсінген адамның батыл ойы мен шын ықыласының көрінісі. Мұндай жырлардың балаларды отаншылдық рухта тәрбиелеудегі маңызы ешқашан кемімек емес. Ақын ұлттық білім, халықтық тәрбие ісінің келеңсіздік жағдайларын зерлей зерттеп, ұрпақтың үмітін оздырып, келешегіне кемелді жол  сілтеді. Жастарды өнер-білімге шақыру  -  ақынның шығармашылық кредосы болды. Ақын мақсатқа жетудің нақты жолы  -  еңбек деп түсіндіреді. Ұлттық мәдениетті дамыту ұлттың білімді болуына байланысты екенін пайымдаған ақын ұрпаққа білім беру ісіне өзі тікелей қатысып, сабақ берумен де шұғылданды. "Оқудағы мақсат не?" деген өлеңі арқылы оқу ұлттық білім беру жолындағы ұлы іс екенін, оқу тек күн көріс, шен-шекпен алу үшін жасалынатын әрекет қана емес екендігін ұрпаққа ұғындыра жеткізеді.
        С.Дөнентаев. Ақын творчествосын үш кезеңге бөлуге болады:1. 1913-1917 жылдар арасында ақын өзінің пікірі жағынан ағартушы-демократ, әдеби әдісі жағынан сыншыл реалист болып көрінеді. <<Заман кімдікі>>, <<Замандастар>>, <<Қазақтың білгендеріне>>, <<Жамила қыз>>, <<Екібаста>>, <<Бозторғай>> секілді алуан тақырыпты өткір саяси лирикасы жазылды. 2. 1917-1924 жылдар арасы ақын творчествосының екінші кезеңін құрайды. 1917 жылығ Ақпан төңкерісіне қуанып, <<Бостандық>> сияқты өлеңдерін жазып, буржуазиялық-демократиялық төңкерісті шын бостандық деп ұғынады. 3. 1924-1933 жылдаржағы көзқарасы  -  кеңестік, әдеби әдісі  -  ссоциалистік реализм болып шығады. <<Ұмытылмас>>, <<Бір жыл өтті>>, <<Тарих таңы>>, <<Ерікті Айша>>, <<Азат жетті>>, <<Бай мен комсомол>> деген өлеңдер жазып, ескіліктің ел санасындағы сан алуан көріністерін үлкен пафоспен жырлайды. Көптеген саяси лирика, әңгіме, фельетондар жаза бастайды.  
 <<Заман кімдікі?>>, <<Менің халім>>, <<Замандастар>>, <<Қазақтың білгендеріне>>, <<Боз торғай>>,  <<У жеген қасқырға>>, <<Қиялым>>, <<Балалықты сағыну>>, <<Үміт>>, <<Талап>>  т.б. өлеңдерінде теңдік, бақыт, бостандық жайындағы ойын, арманын суреттейді, жастарды оқуға, мәдениетке, өнер-білімге үндейді. Ақындық өнер жолында Абайдан, Тоқайдан мол үйренді. Шоқан, Ыбырай, Абай бастаған ағартушылық бағытты нысана етті.
      Ақын мысал-өлеңдердің кейбірін татар ақыны Ғ.Тоқайдан аударған. Біршамасын татар, орыс тілдеріндегі мысал, әңгіме, аңыздар ізімен өзінше қиыстырған. Қазақ тұрмысынан алып жазған мысалдары да бар. Жалқаулық, мансапқорлық, сараңдық, ашқарақтықты мінейді. Мысалдарында патша үкіметінің отаршылдық саясатын әшкерелейді.  С.Дөнентаевтың мысал-өлеңдері  көңілге қонымды, әрі терең мағыналы.
        С.Дөнентаевтың балаларға арнап жазған мысалдары әрі оқиғалы, әрі күлкілі, қызықты, әрі қысқа, мазмұнды болып келеді. Ақынның <<Көзі тоймаған ит>>, <<Екі теке>>, <<Ауырған арыстан>> т.б. шығармаларын мектеп жасына дейінгі және кіші мектеп жасындағы балалар жеңіл түсіне алады. Адам басында болатын әр түрлі қылық-мінездердің аңдардың іс-әрекеті арқылы сыналуы бұл шығармалардың қызықтылығын арттыра түседі. <<Көзі тоймаған итте>> сүйек тістеп көпірден өтіп бара жатқан иттің өз көлеңкесімен таласып сүйегін тартып алмақ болған қомағайлығы сыналады. Сөйтіп жүріп ол суға түсіп, аузындағы сүйегінен айрылып қалады. Ақын ойының қорытындысы  -  қомағай, ашқарақ болмауға үндеу. <<Екі теке>> мысалында Сәбит мінезсіздікті, пайдасыз ұсақ ерегіс құмарлықты сынайды. Көпір үстінде кездесіп қалған екі теке бір-біріне жол бермей, сүзісіп, екеуі де суға құлайды.  Бұл мысалдар арқалы С.Дөнентаев балаларды жақсы мінез-құлыққа тәрбиелеуді, жаман қылықтардан жирентуді көздейді.
         С.Көбеев. Ы.Алтынсариннің шәкірті, жазушы әрі педагог. 1901 жылдан бастап өмірінің соңғы күндеріне дейін халық мұғалімі болған.  Қазақ балаларына арнап ашқан мектептеріне хрестоматиялық құрал ретінде <<Үлгілі тәржіме>>(1910), <<Үлгілі бала>>(1912) сияқты аударма, өлең-әңгімелер жинағын қоса бастырған. Алғашқы еңбегінде С.Көбеев Крыловтың 44 мысалын қазақ тіліне аударған. 1951 жылы <<Орындалған арман>> мемуарлық повесі басылды. 
       Қазақ балалар әдебиетінің тарихында С.Көбеевтің көрнекті орны бар.   Өмірінің соңына дейін оқытушылық қызметпен айналысқан С.Көбеев өз білімін, қажыр-қайратын  туған халқына жұмсады. Оның ұстаздық, ағартушылық қызметі қазақ қоғамының артта қалған мешеулік жағдайында басталды. Ауыл адамдары арасында жаңалық таратушы болды. А.С.Пушкиннің  <<Дубровскийі>>, Н.В.Гогольдің <<Өлі жандары>>, И.А.Крыловтың мысалдары мен А.П.Чеховтың әңгімелері С.Көбеевтің ауызша әңгімелеуі негізінде ел ішіне тарады. Қызылжардағы орыс-қазақ мектебінде оқып жүрген кезінде өзінің И.А.Крыловтан аударған мысалдарын жинап баспаға жіберді. 1910 жылы <<Үлгілі тәржіме>> деген атпен Қазанда басылып шықты. Крыловтан 40-тан аса мысал-өлең аударды. Мысал-өлеңдерінің бірсыпырасы мыналар: <<Өтірікші>>, <<Емен мен тал шыбық>>, <<Қасқыр мен тырна>>, <<Маймыл мен айна>>, <<Шымшық пен көгершін>>, <<Маймыл мен көзілдірік>>, <<Аққу, шортан  һәм шаян>>, <<Ағаштың тамырлары мен жапырақтары>>, <<Көлбақалар>>, <<Қомағай ит>> т.б. Замандастары бойындағы тоғышарлықты, надандықты, зұлымдық пен мақтаншақтықты, көрсеқызарлық пен өзімшілдікті мысал тілімен тұспалдап әшкереледі.  
          Ы.Алтынсарин үлгісімен 1912 жылы <<Үлгілі бала>> оқу кітабын шығарады.Бұл  -  бастауыш мектептегі қазақ балаларына арналған оқу  кітабы еді. Оқу кітабын құрастыруда С.Көбеев К.Ушинскийдің <<Родное слово>> кітабын басшылыққа алған. Бірқатар материалдарды содан еркін аударып пайдаланған. Кітап балаларға мектеп, оқытушы,  адам(бала) тіршілігі жөнінде түсінік беретін қысқа әңгіме, өлеңдерден басталады. 60-қа жуық әңгіме, ертегі, мысал, өлеңдер бар. Көпшілігін орыс тіліндегі түрлі оқу кітаптарынан алып, қазақ балаларының ұғымына лайықтап жазған. 
          <<Үлгілі балаға>> Спандиярдың бірқатар төл шығармалары да кірген. Олар қоғамдық теңсіздікті, жетім-жесірдің аянышты тұрмысын көрсететін өлеңдер мен әңгімелер.  Кітапқа енген шығармалар арқылы балаларды өнер-білімге, мәдениетке шақырды, іскерлікке, қиындыққа төзімді болуға, қайырымдылыққа шақырды. Ыбырай үлгісіндегі педагог жазушы С.Көбеев те балалардың теңсіздіктегі өмірін аяушылықпен суреттейді. <<Жетім>> атты өлеңінде  ол жетім баланың қысқы аязда тоңған, әрі аш кейпін суреттей отырып, оны аяп үйіне әкеп тамақ берген, жылы төсекке ұйықтатқан кемпірдің ықыласына ризалық білдіреді. <<Қайыршы>> өлеңінде автор елден жинаған тиын-тебенін ғарыптерге, ақсақ, соқырларға үлестіріп берген қайыршының қайырымдылығын жазады.  С.Көбеевтің халық арасында кең тараған шығармасы  -  <<Жетімнің өлеңі>>. Онда жазушы жетім баланың аянышты халін суреттеп, феодалдық ортаның мораліне қарсы қояды. Өлең идеясы жалпы қазақтық қасиеттер туралы ойлармен, арманмен ұласады.     
2. Ұлт-азаттық  бағыт  өкілдері.   А. Байтұрсынұлы. Әдеби шығармашылығындағы ерекшелігі -  Ұлы Абай соқпағына, орыс әдебиеті үлгілерін пайдалану, аударма жасау дәстүріне мойысұнады. Хайуанатар өмірінен алынған шығармалар арқылы әлеуметтік ойға ықпал ету мақсатымен И.А.Крылов туындыларын аударады. <<Қырық мысал>> деген атпен 1909 жылы Петербургте бастырып шығарады. Бұларда қызықты форма, ұтымды идея, қазақ тұрмысына жақын суреттер бар. Әр түрлі адамдар кейпінен хабар беріп, ишара тұжырым жасайды.  Патша отаршыларының зорлық-зомбылығы, жуандардың тепкісі, елдің азып-тозуына байланысты сарындарды жұмбақтап, тұспалдап жеткізеді. <<Қайырымды түлкі>>, <<Ала түлкі>>, <<Үлес>>, <<Қартайған арыстан>>, <<Өгіз бен бақа>>, <<Қайыршы мен қыдыр>>, <<Ат пен есек>> мысалдарында әлеуметтік-қоғамдық жағдайларды мегзейді. А.Байтұрсынов аудармаларында сюжет сақталғанымен еркіндік басым. 
       Заман тынысын танытатын жаңа ойлар айтады.<<Маса>>(Орынбор, 1911) кітабында астар, емеурінмен берілген ойлар ашық, анық айтылады.  Ахметтін өз басынан кешкен қиын-қыстау күндер бірталай өлеңге арқау болады. Ел тағдыры, халық қамы, бостандық арманы  -  басты сарын. <<Қазақ салты>>, <<Жиған-терген>> өлеңдерінде қазақ халқының мүшкіл халін, патша үкіметінің  отаршылдық саясатын шенейді.  <<Маса>> кітабына енген өлеңдерде әлеуметтік, қоғамдық ойлар, азаматтық идеялар айтылады.  <<Анама хат>>, <<Жауға түскен жан сөзі>> - қорлық-зорлыққа мойымаған, бостандық, еркіндік жолында бәріне көнген  қайратты ерлер тұлғасын мүсіндейді. <<Қырық мысал>>, <<Маса>> жинақтары  -  қазақ әдебиетін жаңа тақырыптармен, идеялармен байытты. Абайдың ақындық дәстүрі ілгері жалғасты.  Байтұрсынов дәуірінен бері талай уақыт өтті. Сонда да оның мысалдары өз мәнін жоймақ емес. Тарихи оқиғаларды танып-білуге ықпалы бар. Реніш пен ашу-ыза да, торығу мен наразылық та байқалады. Дегенмен  А.Байтұрсынов поэзиясында оптимистік рух басым. Шығармалары арқылы  ағалық ақыл айтады.
      Балалар тәрбиесіне қосар үлесі айтарлықтый. <<Қазақ этнопедагогикасының негізі  -  халық педагогикасы. Халық педагогикасының арқауы  -  ауыз әдебиеті мен халықтың салт-дәстүрлері. Ауыз әдебиеті мен халықтың салт-дәстүрлері  -  ұлттық тәрбиенің негізі. Міне, осы тұғырлы тұжырымды ірі ғалым-лингвист, әдебиет зерттеуші, тюрколог, дарынды ақын, аудармашы, қазақ тіл білімінің іргетасын қалаушы, қазақ баспасөз тілінің ұлттық үлгісін жасаған талантты көсемсөз иесі, туған халқының рухани дүниесін жандандырған ғұлама  -  Ахаң жан-жақты зерттеп, олардың тәрбиелік мәнін ашып берді. Яғни, ол қазақ этнопедагогикасының негізгі нұсқаларын зерлей зерттеп, талғай тауып, олардың ғылыми-теориялық негіздерін жасады.[...]Ұлттық педагогиканың(этнопедагогиканың) ғылым ретінде дамып, қалыптасуы сол ұлтқа білім берумен, яғни оқумен, оқытумен, тәрбиелеумен байланысты деп пайымдаған данышпан Ахаң ең әуелі халыққа білім беру ісін қолға алып, жетілдіруді алдына мақсат етіп қойды. 
      А.Байтұрсынов  -  <<араб>> алфавиті негізінде жасалған қазақ әліппесін жетілдірді. <<Ғалымның 1912 жылы Орынборда басылған <<Қазақша әліппе>>(Оқу құралы) халықты сауаттандырудың басты құралы болды. Бұл оқу құралында әрі сауат ашу, әрі ұлттық(этнопедагогикалық) дүниетанымды іске асыру мақсаттары көзделді. Мысалы: туысқан-туған, іліктес, киімдер, ойын-ойыншықтар, тамақтар-сусындар, дене мүшелері, үй саймандары, ыдыс-аяқ, малдар аты, малдан басқа төрт аяқтылар, құстар, жер түгінің аттары(ағаштар, шөптер), жер жүзінің аттары, сан, жаңылтпаш, жұмбақ, мақалдар түзіліп берілді. 1926 жылы бұл әліппенің жете өңделген жаңа түрі жарияланып, қазақ халқының сауат ашу мектебінің басты құралы болды. <<Ғұламаның <<Тіл жұмсар>>(1928 ж.), <<Ана тілінің әдісі>>, <<Зерттеу мен сүгіреттілік әдісі туралы>>, <<Жалқылауды жалпылау әдісі>>(1927 ж.) деген еңбектері қазақ тілін оқыту әдістемесінің іргетасы болды. Оның жазу таңбаларын түсіндіретін <<Баяншы>> атты кітапшасы 1912 жылы, үлкендерге арналған <<Сауат ашқыш>> оқу құралы 1926 жылы жарық көріп, бүкіл ұлттық сауат ашу құралы болды. Ахмет оқулықтары негізінде талай қазақ балалары сауаттарын ашты. <<Оқу құралы>> туралы әдебиетші ғалым Қ.Мұхаметханов былай дейді: <<Кітап оқуға жеңіл, тілі ұғымды, баланы қызықтырып, ынталандырып, баурап әкетеді. Туысқан-туған қалай аталады, киім-кешек, ойын, ойыншықтар, тамақ, сусын, дене мүшелері, үй саймандары, ыдыс-аяқ, мал аттары, малдан басқа төрт аяқтылар, құстар, бақа-шаян, құрт-құмырсқа, жер аттары, сан...  -  осының бәріне үйретеді>>.(Қ.Мұхаметханов. <<Сан қырлы саңлақ дарын>>. <<Социалистік Қазақстан>> газеті, 1989 ж. 4 қаңтар). А.Байтұрсынов  -  қазақ әдебиетінде өзіндік орны бар ақын. Өз бетін танытқан қаламгер. Ол Абай үлгісімен өлеңнің аясын, әлеуметтік тынысын кеңейтті. 
         М.Жұмабаев. Ақын өзінің шығармашылығын демократтық әдебиет дәстүрінде жалғастырды. Алғашқы өлеңдері <<Шолпан>>(1912) деген атпен басылды.  Мағжан ғасыр басындағы қазақ халқының отаршылдық пен езгіге қарсы күресіне үн қосты. Халықты оқу-білім іздеуге шақырды.  1922 жылы <<Педагогика>> оқулығын жазған ағартушылардың бірі. Педагогика ғылымын халық педагогикасымен ұштастыра отырып, Мағжан ұлттық тәрбиенің ғылыми негіздерін жасады. Мағжан бала тәрбиесінде қиялдың алатын орны зор екенін дәлелдеп: "Фантазия - өмірдің гүлі, көрікті болуының түпкі діңгегі, фантазиясыз (қиялсыз) адам  -  тұсаулы есек. Фантазия ақылды кеңейтеді" дейді."Бала санасы қиялмен оянады, бала ертегінің бәрі шын деп ұғады, баланың қиялы әсіресе, ойында жарыққа шығады" деп ұстаз бала қиялын ұшқырлайтын қызықты ертегілерді, ойындарды,  ойыншықтарды тәрбие  ісіне пайдаланудың жолдарын көрсетеді. 1920 жылдар ішінде М.Жұмабаев балалар әдебиетін жасауға ерекше көңіл бөлді. Балаларға арнап сындарлы, жүйелі жұмыс істеп, алуан түрлі кітап шығарған. <<Шолпан>> жинағында ақынның <<Балалық шақ>>, <<Қарағым>>, <<Мен сорлы>>(<<Шәкірт зары>>) атты өлеңдері жарияланды. Бұлар Ы.Алтынсариннің <<Кел, балалар, оқылық>> атты өлеңімен орайлас.
       Мәскеуде шыққан <<Жаңа мектеп>> журналына қосымша <<Тегін қосымша>>, <<Балаларға тарту>> жинақтарына Мағжан белсене қатысады. Бұл өлеңдер жасөспірімдердің ұғымына лайық жеңіл тілмен жазылған.  <<Аққала>> өлеңі ойынға құрылған. Балалар ауылдағы омбы қардан аққала соғады. Қардан төрт бұрыш жасап, терезе жасайды, мәре-сәре болады. Беттері бүлдіргендей қызарады. 1924 жылы <<Ақ жол>> газетінде жарияланған <<Әже>> өлеңінде ақын ертегіге елтіген Кенжебай деген баланы суреттейді. Бұл - әжесі мен  немересі арасындағы нәзік, қымбат сезімді мадақтайтын өлең.  Ақынның <<Бөбектің тілегі>> өлеңі балаларды ата кәсіп  -  мал бағуға баулиды. Әр төл үшін мейірлі сөз табады. Өлеңнің әр  жолы өзінен өзі жатталады. <<Ақ жол>> газетінде 1924 жылы жазылған <<Немере мен әжесі>>, <<Қойшы бала мен күшік>> өлеңдерінде мектеп беретін білімді насихаттайды, байдың мейірімсіздігін әжуа етеді.Балаларға да, үлкендерге де бірдей арналған <<Өтірік ертек>> поэма-ертегісі 1926 жылы <<Жаңа мектеп>> журналында  жарияланды. Мысыққа қарсы тышқандар көтерілісі автордың негізгі ойын жеткізу үшін схемалық түрде алынады. Шираз қаласындағы бір тышқан жүзім шарабына тойып алады. Күш біткесін ойндағы құсасын сездіріп қояды. Мысық мешітке барып сәжде киеді. Тышқандармен бітісемін деп алдайды. Тарту-таралғысымен келген тышқандарды қан-жоса етеді. Тамам тышқан мысықты көптігін істеп байлап тастайды. Мысық босап кетеді. Тышқандар өз хандарын да, мысықты да елден аластайды. Осының бәрі Ресейдегі тарихи оқиғалардың елесін береді. Ертегінің соңында автор сол кезең рухында образдың шешімін береді.
                 Бір дегенім  -  білеу ғой,
                    Екі десем  -  егеу ғой,
                   Үш дегенім  -  үскі ғой.
                   Мысық  -  талаушы екені,
                  Ханның  -  қанаушы екені
Ертегі-поэма балалардың жаттауына жеңіл, әрі сан үйретудегі қызметі де бар. 
  М.Дулатов. <<Оян, қазақ!>> өлеңдер жинағы тарих оқулығына ұқсас. Жаттап алуға қолайлы болу үшін өлеңмен жазылған.  Автор сөзін <<ХХ ғасыр жастарына>> арнап отырғанын жасырмайды. Алғашқы екі ұзақ өлең қазақ халқының бүгінгі халін және бұрынғы тарихын әңгімелейді. Жер байлығы кең, емін-еркін өскен халықтың сырттағы жауға мән бере бермейтін бейғамдығын ескертеді. 
  Ақын жастарға өзі білген мәслихатын айтады. <<Насихат ғуммия>> атты өлеңінде адамгершілік, ар-инабатқа жетектейтін көп кеңес береді. Міржақып кеңес-насихатының қоғамдық маңызы әлі де зор. Өйткені оның бәрі халық, ел қамын ойлаудан туған. 
Қазақ поэзиясында алғаш рет мейірбандық, ізгілік тақырыбына арнау жасады. <<Аяңыздар жетімді>> өлеңі оқушы көңіліне бауырмалдық сезім егеді. <<Шешенің балаларын сүюі>>  өлеңінің балалар үшін тәрбиелік қызметі үлкен. М.Дулатов <<Газет-журнал>> өлеңі газет-журнал маңызын түсіндіреді. Олардың жазылу бағасын да айтады. Керенауларға <<Дүниені жүріп көрмей, естіп білмей, Жатасың ішің пыспай үйде неғып?>> деп реніш білдіреді. <<Хибстағы ұрының мінажаты>> өлеңінде өз кәсібінен көрген қорлығын жіпке тізе келе ұры тәубесіне келеді.      
1922 жылы "Есеп құралы", 1924 жылы "Қирағат" атты оқу құралдарын шығарып, оқу пәндерінің ұлттық ауқымда болып қалыптасуына ерекше көңіл бөлді. Ойшыл педагог драмалық шығармалардың тәрбиелік әсерін жоғары бағалап, сахналық қойлымдардың әсерлендіру қуаты зор екенін ескеріп, 1922 жылы "Балқия" атты төрт перделі пьеса жазды. Өзінің шығармалары арқыл қазақ жастарын оқып білім алуға, ағарту ісін дамытуға шақырып, тәрбие ісінде діни оқу мен тәрбиені қатар қойды. "Өнермен хасыл болған нәрселер" деген өлеңінде ол өркениеттік жолмен озып кеткен елдердің мәнді де сәнді өміріне жас ұрпақты қызықтыра суреттейді.
 Жазушы "Бөрік", "Нұрмаш пен Дүйсен", "Оқымысты бала", "Күлмеңіздер кәріге"т.б. балаларға арналған әңгімелерінде балдырғандарды еңбекке, әдептілікке, қайырымдылыққа, мейірімділікке тәрбиелейді. Білім алу әрбір адамның қасиетті міндеті деп көрсетеді. Қазақ балалар әдебиетінің прозалық жанрына бір бұлақ болып қосылған бұл әңгімелер ұлы ойшылдың балалар әдебиетіне ерекше көңіл аударғандығын көрсетеді. 
        Ж.Аймауытов. Ж.Аймауытов қоғам қайраткері ретінде халық ағарту жүйесінде қызмет істей жүріп, жас ұрпақты өнерге, білімге, ғылымға баулуда да көп еңбек сіңірді. <<Тәрбиеге жетекші>>(1924), <<Психология>>(1926), <<Жан жүйесі және өнер таңдау>>(1926) кітаптары жарық көреді.  Жазушының балаларға арнап жазған <<Жаман тымақ>>, <<Шал мен кемпір>>, <<Көк өгіз>>, <<Үш қыз>> атты суретті кітапша ертегілері бар. <<Кейде негізгі тақырып басқа болса да, білімді мен білімсізді салыстыра көрсету дәстүрі басым болды>> дей келіп, Ө.Әбдиманұлы басты тақырыпқа авторлар сауаттылықты қарсы қою идеясын өзек еткендігі жайында айтады [3;89]. Дәл осындай жағдай Ж.Аймауытов <<Қыс>> өлеңінен байқалады. Өлеңнің басты тақырыбы қыс болғанымен, идеясы оқуға шақыру болып табылады. Автор қыс келбетін ел тірлігімен байланыстыра суреттейді. Бұл байланыс, әсіресе, өлеңнің құылымдық жүйесінен анық байқалады. Өлең кіріспе, негізгі екі бөлім, қорытынды бөліктен тұрғандай әсер береді. 
                      Жалп-жалп, жалп-жалп жауды қар,
                   Тон киіндік, тоңды мал.
Кіріспе негізгі бөлімде не жайында айтылатындығына оқырманды дайындау мақсатын көздейтін сияқты. Қар жауды, демек, қыс түсті. Түскен қыс өзімен суығын бірге ала келді. Адамдардың жылы киінуі, малдың тоңуы қыс ызғарына байланысты болып отыр. Өлеңнің  бірінші бөлімінде алғашқы жолдағы ой жалғаса түскен, яғни, қыс мінезі тағы көрінеді:
 Бұрқ-бұрқ, бұрқ-бұрқ боран бар,
 Боран жоқта тұман бар. 
 Қызыл шұнақ қызыл бар.
 Суда айна тас мүсін бар.	
 Қылаулатқан қырау бар.
Екінші бөлімде екінші жолдағы харакетке ұқсас тірлік молынан баяндалады:
                                             Боғы қатқан бұзау бар.
                                             Үйіп алған отын бар.
                                             Қалтыраған қатын бар.
                                             Бүрсеңдеген лақ бар.
                                             Сүмеңдеген қонақ бар.
                                             Қыздар қылған шұжық бар.
                                             Қонақ айтар қызық бар.
Соңғы бөлім негізгі бөлімдерде айтылған ойдың түйіні іспеттес қабылданады.
                       Ай, балалар, балалар!
                       Күнде оқуға жүрелік,
                      Үйренелік, білелік!
Қыс ызғарына қарамай, күнделікті атқарылатын шаруаларға  қарайламай оқуға бару керектігі жайындағы ой айтылады. 7 буынды өлшем балаларға арнау түрінде жазылған бұл өлеңге ойнақылық сипат дарытқан. Жауған қар мен соққан боранның еліктеуіш сөздермен бейнеленуі де белгілі дәрежеде өлең ойнақылығын арттыра түскен. 
                       Жапалақ, жапалақ қар жауар,
                       Жамбасыңа мұз тоңар.
                       Лақ, тоқты қашады,
                       Қойшы талқан асады.
-деп келетін халық өлеңінің авторлық өлеңге ықпалы айқын.
        <<Жаман  тымақ>> поэмасы(1929). Ж.Аймауытовтың поэмасы М.Жұмабаевтң  <<Жүсіп  хан>>,  <<Өтірік  ертек>> поэмаларына  қарағанда  шағын көлемді.  Мағжан    поэмаларындағыдай ұзын-сонар  кіріспе  жоқ.  Балаларды  шығарма оқиғасына дайындау  ыңғайы  да  байқалмайды. Кейіпкер  сипаттамасы  да  көп берілмейді. Жеті,  сегіз буын  аралас  жыр  өлшемімен  жазылған. 
Жаман  тымақты  кедейдің  жалғыз   сиырын  ауылнай алып  қояды.  <<Сорлы кедей  қалбаңдап,  жаман  тымақ  жалбаңдап>>  ақсақалға  барады,  одан қайыр болмаған  соң  болысқа  келеді,  болыс  ұрса жөнелген соң молдаға  жолығады.
                    Кітап  ұстап  молдасы
                    Қазандай  боп сәлдесі
                   Ол  да  отырды  кедейге:
               <<Бер  деп  айтса,  бересің!>>
Байдан несиеге  он сом  сұрайды.  <<Ортан  қолдай бес  бұзау  жыл шығарып  бересің?>>  деген  соң  начальникке  жолықпақ  болып кеңсеге келеді.
                   Кеңседе  төре  тұр еді.
                    <<Тымақшаңды>>  көреді.
                <<Малақай!>>  -  деп бақ етті,
                  Тымақ бастан  топ  етті.
Мне,  осыдан бастап жаман тымақ хикаясы басталады.  Көп  қағаздың  арасында жатқан тымақты  бір күні  тілмаш  тысқа  лақтырады. Көшеде  жүрген  бір  ақ  ит  тістеп  алып  кетеді  де,  ат қора  түбіне  тастайды.  
                     Өткен  түні  қорадан
                   Ат  жоғалған  түн  екен.
                         Қазақ-орыс  иесі
                    Атын  іздеп  жүр  екен.
                   Тымақ  тапты,  кенелді,
                    Кеңсеге алып жөнелді.
                    Жаман  тымақ бүрісіп,
                      Құлақтары құрысып,
                Шәрке,  телпек  серік  боп,
                 Жатты шкафта құнысып(397).
Арада   айлар,  жыл  өтеді.  Шкаф  ашылып, тымақ та,  телпек те,  шәрке  де бостандыққа  шығады. Билік  өзгерген.  Өзін тысқа  лақтырған тілмаш  та,  шкафқа   тастаған  қазақ-орыс та  қуғынға  түскен.  Бұл өзгеріске  жаман  тымақ  әжептәуір  желпінеді.  Бір  қазаққа   селбесіп еліне  қайтады. <<Жаман  тымақ  қаладан  келіпті>>  деген  хабар жедел  тарайды.  Тымақ  біткен  жиылып  қалады.  Түлкі  тымақ, сәлде,  күрең  тымақ,  көнетоздау көк  тымақ, боқша  асынған   сұр тымақ  бірі  қонаққа  шақырып, екіншілері   бата  бермек болып жік-жапар  болады.  Жаман  тымақ иесін табады.
Поэмада  елдегі  өзгерістер  ғана емес,  ел  мінезі  де  жақсы  көрінген.  

Негізгі әдебиет
* Ахметов Ш. Қазақ балалар әдебиеті тарихының очеркі. А., 1965
* Б.Кенжебаев. ХХ ғасыр басындағы әдебиет. А.Білім. 1993.
* 20 ѓасыр басындаѓы ќазаќ єдебиеті.  - А.,1994.
* Қирабаев С. Кеңес дәуіріндегі қазақ әдебиеті. А. Білім. 1998.
* Нұрғали Р. Қазақ әдебиетінің алтын ғасыры. Астана. 2002.
* 3.ХХ ғасырдағы қазақ әдебиеті. А. Мектеп. 1983.

Қосымша әдебиеттер
*  Кенжебаев Б. Ќазаќ єдебиеті тарихыныњ мєселелері  - А,. 1973
*  Сәтбаева Ш.Қ. Шәкәрім Құдайбердиев.А. 1990.
* Қирабаев С. Жүсіпбек Аймауытов. А. 1990.
* Шәкәрім. Шығармалары. А. Жазушы. 1988.
* С.Торайғыров. Сарыарқаның жаңбыры. А.Жазушы. 1987.
* Байтұрсынов. Ақ жол. А. Жалын. 1991.
* Байтұрсынов А. Жан сөзімді кім түсінер? Алматы. 1994.

11-ДӘРІС
         1920-30 жылдардағы балалар әдебиеті
* 20-30 жылдардағы  балалар әдебиеті(С.Сейфуллин, Б.Майлин)
* І.Жансүгіров
* М.Әуезов
1. 20-30-жылдардағы қазақ балалар әдебиетінің даму ерекшеліктері жөнінде. І.Жансүгіров, С.Сейфуллин, Б.Майлиннің жаңа заманды суреттейтін,  жаңа қоғамды құрушы жастарды, төңкеріс ерлерін бейнелейтін шығармалары  бұл күндері 20-30 жылдардағы қазақ кеңес балалар әдебиетінің даму өзгешелігін, саяси-әлеуметтік нысанасы мен идеялық-көркемдік деңгейін танытатын кезеңдік шығармалар болып қалғанымен, ауыз әдебиеті дәстүрі мен үлгісінде жазылған бір бөлегінің бүгінгі балалар   әдебиеті талабына жауап беретін сипаттары да бар.  
       Кеңес жазушыларының 1934 жылы өткен І съезіне Қазақстаннан Сейфуллин, І.Жансүгіров, Б.Майлин қатысты. Горький кеңес әдебиеті дамуының алдағы перспективасы жайындағы баяндамасында көркемсөз шеберлерімен қоса ғалымдар мен педагогтарды да балалар үшін көркем әдебиет жазуға шақырды. С.Маршактың баяндамасы кеңес балалар әдебиетінің жай-күйі мен алдағы міндеттеріне арналды. Съезд балаларға арналған кітаптарды көптеп шығарудың бағдарламасын жасауды міндеттейтін қаулы қабылдады. Сонымен жаңа қоғам жаңа балалар әдебиетін керек қылды. Социалистік құрылысты көрсететін әдебиет қажет болды. Жаңа балалар әдебиетінің алдында коммунистік идеологияны насихаттау міндеті тұрды. Бірақ міндет айқын бола тұра, жеткіншектер әдебиетіне бұрынғыша бейіл сақтала тұра(съезд делегаттарының елге оралысымен өз қаламдастарын балалар әдебиетін жасауға шақыра тұра) съезден кейінгі кезеңдерде қазақ балалар әдебиетіне олжа салатын көркем дүние туа қойған жоқ. 
        Бұның себептері мыналар: Біріншіден, балаларға арнап шығарма жазудың қиындығын мойындау жаңа қадамға тұсау салды деуге негіз бар. <<Біз  енді  кустарлықтан  шығып,  не  жазсақ та терең алып, тепшілеп, зерттеп, мәстірлеп жазып, дәуіріміздің керегіне жарайтын маңызды шығармалар беруіміз керек>> - деген болатын[6,17] І.Жансүгіров Қазақстан жазушыларының І съезінде жасаған баяндамасында. Ал тепшілеп, зерттеп, мәстірлеп жазуды қажет ететін, әсіресе, балалар психологиясын алабөтен зерттеп барып <<мәстірлеп>> жазуға кірісуді тілейтін әдебиет  -  балалар әдебиеті. Және қазақ балалар әдебиетінің бұған дейінгі қалыптасқан дәстүрін заман талабына қарай икемдеу <<социализмді жырлаудың әлемдік тәжірибесінің жоқтығынан>>[3,55]  оңайға түспеді. Екіншіден, бұрынғы жазған шығармаларға көңіл толмаушылық.  Науқаншылдықтың өріс алуы, бала табиғатына ене алмаушылық, мінезсіз баяндауға бой алдыру, идеяны жалаң танытуға тырысушылық, диалогтардың нәрсіздігі,  формалық ізденістердің  мардымсыздығы - осының бәрі белгілі бір дәрежеде балалар әдебиеті дамуын тежеді. Үшіншіден, қаламгерлер өздерінің еркін жүзетін айдынына бет қойды.  Бейімбет проза, публицистикаға ойысты да, ауыл өмірін, өндіріс саласын  тереңірек зерттеуге кірісті. С.Сейфуллин де, І.Жансүгіров те талант тізгінін үлкен жанрларда ағытты. Дегенмен үлкендер әдебиетін өрістетуге ыңғай білдірген қаламгерлердің жүрек түкпірінде кішкентайлар әдебиетіне ерте ме, кеш пе бір соғармын деген ойдың болуы да ғажап емес. Бұған қыршын кеткен асыл ағалардың өмірі жетпегенін айтып жатудың өзі артық шығар. Сонымен 20-30 жылдар қазақ балалар әдебиеті кеңестендіру науқаны мен қолдан күштеу жолымен жасалған социализмнің алғашқы баспалдағындағы  үстем болған танымдық көзқарас нәтижесінде дамыды да, көркемөнер тарихынан өзіне лайық орын алды.  
С.Сейфуллин.  Аға  буынға тән әмбебаптықтың, қайталанбас өнімділіктің сыры неде? Осы сұраққа Ә.Тәжібаев былай деп жауап береді: <<Бізге бәрін істеу керек , - дейтін Сәкен. Бұған Бейімбет, Сәбит, Ілиястар жақсы түсінетін. Олар да бәрін істейтін. Қазақстанға театр керек. Пьеса қайда? Сәкен мен Бейімбет отыра қалып, өлеңнен драмаға ауысады. Өйткені пьесасыз театр жоқ. Ілияс үлкен ақын, жақсы фельетоншы, өзіне салсаң өлеңді ғана қуар еді. Бірақ амал жоқ, журналист Ілиясқа жұрттың басқа қажетін де өтемеске мүмкін емес... Бейімбет <<Мырқымбаймен>> бірге ұзақ әңгімелерді де қоса бітіреді, атақты повесті тастай беріп, өлеңмен отыруға мүмкін емес. Онда <<Шұғаның белгісін>> кім жазбақ?>> Роман жазу үшін Мұхтар қаршадайынан қазақ әдебиетінің ғылымына да айналады: үйде отырып әдебиет тарихын зерттейді, институтқа барып сабақ береді. Өйткені <<бәрін істеу керек>>.(Ә.Тәжібаев. 5 томд.шығ. 4-том. А.1981. 9-10б.). 
Аға буынның әмбебаптығының, тындырымдылығының сыры міне осында. Ал бұған қуатты қайдан алған ағалар? Аға буын сарқылмастай мол қуатты  қос ғасыр тоғысында жасақталып, жиырмасыншы ғасыр көгінде жарық дүниеге келген жаңа қоғамнан алған. Жаңа қоғам жас ойшылдарды тез ержеткізіп, <<қайыспас қатепті қара нар>> көтерер ерекше жүк арқалатқан оларға. Сондай уақыт арқалатқан ауыр жүкті қайыспай көтерген қаламгер  -  С.Сейфуллин. 
20-жылдары қазақ ауылында таптық күрестің шиеленіскен жағдайында әдебиет пен өнер өкілдерінің арасында белгілі дәрежеде толқушылық байқалса, 30- жылдары олардың барлығы дерлік партия саясатын қолдап шықты. Пролетариат жазушыларының ассоциациялары керексіз бола бастады. ҚазАПП  сыны қазақтың көрнекті жазушыларының өткендегі қателіктерін қазбалаумен болды. Партия көркем әдебиетті басқару саласында түбірлі өзгерістер жасауды қолға алды. БКП(б) Орталық Комитетінің <<Көркем әдебиет ұйымдарын қайта құру туралы>> 1932 жылғы 23 сәуірдегі қаулысы қабылданды.  1934 жылдың тамыз айында КСРО жазушыларының бірінші съезі шақырылды. Съезді М.Горький ашып жүргізді. Онда қазақ жазушыларынан І.Жансүгіров пен С.Сейфуллин сөз сөйледі.  Съезд күндерінде кеңес әдебиетінің идеялық бағыты мен даму беталысын айқындайтын шаралар жүргізілді. Әдебиет түгелдей партияның ықпалына көшті. Кеңес әдебиетінің творчестволық әдісі ретінде социалистік реализм белгіленді. Ендігі жерде Кеңес Одағын мекендейтін барлық халықтардың әдебиеті мен өнері осы режимнің шеңберінде  ғана қызмет ететін болды. 
С.Сейфуллиннің <<Маузер>>, <<Бандыны қуған Хамит>>, <<Балалар>>, <<Келіншектің бесік жыры>>, <<Ананың хаты>>, <<Анаға жауап>>, <<Пионерлер>>, <<Біз комсомол>>, <<Совпарттағы қарындасыма>>  шығармалары кеңес кезеңінде  балалар  оқуына ұсынылды. Аталған шығармалар кеңес дәуіріндегі балалар әдебиетіне жаңа тақырып, жаңа мазмұн енгізді. Социалистік құрылыс идеясымен жандандырды. Революцияшыл, солшыл бағыттың топ бастаушысы С.Сейфуллин азаттық үшін күрестің от-жалынын кешкен болатын. Омбыда оқып, білім алды. Ондағы орыс революционерлерімен қарым-қатынас жасаған.  1917 жылы Ақмолада Кеңес үкіметін орнатуға қатысқан. 1918 жылғы көтеріліс кезінде ақ гвардияшыл атаман Анненковтың қолында, Колчактың Омбыдағы концлагерінде азап көрген. 1919 жылы қашып шығып, Оңтүстік Қазақстанға өткен. Орынборда Қазақ республикасының басшы қызметтерінде болған. Сол себепті де С.Сейфуллин ұлттық әдебиетте тұңғыш рет азаттық сүйгіш,  күрескер қаһарманның бейнесін жасады. 
Төңкеріс кезіндегі және кеңес өкіметі енді орнаған  тұстағы оқиғаларды <<Маузер>>, <<Бандыны қуған Хамит>> шығармалары арқылы суреттеді.<<Маузер>> өлеңі Сәкеннің революциялық көзқарасын танытатын шығарма  болғандықтан уақытында өз  бағасын алды. Балалар тәрбиесіне де оң әсерін тигізді. Өлеңде Отаны, елі, өз халқының азаттығы үшін қан майданда ауыр жараланған азамат өзінің ақтық сөзін анасына, жас жарына, баласына, майдандас достарына арнайды. Оның Отанға деген сүйіспеншілігі, қайсарлығы, жауға қаталдығы суреттеледі.  Жас ұрпақтың алдына үлкен мақсат қояды, оларға сенім мен жауапкершілік арта сөйлейді. 
 Жаңа құрылыстың алғашқы даму кезеңдерін әңгіме ететін <<Бандыны қуған Хамит>> әңгімесі өкіметке қарсы іріткі салу саясатын жүргізген бандылардың саясатын әшкерелеуге арналған. Композициялық құрылысында ерекшелік бар. Оқиға желісі бірден басталып кетпейді. Автор алдымен айналамен, оқиға болатын жермен, шығармада суреттелетін кісілермен таныстырады. Банды бастығы мен оның ізіне түскен Хамиттің жүріс-тұріс, мінез, сырт тұлға  ерекшеліктері салыстырыла суреттелгендей әсер береді. Хамит портретін суреттеу арқылы еңбекте, істе төселген азаматтың  кейпі балаларға үлгі боларлық қалыпта суреттеледі. Әңгімеде күз айларының сұлулығына ерекше көңіл бөлінеді. Табиғаттың әсем көріністері әңгіменің арқауы болып отырған оқиғаларға байланысты алынған. Пейзаждық көріністер негізгі кейіпкерлердің мінезі мен типтік бейнесін әр жақты аша түсуге қызмет еткен. Әңгіме композициясының шебер құрылуы  осы жағынан көрінеді. Оқиға өзінің шарықтау шегіне жеткенге дейін кейіпкердің сырт тұлға, мінез өзгешеліктерімен де,  пейзаждық көрінісімен де оқушысын әр алуан ойға түсіреді, қызықтырып, еліктіреді.  Сәкен түрлі бейнелі сөздерді, эпитеттерді, теңеулерді, метафораларды кеңінен пайдаланады.  Аталған шығарма осы аталған ерекшеліктерімен де және тарихи жағдайлар, яғни  өмірде болған  оқиғалар  жайында хабардар ету  қасиетімен де бүгінгі уақыт кезеңінде құндылығын жоймақ емес.
Сәкеннің балаларға арналған  өз кезіндегі өлеңдері баланың көз алдына болашақтың жарқын бейнесін, еркін өмір сәулесін елестті. <<Балалар>>, <<Келіншектің бесік жыры>>, <<Ананың хаты>>, <<Анаға жауап>>, <<Пионерлер>>, <<Біз комсомол>>, <<Совпарттағы қарындасыма>> өлеңдері осы тұрғыда жазылған. Алға қойған ізгі мақсаттар мен арманға жетуді көздеу керектігін жас жеткіншектердің есіне салып отырды. Жас ұрпаққа өнер-білімнің пайдалы жақтарын айтты.  Аталған өлеңдері <<болашақ тұтқасы  -  жас ұрпақ>> деген ойды білдірді.
 Б.Майлин. Қостанай облысының Таран ауданында туылған.  <<Б.Майлиннің тағы бір тамаша қыры  -  балалар қаламгері екендігі. Рас, Б.Майлиннің поэзиясы мен прозасы да, драмасы мен сатирасы да бір есептен, балалар еншісі. Өйткені олардың қай-қайсысы да жеткіншектерге түсінікті, жасөспірім қауымға өмір шындығын танытады, оларға өмір сабағын, тіршілік тәлімін дарытады, оларды көркем сөз сұлулығымен сусындатады. Алайда орталау және жоғары кластар оқушыларының рухани азығыга <<Азамат Азаматыч>> пен <<Майдан>>, <<Шұғаның белгісі>> мен Дайрабайдың көк сиыры>>, <<Кедейге>> мен <<Жаңартты қазір жырды ауыл>> жарай бергенмен, бұлар төменгі класс шәкірттеріне, әсіресе балдырғандарға аса ұтымды емес. Егер бүгінгі азамат кешегі баладан өссе, <<Раушан - коммунист>> пен <<Құлагерлер>> бесік жырынан бастау алған жоқ па?>> Демек, балалардың қамын ойлау - өсер елдің өрісті ғұрпы, балаларға арнап тікелей шығарма жазу үлкен қаламгерлердің тамаша дәстүрі. Лев Толстойдың <<Әліппе>> жасауында, <<Азапты сапарда>> эпопеясыныңу авторы А.Толстойдың <<Алтын кілтті>> жазуында, кеңес әдебиетінің көшбастары М.Горькийдің кеңес балалар әдебиетіне зор күш-жігер жұмсауында осындай мән жатыр. Сүйсінерлігі  -  осындай дәстүрге болашақ қамын күнілгері ойлаған қазақ кеңес әдебиетінің алыптары да ден қойыпты. Мұның мысалы  -  С.Сейфуллиннің де, І.Жансүгіровтің де, Б.Майлиннің де балаларға арнайы шығармалар жазуы(Б.Сарбалаев. Бейімбет Майлин.А. Мектеп. 1988. <<Балалар қаламгері>>53б.). 
       Б.Майлиннің балаларға бағышталған шығармалары  баршылық. Сондықтан да оны балалар қаламгері деп таныған да орынды. <<Өтірікке бәйге>>, <<Кемпірдің ертегісі>> секілді поэмаларын айтпағанда, Б.Майлиннің 1915 жылы жазған <<Жазғы қалып>>, <<Жазғы кеш>>, <<Бұлтты күн>> секілді өлеңдерінің өзі балаларға лайық. Рас, бұл кездерде Бейімбет саналы түрде балаларға арнап жазған жоқ. Алайда ақын жүректің тілегі мен балалар мұқтажы сәйкес келіп, өз-өзінен балалар өлеңдері туған еді. Бірақ 1921 жылдан кейін Бейімбет асыл мұрат, азаматтық кәмелеттік танытып, балаларға арнайы өлең жаза бастапты. Мұның бірі көрінісі  -  <<Жаз келді>> атты өлең. <<Күн жылынып, қар да еріпдірілдеп, Сай-сайлардан сулар ағып, күрілдеп...>>. 
       Осылайша балаларға тікелей өлең арнай бастаған Бейімбет 1922 жылы <<Өтірікке бәйге>> атты ертегі-дастанын жазды. Бұл енді қазақ балалар әдебиетінің асыл қорына қосылатын шығарма(54б.). Дастанды ұстап тұрған арқау  -  асып-тасқан ханның ерігіп, өтірікке бәйге жариялауы. Сонымен хан <<Уәзірлерін жиып алып, жұртқа бұйрық таратқан...>>. Мұны естіп білген жұрт қарап қала ма, істеп жатқан кәсіптерін жиып қойып, хан ауылына жиналады. Алтын алмақ, оп-оңай байып қалмақ. Содан олар хан алдында өтірік айтып жарысады. Таласқа түседі. Бірінен бірі асады. Бірақ хан <<Бәрі рас, нанамын>> деп, таудай талаптарын тұжыра береді. Сөйтіп барша өтірікшінің беті қайтып қалады. Сонда халық жеңіліп. Хан жеңіп кетпек пе? Жоқ. Үсті дал-дұл бір таз бала ханның алдына келеді. <<Өтірігі өте жойқын, жас бала да нанғысыз. Алтын қимай <<Рас>> - дейді, Ұяты жоқ хан арсыз>>. Содан бала тағы бір өтірігін  -  соңғы өтірігін айтады(55б.). Ерні жалақ, жалаң аяқ, Қисық таяқ қолында. Ақсай басып, асып-сасып, Бұқаның жүр соңында... Тақсыр ханым! Білесіз бе, Сол жаман шал кім еді? <<Жоқ, білмеймін, ал айта ғой!>> Басқа ешнәрсе демеді>>.  Таз бала <<Бұл шал сіздің әкеңіз еді, рас па осыным?>> - дейді. Хан шошынып, жеркенгендіктен еріксіз <<өтірік>> деп салады. Сөйтіп бала ханды жеңіп, бәйгені алады(56б.).   
       Бейімбеттің балаларға арналған екінші бір дастаны <<Кемпірдің ертегісі>> аталғанмен, ертегі емес. 1916 жылдың азаттық оқиғасынан бір көріністі алға тартады. Бірақ бұл оқиғаны тартымды жеткізу үшін Бейімбет бала Асылбекке әжесінің аузынан ертегі етіп айтқызады.  Бала кейіпкер Асылбектің сөздері дастанға енгізер есік, кіріспе тәрізді. Содан әжесі Асылбекке әкесі, өзінің ұлы Қайранбайдың июнь жарлығына байланысты ел наразылығы қау еткен көтеріліс кезінде халықтың жауы, өзін он жыл қанаған болыстың басын алған батырлығын ертегі етіп шертеді.  Шынында да Қайранбайлардың ерлігі ертегідей емес пе. Бейімбеттің поэзиядан басқа жанрларда  тікелей балаларға, балдырғандарға арналған шығармалары көп емес. Бірақ, қаламгердің осы азғана асыл мұрасының өзінде кейінгі қазақ жазушыларынан үлкен үлгі, тартылған жол бар еді. Алыптар тобының атсалысуымен қаз тұрып, бой тіктеп алған қазақ кеңес әдебиеті содан кейін-ақ кең өріске шыққан болатын>>(Б.Сарбалаев. Балалар қаламгері. 57б.). 
       Сонымен,  көркем сөздің шебері Б.Майлин балалар әдебиетіне  мол үлес қосты. Жазушының <<Байшұбар>>(1923), <<Тәй, тәй, қақ, қаз>>(1923), <<Әлди  -  ана жыры>>(1923), <<Қағынғыр  -  ананың ашуы>>(1926), <<Қос жетім>>(1933), <<Кемпірдің ертегісі>>(1927), <<Өтірікке бәйге>>(1922) деген өлеңдері мен әңгімелері балалар әдебиетінен елеулі орын алады.  Бейімбет ең алдымен балаларға 1916 жылғы ұлт бостандық қозғалысы жөнінде әңгіме айтуды өзіне міндет етіп қояды. Поэма балалардың ерлік істерге деген құлшынысын оятады, отанға деген сүйіспеншілігін арттырып,  патриоттық рухын шыңдай түседі. Балалар үшін саяси тақырыпта жазылған шығармалардың тәрбиелік күші осында.   
    Бейімбеттің <<Тәй, тәй, қаз, қаз>>(1923), <<Әлди  -  ана жыры>>(1923) деген өлеңдерінде ана қамқорлығы мен бала тәрбиесі арасындағы типтік жайттар суреттеледі. Балалардың ой-қиялын шарықтатып, эстетикалық сезімдерін ұштай түсетін шығармалардың бірі  -  ауыз әдебиеті үлгілері болса, Б.Майлин де сол бай үлгі дәстүрін  батыл жалғастырады. Тәй, тәй, тәй!.. Қаз, қаз, қаз!..Қарағым, апыл-тапыл басқанға мәз,Қосылып балалармен ойнауына,Жарқырап көкорайлы келді ғой жаз.дейді  және келесі шумағында оның болашағынан үлкен үміт күтеді. Ана тілегі баланы алға қарай талпынтады. Өлеңі арқылы жөргектегі балаға жылы сөздің мейлінше қажет екендігін құптайды,  балаларға арналған халық өлеңіндегі ойды дәлелдей түседі. 
       <<Байшұбар>>(1923), <<Өтірікке бәйге>>(1922) шығармаларында адамның ақыл-парасаты, тапқырлығы, ерлік мәселелері әңгіме болады. Байшұбар>> өлеңінде  ат екен деп жолбарыс үстіне мінген ұры өзінің амал-айласымен жолбарыстан да, маймылдан да оп-оңай құтылып кетеді. Балалар ықыласын өзіне баурап алатын өлең сюжетіндегі осындай драмалық тартыстар жасөспірімдерді үлкен ойға қалдырады, өздерінің көзқарасын, пікірін білдіруге және белгілі бір қорытындыға келуге үйретеді. Оқиға желісі шапшаң өріс алады. Тыңдаушысын бірден еліктіріп әкетеді. Өлең мазмұны әрі күлкілі. Екі қарақшы бірінен-бірі шошынады. Құдай-ау, атсыз жаяу өтсем дағы, Өмірге қайыр сұрап кетсем дағы, Не қылажолбарысқа кездестірдің, Мал бер деп аз-кем тілек етсем дағы.деп зар илейді ұры. Адал еңбекпен күн көрмеудің арты неге соқтырғанын түсінеді. Жолбарыс та ұрыдан қалай құтыларын білмей арпалысады. Мал үшін керуенге бардым қайдан, Шықпастан жатсам еді терең сайдан. Түспейді туласам да, талды белім,Тілеп пе ем бұл пәлені мен құдайдан? деп жолбарыс жанұшырады.  Жазушы осы оқиғаға шешім шығаруды балалардың үлесіне қалдырады.
2. І.Жансүгіров. Қапал уезі, Ақсу болысының Қарағаш ауданында(қазіргі Талдықорғн облысы, Ақсу ауданы, Қызыл таң кеңшары) өмірге келген.  І.Жансүгіров күш-жігерін балалар фольклорын жинауға да жұмсады.  Ауыз әдебиеті үлгілерін жинақтап, оларды салыстыра сұрыптап, таңдаулыларын сала-салаға бөлді. <<Балалар әдебиеті - әлі де жасалмаған әдебиет. Сондықтан менің бар ойым осы әдебиеттің жасалуына көмектесу еді. Бұл туралы <<Балаларға тарту>>, <<Балаларға базарлық>>, <<Малта>>, <<Жұмбақтар>> деген біраз еңбектер жаздым>> деп жазды ақын. <<Өтірік>> жинағы негізінен балаларға ыңғайланып дайындалды. <<Ел өтірігі  -  үлкендерден гөрі балалардікі, балалар әдебиетіне жатады. Себебі, бізде балалар әдебиеті әлі жасалмай, жадағай жатыр, балалар жанына жағымды жаңа кітаптар жоққа тән. Жасалғанда да табан тасы, табалдырығы ауыз әдебиетінің үлгісінен өсуі тиіс. Осы оймен бұл кітапша балаларға бейім жазылды>> - дейді автор.
       І.Жансүгіровтың <<Жұмбақтар>> деп аталатын келесі еңбегі  1930 жылы Қызылорда қаласында <<Балалар кітабы>> сериясымен жарияланды. Ақын жұмбақтардың бала ойын дамытудағы қызметін жақсы түсінген. Жинаққа 67 жұмбақ енген. <<Үй саймандары>>, <<Жаратылыс құбылыстары>>, <<Құрал-сайман>> деген үш бөлімнен тұрады.  
         І.Жансүгіровтың жас жеткіншектерге, бөбектерге арналған өлеңдері де бар. Ақын өлеңдері ойнақылығымен, көркемдігімен бала жүрегіне жақын. <<Бөбек бөлеу>> өлеңінің ойы терең, өрнегі өзгеше. Анасы өз бөбегін халық ұғымындағы ең жақсы нәрселердің бәріне теңейді. Ананың сәбиіне деген ыстық сезімі, елжіреген жүрегі, шексіз махаббаты байқалады. Ақын ауыз әдебиетіндегі классикалық дәстүрді ары қарай дамытады.  <<Бөгелмей білім біл, бөбек, елге есті ер керек>> деп өз заманының бөбектеріне тіл қатады.
        Ақын <<Жазғытұрым>>, <<Жазғы шілде>>, <<Күз>>, <<Қыс>> өлеңдерінде жылдың төрт мезгілін өзінше жырлайды. <<Ой, балалар, балалар!>> деп тікелей арнауға құрылып, ойнақы айтылады. Бала көңілін жылдың әр мезгілінің өзіндік сипаттарына аударады.
 Ой, балалар, балалар! 
Жылы-жылы жел соқты,
Қаңқыл-қаңқыл қаз кепті,
Жер қарайды  -  жаз кепті
 - деп жырлайды. Табиғат құбылысын жылдың әр мезгіліндегі ел тіршілігімен байланыстыра береді. Бала назарын нақты өмір суреттеріне аударады. Өлеңдерінде ақын балаларды әр мезгілдің талабына сай еңбекке шақырады. <<Жазғытұрым>> атты өлеңінде  жазғытұрым<<ойналық та күлелік, қос басына мінелік>> десе, шілдеде <<ойналық та күлелік, үйретіп тай мінелік>>, күзде <<ойналық та күлелік, енді оқуға кірелік>> дегенді айтады. 
     Еңбек тақырыбы 1929 жылы Ташкентте, Алматыда басылып шыққан <<Малта>>, <<Шәркей>> деген суретті кітапшаларынан да көрінеді. Ілияс бүлдіршіндердің психологиялық ерекшеліктеріне сай материалдарды дәл таба білген. Малта да, шәркей де еңбек жемісі екенін  білдіреді. Малтаның да, шәркейдің де өзінен-өзі бірден жасала қоймайтынын айтады. Екі шығармада да бала өзі байқаған әрбір құбылыстың мән-жайын түсінгісі келеді, оның себептерін ұғып алуға тырысады. Ұйқасымы жеңіл, ырғағы жақсы <<Малта>> өлеңінің жатталуы оңай. Бүлдіршін бала өлеңдегі <<өре>>, <<саба>>, <<піскек>>, <<шүйке>>, <<шуда>> тәрізді қолданудан шығып бара жатқан сөздердің мән-мағынасымен танысады. <<Шәркей>> әңгімесінде бүлдіршін еңбек процесіне тікелей араласады. Жұмыстың тезірек бітуіне ынталанады. <<Әңгіме қалай тартымды басталса, солай қызықты аяқталған. Жазушы баланы балаша сезіндіріп, балаша ойландыра білген. Сөзінде де, мінезі мен ісінде де жасандылық жоқ>> - дейді әңгіме турасында С.Сейітов.(С.Сейітов. <<Қазақ тілі мен әдебиеті>> журналы. №1, 1958 ж. 39-бет). 
       І.Жансүгіров балаларға арнап пьеса да жазған. Қазақ балалар әдебиетіне пьеса жанрын ең  бірінші болып енгізген еді. 1934 жылы жазылған <<Мектеп>> пьесасы балаларды оқуға, білімге, мектепке шақыру идеясына құрылған. Пьеса 1930-жылдардағы халықты сауаттандыру мәселесін көтеріп, жас жеткіншекке оқудың пайдасын түсіндіреді. І.Жансүгіровтың балаларға арналған шығармалары қазақ балалар әдебиетін тек тақырып, мазмұн, идея жағынан ғана байытып қойған жоқ, сонымен қатар жанр, түр және стиль жағынан да байытты. Балалардың тілін ұстартып, дүниетанымын кеңейтумен қатар оларды жалпы адамгершілік рухта тәрбиелеуде шығармаларының ерекше маңызы бар. 
4. М.Әуезов. Мұхтар Әуезовтің балалар әдебиетінде де өзіндік орны бар. Осы орайда алдымен суреткердің балалар әдебиеті ерекшелігі хақында пікір айтқанын атап айту керек. Мәселен, <<Ертегілер>> еңбегінде халықтық шығармалардың қайсысы балалар әдебиетіне жақын екендігін айқындап береді. <<Ұлы ұстаз ертегілердің тәрбиелік мәнін терең ашып,  <<Адамдағы кемдікті, мінді бадырайтып, ұлғайтып, жиренішті етіп көрсету үшін, хайуанның мінез-құлқын дәл адамның мінез-құлқындай етіп суреттеу әсерлі болады>>, - деп көрсетеді.  
      <<Әр жылдар ойлары>> кітабында жастар мен жасөспірімдердің оқитын кітаптары тобына жататын шығармаларға да назар аударады. <<Қазақ халқының салт-дәстүрлері бойынша қайырымдылық пен мейірімділік ана сүтімен жұғысып, әрбір тұлғаның ұлттық белгісін көрсететінін дәлелдеп, халқының келешегін ойлап, тебіренген жазушы: <<Ал қазақ мешел болып қалам демесең, тағылымыңды, бесігіңді түзе! Оны түзеймін десең, әйелдің халін түзе>>, - дейді.
          М.Әуезов балалар әдебиетінің ғылыми тұрғыда зерттелуіне көңіл бөлумен қатар, өзі де балаларға арнап бірнеше шығарма(<<Қорғансыздың күні>>, <<Жетім>>, <<Көксерек>> әңгімелері, <<Қараш-қараш оқиғасы>> повесі) жазды. Тұңғыш әңгімесін 24 жасында жариялады. <<Қорғансыздың күні>>  баяндалу әдісі жөнінен европалық әдебиет үлгісінде жазылған. Әңгіменің оқиға желісі жас қыз Ғазизаның тағдырына құрылған. <<Жетім>> әңгімесіндегі басты кейіпкер  -  жас бала Қасым. Шығармада он жастағы жас баланың қиын тағдыры, аянышты халі берілген. Бұл шығармасында қаламгер бала ұғымын, сезімін беруде өзінше ізденіс танытқан. 
     М.Әуезовтің балалар әдебиетінен негізгі орын алатын әңгімесі - <<Көксерек>>.  М.Әуезовтың 1928 жылы жазылған осы әңгімесі автор талантының айқын айғағы. Көп ізденістердің жемісі. Оны әлем әдебиетіндегі үздік классикалық шығармалармен салыстыруға болады. Әңгіме сюжеті Канада жазушысы Сетон-Томсеннің <<Виннипег қасқырына>> ұқсас. Есімі әлемге әйгілі жазушы Джек Лондонның <<Қасқыр>> шығармасы М.Әуезовтің аударуымен 1936 жылы жеке кітапша болып шыққандығын да айта кетуіміз керек. Әуезовтің <<Көксерегі>>- тұтас философиялық шығарма.  Автор әңгімесін әр түрлі жабайы аңдардың мекен еткен жерлерін суреттеуден бастайды. Бұл тәсіл жыртқыш аңдар өмірі мен олардың күн көрісін айқындауға тірек болған. Әңгіменің композициясы мен сюжеті оқиғадан оқиға тудырып отырады. Жыртқыш аңдардың  қомағайлығы жанды суреттер арқылы беріледі. Әңгімеде жыртқыш аңлар тірлігі мен қазақ жерінің сұлу табиғаты, ен байлығы сөз болады.  Жазушы жаратылыстың көркем көріністерін әсерлі суреттейді. Қаламгер мақсаты  -  сол сұлулықты балаларға сезіндіру ғана емес, оны құрметтеу, байлығын қадірлеу жағына үйрету. Жазушы қасқыр күшігінің өсу, жетілу жайын суреттей келіп, соған байланысты оның мінез өзгешеліктерінің қалыптасу, өзгеру жолдарын да аңғартып отырады. Осы арқылы жыртқыш аңдарда болатын психологиялық өзгешеліктерді танытады. Көксеректің қолға үйренбеуі жас оқушыны ойға қалдырады. Оның асырауға көнбеу себебінің неге байланысты екені балалар үшін жұмбақ. Осының себебін білу  -  балалар үшін өмір танытарлық сабақ. Көксеректің қолға үйренбеу  себебі оның жаратылысына байланысты екені  бірте-бірте айқындала бастайды. Құрмаштың трагедиялық өлімі жас баланың көңілінде жақсылықтан басқаны ойламаған аяулы адал жанның бейнесін қалдырады. Әңгіме соңында кемпірдің қасқырды басқа тебуі  -  жай тебу емес. Бұл  -  шығарманың ширыққан, шешім тапқан тұсы. 
       М.Әуезовтің 20-30 жылдардағы ізденістері <<Қараш-қараш оқиғасында>> тиянақталған. Бұл повестің де балалар әдебиетінде орны бар. Алғашқы прозалық шығармалары  -  <<Қорғансыздың күніндегі>> Ғазизаның, <<Жетімдегі>> Қасымның құнын қуған ешкім жоқ. Бәрінде де зорлықшыл бар, күрескер жоқ. <<Қараш-қараш оқиғасы>> повесінде күрескер бар. Повеске Т.Рысқұловтың әкесінің басынан өткен оқиға арқау болған. М.Әуезов Ташкент қаласындағы Орта Азия университетінің дайындық курсында оқи жүре <<Шолпан>> журналында қызмет атқарады. Осы жылдары Т.Рысқұлов та Түркістан Республикасы Халық Комиссарлары Советінің Председателі қызметін атқара бастаған еді.М.Әуезов Рысқұлдың басынан кешкен оқиғаны Тұрардың өз аузынан талай рет құмарта тыңдаған. Ленинград университетінде оқыған студенттік жылдаында жазған <<Қараш-Қараш оқиғасы>> алғаш 1927 жылы <<Жаңа мектеп>> журналының(қазіргі <<Қазақстан мектебі>>) бес нөмірінде басылады. 1969 жылы <<Қырғызфильм>> киностудиясы повестің негізінде режиссер Болат Шәмшиевтің қоюымен <<Асуда атылған оқ>> көркем фильмін жасап шығарды. Москвада өткен ҮІ  халықаралық кинофестивальда(1969) бірінші орынға ие болды. Қалихан Ысқақов пен Әкім Таразм осы <<Қараш-Қараш оқиғасы>> негізінде <<Таң қараңғысы>> деген екі бөлімді драмалық пьеса жазды. Повестегі Бақтығұл - өмірдегі Рысқұл Жылқыайдарұлы. Бұл кісі қазіргі <<Красная Звезда>> колхозының Жданов атындағы бөлімшесінде(Шымкент уезінің Майлыкет болысы) туып-өскен. Жамбыл облысы, Талас ауданында нағашылары жақта 1907 жылдары ауырып дүниеден қайтады.  Тектіғұл  -  Молдабек Жылқыайдарұлы, Жарасбай  -  Саймасай Үшкеміров, Сейіт  -  Т.Рысқұлов, Бәтима  -  Түйметай Рысқұлова, Қатша  -  Ізбәйшә Қорғанбайқызы, орыс досы -  - Жиряков Николай, Апанас  -  Александр Бронников, Сары руы  -  Сәлік руы, Шалқар болысы  -  Талғар болысы, Қараш асуы  -  Қараш асуы, Талғар өзені  -  Талғар өзені.   <<Қорғансыздың күні>>, <<Жетім>>, <<Көксерек>> әңгімелері, <<Қараш-қараш оқиғасы>> повесі алдымен үлкендерге арналып жазылғанын естен шығармау керек. Әйтсе де бұл шығармалардағы жазушының бала психологиясын беру шеберлігі  -  балалар өмірін игерудегі алғашқы баспалдақ екені даусыз.                                                                  

                     Негізгі әдебиеттер:
1.Ахметов Ш. Ќазаќ совет балалар єдебиеті.  - Алматы: Мектеп, 1976.  
2.Ахметов Ш. Ќазаќ балалар єдебиеті тарихыныњ очерктері.  - Алматы: 
   Мектеп,1965
                     Қосымша  әдебиеттер:
* Ќирабаев С. Әдебиетіміздің ақтаңдақ беттері.  - Алматы: Білім, 1995.
*  Байменшин С. Майлының Бейімбеті. Алматы. Білім. 1994. 
* Сарбалаев Б. Бейімбет Майлин. А.Мектеп. 1988. 
* Қирабаев С. Кеңес дәуіріндегі қазақ әдебиеті. А. Білім. 1998.
* Нұрғали Р. Қазақ әдебиетінің алтын ғасыры. Астана. 2002.

4  Модуль. Қазіргі балалар прозасы мен драматургиясы.

                                 12-ДӘРІС
                                       
 1940-50 жылдардағы (соғыс  кезеңі  мен  онан кейінгі жылдардағы)  балалар  әдебиеті

1.1940-50 жылдардағы  балалар  әдебиетінің дамуы.
2. С.Бегалин
3. М.Иманжанов

* 1940-50  жылдардағы  балалар  әдебиетінің  дамуы.
Қазақстан  Кеңес  Одағының құрамында  1941-1945   жылдары  фашистік  Германияға  қарсы  соғысқа  қатысты. Бұл  соғыс жалпы  Одақ  үшін  де,  оның  қол  астындағы  халықтар үшін  де  ауыр  кезең  болды.  
1. Кеңес  Одағының  Еуропалық бөлігінен  көптеген  зауыттар  мен  оқу  
    орындары,     соғысқа жарамайтын  халық  Қазақстанға  көшірілді;
2. Ер адамдар  майданға  кетіп, жұмыстың  ауыртпалығын  әйелдер 
 мен  жас      балалар  және қарттар  көтерді. 
Әдебиет  алдына  төмендегідей міндеттер  қойылды:
1.  фашизмнің  басқыншы  саясаты  мен  жауыздығын әшкерелеу,
2. халықты  кек алуға  шақыру;
3. майдандағы  ерлердің  ұнамды  бейнелерін  жасау;
4.  елдегі ерлердің  ұнамды  бейнелерін  жасау;
5. майдандағы және  тылдағы  ерлерді  көпке  үлгі  ету.  
Бұл  міндеттер  әдебиеттің көркемдік  бағытына бірсыпыра нұқсан  келтірді.  1-шіден,  қаламгерлер  бұрыннан  жазып  жүрген,  әбден  зерттеп  білген  тақырыптарын тоқтатуға мәжбүр болды.  2-шіден,  төтен  тақырыпқа  құлақ  асуға мәжбүр  болды. 
1941 жылы маусым айында <<Балалар әдебиеті>> журналының соңғы саны шықты.
Қолдарына  қару  алып  майданға  аттанған қаламгерлер  А.Гайдар, Л.Кассиль,  С.Михалков, Л.Пантелеев,   В.Катаев  т.б.  болды.  1941  жылдың  күзінде  А.Гайдар  қаза  тапты. Соғыс кезіндегі қазақ әдебиетін жасауға қазақ қаламгерлердің барлық ұрпағы қатысты. Бұл кезде елде С.Мұқанов, М.Әуезов, Ғ.Мүсірепов, Ғ.Мұстафин, Ғ.Орманов, А.Тоқмағамбетов, Ә.Тәжібаев, Ш.Хұсайынов, Ә.Әбішев, М.Хакімжанова, М.Иманжанов еңбек етті. Т.Жароков, Ж.Саин, Ә.Сәрсенбаев, Д.Әбілов, А.Жұмағалиев, Қ.Аманжолов, Қ.Әбдіқадыров, Қ.Бекхожин, Б.Бұлқышев, Б.Момышұлы, С.Омаров,  С.Мәленов,  Х.Ерғалиев  қолдарына қару алып, майданға аттанды. 
Балалар  үшін  ең  жақсы классикалық  туындылар  мен  кеңестік дәуірдегі  кітаптар,  бірінші  кезекте кеңестік  Ресейдің өткені  жөніндегі  кітаптар бірнеше  мәрте басылып  шықты. Соғыс  кезінде орыс  аңыздары, Пушкиннің  <<Полтавасы>>,  Лермонтовтың <<Бородиносы>>, Гогольдің  <<Тарас Бульбасы>>,  Л.Толстойдың  <<Севастополь  әңгімелері>>, Фурмановтың  <<Чапаевы>>,  Серафимовичтің  <<Железный поток>>, Н.Островскийдің  <<Құрыш  қалай  шынықты?>>  және  т.б.  кітаптар  жарық  көрді.  
Қиын-қыстау кезеңдегі  халықтың  күрделі  қат-қабат  өмірі  әдебиеттің    барлық  жанрлық  түрлерінде көрініс тапты: лирикалық  өлеңдер,  публицистикалық мақала,  очерк,  қысқа  әңгімелер,  поэма,  баллада,  повесть, ал  кейіннен  тіпті  романдар  пайда  бола  бастады.  Бір жанр элементінің  екіншісінен  көрінуі,  әр  қилы  әдеби жанрлардың  өзара  кірігуі  байқалды. Лирика  публицистикалық сипатта  көрінсе,  эпос  лирикалық қасиетпен  ерекшеленді.  Отан  қорғауға  аттанған  солдат  туралы  өлең,  поэмалар  2  түрлі үлгіде жазылды:  1-шісі, жалпы  жауынгерге  тән  сипаттарды  біріктірген  жиынтық  бейне  болса,  2-шісі, нақты аты  белгілі  қаһарманның  ерлігін  көрсетуге  арналды. Соғыс  кезінде  ерекше  көзге  түскен майдан  батырлары  Б.Момышұлына,  М.Ғабдуллинге,  М.Мамыраевқа,  Ә.Молдағұловаға,  М.Мәметоваға,  Т.Тоқтаровқа, Н.Әбдіровке  т.б.  арналған  өлеңдер  негізінен  олардың  ерлік жолының нақты  фактісіне құрылады. Қ.Аманжоловтың  <<Ақын  өлімі туралы  аңыз>>, Қ.Бекхожиннің <<Жиырма  сегіз>>,  Д.Әбіловтің  <<Майданбек>>,  М.Хакімжанованың  <<Мәншүк>>(1945),  Қ.Сатыбалдиннің  <<Әлия>>,  І.Есенберлиннің  <<Сұлтан>>  поэмалары соғыс майданы шындығын  нақты деректер шеңберінде жырлауға құрылды.
        Балаларға  арналған драматургия,  фантастика,  ғылыми-көпшілік  әдебиет,  жасы  кіші  балаларға  арналған  түрлі  кітапшалар  - осының бәрімен де  балаларды  балалар баспасы  қамтамасыз  етіп  отырды. Соғыстан кейінгі жылдарда қазақ балалар драматургиясы жанданды. 1945 жылы Алматыда <<Жасөспірімдер театры ұйымдасты. Театр 1946 жылы бірінші рет М.Ақынжановтың <<Алтын сақа>> пьесасымен ашылды. 1948 жылы М.Иманжановтың <<Жас өмір>> пьесасы қойылды. Жасөспірімдер таетрының репертуары М.Ақынжановтың <<Ыбырай Алтынсарин>>, Ш.Хұсайыновтың <<Көктем желі>>, <<Алдар Көсе>>, <<Есірткен ерке>>, <<Біздің Ғани>>, Қ.Сатыбалдинның <<Аягөз ару>>, Р.Райымқұлов пен Қ. Исабаевтың <<Ашынған жандар>> пьесаларымен толыға түсті.
Балалар  мерзімді  баспасөзі ел  өміріндегі  маңзды оқиғаларға  ұйымшылдықпен  үн қосып отырды, мектеп,  пионер  өмірі жайында  хабарлаумен болды.  <<Пионер>>(1925  жылдан  <<Пионер>>,  кейін <<Ақ желкен>>  балалар мен жасөспірімдердің  республикалық  журналы  аталды),  <<Дружные  ребята>>,  <<Мурзилка>>  журналдары шығып  тұрды. Біраз  үзілістен  соң  Ленинградтық <<Костер>>  журналы шықты.  Свердловскіде 1942  жылдан  балаларға арналған <<Боевые  ребята>> альманағы шыға бастады. 1958 жылдың шілдесінен  бүлдіршіндер  мен  сәбилерге  арналған <<Балдырған>>  журналы  жарық  көре  бастады.  
      Соғыс кезіндегі және  соғыстан кейінгі  кезеңдегі  қазақ кеңес балалар әдебиетінің көтерген мәселесі  - соғыс зардаптары салдарынан өздерінің балалық, жастық  шағын жоғалтқан балалар, жастар тағдыры жайлы болды. Үш жүйеде өріс алды: біріншіден, жау тылында партизандармен бірге жүріп Отан үшін алысқан, ерлік көрсеткен, көп қасірет шеккен жасөспірімдер мен балалар ерлігі, олардың тағдыры сөз болды. Екіншіден, Ә.Молдағұлова, М.Мәметова, Б.Бұлқышев сияқты жастардың ерлігі жайлы туындылар өріс алды.  Үшіншіден, майданды қарумен, жылы киіммен, азық-түлікпен қамтамасыз етіп тұрған тылдағы ата-аналар мен балаларға арналған еді.  1940-1960 жылдар аралығында әдебиет әлеміне келген дарындар көркемдігі жағынан еленуге тиісті шығармалар бергенін жоққа шығаруға болмайды. 
Соғысқа қатысқан жас жазушы Б.Бұлқышев өзінің <<Заман, жастар, біздікі>>, <<Жауыздық пен махаббат>>, <<Өмір мен өлім туралы>>, <<Мен өмір сүргім келеді>>, <<Шығыс ұлына хат>> сияқты публицистикалық еңбектерінде майдандағы жас адамның жүрек тебіренісін әңгімеледі. Туған жерін сүйе білген азаматтың дұшпанға деген кегі де, замандасына арнаған өмір туралы сыры да осы мақалаларда қамтылған. Б.Бұлқышевтің  <<Жүріп  келе  жатырмын>>(1941), <<О, ерлер-ау, ерлер-ау>>(1941)  өлеңдеріндеггі  Махамбет толғауларының  сарынын  бірнеше  арнада  қарастырамыз:  1-ші, Баубек пен  Махамбет өлеңдеріндегі  идея бірдейлігі  тұрғысындағы  үндестік. 2-ші,  екі  ақын жырларындағы  кейбір  сөз қолданыс  ортақтығына байланысты  ұқсастық,  3-ші,  көтеріңкі  пафостық,  жігерлі  үннің  болуы.  Екінші дүниежүзілік  соғыс ХХ ғасырдың бел  ортасындағы тарихи  оқиға  болса, сол тарихи  жағдай Б.Бұлқышевтің  көптеген  шығармаларын,  соның  ішінде  өлеңдерін  де  өмірге  әкелген фактор  деп  айта аламыз. Қ.Әбдіқадыровтың <<Жетім құлын>>, Ғ.Ормановтың <<Бөбек жүрегі>> деген өлеңдерінде  майдан өмірінің аянышты суреттері бейнеленіп көрестіледі. Екі рет батыр атағын алған Т.Бигелдиновтың ерлік өмірінен жазылған С.Бақбергеновтың <<Талғат>>, Жекен Жұмақановтың <<Әлия Молдағұлова>> повестері басылып шықты. Ә.Шәріповтың <<Партизан қызы>>  повесі  жарық көрді.  С.Мұқановтың  Мәншүк Мәметоваға арнап жазған <<Батыр қыз>> әңгімесі(1944) балаларды патриотизм рухында тәрбиелеуде  елеулі роль атқарды.        Жамбылдың балаларға арналған өлеңдерінің басты міндеті өз ұрпақтарының патриоттық рухын көтеру болды. Жамбылдың <<Шәкірт балаларға>>, <<Атаның әлдиі>>, <<Ленинградтық өрендерім>>, <<Балама хат>>, <<Жеңіс жырын жырлаңдар>>, <<Жаңа жыл сәлемі>>,  <<Жүз жасаған жүректен>>, <<Өнердің өсуі>>, <<Балаларға>>, <<Жастық жыры>>, <<Бесік жыры>> т.б. өлеңдері балалар әдебиетінен  өзіндік орынға ие болды. 
Отан соғысы жылдары қазақ кеңес балалар әдебиетіндегі соны тақырып, ол  -  жау тылындағы партизандар қимылы туралы болды. Бұл тақырыпты әдебиетке енгізген екінші дүниежзілік соғыс жылдарында жау тылында, Украина жерінде басқыншыларға қарсы құрылған астыртын ұйымның жұмысына қатысып, кейіннен партизандар қатарында болған Қасым Қайсенов еді.  Украина жерінде  ол 1942 жылы Чапаев атындағы партизан құрамасының үшінші отрядын басқарады. Партизан отрядының сапында Украина, Молдавия, Чехословакия мен Румынияда фашистерге қарсы арпалысады. 1955 жылы <<Илько Витряк>>, 1957 жылы <<Переяслав партизандары>> және 1959 жылы <<Ажал аузында>> деген очерктер жинағын шығарды. 1960 жылы <<Жау тылындағы бала>>  атты көлемді повесть жазды. 1963 жылы <<Днепрде>> кітабы жарық көрді. Қ.Қайсеновтың жоғарыда аталған үш кітабындағы оқиғалар Украина, Чехословакия жерлерінде болған. 
Партизандар жау тылының алыс түпкірлерінде жүріп, ірі шайқастар жасайды. Олар жаудың мүлде күтпеген жерінен тұтқиылдан шығады. Жауынгерлер фашизмге қарсы күресте олардың басым күштеріне үздіксіз тойтарыс беріп отырады. Партизандар оқ-дәрі мен қару-жарақтар тиеген эшелондарды қиратып, жаудың гарнизондарына шабуыл жасайды, әлденеше қоймаларын өртеп жібереді. Партизандардың үздіксіз шабуылдарының нәтижесінде неміс фашистерінің түрмелеріндегі, азап лагеріндегі тұтқында жатқан кеңес солдаттары мен офицерлері, бейбіт адамдар құтқарылады. Қ.Қайсенов шығармаларында соғыс күндерінің осындай қиян-кескі кезеңдері суреттеледі. Оқиғаның барлық желісі бастан-аяқ жазушының өз атынан баяндалады. Шығармалары  кейіпкерлерінің  мақсаты  -  фашизмнің күлін көкке ұшырып, бейбіт өмір орнату.
Ғ.Мүсіреповтың <<Қазақ солдаты>> романы - қазақ әдебиетіндегі  әскери тақырыпқа жазылған алғашқы шығармалардың бірі. Шығарманың бас кейіпкері - өмірде болған адам. Ол  -  Керчь, Қырым майданындағы көзге түскен барлаушы, Қайрош Сарталиевтің прототипі Кеңес Одағының Батыры Қайырғали Смағұлов. Бастапқыда Қайырғали Смағұловтың ерлігін очерк желісі етті. Кейін бұл шағын повеске, одан романға айналды. 1945 жылы <<Қазақ батыры>> деген атпен <<Майдан>> альманағында повесть түрінде жарияланды.       Ғ.Мүсіреповтің бұл повесі  <<Қазақ солдаты>> романына дайындығы іспетті. 
Бірнеше жыл өткеннен кейін жазушы орыс әдебиетіндегі Ұлы Отан соғысы тақырыбына жазылған туындылардың тәжірибесін үйреніп, кейіпкерлермен  қайта кездесіп және жұртшылық сынын ескере отырып, бұл шығарманы түгелдей жазып шықты.  Шығарманың толықтырылған жаңа нұсқасы 1949 жылы <<Солдат из Казахстана>> деген атпен орыс тілінде жарық көрді. Келесі жылы <<Қазақ солдаты>> деген атпен қазақ  тілінде роман болып басылып шықты. 
 Ғ.Мүсірепов өмірдегі Қайырғалиды повеске, романға сол күйінде көшіре салмаған. Көркем шығарманың негізгі объектісі  -  адам. Көркем образ жасалмаған жерде шығарма құрғақ фактілер тізбегіне айналады.  Ұлы Отан соғысы кезіндегі халық басындағы ауыртпалықты жеке кейіпкерлер тағдыры арқылы көрсету мақсатында жазушы әрбір оқиғаны жалаң  баяндамай Қайроштың көкірек көзінен өткізуге, сол арқылы характерлердің арақатынасын ашуға ұмтылады. Автор романда Қайрошты типтеніріп, біртұтас тұлға жасауға көп көңіл бөлген.  
   Балалар әдебиетінің дербес әдеби жанр ретінде есеюі мен оның тұрақты маман кадрларының жиналуы Ұлы Отан соғысынан кейінгі мезгілге жатады. Балалар прозасының да, поэзиясының да профессионалды дәрежеге көтерілгені - осы кез. Соғыстан кейінгі жылдары балалар әдебиеті саласында ғылыми-зерттеу жұмысы кең қанат жайды. Кеңес балалар әдебиеті баспасы жанынан Балалар кітабы Үйі ашылды. Бұл лаборатория әдістемелік және библиографиялық құралдар шығаруды жүзеге асырды. 1952 жылдың сәуір айында балалар әдебиеті бойынша Бүкілодақтық мәжіліс(совещание) өткізілді. Кеңес балалар әдебиеті сыны дамуындағы жаңа кезең 50-жылдардың ортасынан басталды. 1953 жылдан бастап Балалар кітабы Үйі кеңес балалар жазушылары жайында сын-библиографиялық очерктер сериясын шығара бастады. 1966 жылы <<Балалар әдебиеті>> журналы өз жұмысын қайта жандандырды.      
Бұл тұста Қ.Әбдіқадыровтың <<Амантай>>, С.Бегалиннің <<Көксегеннің көргендері>>, <<Сәтжан>>, М.Иманжановтың "Алғашқы айлар" шығармалары пайда болды. Ө.Тұрманжановтың  шығармалары жарық көрді. Соғыс тоқтасымен партия әдебиеттің алдындағы міндеттерін әлеуметтік істермен байланысты белгіледі. Соғыстың ауыртпалығын көтеріп келіп, бейбіт еңбекке араласқан адамның өмірі мен еңбегін көркемдікпен суреттеу талабы қойылды. Балалар әдебиетінің бұл жылдардағы қамтыған ең күрделі тақырыптары бала тәрбиелеудегі отбасы мен мектеп ролін көрсету болды. Балаларды еңбек тәрбиесіне баулу мақсаты көзделді, мектептің өмірмен байланысын нығайту мәселесі қойылды. Осындай талаптарға байланысты соғыстан кейінгі жылдарда жазылған шығармаларда кеңес мектебінің өмірі көп орын алып, оның ішкі мәні, идеялық-тәрбиелік процестік өзгешеліктері, мектептің өмірмен байланысы, мектептегі пионер, комсомол ұйымдарының жұмысы кеңінен суреттелді. С.Бегалиннің, Ө.Тұрманжановтың, М.Иманжановтың, С.Бақбергеновтың, С.Сарғасқаевтың, Б.Соқпақбаевтың, М.Гумеровтың  шығармалары кеңінен қанат жайды. 
   С.Мұқанов  <<Балуан Шолақ>>(1940-41), <<Бақташының баласы>>(1953)  шығармаларын жазды. <<Балуан Шолақ>> - 20-шы ғасыр басында тіршілік кешкен, өзі көзімен көрген аяулы өнерпаз өмірінен жазылған шығарма.   <<Бақташының баласы>> повесі <<Қазаға ұшыраған құнан>>, <<Қақпандағы қасқыр>>, <<Аянышты лақ>>, <<Жаралы құлын>>, <<Бөлтіріктер>>, <<Көк шолақ>>, <<Аңды аң жеңеді>> деген жеті бөлімнен тұрады. Повестің бас кейіпкері  - он жасар Жандос. Бақташының баласы мал жайын, әр малдағы мінез өзгешеліктерін  жақсы біледі. Жазушы бас кейіпкердің мінезін, батылдығы мен адамгершілігін қиын-қыстау қауіпті сәттерде сынайды. С.Мұқанов аударма саласында да еңбектенді. Навтедждің <<Балалар>>(1953), В.Осееваның <<Васек Трубачев және оның жолдастары>>(3-кітабы, 1955),   шығармаларын қазақ тіліне аударды. 
2. М.Иманжанов. Жазушы М.Иманжанов 1916 жылы 20 желтоқсанда қазіргі Желтоқсан облысы Жезді ауданында туған. Алматыдағы есеп-санақ техникумында(1935-38) оқыды. 1938-48 жылдары Республикалық радио хабарлар тарату комитетінде, 1942-49 жылдары <<Социалистік Қазақстан>>(қазіргі <<Егемен Қазақстан>>) газетінде әдеби қызметкер, бөлім мегерушісі, 1949-58 жылдары <<Пионер>>(қазіргі <<Ақ желкен>>) журналында бөлім меңгерушісі қызметінде болды. Тұңғыш әңгімелер жинағы <<Жастық>> деп аталады(1948). <<Алғашқы айлар>>(1950), <<Таныс қыз>>(1952, 1972) әгімелері мен романы шықты. <<Тыңдағылар>>(1956) әңгіме және очерктер жинағы басылды.  <<Көк белес>>(1960) романы, <<Өркен>>(1980) атты мақалалар, естеліктер кітабы жарық көрді. Балаларға арналған әңгімелері <<Шаңғышылар>> деген атпен шықты. Драматургия саласында да жемісті еңбек етті. <<Жас өмір>>(1948), <<Менің махаббатым>>(1954) повесі мен пьесалар жинағы жарық көрді. <<Сөнген шам>>(1957) сатиралық комедиясын жазды. 1958 жылы 18 наурызда қайтыс болды.
Шығармалары. Әдеби  творчесвосын соғыстың  қиын  кезеңінде  бастайды.  Саналы  өмірін  баспасөз  маңында  өткізді. <<Социалистік  Қазақстан>>  газеті  редакциясында  әдеби қызметкер,  кейін  әдебиет  бөлімінің  меңгерушісі  болды.  Денсаулығына  байланысты  өзі  сұранып <<Пионер>>  журналы  редакциясына  бөлім  басқаруға  ауысады. М.Иманжановтың  тәлім-тәрбиесін көрген  балалар  қаламгерлері: Б.Соқпақбаев, М.Әлімбаев, С.Сарғасқаев,  Қ.Мырзалиев,  Ә.Дүйсенбиев, Қ.Ыдырысов,  С.Баязитов,  Н.Сералиев т.б.   Шығармашылығының  ерекшеліктері:
1.М.Иманжанов  туындыларына  өмір  сүйгіштік  рух,  пафос, сыршылдық  тән. Бұл  жағынан  С.Ерубаев  пен Б.Бұлқышевтің  өмір  сүйгіштігін,  бақыт  пен  ерлікті  жырлайтын  романтизмін  жалғастырды. Сол замандастары тәрізді Мұқан да өмір туралы, бақыт, ерлік жайында толғанды, көп жазды. Ол ерлікті жалаң патетика емес, адам бойындағы игі сезімдердің, намыстың, азаматтықтың көрінісі деп таныды. Оның шығармаларынан сезім байлығы мен романтикалық көңіл күйі қатар орын алады. Ол балаларға арналған шығармаларын Отан соғысы тақырыбынан бастады. "Шал", "Ақша", "Бала қаны", "Даладағы от", "Жыртық дәптер"(1945), "Адам туралы аңыз"(Қ.Жармағамбетовпен бірігіп жазған) әңгімелері 1942-1945 жылдары жазылған. 
2. М.Иманжанов әңгімелерінің  кейіпкерлері  қарапайым жандар,  тігінші, сауыншы,  троллейбустың  кондукторы,  телеграфшы  болып  келеді.   Олардың бәрі өз қызметінде  қоғамдық пайдалы іске үлес қосады. Бүлдіршіндер  үшін істелген  және  істеліп  жатқан игі  істер сөз болады,  бөбектердің  өмірі  суреттеледі. "Жол үстінде"(1948), "Ораз бен Боря"(1948), "Кітап"(1949), "Жас шебер"(1950), "Талап"(1951), "Бөбек"(1951), "Кішкентай көрші"(1951), "Коммунизм мүйісі"(1951),"Кондуктор"(1952), "Қорқақ"(1954), "Бес"(1954) әңгімелері баланы оқуға, алдағы зор мақсаттарға ынталандыру, еңбекке, іске үйрету, олардың өрісті талабын шыңдай түсу мәселелеріне арналды. 1948-1952  жылдар  аралығында жазған осы әңгімелерінде  жазушы  балалардың  ішкі жан-дүниесіне  еркін бойлайды. Шығарма  кейіпкерлері  -  өмір  қозғалысына  сай қимыл жасайтын  оптимист балалар.     Олар  өздерін  үлкен  өмірдің   кішкентай  кірпішіндей сезінеді. 
3. М.Иманжанов өз  шығармаларында мектеп  жұмысын  өндірістік  оқумен,  өмірмен  тығыз  байланыстыра  жүргізу   мәселесін  көтереді. <<Алғашқы  айлар>> повесінің(1950)   әдебиет  әлемінде принциптік жаңалығы  болды.  Шығарма  бастапқыда  <<Ауыл мұғалімі>>  деген  атпен  <<Пионер>>  журналында  басылды. М.Иманжанов <<Алғашқы айлар>> повесінде ауыл мұғалімінің өмірі туралы жазды. Мектеп  мұғалімерінің  әр  алуан  мінезін  бейнеледі. Жақыпбек  мұғалімнің іскерлігін,  табандылығын  үлгі етеді. Жақыпбектің белсенді іс-әрекеті ауыл мәдениетін көтеруге, мектептегі оқу-тәрбие жұмысын жақсартуға жұмсалады. Ол мектеп пен өмірдің байланысын көтеру, балаларды еңбекке баулу ісіне бастамашы болды. Мектеп пен отбасы, мектеп пен колхоз арасындағы байланыс жайы әңгіме етіледі. Автор  мектеп  жұмысының  өмірмен  тығыз  байланысты  болуы  оқушылардың  білімін тиянақты,  тұрақты ететінін  және  оларды іскер азамат  етіп шығаруға баулитынын  дәлелдеп  берді. Оқу  процесімен  қатар балалық  шақтың алуан түрлі  сәттері,  бала психологиясындағы   ерекшеліктер  шынайылықпен  көрсетіледі.
4.  М.Иманжанов  өз  шығармаларында  адам  деген  ұлы  атты  ардақтауды,  оның  бай сезім  күйін жазды. Жазушылық пафосы мен творчествосының өміршең рухы жағынан М.Иманжанов Саттар Ерубаев пен Баубек Бұлқышевке ұқсайтын еді. 
3. С.Бегалин. Қазақ жазушысы, балалар әдебиетінің негізін     қалаушылардың бірі С.Бегалин 1895 жылы 24 қарашада бұрынғы Семей облысы, Абай ауданы,    Дегелең     ауылында    дүниеге келген. 1915 жылы Семей қаласындағы орыс-қазақ     училищесін     бітірген. 1916 жылы майданның    қара   жұмысына алынған. 1929-1935 жылдары Дегелең болыстық атқару    комитетінің    председателі, Қарқаралы уездік атқару комитетінің мүшесі,   бөлім меңгерушісінің орынбасары, аудандық халық судьясы болған. 1935-1956 жылдары <<Темір жолшы>> газетінде, Қазақ Ғылым        Академиясының тіл және әдебиет институтында, Қазақстан  Жазушылар         Одағында жұмыс істеген. 
 С.Бегалин      әдеби          шығармашылығын өлең жазудан бастаған. <<Қазақ бозбалаларына>> деген алғашқы өлеңі 1914 жылы    <<Айқап>> журналында басылады. Қазақ халқының ауыз әдебиеті үлгілерін жинап бастыру саласында пайдалы еңбек етеді. Халық ақындарының өмірі мен шығармашылығын зерттейді. И.Байзақов, Д.Әлімбаев, Ш.Қошқарбаев, Қ.Терібаев, Т.Көлтіков сияқты халық ақындарының шығармаларын бастырады. 1946 жылы <<Жамбылдың ата-тегі, өмірі>> атты ғылыми монографиясы жарық көреді. Т.Шевченко,  А.Пушкин, М.Лермонтов өлеңдерін,   Д.Мамин-Сибиряк, Л.Соловьев әңгімелері мен повестерін қазақ  тіліне аударады. С.Бегалиннің  50-ге жуық өлеңіне ән    шығарылған. Жазушының әр жылдары жарық көрген кітаптары: <<Қыран кегі>>(1943), <<Сәтжан>>(1947, 1973,1978), <<Көксегеннің көргендері>>(1948), <<Жас        ұрпақ>>(1953), <<Цимлян теңізі>>(1953), <<Ермектің алмасы>>(1955,1985),      <<Таңдамалы>>(1956),            <<Жеткіншектер>>(1960), <<Мектеп түлектері>>(1961), <<Сыр қайнары>>(1963), <<Шоқан асулары>>(1971, 1996), <<Қыран туралы аңыз>>(1976), <<Екі          томдық шығармалар>>(1979) және т.б.  1975 жылы      С.Бегалиннің      <<Заман белестері>> атты  романы жарық көреді. Романдағы оқиғалар нақтылы өмір шындығына негізделген.  Мемуарлық туынды автордың 1910-1928 жылдар аралығында көзбен көріп, бастан кешкен оқиғаларын баяндайды.  С.Бегалин 1983 жылы 5 сәуірде қайтыс болды.
        С.Бегалиннің балаларға арналған  әңгімелері мен повестерін тақырыбына қарай Ш.Ахметов бес топқа бөледі. Аңшылық, мал шаруашылығы, мичуриндік агробиология тақырыбындағы шығармалары, тәрбие мәселесін көтеретін  және екінші дүниежүзілік соғыс кезіндегі тыл мен майдан өмірі туралы туындылары. <<Сәтжан>> повесі. Жазушы  соғыс жылдары қызмет бабымен Аягөз ауданына барады. Сол жақта ителгі асырап, саятшылық жасайтын Сәтжан деген баламен танысады.  Повесть осы   кездесуден соң жазылады.  Сәтжан бейнесі талапты баланың іс-әрекетін көрсетуге арналған. Мектеп оқушысы Сәтжан жазда колхоз бұзауын бағады. Аңшы атасы Серікбайға еліктеп, құсбегілікпен айналысады.  Табиғат тағысы қыран құс ителгіні үйретеді. Тау қыранымен аң аулайды.  Сәтжан туған өлкенің сыр-сипатымен танысады. <<Таңбалы тастағы>> әр алуан суреттер мен тастар Сәтжанды үлкен ойға қалдырады.  Талапты бала аңшылықты өлкетану ісімен байланыстырады.  Сәтжан алдында аңшылық өнерден жоғары мақсат пайда болады. Оны қиясына қыран, қыналы бетіне тарих ұялатқан зәулім жартастар құпиясы қызықтыра бастайды. Повесть балаларға арналған әдебиеттің Бүкілодақтық конкурсында жүлде алады.  Орыс, армян, азербайжан, өзбек, корей т.б. тілдерге аударылады.   
 <<Бала мерген>> повесіндегі  Уаш әке жолын қуып аңшы атанады.  Әкесі соғысқа кеткенде үй іші тірлігін арқалап қалады. Повесть <<Таныстыру>>, <<Алғашқы елік>>, <<Сілеусін>>, <<Қалаумен барып қасқыр атқаны>>, <<Аюмен жекпе-жек>>, <<Таутеке жорығы>> деп аталатын тараулардан тұрады.  Шығарма кейіпкерлері  -  он төрт жасар Уаш,  укесі Нұрқасым, шешесі Әймен, милиция бөлімшесінің бастығы Исаев, Ыбырайым қарт, Жанжігіт атай, Қалиев, Чугунов, Мұқан, Уаштың қарындасы Дариға. Повесте жер-су атаулары мол: Сарнлй өлкесі, Қырық құдық белдеуі, Алтай тауы, Сарымсақты өлкесі, Қоскемпір биігі, Тазқара биігі, Үлкен Нарын, Балтақалған тауы, Текше тауы, Шыбынды бұлақ, Сармойын құздары, Ақжар биігі т.б. 
  <<Көксегеннің көргендері>> повесіндегі  Көксеген  -  маралшы бала. Ол дала сырын жақсы біледі. Оның далада көргендері  -  замандастары үшін таңғажайып хикая. Көксеген көп нәрсені көреді, ойға түйеді, көкірегіне байлайды. Көргендері мен түйгендерін жас оқырмандармен бөліседі. Повесте аңшылық кәсіп, жер, егін шаруашылығы өзара байланыста әңгімеленеді. Шөп шабуға шыққан балалар табиғат құбылыстарымен танысады, аңшылықтың қыр-сырын танытатын тосын оқиғаларды бастан кешіреді. 
 <<Шопан даңқы, <<Төлбасылар>>, <<Сұрапылда>>, <<Керкиік>>, <<Будан>>, <<Қозышы Нұрман>>, <<Жылқышы>> әңгімелерінің тақырыптары  -  мал шаруашылығы. Мектеп балалары оқуды мал бағумен тығыз байланыстыра жүріп, өмір таниды. Тәжірибелі шопандардың жұмысын балалардың алдына үлгі етеді.  
  <<Жас бұтақ>> әңгімесінде Жұмақан деген бала өзі өсірген апорт алмасын Артекте танысқан достарына жібереді. <<Қант бұршақ>> әңгімесіндегі Зуфар Артектегі достары арқылы қант бұршақ ұрығын алдырады, оны  өсіреді. <<Мектеп бағында>> әңгімесінің кейіпкері Ерден ағаш отырғызумен айналысады. Аталған әңгімелерде жолдастық, достық, қоғамдық еңбек мәселелері көтеріледі. 
   С.Бегалиннің бірсыпыра әңгімелері ерке балалар қылықтарын әшкерелейді.  <<Сымбатты Сима>> әңгімесіндегі Сима  -  еңбек етуге құлықсыз жан.  Сабаққа да атүсті қарайды. Өзгені менсінбейтін тәкаппарлығы және бар.  Әңгімеде баланың тәрбиесі ата-анаға тікелей байланысты деген ой айқын.  <<Жаңғалақ>> повесінде тентек баланың түзу жолға түсуі, тәрбиеге көнуі оқиға желісіне алынған.  Жаппарбек деген бала жаңғалақтығынан тосын оқиғаларға  тап болып жатады. Содан Жаңғалақ атанады. Қаладағы қазыналық оқудан демалысқа Дойырбай келеді. Жаңғалақ Дойырбайға ілесіп қалаға кетеді.  Жаңа мектепте жетістіктерге жетеді.  Фабрика-заводтар үшін мамандар даярлайтын мектепке қабылданады. Қазақ баласының оқуға деген құштарлығын ояту, оқу-білімге шақыру және бұзықтық, тентектіктің өрге бастырмайтынын аңғарту  -  шығарма идеясы.
  Соғыстан кейінгі жылдардағы балалар әдебиетінің негізгі тақырыптары тыл мен майдандағы ерлік істер жайында болды. Соғыс жылдарында 11-14 жастағы балалар  ересек адамның барлық жұмысын атқарды. Арбамен астық, пішен тасыды, мақта терді, қызылша тазалады, бұзау бақты, жылқы қайырды, есепші болды. Бұл жастағы балалар майданда ерекше маңызы бар тапсырмалар орындайды. С.Бегалиннің тыл мен майдан өміріне арналған шығармалары нақтылы оқиғаларға құрылды. 
       Тарихта есімі қалған  тұлғалар жайындағы биографиялық шығармалар да  -  балалар әдебиетінің мұрасы. Соғыстан кейінгі балалар әдебиетіндегі көрнекті қайраткерлер туралы шығармалардың қатарында С.Бегалинның <<Шоқан асулары>> повесі де бар. Алғаш  1964  жылы  <<Жазушы>>  баспасынан  <<Бала Шоқан>> деген  атпен  жарық  көрді.   Толықтырылып  1971  жылы  сол  баспадан,  1976  жылы  <<Жалын>>  баспасынан   жарық  көрді.  Повесте  Ш.Уәлихановтың  балалық  шағы,  кадет  корпусында  оқыған  жылдары, ғалым  атанған  кезі кеңінен  қамтылған.  Жазушы ғалым есімін Семейде оқып жүрген кезінде естиді.  Кітапхана, архивтерден Шоқан жайында материал жинайды.  Ғалымның туыстарымен әңгімелеседі. <<Шоқан  асулары>>  повесінде автор    беймезгіл заманда туып, заманның қыспағына түскен, жарқын талантымен, алғырлығымен қараңғы              түнекті жарып өтуге ұмтылған адамның өмірін, балалаық, жастық шағын нанымды әңгімелейді. 

                     Негізгі  әдебиеттер:
1.Ахметов Ш. Ќазаќ совет балалар єдебиеті. А., Мектеп, 1976. 
* Қирабаев С. Кеңес дәуіріндегі қазақ әдебиеті. А., Білім. 1998. 
* Ергuбек Ќ. Сєбит М+-ќанов.А., Мектеп. 1989.
* С.Мұқанов.  Алтын  аймақ.  А., Жазушы.  1988.
* С.Сарғасқаев. Қ.Қайсенов. Повестер. Қазақ балалар әдебиетінің 
    кітапханасы. А.Жалын. 1990. 

                     Қосымша  әдебиеттер
* Ергөбек Қ. Арыстар мен ағыстар. А. Өркениет. 2003.
* Қазақ совет балалар жазушылары. Алматы. 1987.
* Сөзстан. А. Жалын.  4-кітап. 1983.
* М.Иманжанов.  Алғашқы  айлар.  А. Жазушы,  2003.
* Бегалин С. Уақыт тынысы. Алматы. 1968.
* Бегалин С. Шоқан асулары. А. 1996.

        <<Балалар  әдебиеті>>  пәні  бойынша
                                       
                                 13-ДӘРІС
1960-80 жылдардағы  балалар әдебиеті 

1. 1960-80  жылдардағы қазақ  балалар әдебиетінің дамуы.   
2. Ө.Тұрманжанов

1. 1960-80  жылдардағы қазақ  балалар әдебиетінің дамуы.   Бірқатар  талантт  ақындар  бірыңғай  балалар  әдебиетіне  маманданды.  60-жылдардағы  балалар  поэзиясы Ө.Тұрманжанов, М.Әлімбаев, Ж.Кәрібозин, Қ.Мырзалиев,  Қ.Баянбаев,  А.Сопыбеков, Қ.Жұмағалиев, Е.Өтетілеуов, М.Жаманбалинов  Е.Елубаев, С.Қалиев, Ж.Әбдрашев  есімдерімен  байланысты  өрістеді.  Бұл  есімдер  қатарын  70-жылдары   Е.Ерботин,  Н.Айтов, А.Сәрсеков,  С.Оспанов  молайтты.  80-жылдардан бері  балалар  поэзиясында Б.Серікбаев, К.Ыбыраев,  Ө.Ақыпбеков    және  т.б.  еңбек  етті.  Аталған  ақындар  легінің   әрқайсысы  әдеби бір-бір  буын  құрайды. Қазақ  балалар  әдебиетіндегі  дәстүрдің  қалыптасуы,  екінші  бір  буын  арқылы  жалғасуы  деген  мәселеде бұлардың бір-біріне  тигізген  ықпалы  болды.  
      Балаларға  арналған өлең  жанды сурет, тірі қимыл, сан  алуан бояуға  толы  болуы  керек.  Бүлдіршіндердің  көзге  елестету  арқылы   қабылдайтынын  ескерсек,  бұл -  орынды  талап. М.Әлімбаевтың <<Он  саусақ>>  т.б. 60-80  жылдардағы  қазақ  балалар  поэзиясы  өзіндік  ерекшеліктер  негізінде дамыды:
1.  Қазақ балалар поэзиясының  ішкі  жанрлары  байыды. Өтірік-өлең,  жұмбақ-өлең,  сюжетті  өлең, тақпақ,  санамақ, мазақтама,  мадақтама,  лирикалық поэма, сатиралық  поэма,  фантастикалық  поэма,  ертегі-поэма,  мысал-поэма  және  т.б.  пайда  болды. Халық поэзиясының көне формалары жаңа мазмұн алып  дамыды.   Мысалы,  Ә.Дүйсенбиевтің (<<Не  деу  керек?>>,  <<Елка жыры>>,  <<Ақ  мамам>>  өлеңдерінің  авторы) <<Бес саусақ>>  өлеңі.  
2. Жалаң  үгіт,  насихат  тежелді.  Қазақ балалар  поэзиясы айтарын  ашық  айтатын  дидактикалық  өлеңдерден  арылды.  Балалар  ақындары өз өлеңдеріне  тәрбиелік сипат  беріп,  айтар  ойын астарлап,  ишаралап  жеткізетін  болды. Мысалы,  А.Сопыбековтың(<<Қораз>>, <<Біздің  семья>>  өлеңдерінің  авторы)  <<Тілалғыш>>, Ә.Дүйсенбиевтің <<Шірік  алма>>  өлеңдері. 
3. Бала  характері  алдыңғы планға  шықты.  Дидактикалық өлеңдерден  арылудың  бір  жолы- өлеңді  бала мінезіне құру.    
Мысал, Е.Өтетілеуовтің <<Тығылмақ>>, <<Шұңқыр>>, М.Жаманбалиновтың  <<Жоқ,  жоқ, апа>> өлеңдері.
4. Бала характерін  ашатын  әдіс-тәсілдер  молайды.  Белгілі  бір  лексиконды  қайталау,  сөз  ойнату отырып  өлең  жазу қаақ  балалар  поэзиясы  дәстүріне  енді.
Мысалы, А.Сопыбековтың <<Қайшы>>  өлеңі.  Мұнда <<Апам  алса  қайшыны>>,  <<Әжем алса  қайшыны>> секілді  лесикондық  қор  қайталанған.  Автор  <<күлімдеп>>,  <<дірілдеп>> етістіктерімен  бала  мінез-қылығын,  көңіл-күйін  сәтті  жеткзіп  жырлап  беріп  тұр. Көпшілік  ақын  сөзбен  сурет  салады. Мысалы, С.Оспанов <<Айлы  түн>>  өлеңі.  Өлең ерекшелігі  -  ақынның  айлы  түнді ұлттық  танымға бейімдей суреттей  білуінде.
Бірқатар  ақындар  өз өлеңдерінде  болмысты  суреттеп  жатпай, оның жеке  бір  бөлшегін,  бір  көрінісін  бейнелеу  арқылы бала ойына  ұялата  біледі.
Мысалы,К.Ыбыраевтың  <<Көктем>>  өлеңі:
Жылы  мезгіл  жетіпті,
Тастадық  біз  етікті.
Қар көктемге жеткізбей
Тауға  шығып  кетіпті.
Бұл  мысал  ақынның  бүтінді  бөлшегінде, жалпыны  жалқы  деталь  арқылы  бейнелейтін тапқырлығын  танытады.  
5.Авторлар  бала  жасына  қарай  бейімделіп, маманданды. Мәселен,  Ж.Смақов өлеңдерінің  кейіпкерлері  сәбиден  мектеп  жасына  дейінгі  өсу формасында  бейнеленеді.
       Қазақ балалар прозасының тақырыптары:  1-ші тақырып. Соғыстан кейінгі жылдардағы балалар әдебиетінде  көрнекті қайраткерлер туралы, азамат соғысы мен Отан соғысына қатысқандар ерлігі туралы өмірбаяндық повестер туды. Қ.Әбдіқадыровтың "Қажымұқан"(1951), Қ.Жармағамбетовтың "Әнші азамат"(1951), С.Бақбергеновтың "Талғат"(1950), "Дина"(1957), С.Талжановтың "Сейфолланың Сәкені"(1959), "Бозторғай"(1960), С.Бегалиннің "Бала Шоқан"(1964)  повестерінің бір қымбат қасиеті - өнегелі міндет арқалауында. Бұл шығармалар - тарихи тұлғалар жайында балалар мен жасөспірімдерге лайықталып жазылған дүниелер. 
       Аталмыш шығармалар балаларды халқымыздың ұлы перзенттерін құрметтеуге, тарихқа адал, достыққа берік болуға тәрбиелейді. Қ.Әбдіқадыров "Қажымұқан" повесінде алтын, күміс, қола  -  барлығы 45 медальға ие болған, жер жүзіне атағы шыққан Қ.Мұңайтпасовтың өмір жолымен таныстырады. Қ.Жармағамбетов "Әнші азамат" повесінде Парижде ән салып, дүние жүзі өнерпаздарының жарысында екінші орын алған атақты әнші Әміре Қашаубаев жайында жазады. С.Бақбергеновтің "Талғат" повесі Отан соғысы тұсында ерлігімен көзге түсіп, екі рет Кеңес Одағының батыры атағын алған қазақ ұшқышы Т.Бигелдиновтің жауынгерлік өмірін суреттеуге құрылса, "Дина"("Күй") повесі Д.Нұрпейісованың тағдырына арналды.
      Соғыстан  кейінгі кезеңдегі қазақ кеңес балалар әдебиетінің көтерген мәселесі  - соғыс зардаптары салдарынан өздерінің балалық, жастық  шағын жоғалтқан балалар, жастар тағдыры жайлы болды. Үш жүйеде өріс алды: біріншіден, жау тылында партизандармен бірге жүріп Отан үшін алысқан, ерлік көрсеткен, көп қасірет шеккен жасөспірімдер мен балалар ерлігі, олардың тағдыры сөз болды. Екіншіден, Ә.Молдағұлова, М.Мәметова, Б.Бұлқышев сияқты жастардың ерлігі жайлы туындылар өріс алды.  Үшіншіден, майданды қарумен, жылы киіммен, азық-түлікпен қамтамасыз етіп тұрған тылдағы ата-аналар мен балаларға арналған еді.  
       Қазақ балалар прозасында әуелі бетбұрыс ретінде тәуір көрінген, кейін шиырланып көп жазылған тақырып  -  Ұлы Отан соғысы тақырыбы. Н.Серәлиевтің "Жеңешем, жорға және мен", О.Сәрсенбаевтың "Таңбалы тас", М.Мағауиннің "Бір атаның балалары", М.Қаназовтың "Чика  -  Дабылдың баласы", "Қияндағы күн нұры", Д.Исабековтың "Біз соғысты көрген жоқпыз", С.Нарымбетовтың  "Айғай" повестері соғыс жылдарында ерте есейген балалық сырын бейнелейді. Қазақ балалар прозасында әуелі бетбұрыс ретінде тәуір көрінген, кейін шиырланып көп жазылған тақырып  -  Ұлы Отан соғысы тақырыбы. Н.Серәлиевтің "Жеңешем, жорға және мен", О.Сәрсенбаевтың "Таңбалы тас", М.Мағауиннің "Бір атаның балалары", М.Қаназовтың "Чика  -  Дабылдың баласы", "Қияндағы күн нұры", Д.Исабековтың "Біз соғысты көрген жоқпыз", С.Нарымбетовтың  "Айғай" повестері соғыс жылдарында ерте есейген балалық сырын бейнелейді.
        2-тақырып. Балалар әдебиетінде 1957 жылдан бері қарай ғылыми-фантастикалық тақырыптағы шығармалар пайда бола бастады. Балалар әдебиетінде 1957 жылдан бері қарай ғылыми-фантастикалық тақырыптағы шығармалар пайда бола бастады. А.Машановтың "Жер астына саяхат"(1957), М.Сәрсекеевтің "Ғажайып сәуле"(1959), "Жетінші толқын"(1964) повестерін атауға болады. А.Машановтың повесі жердің жаратылысын, табиғаттың ұзақ ғасырлар бойғы  өзгеріс-құбылыстарының заңдарын, ескінің қалай өзгеріп, жаңаның қалай дамитынын ғылыми тұрғыдан қызықты етіп әңгімелейді. М.Сәрсекеевтің аталған шығармалары техника тетіктерінің әр алуан жүйесінен мағлұмат береді. 
      3-тақырып. 50-жылдардың басында тың көтеру жаңа шығармалардың көптеп жазылуына себепкер болды. С.Омаровтың "Алтын алқап" повесі осылай туды. 
      4-тақырып. Соғыстан кейінгі жылдардағы балалар прозасы бала тәрбиелеудегі отбасы мен мектеп ролін көрсетуге тырысты. Мектептің өмірмен байланысын нығайту мәселесін басты мақсат етіп қойды. М.Иманжанов "Алғашқы айлар" повесінде(1950) ауыл мұғалімінің өмірі туралы жазды. Оның кейіпкері Жақыпбектің белсенді іс-әрекеті ауыл мәдениетін көтеруге, мектептегі оқу-тәрбие жұмысын жақсартуға жұмсалады. Ол мектеп пен өмірдің байланысын көтеру, балаларды еңбекке баулу ісіне бастамашы болды. Мектеп пен отбасы, мектеп пен колхоз арасындағы байланыс жайы әңгіме етіледі. 
      С.Жұбатыров, М.Қабанбаев, Э.Төреханов, Б.Бабақов, Б.Қойшыбаев, С.Асылбеков, М.Айымбетов, Б.Ыбырайымов, Н.Мұраталиев, Н.Ақышев, Б.Әділов, С.Дүйсенбиев және т.б. қаламгерлер балалар әдебиетіне өздерінің балалық өмірбаян сырын әкелді. М.Қабанбаевтың "Бақбақ басы толған күн", "Арыстан, мен, виоленчель және қасапхана", Қ.Қазиевтің "Үркер", С.Жұбатыровтың "Жасыл сағым", М.Айымбетовтың "Бар болғаны он төрт жас", "Көлге шомылған ай", Б.Қойшыбаевтың "Сенім" повестері мектеп оқушылары өмірінен жазылған шығармалар. Балалық шақ пен жасөспірімдік сәт аралығындағы өтпелі кезеңді бейнелеуді мақсат еткен бұл шығармалар балалар әдебиетіндегі соны ізденістің жемісіне жатады. 
       Шығармалардағы басты мәселе  -  кейіпкердің жан-дүниесіне үңілуге тырысушылықты аңғарамыз. Тіршілік дүниесі бала кейіпкер көзімен беріледі. Ата-анасы, әйтпесе, мектеп ұжымы, достар арасындағы психологиялық конфликт өрістейді. Шығарма кейіпкерлері  - жазушылардың балалар өміріне жаңаша қарай бастауының куәсі.
2. Ө.Тұрманжанов.  Оңтүстік Қазақстан облысының Ордабасы ауданына қарасты жерде, Бөген өзенінің бойында 1905  жылы өмірге келді. Ө.Тұрманжанов балалар әдебиетіне келу жайын былай баян етеді: <<Мен балалар тақырыбына 1929 жылдан бастап шындап жаза бастадым. Балаларға арнап жазған тырнақалды кітапшам <<Қарлығаш>>. Ол 1930 жылы Алматыда басылып шықты. Онан соң сол жылдары <<Құрыш құс>>, <<Карл>> деген кітаптарым да басылып шықты. ...жазғандарымның дені балалар мен жасөспірімдерге арналған>>. 
    Әдебиеттанушы Қ.Ергөбек Ө.Тұрманжановтың балалар әдебиетімен айналысуына себеп болған екінші жайтты да атап көрсетеді. Ол бұған КСРО Жазушыларының 1934 жылы болған бірінші съезінің себеп болғанын айтады. Съезде назар аударылған мәселелердің бірі балалар әдебиеті болды. Бұл съезге қатысқан І.Жансүгіров елге оралысымен, қазақ балалар әдебиеті мәселелерін қолға алады. Өзге әріптестерін әдебиеттің осы саласына жұмылдырады. <<Жалпы осы жылдары баланы болашақ тұтқан бірсыпыра қаламгер  балалар  әдебиетіне бетбұрыс жасады. Содан да отызыншы жылдары қазақ балалар әдебиеті қаламгерлерінің қатары толығып, недәуір еңсе көтеріп қалды. Өтебай Тұрманжановтың балалар әдебиетіне біржола бет бұрып, тұрақты машықтануына әсер еткен екінші фактор осы>> - дейді(4:56) ғалым Қ.Ергөбек.
        Сөйтіп ақын балаларды болашақ тұтып, өзінің бар дарын-қуатын  бүлдіршіндерге арнады. Ө.Тұрманжанов Оңтүстік Қазақстан облысының Ордабасы ауданына қарасты жерде, Бөген өзенінің бойында өмірге келді. Ресми құжаттарда ақын 1905 жылы туған деп көрсетіледі. <<Таң өлеңдері>>(1925), <<Қошан кедей>>(1927), <<Карл>>(1934), <<Пулемет>>(1933), <<Құрыш құс>>(1932), <<Таң сыры>>(1929), <<Еңбек және мектеп>>(1930), <<Қарлығаш>>(1931) секілді кітаптары жарық көреді.     Ө.Тұрманжанов балалар тақырыбына 1929 жылдан бастап шындап жаза бастаған екен. Балаларға арналған алғашқы кітапшасы  -  <<Қарлығаш>>. Алғашқыда көптеген өлең, поэма, проза жазған ол  бертін келе бойдағы бар дарын қуатын, алтын уақытын осы салаға біржола бағыштады. Ө.Тұрманжанов балалар әдебиетінің кезеңдік проблемалары, жеке таланттары жайлы мақала да жазып отырды.   
      Ө.Тұрманжанов балалар тақырыбына 1929 жылдан бастап шындап жаза бастаған. Балаларға арналған алғашқы кітапшасы  -  <<Қарлығаш>>. 1930 жылы басылып шықты. Кейін <<Құрыш құс>>, <<Карл>> кітаптары шықты. Ө.Тұрманжанов балалар әдебиетімен үздіксіз шұғылданды. Алғашқыда көптеген өлең, поэма, проза жазған ол  бертін келе бойдағы бар дарын қуатын, алтын уақытын осы салаға біржола бағыштады. Ө.Тұрманжанов балалар әдебиетінің кезеңдік проблемалары, жеке таланттары жайлы мақала да жазып отырды. Ақын өлеңдерінің тақырыптары  сан тарапты. Ө.Тұрманжановтың бүлдіршіндерге арнаған өлең-жырларынан  сәбиге тән бала тілін, оқушыға тән асқақ сезімді, романтизмді, лиризмді оңай аңғарамыз. <<Ән салайық>> айналып өлеңінде Балалар-ау, балалар!Бойларыңа қарап ал.Беттеріңді жуып ал, Белдеріңді буып ал.Бастарыңды құрап ал,Тізбектеліп тұра қал.Жұрт тыңдасын тамсанып,Би билейік, ән салып- деп балаларды көңіл көтеруге шақырады. Бұл ретте ақын өлеңдері І.Жансүгіровтің <<Ой, балалар, балалар>> деп басталатын <<Жазғытұрым>>, <<Күз>> өлеңдерін еске түсіреді. Өтебай ақын <<Балқаш көлге барайық>> деп аталатын тағы бір өлеңінде балаларға Балалар-ау, балалар!Қатар басып, барабар<<Балығы тайдай тулаған, Бақасы қойдай шулаған>>Балқаш көлге барайық.деп тілек білдіреді. 
       Ө.Тұрманжанов - Ы,Алтынсарин, С.Көбеев, С.Дөнентаев секілді ағартушы ақындардың дәстүрін жалғастырушы. Ақын өз ұстаз ағалары сияқты балаларды өнер-білім үйренуге шақырады. Ө.Тұрманжановтың дидактикалық өлеңдері құрғақ ақыл айтумен шектелмейді. Ойын суретке жалғайды. Кейде белгілі бір оқиға, көріністі суреттей бастап, ойын ақылмен түйеді. Осының бәрі табиғи өріліп, өзара әдемі жымдасып  жатыр.   Ақынның ақыл айтқан  қай өлеңі болсын, қимыл-қозғалысқа, бояуға толы  динамикалы өлең болып келеді. 
     Ө.Тұрманжанов бірде табиғаттың көркемдігін балғын бөбекке қалпынша     Жақсылық, қайырымдылық, достық - Өтебай ақынның балаларға арнаған бар өлең-жырының күретамыры, лейтмотиві. Қарапайым апорт алмасын суреттеген ақын <<Тәтті алма>> өлеңінде мынадай ой айтады: Бір апортқа нысапты Екі бала тояды.Тату қылып  тәтті алма, Табыстырып қояды. Бұл өлеңде <<өле жегенше, бөле же!>> деген ой бар. <<Көбелектерді сйладым>> өлеңінде лирикалық кейіпкер аулаға гүл егіп, көріктендіреді.  Гүлді көріп көбелек ұшып келеді. Осы сәтті ақын былай суреттейді: Гүл өсіріп, қуантып, Көбелектерді сыйладым. Жаз сұлуын мұңайтып, Сыйламауға қимадым.
     Ө.Тұрманжановтың әдеби мұрасы балалар әдебиетіндегі фольклор мен кеңестік кезең арасын жалғап жатқан алтын көпір іспеттес. Ол ауыз әдебиеті асыл қайнарынан үйреніп өсті. Фольклорлық тақырып, желі, сюжетті пайдалану, ауыз әдебиетін  шығармашылық күшті қуатпен меңгеру - Ө.Тұрманжанов әдеби мұрасының басты ерекшелігі. Балаларға арнап шығарма жазу Ө.Тұрманжановты халық творчествосымен бұрынғыдан гөрі жақындастыра түсті.  
   Тақпақ. Ақында төрт түліктен өрілген әлденеше өлең бар. Мәселен, <<Шұбар лақ>>, <<Ақ бұзау мен көк лақ>>, <<Қозы, қозы,  қозылар>>, <<Текешік>>, <<Мысық тілеуі неге жаман? Күшік тілеуі неге жақсы?>>, <<Төрт түлікті қалай шақырады?>>, <<Қой мен ешкінің қағысуы>>, <<Қарағай мүйіз қара ешкі>>, <<Жүйткі, жүйткі, жүйрігім>>, <<Нартайлақ>>, <<Екі қодық>>, <<Жан-жануардың  баласын сүюі>>, <<Ақ мүйізді ақ қошқар>>, <<Төрт түліктің төлдерін сүюі>>, <<Қошақан>>, <<Ешкім, ешкім, егіз тап>>, <<Ешкі деген жануар>>, <<Ақ ешкіні баптап бақ>> секілді өлеңдер - бірыңғай төрт түліктің қадір-қасиетіне құрылған тұрмыстық-этнографиялық туындылар. Ө.Тұрманжановтың бұл саладағы өлеңдерінің өзіндік бірсыпыра ерекшеліктері бар. Біріншіден, ақын  қандай хайуанат хақында қалам тартса да, халықтың мінездеуі тұрғысынан қарайды. Демек, ақын өлеңінде сол хайуанат жайлы халықтық түсінік қоса тіріліп отырады.  Екіншіден, хайуанаттарды бала кейіпкермен қарым-қатынаста алып бейнелейді. Үшіншіден, ақын хайуанаттар хақында өлең жазғанда, оларды жеке қызықтамай, оқушысын ойландырарлық ой түйіндейді. 
   Мазақтама. Ө.Тұрманжанов шығармашылығындағы және бір ерекшелік - өлеңді бала мінезіне құратындығы. Ақынның <<Шыбық тимес шыңқ етер>> аталатын өлеңі: Шыбын қонса басына,<<Ойбай, мені шақты>> деп,Бала отырса қасына,<<Құлағымды тартты>> деп Бәле салып қыңқ етер, - деп келеді. Бұл өлең халық айтқан аталы сөзді негізге алған.  Өлең бір жағынан, халықтық ұғымды тірілту болса, екінші жағынан, қиқар баланы сынау, мінеу болып табылады. 
     Ө.Тұрманжановтың <<Қарабай-ау, Қарабай>>, <<Мынау кір-кір қай бала?>>, <<Ол беске, мен үшке оқимын>>, <<Құйын>>, <<Шекесі қанап жүреді>> секілді өлеңдері бала тіліне, бала мінезіне, іс-әрекетіне құрылған. Бұл өлеңдерінде ақын бірде бұзық баланың өзін сөйлетсе, бірде өз атынан баланы сипаттай отырып, бүлдіршіндер бойындағы ұнамсыз қылықты әшкерелейді. Қарабай-ау, Қарабай!Шаш қойыпсың тарамай.Өсіріпсің қарамай,Басың бопты шарадай!Басты баптап күтпесең,Жүрмесін іске жарамай!Тазалық керек басқа да,Тазалық керек шашқа да,Тазалық керек асқа да,Болсайшы анау Сарадай. деп <<Қарабай-ау, Қарабай>> өлеңінде ұқыпсыз баланы сынайды. 
     Ақын мазақтамалары да көбіне тәрбиелік сипатпен ұштасып жатады. <<Мынау кір-кір қай бала?>> өлеңінде Тұрған деген баланың кір-қожалақ қалпын суреттей келе Айна ал да, қара айнаға!Айналып қара айнала!Дерсің сонда өзіңе:<<Мынау кір-кір қай бала?>> деп өзіне-өзін сынатады, өз үкімін өзіне айтқызады. Баланы шындыққа жүгіндіре сөйлеу  -  тәрбиешіл ақын мәнері. Демек ақын бала мінезін қызықтай отырып, бала сөзін өлеңге айналдыра отырып, баланың ұнамсыз мінезін әшкерелей отырып  өлеңнің тәрбиелік мәніне ерекше назар аударады.
     Қисық мінез қыңыр баланы кескіндеуде ақын сан алуан тәсілді қолданады. Бала мінезін беру үшін хайуанат табиғатындағы тентектікті әшкерелеуге барады. Қарағай мүйіз қара ешкі, Қызғаншақ, іші тар ешкі. Жаппай сүзіп жан-жақты, Жылады сенен бар ешкі. деген өлең жолдарынан жалқау, самарқау, сотқар балалардың мінезі аңғарылады. Ақынның мұндай өлеңдерінің кейбірі мысал жанрының еншісіне жатады. 
Сұрамақ. Ө.Тұрманжановтың бірсыпыра өлеңі диалог үлгісінде жазылған. <<Екі суайт>>(<<Иті мен иесі>>)деген өлеңі пікірге дәлел:-Байбосын, қайдан келесің?-Бидай баулап келемін.-Байғасқа, қайдан келесің?-Қоян аулап келемін.-Байбосын, қайда бидайың?-Қырманға жайлап келемін.-Байғасқа, қайда қояның?-Байға байлап келемін.Ө.Тұрманжановтың халық өлеңбері үлгісіне құрылған осындай өлеңдері  ізденіс жемісі, шеберлік кепілі болып табылады.
       Мысал.  Өтебай ақын еншісінде бірсыпыра мысал бар.     <<Шыбын мен бал ара>> мысалының сюжеті мынандай: шыбын бірде бал арасына жоллығып, шыбындықтан тойдым, ластығымды қойдым, тазалыққа, ізгілікке ұмтылайын, жанымды қинап бал жинайын деп шағынады.Кір-қоқырға қарамайын,Білем ғой ара жайын,Жақсылыққа ауайын,Жұпар гүлді сауайын.деп жалынады. Ара аяп, шыбынды қатарға қосады. Бірге бал жинайды. Қоңы көтеріліп, күйі дұрысталған шыбын бірде серттен таяды.Бір күні бал теріп жүріп,Шірікті көріп,Көңілі бұзылып,Жалап алды қызығып.Былғанды балы,Мүшкіл болды халі.Ара <<Былғадың деп балды, кірлеттің деп арды>> шыбынның басын жұлып алды. Өлең астарында бірнеше ой бар. Алдымен  -  табиғатынан асып пенде ешқайда бара алмайды деген ой. Екіншіден, серт берме, берсең  -  орында, әйтпесе, өліммен тең деген ой. Жамандықпен ауызданғанның жақсылыққа ден қоймағы қиын екенін де сезіндіреді бұл мысал. Ақын шағын мысалмен шалқар ой айтып отыр.    Қызықты, әрі күрделі мысал үлгісінің бірі  -  <<Құмырсқалар, аралар  -  қиыспас дос, құдалар>>. Қаламгер мұнда әлденеше жанр мүмкіндігін ұштастырып пайдалана білген. Біріншіден, фольклорлық баяндау сарынын ұстаған:Ертеде бір орманда,Өзі салған қорғанда, Бір топ ара тұрыпты. деп бастайды автор поэмасын. Сондай-ақ, поэманың түйінінде өтірік өлең сипаты бар.Мініп алып бір қойға,Мен де болдым сол тойда,Аралардан бал жедім,Ондай тәтті көрмедім.Құмырсқадан нан жедім,Ондай дәмді көрмедім. деп түйеді ақын. Екіншіден. Ақын поэмасында сатиралық персонаж етіп хайуанаттарға сырт бейнесіне сай, тіршілік-харакетіне дөп келетін іс-әрекет берген. Қызыл, сары, жасыл, ақ қанатты Көбелек  -  биші, шаққан жерін қан қылып жүрген Сары маса  -  қанқұмар, ала жаздай ән қуған Инелік  -  парықсыз, өрмектен өрнек салған Өрмекші - өтірікші болып бейнеленген. Автор оқушы бала үшін поэманың танымдық сипатын арттыра түскен. Жәндіктердің іс-әрекетін бейнелеуде мысал тәжірибесін жете меңгерген. Ақын Инелік жөнінде:Жазды өткізген жалтырап,Қыста отырсаң қалтырап,дейді. Үшіншіден, бұндағы ұнамды персонаждар  -  еңбексүйгіш Ара мен Құмырсқа. Оларды айырылмас құда еткен  -  Еңбек. 
     Еңбек  -  поэманың айтар ойы, автордың түйер концепциясы.  Ақын бұл ойға  бала оқушыны әр түрлі әрекетке қанықтырып, балғын сананы осы үлкен идеяға сендіріп әкеледі. Шығарманың идеялық түйіні философиялық ойлармен қабысып, көркемдік биігіне жеткен.
     Ертегі-поэмалар.  Ақында ертегі-поэмалар да мол. Олардың қай-қайсысы да - ерлік, адалдық, еңбек, ынтымақ, тұрақтылық жайлы халық даналығын ұстанған шығармалар. Олардың қай-қайсысында да халықтық ой шығарманың идеясына айналды. Ақынның <<Төрт өгіз туралы ертегі>>, <<Қарлығаш, дәуіт, жылан>>, <<Жолаушы мен жеті қасқыр>>, <<Аю мен аралар>>, <<Жолбарыс>> деген поэмалары  <<бірлік болмай тірлік болмас>> деген ойды танытады.  <<Төрт өгіз туралы ертегі>> шығармасы бір орманда ала жаздай жұбын жазбай жайылып, семірген төрт өгіз туралы сыр шертеді. Бұларға азулы аңдар бата алмайды. Тату-тәтті өгіздердің бірлігіне іріткі салған түлкі болады.  Түлкі оларды <<әрқайсыларың әр түбекті басқарыңдар>> деп азғырады. Түлкі сөзіне ерген жас өгіз  қасқырдың жемтігіне айнала жаздайды. Қалған үшеуі қасқыр мен түлкінің сазайын береді.  Автор қорытындысы төмендегідей:Не жетсін бірлікпенен ынтымаққа!Барлық күш  -  біле білсек, ынтымақта. <<Жалғыз боп жол тапқанша көппен адас>>Деп халық жай айтпаған әр уақытта!
        <<Қарлығаш, дәуіт, жылан>> поэмасында балапандарының өмірі үшін күрескен қарлығаш өз даусы дәуітті іздеп тауып, одан көмек сұрайды. Сөйтіп  дәуіттің көмегі арқылы балапандарын ажал аузынан арашалап қалады. Поэма оқиғасыБалалар, қашан дағы бірлік керек!Әлсізге артық болмас етсек көмек.Жақсылығың ұмытылмас қашан дағы,Игілікке дәнекер болсаң себеп, деп қорытындыланады.  Жасөспірімдерге бірлік қана керек емес, әдісшілдік, айлакерлік те қажет. 
           Ө.Тұрманжанов  әлем халықтарының ертегілерін, Эзоп мысалдарын, Л.Толстой, Изов, Ғ.Ғұлам, Ғ.Тоқай өлеңдерін қазақ тіліне аударды. Мысал өлеңдері тұжырымды, қысқа келеді. Өткір ой жанды көріністер арқылы беріледі. Оқиға желісінде шұбалаңқылық жоқ. Әзілге құрылған. Жазушының 1962 жылы <<Менің кітабым>>, 1966 жылы <<Адам адамға дос>> кітаптары жарық көрді. Бұл кітаптарға енген қысқа әңгімелеріндегі қазақы характерлер оқушысын табиғилығымен баурайды. Ө.Тұрманжановтың әңгімелері - балаларды  мазмұн қызықтылығымен, шағын көлемімен, композициялық құрылым ерекшелігімен, мақал-мәтелдермен көмкерілген ажарымен, көркемдігімен, танымдық, әрі тәрбиелік мәнімен және жанрлық әркелкілігімен де қызықтыратын, өзіне тартатын дүниелер.
       Ақын, жазушы, аудармашы Ө.Тұрманжановтың ел аузынан мақал-мәтелді көп жинағаны мәлім. <<Қазақтың мақал-мәтелдері>> деген атпен бірінші кітабы 1935 жылы басылып шықты. Екінші кітабы <<Таңдамалы мақал-мәтелдер>> деген атпен 1957 жылы шықты. Үшінші кітабы таңдамалы жинақ болып <<Қазақтың мақалдары мен мәтелдері>> деген атпен 1959 жылы басылып шықты. Балаларға арналған <<Асыл сөздер>> деген шағын мақал-мәтелдер жинағы 1963 жылы басылып шықты. Сол себепті ақын шығармашылығынан мақал-мәтелдік орамдар мен ой айту үлгісінің ықпалын, ырғағын аңғарамыз. Осы ықпалды  оның балаларға арнап жазған өлеңдерінен де кездестіреміз.  Атап айтқанда, өлең арасында, лексикондық сөздік қорында:Еңбек  -  адамның ырысы екен. <<Еңбек  -  ен байлық>> деген дұрыс екен.  (<<Есік алдында бір түп алма егіп>>)<<Көшерімді жел білсін,Қонарымды сай білсін>>.Деді де, жөнелді дөңгелей.<<Береке  -  көп жүрген жер>> - дейді халық,Жіберер жәрдемдесіп, қалсаң талып.(<<Көп түкірсе  -  көл>>)секілді райда қолданылады. 
      Екінші, мақал-мәтелдің ойын алып, философиясын таратып өлең жазады. <<Өстіп жанын қинадым>> өлеңі осы ойымызға дәлел:Жамандық қылған жаманды,Жамандыққа қимадым.<<Берейін>> деп сазаңды,Жақсылықпен сыйладым.Қастық қылған қасымды,Қастыққа мен қимадым,Достықпенен сыйладым,Өстіп жанын қинадым
      Үшінші, дербес өлең жазып, соңын мақал-мәтелдің ойымен түйіндейді. Мысалы: <<Құмырсқа мен піл>> өлеңінде пілдің құмырсқа илеуіне аунағанын, ызаланған құмырсқалардың пілді шағып талап өлтіргенін баяндай келіп:Бұзықтық істеп асқынып,Бойыңа сеніп, зорсынба.Ынтымақты көп елді,Кіші екен деп қорсынба!  деп түйіндейді. Төртінші, тұтас өлеңді, кейде жеке шумақты мақал-мәтел мақамында, ырғағында қиыстырады.Қара басын қорғаған,Қарнын ғана ойлайды.Қарнын ғана ойлағанӨмірінде тоймайды. Немесе:Ер бетіне тыртық түссе қылыштан  - Отан үшін табан тіреп тұрысқан...Бұл тыртықтар батырлықтың белгісі.Қатын болмай, батыр болсын ер кісі.Хас сұлулар хас  батырды қалайды,Жара, дағын жарастыққа санайды. Мақал-мәтелді ақынның ізденімпаздықпен пайдалануының кейбір сәттері осындай.  
        Ө.Тұрманжанов балаларға арналған өлең-жырлары қатарында оның аударма мысал өлеңдерін қарастырудың реті бар. Себебі Ө.Тұрманжанов  үлкен  тәржімашы еді. Оның әлем халықтарының ертегілерін, Эзоп мысалдарын, Л.Толстой, Изов, Ғ.Ғұлам, Ғ.Тоқай өлеңдерін қазақ тіліне аударғаны белгілі. Мысал өлеңдері тұжырымды, қысқа келеді. Өткір ой жанды көріністер арқылы беріледі. Оқиға желісінде шұбалаңқылық жоқ. Әзілге құрылған. Осы ерекшеліктерімен жеткіншектердің жан-дүниесін баурайды, қызықтыра түседі.
       Ө.Тұрманжанов Л.Толстойдың <<Жіңішке жіп>>, <<Маймыл мен бұршақ>>, <<Маймыл>>, <<Сауын сиыр>>, <<Үйрек пен ай>>, <<Шаң басқан қасқыр>>, <<Су иесі мен меруерт>>, <<Көкқұтан, балық, шаян>>, <<Қасқыр мен садақ>> деген мысалдарын және Изовтан <<Арыстан терісін киген есек>>, <<Балық пен балықшы>>,  <<Көк кептер  ме құмырсқа>>, <<Арыстан мен тышқан>>, <<Күзен>>, <<Бүркіт пен тасбақа>> және тағы басқа мысал өлеңдерін аударды. 
    Қызылордада басылған <<Қошан кедей>> деген шығармасы қазақ шаруасының күйзелісті көрінісіне құрылған.  Әңгіме түрінде жарияланғанымен, көлемі мен өмір шындығын қамтуы жөнінен повестке бара-бар. <<Қошан кедейден>> соң көп жылдар бойына ол прозаға орала алмады. <<Адамға сену керек>> повесі ешқайда жарияланбаған. Жазушының 1962 жылы <<Менің кітабым>>, 1966 жылы <<Адам адамға дос>> кітаптары жарық көрді. Бұл кітаптарға енген қысқа әңгімелеріндегі қазақы харктерлер оқушысын табиғилығымен баурайды. Жазушының әңгімелерін оқып отырып, оның жалпы балалар әдебиетіндегі бұл жанрды жетік  меңгергенін байқаймыз.  

                     Негізгі әдебиеттер:
* Ахметов Ш. Қазақ совет балалар әдебиеті.  - Алматы: Мектеп, 1976.  
* Ергuбек Ќ. Өтебай Тұрманжанов.  - Алматы: Рауан, 1992.
* Қ.Ергөбек.  Арыстар  мен ағыстар. А. 2003. 
* Ќазаќ совет балалар жазушылары.  - А., Жалын. 1987.
* Қазақ  балалар  әдебиетінің  хрестоматиясы. А. 1980.
* Қазақ балалар әдебиетінің кітапханасы: Тұрманжанов Ө., Әлімбаев М., А.,Жалын, 1984.
* Ө.Тұрманжанов. Таңдамалы  шығармалар. А.1965.  
* М.Әлімбаев.  Балдәурен,  шіркін,  балалық.  А.1973.
* Е.Ерботин.  Далаға  саяхат. А. 1991.
* М.Жаманбалинов.  Мықтылардың мықтысы.  Ә.Дүйсенбиев.  Не деу  керек?  Ж.Смақов.  Сылдырмақ. Ж.Кәрібозин  Көшпелі  тымақ. А.  2003. 
* Ж.Смақов. Ж.Кәрбозин.  Т.Молдағалиев.  А.  1992.   

                      Қосымша әдебиеттер
* Қазақ балалар поэзиясының антологиясы, А., Жалын, 1977.
* Қазіргі қазақ балалар поэзиясының антологиясы, А., Балауса, 1992.
* Тұрманжанов Ө. Менің кітабым, ҚМКӘБ, А., 1962.
* Тұрманжанов Ө. Таңдамалы шығармалар, А.,1965.
* Тұрманжанов Ө. Жаңа туған жас бұлақ, А., Жазушы, 2003.
                                       
                                 14-ДӘРІС
        1960-80 жылдардағы  балалар  әдебиеті
1. М.Әлімбаев
2. Ә.Дүйсенбиев

1. М.Әлімбаев. 1923 жылы Павлодар облысының Шарбақты ауданындағы Маралды аулында туған. Мұғалім әкесінің, екі ағасының арқасында сауатын ерте ашады. Бес жасында кітап оқи бастайды. Мұғалімнің баласы болғандықтан оқытушы болуды мақсат еткен. Он бес жасында педучилищеге түсіп, оны аяқтаған. Педагогикалық трактаттарды көркем әдебиетпен бірдей көріп, іңкәрлана оқыған. Ұлы Отан соғысына қатысқан. Университет бітірген. Мұзафар  -  ұстаз, тәлімгер, қаламгер.
      Балалар баспасөзінде 1948 жылдан 1989 жылға дейін жемісті, ізденісті қызмет атқарған. <<Балдырған>> журналын 28 жылдан астам уақыт басқарған.  Балалар баспасөзіндегі ондаған жылдарға созылған қызметі, әсіресе 1958 жылдан тұңғыш рет шыға бастаған <<Балдырған>> журналында бас редактор болуы балалар әдебиетінің ерекшелігін, өзгешелігін, талап-тілектерін, мұң-мұқтажын зерттеуге себепші болды. Балалар әдебиетін қалыптастыру және дамыту мәселелерімен тікелей шұғылданып, белсенді атсалысады.     Осының бәрі ақынның бүлдіршіндерге рухани азық беруге өз үлесін қосуға мүмкіндік тудырды, творчестволық ізденісіне жол ашты. 
       Ақынның алғашқы сыншылары  -  бауырлары. Бүлдіршіндерге дегенінің бәрін солар үшін жазған, алғашқы нұсқаларын соларға тыңдатқан,  мектепке барған соң соларға оқытқан, соларға сынатқан, жаттай алмаса, не ұқпаса, солардың ыңғайына қарай өңдеген, қысқартқан. Кәдеге жарамағандарын лақтырған. Ақын әр жастағы баланың ақыл-ой тұрғысынан қабылдағыш қабілетін, белгілі бір өлеңге лайық түр қандай болуын бауырлары мен балаларының қылығына қарап зерттеп үйренгендігін айтады.  Балабақша бөбектерімен, мектеп оқушыларымен кездесулер, ата-аналар комитетіндегі мүшелік  -  осының бәрінің  шарапаты ақын қаламына тиген.   
       Қырық жыл бойы балалар басылымдарында қызметте болу  -  Мұзафар ақынды  балаларға арнап шығарма жазуға итермеледі. <<Балдырған>> журналын 28 жылдан астам уақыт басқарған. Көп жылғы балалар әдебиетіне еткен еңбек М.Әлімбаевты балалар поэзиясының бірден-бір жасаушысы, классигі қатарына көтерді. Оның балажан жүрегі сәбилерге арнап талай-талай тілге орамды, оқуғажеңіл, ойнақы жырларды тудырды.  Мұзафар  -  тумысынан дерлік ұстаз, тәлімгер, қаламгер. Ол өзі мұғалімнің баласы, кішкентайынан бала оқытуды армандап, педучилище бітірген, қолында бастауыш мектеп мұғалімінің аттестаты бар. 
        1948 жылдан 1986 жылға дейін жемісті, ізденісті қызмет атқарған.    <<Детская литература>> баспасы 1978 жылы көп ұлтты кеңестік балалар әдебиетінің көрнекті өкілдері шығармашылығына арнап <<Вслух по себя>>  атты екі томдық шеберханалық кітап шығарды. Аталмыш кітапқа Қазақстаннан бір ғана М.Әлімбаев <<Вечно самим собою недовольный...>> аталатын мақаласымен қатысты. Мұның өзі М.Әлімбаевтың қазақ балалар әдебиетінің көрнекті  өкілі екендігін  айғақтайды.  1985 жылы М.Әлімбаевтың <<Аспандағы әпке>>  жыр жинағына Қазақстан Мемлекеттік сыйлығы берілді.
       Кейінгі жылдары М.Әлімбаев балалар әдебиетіне  ақын, жазушы,  аудармашы, теориялық тұжырымдар айтар  әдебиетші, зертеуші, тәрбие туралы ойын бөлісер педагог  болып атсалысты. Әлімбаев қазақ балалар әдебиетін өркендетуге өз шығармаларымен бірге, әдебиетке  жас дарындар тәрбиелеу  арқылы да араласты. М.Әлімбаев аударған В.Маяковский, Ю.Тувим, С.Михалков, А.Барто, Қ.Мұхаммади, А.Қыдыров, Т.Махмуд, С.Баруздин т.б. өлеңдерін кішкентай оқырмандар сүйіп оқиды.  М.Әлімбаев өлеңдері оқулықтарға тұрақты енген, мектеп және балабақша репертуарынан оның көптеген шығармаларын ұшыратамыз. 
      Ақынның балаларға арнап жазған кітаптары <<Менің ойыншықтарым>>, <<Жұмбақтар>>, <<Биікке - биікке>>, <<Шынықсаң шымыр боларсың>>, <<Орақ  -  олақ>>, <<Балдәурен, шіркін, балалық>>, <<Ақсерек те көксерек>>, <<Аспандағы әпке>> деп аталады. Автордың отыздан астам өлеңі  балдырғандардың сүйікті әніне айналған. Олар радио мен теледидар арқылы  жиі орындалады.  Ақынның шығармалары жиырмадан астам тілге аударылған.  М.Әлімбаев балалар әдебиетіндегі көптеген саланы қазақ өлеңі үшін бірінші болып ашқан. <<Арфа>>, <<Медуза>>, <<Баобаб ағашы>>, <<Пони>>, <<Ақсақалдың ақ батасынан>>, <<Диалог өлеңдері>>, <<Шнықсаң шымыр боласың>>, <<Жаттығу  -  жанның тынысы>>, <<Жаңбыршы>>, <<Логарифтер>>, <<Адас атаулар>>, <<Қарама-қарсы қызық сөз>>, <<Метаграммалар>>, <<Шарадалар>>, <<Сайқымазақ - клоун>>, <<Инебалық>> т.б. сондай тұңғыштар. 
         Бір тақырыптағы ізашалықты айтқанда  көтерілген тақырыптың сонылығы өзінен-өзі шығармаға көркемдік қасиет дарытады, сған кепілдік береді дегеннен аулақпыз. Ал М.Әлімбаев жаңа тақырыптағы да, <<жауыр>> тақырыптағы да өлең-жырларын қашан да көрікті, ойлы етіп жазуды мақсат тұтады және сол мақсатқа қол жеткізеді де. М.Әлімбаев өлең-жырларын қашан да көрікті, ойлы етіп жазуды мақсат тұтады және сол мақсатқа қол жеткізеді де.  <<Сен мұндай сөздерді білесің бе?>> және <<Халық тағылыматынан>> атты цикл өлеңдері үлкен жаңалық болып саналады.  Мәселен <<Дерһам>> өлеңін алайық:Місе тұтпа дерһамды, Кеңге салма арқаңды...Дерһам  -  титтей, титімдей...Ізде үлкен мен шалқарды.Сөз зергері Мұзафар сөзбен сурет салады, оның балаларға арналған өлеңдерінің көбі өте бейнелі, сурет салуға лайық.Айдың беті аппақ,Аяның беті сатпақ.Неге олай?Ол былай:АйАунамайды жерге,Шомылады көлге.дейді <<Ая мен ай>> өлеңінде. 
      М.Әлімбаевтың өлең тақпақтары жаттауға жеңіл, ойда сақтауға оңтайлы. Мәселен, <<Он саусақ>> өлеңін оқып көрелік:Жалғыз саусақ тіпті деҰстай алмас жіпті де.Екі саусақ бірікті,Ине қолға ілікті.Үш саусағым орамдыЖүгіртеді қаламды.Өнерлі екен он саусақҚала салсақ, жол салсақ.<<Мен дала бардым>> өлеңін  де мысалға келтірейік:Мен дала бардым,Қыр гүлін берді.Көл суын берді,Күн нұрын берді.  М.Әлімбаев <<Жақсы шығарма  жас талғамайды>> деген қағиданы ұстанады.  <<Жазған жырларымды жеті  жастағы бала да, жетпіс жетідегі қария да оқыр болса екен!>>  - деп тілейді, соған талаптанады ақын.  Бір заттың екінші затқа қандай ұқсастығы бар?  Не несімен ұқсайды? Соны аңғару, өлең-жыр жазуға себепші болады. 
      Бірде ақын көк шағылды кешіп серуен құрады. <<Көгал  -  жердің кілемі>> деген бір жол тіліне оралады. Содан <<кілемді біреу тоқиды ғой, ал жер бетіндегі кілемді тоқитын не?>> деген сауал қояды. Сол сауалға  жауап іздейді. Серуен соңында он екі жол ойша өлең әзір болады. Күн  - Кілем тоқиды,Нұрмен тоқиды,Гүлмен тоқиды.Ол  -  Асыл зер кілем,Жалпақ кең кілем,Жерге тең кілем.Ол  - Сен де сыярлық,Мен де сыярлық,Ел де сыярлық кілем.Ақын өлеңді <<Күн тоқыған кілем>> деп атайды. Соңғы шумақтағы идея, ой -бейбітшілікті, татулықты сақтайық, халықтарға жер үсті кең дегендік.    
       Ақынның өз көзімен көргені көбіне өлеңге арқау болады. Інісі Әнуардың Асқар деген кіші ұлы сурет салып отырады. Бір кезде <<Жол жғалды, ата, жол  қайда кетті, ата?>> деп  жылайды. Сөйтсе, парақтың ортасына көк қарындашпен көл салыпты. Күрең қарындашпен бір бұрыштан жол тартыпты. Жолы байқаусызда көлге келіп тіреліпті. Сөйтіп жол жоғалған. Ақын <<Асқар, асықпа, жол қазір табылады>> - деп көлдің арғы жағалауынан күрең қарындашпен жолды алып шығады. <<Міне, көрдің бе, сенің жолың көлге шомылып шықты>> дейді. <<Алақай, алақай, жол табылды!>> деп Асқар мәз болады.  Арада бірнеше күн  күн өткенде <<Жол қайда жоғалды?>> деген өлең жазады. <<Жоғалды ма жол оңай?Суға кетті-ау, обал-ай!Іздеп жүрсек жан-жақтан,Сүңгіп шықты ар жақтан.>>деп өлеңін аяқтайды ақын.  
           Мұзафар ақынның өзі куә болған көріністерінен жазылған қатарына жататындар: <<Кітап та  -  жеміс ағашы>>, <<Адалдық>>, <<Мысық пен құмыра>>, <<Қисыбай>>, <<Пернебек пен Көбелек>> және т.б. жүздеген өлеңдер.  Ақын әр заттан, әр құбылыстан, әрбір ой-пікірден, әрбір көзқарастан поэзияны таба біледі.     Өлең кейде өмір мұқтажынан туады. Мәселен, қазақта әлі де спорт жөнінде лең өте аз. Ал соның ішінде таңертеңгі денешынықтыру жайында өлең атымен жоқ. Ақын қолына жаттығулар тізілген кітап ала отырып, қолдан өлең тудырады. Кейін суретті кітапша болып басылған өлең <<Шынықсаң, шымыр боларсың>> деп аталды.    Қандай тақырыптар қаламға оралмай жүр? Ақын соны іздеп тауып, жаңа жырлар жазуға, кемтікті толтыруға ынталы. 
       Шығармашылықтың тағы бір қайнар көзі  -  халық арасындағы аңыз-әңгімелер, әзіл-оспақтар, ертегі, хикаялар. Ақынның бірсыпыра шығармалары халықтық ертегі, аңыздардан алынған. Мысалы, <<Мейман>>, <<Жақсыбай батыр мен Елпекбай>>, <<Аштың аңы жүрмейді>>, <<Сараң>>, <<Көк сиырды көтерген келіншек>>, <<Бүркіт пен жапалақ>> сияқты туындыларын атауға болады. Халық творчествосына еліктеп шығарған аңыздарының қатарына <<Шөже  мен Алшынбай>>, <<Еріншектер елінің Ертеңбайы>>, <<Қос керуен>>, <<Күлдіргілер>>, <<Кім ұтылды, кім ұтты>> т.б. 
      Танымдық мәні бар нәрселерді кішкентайларға поэзиялық шығарма арқылы ұсынған жемістің пайдасы бар. Ол үшін ақын-жазушы аса білімдар, жан-жқты хабары бар адам болуы керек.  Ақын ғылыми-көпшілік кітаптарға, оқымыстылар еңбегіне үңілгенді ұнатады. Солардан өлеңге нәр табады. М.Әлімбаевтың өлең-жырларының басты тақырыптары  -  еңбексүйгіштік,  білім құмарлық, қаһарман ата-бабалар жолын ардақтау, солардың ерліктеріне еліктеу, Отанды сүю,  оны қорғауға әзір болу, жер жүзі халықтарын, еңбекші балаларын бауыр тұту. Ақын ауыз әдебиетімен тілі шыға танысқан деуге болады. Анасы Зейнеп халық өлеңдерін құлағына ерте құйған. <<Солардың пайдасын мен күні бүгінге дейін көріп жүрмін. Мысалы, өтірік өлеңдерді, жұмбақ-жаңылтпаштарды халықтық нұсқалардан үйрене отырып жаздым>> дейді ақын. (М.Әлімбаев. Балаға жыр арнауды бақытым деп... Қазақ совет балалар жазушылары. А.Жалын. 1987. 43-б.) Ақын өлеңдерінде  мақал-мәтелдік, афоризмдік жолдар, тұтас орамдар жиі ұшырасады. Спорт  -  күштің қайнары,Спортшылар жайдары.---    ---    ---Қалың ну  -  халық саулығы,Көк орман  -  Отан байлығы тәрізді жолдар пікірдің айғағы.      М.Әлімбаевтың өлең-жырлары халық өлеңдеріндей, мақал-мәтелдеріндей нығыз, ықшам, қысқа болып келеді. Мәселен, <<Орманда>> деп аталатын өлеңінің көлемі бас аяғы екі-ақ жол:Отын жардық жұмылып,Орман кетті жылынып.<<Еңбек еткен адам тоңбайды, рахатқа батады, ешкімге емінбейді>>  деген идеяны еркін жеткізген. Көктемнің келбетін жалғыз-ақ шумаққа сыйғызады:Көлкіген су айнала,Малтығып тұр тал, қайың.Қарайды айдын  -  айнағаШымшық қағып таңдайын.<<Тату бол>> өлеңінде <<бейбітшілік берекесі>> деген үлкен ұғымды да шағын көлемге сыйғызады:Достар болса достық атын ақтаған,Алыс жол да  -  жақын жол.Қара бала, ақ балаТуыстардай тату бол!  
         Автордың көптеген өлеңдері әдетте, 4-8 жолдан әрі аспайды. Оның есесіне өлеңдегі ой-идея салмақты, туындының бітімі айшықты. <<Бал араның жыры>> өлеңінде былай дейді:Баратыным  -  қыр,Қонатыным  -  гүл.Теретінім  -  нәр,Беретінім  -  бал.Мұзафардың поэзиясында жағымды юмор, әзіл-қалжың бар. <<Піл мен құмырсқа>> өлеңі - сондай өлеңдерінің бірі. <<Өтірікшілердің айтысынан>>, <<Қайда кеткен қарындаш>>, <<Бас пен қол>>, <<Ұмытшақ>>, <<Әдет қой>> сияқты өлеңдері қалжыңға суарылған.  
        Қазір қазақ балалар әдебиетінің ірге тасын қалаушылардың бірі деп танылған М.Әлімбаевтың үздік туындылары оқулықтарға, мектеп және балабақша репертуарына тұрақты енген. Оның 60 шақты балалар жырына ән жазылып, айтылып жүр.       Бірде ақын төменгі сынып оқушыларының айтуына лайықты мұғалім жайында ән жоқтығын байқайды. Әрі ойланып, бері ойланып <<Мұғалім ол біздің>>  деген жыр жазады. Оған композитор Ибрагим Нүсіпбаев тәп-тәуір ән жазады. Білімнің кілтіндей<<Әліппе>> ұстатқан.Оқуға іркілмей,Тоқуға ұстартқан.Қамқоры ұл-қыздың  - Мұғалім ол біздің.Қиынға төзугеҮйреткен қашан да.Жаманнан безуге,Жақсылық жасауғаҚамқоры ұл-қыздыңМұғалім ол біздің.Анам да сыйлайтынАтамның тұстасы.Папам да сыйлайтынАқылдың ұстазы.Қамқоры ұл-қыздыңМұғалім ол біздің.Қазір бастауыш мектеп оқушыларының сүйіп оқып, жаттайтын өлеңдерінің бірі  -   осы <<Мұғалім ол біздің>> ән-өлеңі. Мектептерде жиі айтылып жүр.
          М.Әлімбаев өлеңдері негізінен мектеп жасына дейінгі балдырған мен бастауыш сынып оқушыларына арнап жазылды. Сонымен ақын шығармашылығы төмендегі ерекшеліктерден тұрады: 
       Біріншіден, ақын шығармашылығы жанрлық жағынан бай. Ақын шығармаларында өлең, тақпақ, ертегі, өлең-ойын, санамақ, қайсысы қайсысына ұқсайды, синоним сөздер, өтірік өлең,  айтыс, мазақтама, ән өлеңдері, жұмбақ, лотогрифтер, қарама-қарсы қызық сөздер, адас атаулар, метограммалар, шарадалар, жаңылтпаштар т.б. секілді <<ішкі жанр>> үлгілері  ұшырасады.  Мұның өзі ақынның ізденіс аясын, білім өресін аңғартатын дәлел болса керек.    
      Екіншіден, сол мол жанрлық үлгіні аңғартатын өлеңдерден шынайы балалар ақынының кішкентай оқушы танымы, қабылдау мүмкіндігіне саналы бейімделуін аңғарамыз. Өлеңдері мейлінше қарапайым, бірақ ойлы, мақсатты, тәрбиелік нысанасы айқын.  Әр сатыдағы оқущылардың жас мөлшеріне сай лексиконды таңдап ала отырып, қандай күрделі ойды да аз буынға сыйғыза айтып бере білу де - осы бейімделудің көрінісі.  <<Күз нышандары>> атпен берілген, небәрі екі жолдан тұратын өлеңдер барынша қарапайым. Қарапайым бола тұра, ең кішкентай оқушының өзіне табиғат маусымының негізгі белгілерін, сурет-характерін нақты жеткізіп беріп отыр. Сондай-ақ, тұрақты үш буынмен жазылған <<Қар мен жел>> өлеңі де бала танымына лайықталып жазылған. 
      Үшіншіден, М.Әлімбаев поэзиясының тақырыбы аса бай, әрі соның көбі қазақ оқырмандары үшін соны, тың. Мәселен, спорт жөніндегі цикл өлеңдер, стюардесса, монтер, корректор, сылақшы, студент т.б.  Көптеген өлең тың тақырыпты болуымен бірге, танымдық мәні зор. Ақын көптеген саланы қазақ өлеңі үшін бірінші болып ашқан. <<Оның шығармалары тақырып байлығымен оқшаулана көзге түседі. Тіпті талай-талай тақырыптарда М.Әлімбаев ізашар, тұңғыш түрен салушы десек әділ>> - дейді сыншы Бақыт Сарыбалаев. Мәселен, стюардесса туралы өлеңді қазақ тілінде бірінші болып жазған  -  Мұзафар. <<Арфа>>, <<Медуза>>, <<Баобаб ағашы>>, <<Пони>>, <<Ақсақалдың ақ батасынан>>, <<Диалог өлеңдері>>, <<Шынықсаң шымыр боласың>>, <<Жаттығу  -  жанның тынысы>>, <<Жаңбыршы>>, <<Адас атаулар>>, <<Қарама қарсы қызық сөз>> - т.б. да сондай тұңғыштар.   
       Төртіншіден, ақын өлеңдері оқиғалы, сюжетті болып келеді. Сол шағын сюжетте характер ашарлық конфликт өре біледі автор. Бұл - өлеңнің ойнақы, динамикалы болып шығуына септеседі. Мұндай ерекшелікке ақын жырларынан көптеп мысал келтіруге болады.  
       Бесіншіден, М.Әлімбаев ел аузындағы елеулі ертегі, аңыздарды тере жүріп, жаңғырта жырлайды, халық шығармашылығындағы ғажап үлгілер дәстүрімен өзі де жанынан аңыз, ертегілер, күлдіргі жырлар тудырады.  <<Қос керенау>>, <<Кім ұтылды, кім ұтты?>>, <<Жақсыбай батыр мен Елпекбай>>, <<Алшынбай мен Шөже>> т.б. өлеңдер осының дәлелі. 
      Алтыншыдан,  өлеңдерінің құрылысынан, бунақ-бунақ, ырғағынан балалар ақынының қолтаңбасы аңғарылады.  Бірыңғай үш буынмен жазылған <<Қар мен жел>> өлеңін  алсақ та, осыған көз жеткіземіз. 
      Жетіншіден,  ақын өлеңдері  -  юморлы. Шуақты әзіл әрекідік уытты күлкіге ұласып жатады. Өлеңдерінде детальды ойнату, контрасты көріністі юмормен сөйлетудің ұтымды сәттері байқалады.  
      Сегізіншіден,  ақын сөзге үнемшіл.  Сөзге үнемшілдік өлең техникасын жете меңгерген  шеберлікке тән. Ерігу  не? Білмеймін.Зерігу не? Білмеймін.Неге десең, ешқашанЕрінуді білмеймін. (Жұмыс)Сөз үнемдеуден туған өлеңнің бір үлгісі  -  осындай.     
     Тоғызыншыдан, ақын өлеңдерін ғылым мен техниканың соны жаңалықтарына сүйене отырып жазады. Бұған ақынның  бала психологиясын, таным процесін жете зерттеуі себеп деп ойлаймыз.  М.Әлімбаев стюардесса еңбегінің мәнін ашып, оны <<Аспандағы әпке>> деп баламалапты.
        Оныншы ерекшелік, ақын өлеңдерінде тәрбиелік  ой екінші бір  құбылыспен астастырыла  айтылады.  Бұл  -  ойды оқушыға сіңімді жеткізудің тәуір жолы дерлік.  Әрі көркемдік шарт та. <<Кітапты жел парақтады>> аталатын өлеңінде ой былай жеткізіліпті:Кітапты жел парақтады,Парақтады қарап тағы.Өршеленді, жалақтады,Парақтады, парақтады.Түсіне алмай, алақтады...Түсінуге зерде керек,Құр парақтау неге керек?Осы өлеңдегі оқушыға айтылар мораль әрі қарапайым, әрі ойлы, табиғи...  Немесе <<Көктем кімге көңілді, кімге көңілсіз?>> деген өлеңінде де бала кейіпкер көктемгі табиғат көркіне тебірене тұрып та:Жолдастарым не білді?Сол көктемнің өзі деБолмайды екен көңілді<<Екілік>> алған кезіңде...деп түйіпті ойын.  Алдыңғы өлеңмен салыстырғанда, осы шумақта ұтымды екі сәт бар. Біріншіден, көктемгі табиғат пен бала көңілі астастырылған, салыстырылған. Екіншіден, көңілсіз көріністі басқа емес, бала кейіпкердің өзі мойындап тұр.  Егер, өлең  түйініне айналған мораль кейіпкер атынан берілмей, автор атынан баяндалар болса, сіңімсіз шығар еді. Ақын орайын тапқан. 
       Он біріншіден, ақынның <<Қайсысы қайсысына ұқсайды?>> деген тақырыппенен жазылған циклдық өлең топтамасы формалық сонылық болып табылады. Әрқайсысы екі, не төрт жолдан тұратын ықшам өлеңдер. Топтама кішкентай оқушылардың тіршілік сырына көңілін оятып, көзқарасын қалыптастыратын ыңғайлы, ықшам, тиімді өлеңдер. Бұл да - ақын ізденісін байқататын бір  ерекшелік.  <<Мақал  -  халықтың даналығы, халықтың жадына түйгені. Автордікі  -  нақыл... Егерәкім, түбінде мақал-мәтелге айналып кетіп жатса, дауым жоқ...>> деген екен ақын.  Шынында, М.Әлімбаевтың мақалға, халық даналығына айналып, ауыздан-ауызға көшіп кеткен сөздері баршылық. 
     Ақынның өрнекті нақыл, қанатты сөздері мен балаларға арнап жазған поэзиясының жанды бір күретамыры халық педагогикасымен өзектестігі. Жазушының нақылдарынан, балаларға арналған шығармаларынан ұлттық педагогиканың ұстындары бой көрсетіп тұрады.   М.Әлімбаев жас буынға арнап көркем шығарма жазумен ғана шектелмейді. Ол балалар әдебиетіне толассыз кадр тәрбиелеген <<Балдырған>> журналын өз қолымен ұйымдастырып, ширек ғасыр шымыр басшылық жасады. <<Балдырған>> балалар әдебиеті үшін оқушы мен жазушы арасындағы алтын көпір іспетті болғанын айту керек.
       Аталмыш журнал арқылы  ақын кішкентай оқушыны ғана тірі сөзге тәрбиелеп қойған жоқ, оларға шынайы көркем шығарма сыйлайтын жас таланттар тәрбиешісіне де айнала білді.  Жалпы қазақ әдебиетінің көрнекті тұлғалары Ж.Смақов, Қ.Мырзалиев, Т.Молдағалиев, О.Әубәкіров, Н.Серәлиев, Е.Өтетілеуов, Н.Айтов, Қ.Толыбаев сынды бірқатар қаламгер иелерінің  Мұзафар ағамен бірге қызмет істеп, қанаттаса шеберлік шыңдаған таланттар екені мәлім.  
      Төлеген Айбергенов балаларға арнаған тырнақалды туындысының қалай дүниеге келгендігі жайлы былай сыр шертеді: <<... бірде <<Балдырған>> журналына келді. << -  Мұз-аға, балаларға өлең жазып көрмеппін. Балаларға жазу қиынның қиыны секілді>> дегені келген бетте. Бір сағаттай балалар поэзиясы жайлы сыр айттым. Бір жұма өткенде балаларға арналған өлең әкеліп тұр. Санамақ. Кілтін таба қойған. <<Аққуда бар қос қанат>> деп келетін еді>>. (А.Егеубай. Мұзағаңды танымайтын қазақ жоқ. Ана тілі. №42. Қазанның 23-і. 9-бет.)  Сөйтіп, <<Балдырған>> балалар журналы әдебиеттің  Кіші академиясына айналған. Оның негізін қалаған Қазақстанның халық жазушысы  -  М.Әлімбай.   Ақын аға жас талаптың тұсауын кесумен шектелмей, оның шығармашылық жолын  ұдайы қадағалап, беталысын бақылап, сын мақала жазып, бағдар сілтеп отыратын жақсы қасиеті бар. Қ.Ыдырысов, М.Жаманбалинов, Қ.Мырзалиев, Ж.Смақов, Ә.Дүйсенбиев, Қ.Баянбаев, Е.Өтетілеуов, Е.Елубаев, С.Оспанов т.б. іні қаламгер  жөніндегі мақалалары осындай тәрбиелік мәнге ие.  
2. Ә.Дүйсенбиев. Ә.Дүйсенбиев 1931  жылы  25  қазанда  Алматы  облысы  Жамбыл  аданының  Қарақыстақ ауылында  дүниеге  келген.  Әл-Фараби  атындағы Қазақтың  мемлекеттік ұлттық  университетін  1964  жылы  бітірген. Қазақтың мемлекеттік көркем әдебиет  баспасында 1956-1958  жылдар  аралығында редактор  болған.   1958-1970  жылдары  <<Балдырған>>  журналының  жауапты хатшысы  болған.  1970-71  жылдары Қазақстан  Республикасы Телеизия  және радиохабар  жөніндегі  мемлекеттік  комитетінде  1971-79  жылдары  <<Жалын>>,  <<Жазушы>>  баспаларында аға  редактор  болып  қызмет істеген. 
    Ә.Дүйсенбиевтің   балалар  өмірін  арқау  еткен өлеңдері баспасөзде  50-жылдардан бастап  жарияланды.   Тұңғыш  кітабы <<Парадта>>  1955 жылы   жары  көрді.   Кейі н балаларды адамгершілікке,  гуамнизмге  тәрбиелейтн,  Отан, ана,  қоғам, бейбітшілік,  достық,  ізгілікті  суреттетін  <<Сыйлық>>(1956), <<Не  деу  керек?>>(1957), <<Бәтеңке,  шұжық,  балқаймақ>>(1959),  <<Ана  жүрегі>>(1961), <<Гүлзар>>(1962), <<Ауыл  әендері>>(1965), <<Аққулы  айдын>>(таңдамалы,  1976), <<Жаңбырлы  жаз>>(1982)  т.б.  өлеңдері мен поэмалары, <<Ақ қозы>>(1972, 1987)  ертегі-повесі басылды.  Шығармалары  бірнеше  тілдерге аударылды. Көптеген  өлеңдеріне ән  шығарылды.  М.Ю.Лермонтов,  А.В.Кольцов,  Дж. Родари,  Мэрис Керим,Я.Колас, С.Маршак, А.Барто, С.Михало,  М.Жәлел, Тоқтағұл  т.б.  туындыларын  аударды.
        Ә.Дүйсенбиев - <<Не  деу  керек?>>,  <<Елка жыры>>,  <<Ақ  мамам>> т.б.  балалар  сүйіп  оқитын  өлеңдердің  авторы.  Ә.Дүйсенбиевтің <<Шірік алма>>, <<Автобуста>>,  <<Күшті болсам мен егер>>, <<Не деу керек?>>, <<Жалқау>>, <<Білгіш>>, <<Бәтеңке, Шұжық, Балқаймақ>>, <<Менікі де, сенікі де, оныкі де - біздікі>> туындылары  да  - бүгінгі талапқа  толық жауап беретін дүниелер.
Апаң сенің базардан
Алма сатып әкелді.
Ең үлкенін, жақсысын
Саған таңдап әперді.
Не деп барып жеу керек?-
деп басталатын <<Не деу керек?>> өлеңі бүгін де, ертең де, арғы күні де сәбилерге әдеп әліппесін үйрете береді. Ақын өлеңдері балалар бойында гуманистік сезімді оятуға, оларды ізгі мінезге тәрбиелеуде пайдалы қызмет атқарып келеді.
      Ә.Дүйсенбиев өлеңдері  жанрлық жағынан  бай.   Ертегі-поэма, санамақ, тақпақ  т.б   молынан ұшырасады.  Халық поэзиясы көне формасының жаңа мазмұн алып  дамуына  <<Бес саусақ>>  өлеңін  мысалға  келтірге  болады:  
                     Балаларым, тұрыңдар,
                    Сөзге мойын бұрыңдар.
                             Бас  бармақ,
                   Жатып  алдың талайдан,
                    Бұзаларды бақ,  айнам.
                    Кешке  үйге  келгенде,
                   Құйып  берем ақ  айран.
        Бірде  М.Әлімбаев  <<Балдырған  редакциясында  бас редактор ретінде бір  мәселені қозғайды. <<Бауырсақ қайдан  келеді?>>  деген  сауалға  қала  балабақшасында  тәрбиеленіп  жүрген  бес  жасар  бала-  қазақ  сәбиі <<ақ бауырсақ  алма сияқты ағашта  өседі>> деп  жауап  беріпті. <<Ауыл  тірлігінің қыр-сырына  қала  балаларын  қанықтыру үшін <<Балдырған>> беттерінде  әдеби-көркем туындыларды  көптеп  жариялау  -  басты  парызымыздың  бірі>> -  деп  ескертеді  ақын. <<Малшылар  еңбегі  жаынан  оқиғалы сурет-кітапшаны  қолға  алайын>>- деп  Ә.Дүйсенбиев өзіне  міндеттеме  артады.  Кейін <<Бәтіңке, шұжық,  балқаймақ>>  туады.(М.Әлімбаев естелігінен  алынып  отыр). Ертегі-поэма төмендегіше  басталады:
Бәтеңке,
Шұжық,
    Балқаймақ,
                            Дүкенде тұрып  ұрысты,-
Ұрыс-ерістің  сыры  -  қайсысымыз халыққа  керекпіз?  -  деген ауалдың  төңірегінде  өрбиді. Олар  төрешілерге  жүгінеді.  Кк төбет  Шұжықты, ала мысық  Балқаймақты, тышқан тістңқышуын  қандырадыдеп  бәтіңкені  жақтайды.  Дау  шығып,  атыс  үшейе  түседі.    Ең  соңында  олар  ақ  сиырға  жүгінеді.  
Сиыр  сөйлей жөнелді,
Бір  төңкеріп көздерін:
- Мына  менен, әуелі,
Шыққансыңдар  өздерің.
Шытынама, Балқаймақ,
Сені сүттен беріп  ем.
Ал, Бәтіңке,  айқайлақ,
Жасалғансың  теріден.
Сен  де,  Шұжық,  безілдек,
Шығасың  ғо  етімнен,
Енді  өзім, өзім>> -  деп,
Екіленбе  бетіңмен.
Сөйте  тұра  өзімді,
Мақтамаймын, таспаймын.
Әрқашанда  сөзімді
Бақташыдан бастаймын-
деп  үшеуін  ертіп, бақташы еңбегін  көзбен  көру үшін фермаға  кетеді. 
    Ертегі-поэмада  тәлімдік  бірнеше сипат бар.  Шығарма,  алдымен,    өзімшілдікті сынайды. Өз  көкірегін  қағып,  менмендік  танытқан  Бәтіңке,  Шұжық, Балқаймақ әрекеттері  осыны  маңзейді.   Екінші,  Көк  төбет, Аламысық, Тышқан  төреші  ретінде  алынған. Әркім  өз  керегіне  қарай сыңаржақ  бағалаған. Соңғысы,  Ақ сиырдың  аналық  пейілі  аңғарылады.  
Ә,Дүйсенбиев  әр өлеңінде баламен  сырласудң  қарапайым  жолын  тауып  сөйлейді.  Оның  өлеңдерінің өміршең  болатын себебі де  осыдан.  
Ә.Дүйсенбиевтің  туындыларынан  жалаң  үгіт,  насихат  байқалмайды.  Ақын өз өлеңдеріне  тәрбиелік сипат  беріп,  айтар  ойын астарлап,  ишаралап  жеткізеді. Мысалға  <<Шірік  алма>>  өлеңін алайық:  
                    Жеп  тұр  Әсет алманы,
                     Інісін  еске алмады.
             - Маған  да  аздап  бер - дейді,
                     Әсет  оған  бермейді.
                  -Кәкәй,  жеуге  болмайды,
                     Айта  көрме ондайды.
                   Шірік  алма  - деп  қоды,
                Сөйтті  де  өзі жеп  қойды.
Бұл  өлеңде  бала  характері  алдыңғы планға  шыққан.  Дидактикалық өлеңдерден  арылудың  бір  жолы - өлеңді  бала мінезіне құру  болатын  болса, Ә.Дүйсенбиев - бұл  істі  оңтайына  келтірген ақын.     

                                       
                     Негізгі әдебиеттер:
* Ахметов Ш. Ќазаќ совет балалар єдебиеті.  - Алматы: Мектеп, 1976.  
* Қ.Ергөбек.  Арыстар  мен ағыстар. А. 2003. 
* Ќазаќ совет балалар жазушылары.  - А., Жалын. 1987.
* Қазақ  балалар  әдебиетінің  хрестоматиясы. А. 1980.
                                       
                     Қосымша әдебиеттер:
* Қазақ балалар әдебиетінің кітапханасы: Тұрманжанов Ө., Әлімбаев 
         М., А.,Жалын, 1984.
* М.Әлімбаев.  Балдәурен,  шіркін,  балалық.  А.1973.
* М.Жаманбалинов.  Мықтылардың мықтысы.  Ә.Дүйсенбиев.  Не деу
         керек?  Ж.Смақов.  Сылдырмақ. Ж.Кәрібозин  Көшпелі  тымақ. А.  
         2003. 
* Қазақ балалар поэзиясының антологиясы, А., Жалын, 1977.
* Қазіргі қазақ балалар поэзиясының антологиясы, А., Балауса, 1992.
                                       
                                 15-ДӘРІС
 Туысқан  халықтар  әдебиетіндегі  балаларға  арналған  шығармалар
                                       
* Орыс  балалар әдебиетінің  дамуы
* Орыс әдебиеттанушылары балалар әдебиеті ерекшеліктері жайында.
* Орыс   балалар  әдебиеті шығармалары

* Орыс  балалар әдебиетінің  дамуы. 
       Орыс балалар әдебиеті сынын қалыптастыруға Н.И.Новиков, Л.Н.Толстой, К.Д.Ушинский сынды орыс педагогтары мен жазушылары мол үлес қосты. Олардың балалар кітаптарының тәрбиелік мәні, балалар әдебиетінің ерекшеліктері жайындағы ой-пікірлері үлкен мәнге ие болды. В.Г.Белинский, Н.Г.Чернышевский, Н.А.Добролюбов, А.И.Герцен, Д.И.Писарев қалдырған мол мұра да  аса қымбат қазына  санатында. Ол мұра орыс балалар әдебиеті сынының негізін қалады. Орыс балалар әдебиеті  мен сыны дамуында дәстүр мен жаңашылдық мәселесі басты орын алды. Орыс балалар әдебиеті сынының профессиональды деңгейге жетуі  -  ХХ ғасырдың 20-жылдары. 1921 жылы балалардың кітап оқу институты(институт детского чтения) ашылды. 
      1922 жылы Ленинградта пединститут жанындағы балалар кітапханасында үйірме жұмыс істей бастады. Үйірмеде сыншылармен қатар С.Маршак, Б.Житков, В.Бианки  және т.б. жазушылар қоян-қолтық қызмет атқарды. 1932 жылы <<Балалар мен жасөспірімдер әдебиеті>> бюллетені шыға бастады. Ол 1935 жылы <<Балалар әдебиеті>> журналына айналды. Балалар әдебиеті сыны саласында өнімді еңбек еткен дамдар шоғыры пайда болды. Баспасөз беттерінде Н.Крупская, А.Луначарский, М.Горький, Д.Фурманов, А.Фадеев, А.Макаренко, К.Федин, Ю.Олеша, Ю.Тынянов сияқты қоғам қайраткерлері мен жазушылар балалар кітаптары жөніндегі ой-пікірлерімен бөлісті. 
Балалар әдебиетінің  есейіп, өзіндік үлкен дәстүрге ие болғанын көреміз. Бұл дәстүрдің басында орыстың көрнекті жазушылары Аркадий Гайдар, Самуил Маршак, Корней Чуковский, Сергей Михалков, Валентин Катаев, Борис Житков, Лев Кассиль, Агния Барто, Виталий Бианки, тағы басқалары тұрады. Орыс әдебиеті біздің ұлттық балалар әдебиетіміздің дамуына жаңа бағыт сілтеді. Н. А. Некрасовтыц <<Мазай атай мен қояндары>>, В. В. Маяковскийдің әр алуан кәсіп туралы, еңбек сұлулығын жырлаған атақты <<Кім боламыны>> мен С.Я.Маршактын <<Балмұздағы>>, К.Чуковский,                     С. Михалков, А. Бартоның өлеңдері  --  айта берсе, классикалық орыс және кеңес балалар поэзиясының бұл сияқты тамаша үлгілері қаншама!
Қазақ балаларына арнап қазақ әдебиетінің негізін салушы классик жазушыларымыз С.Сейфуллин, Б.Майлин, І.Жансүгіров, М.Әуезов, С.Мұқановтар шығармалар жазды. Сәкеннің жастарды жаңа заман кұруға үндеген отты өлеңдері, Бейімбеттің <<Хан күйеуі>>, <<Өтірікке бәйге>> сияқты өлеңмен жазылған ертегілері, Ілиястың балаларды өмір тануға үйрететін табиғат жырлары, Мұхтардың <<Көксерегі>> мен Сәбиттің <<Бақташының баласы>>, <<Менің мектептерім>> атты кітаптары қазақ балаларының алғашқы кезінен бүгінге дейінгі ұрпағына талмай қызмет етіп келеді. Бүгінгі қазақ балалар әдебиеті осы бір құнарлы топыраққа дән тастап, содан нәр алып өсті.
       1941 жылы маусым айында <<Балалар әдебиеті>> журналының соңғы саны шықты. Соғыстан кейінгі жылдары балалар әдебиеті саласында ғылыми-зерттеу жұмысы кең қанат жайды. Балалар әдебиеті баспасы жанынан Балалар кітабы Үйі ашылды. Бұл лаборатория әдістемелік және библиографиялық құралдар шығаруды жүзеге асырды. 1952 жылдың сәуір айында балалар әдебиеті бойынша Бүкілодақтық мәжіліс(совещание) өткізілді. Кеңес балалар әдебиеті сыны дамуындағы жаңа кезең 50-жылдардың ортасынан басталды. 1953 жылдан бастап Балалар кітабы Үйі кеңес балалар жазушылары жайында сын-библиографиялық очерктер сериясын шығара бастады. 1966 жылы <<Балалар әдебиеті>> журналы өз жұмысын қайта жандандырды. 1941 жылы маусым айында <<Балалар әдебиеті>> журналының соңғы саны шықты.Қолдарына  қару  алып  майданға  аттанған қаламгерлер  А.Гайдар, Л.Кассиль,  С.Михалков, Л.Пантелеев,   В.Катаев  т.б.  болды.  1941  жылдың  күзінде  А.Гайдар  қаза  тапты.Отан  соғысын  балаларға  арналған кітаптарда  бейнелеу  принциптері  А.Толстойдың,  А.Фадеевтің,  Н.Тихоновтың, И.Эренбургтің  әдебиет  жөніндегі  мақалалары  мен  баяндамаларында,  С.Маршактың, К.Чуковскийдің,  В.Смирнованың  балалар  әдебиеті  туралы  сын  мақалаларында  ұсынылды. Аталмыш  принциптер  біртіндеп әдебиет   практикасында  орнықты.  
Балалар  әдебиеті  дамуы мәселелеріне баспасөз  үлкен  мән  берді. Соғыс  кезіндегі  баспасөз  балалар  әдебиетінің тәрбиелік мәніне  баса  назар  аударыды. Партия  Басқармасының Х  пленумына  1945   жылдың  мамырында <<Балалар  әдебиеті соғыс  жылдарында>> деген  тақырыпта  А.Кононов  баяндама  жасады.
Балалар  әдебиеттінің негізгі мәселелері  жайындағы мақалалар мен  ой  толғаулар <<Правда>>,  <<Комсомольская  правда>>,  <<Учительская  газета>>,  <<Литература и искусство>> газеттерінде  және  <<Новый  мир>>,  <<Знамя>>,  <<Звезда>>,  <<Октябрь>>  журналдарында  жарық көрді.  Бұл  жарияланымдарда  балалар шығармаларындағы  өмірлік  шындық пен  көркемдік  шындық  нақты мәселе ретінде  қойылды.  
Балалар  әдебиетінің  соғыс  кезіндегі  халықтың  шынайы өміріне  бет  бұруы,  жас  оқырманның  халық  тәжірибесіне  иек сүйеуі оны үлкендер  әдебиетімен  жақындастырды.  Үлкендерге  арналып  жазылған, соғыс туралы  ең  жақсы  кітаптардың  көпшілігі(толықтай  немесе  үзінділері)  балаларға  арналып  басылды.
Балалар  үшін  ең  жақсы классикалық  туындылар  мен  кеңестік дәуірдегі  кітаптар,  бірінші  кезекте кеңестік  Ресейдің өткені  жөніндегі  кітаптар бірнеше  мәрте басылып  шықты. Соғыс  кезінде орыс  аңыздары, Пушкиннің  <<Полтавасы>>,  Лермонтовтың <<Бородиносы>>, Гогольдің  <<Тарас Бульбасы>>,  Л.Толстойдың  <<Севастополь  әңгімелері>>, Фурмановтың  <<Чапаевы>>,  Серафимовичтің  <<Железный поток>>, Н.Островскийдің  <<Құрыш  қалай  шынықты?>>  және  т.б.  кітаптар  жарық  көрді.  
Қиын-қыстау кезеңдегі  халықтың  күрделі  қат-қабат  өмірі  әдебиеттің    барлық  жанрлық  түрлерінде көрініс тапты: лирикалық  өлеңдермен,  публицистикалық мақала,  очерк,  қысқа  әңгімелермен  қатар,  соғыстың  басында  поэма,  баллада,  повесть, ал  кейіннен  тіпті  романдар  пайда  бола  бастады.  Бір жанр элементінің  екіншісінен  көрінуі,  әр  қилы  әдеби жанрлардың  өзара  кірігуі  байқалды. Лирика  публицистік сипатта  көрінсе,  эпос  лирикалық қасиетпен  ерекшеленді.  
Соғыс  кезіндегі  туындылардың  арасынан  тарихи  жанрдағы  кітаптар,  <<жеңгендігіміз  туралы  ғана  емес,  біз   кімбіз  және  біз неліктен  жеңуіміз керек>> дегенді  түсіндіретін  кітаптар  басты  орынға  ие  болды.  
Балаларға  арналған драматургия,  фантастика,  ғылыми-көпшілік  әдебиет,  жасы  кіші  балаларға  арналған  түрлі  кітапшалар  - осының бәрімен де  балаларды  балалар баспасы  қамтамасыз  етіп  отырды. 
Балалар  мерзімді  баспасөзі ел  өміріндегі  маңзды оқиғаларға  ұйымшылдықпен  үн қосып отырды, мектеп,  пионер  өмірі жайында  хабарлаумен болды.  <<Пионер>>,  <<Дружные  ребята>>,  <<Мурзилка>>  журналдары шығып  тұрды. Біраз  үзіліспен  Ленинградтық <<Костер>>  журналы шықты.  Свердловскіде 1942  жылдан  балаларға арналған <<Боевые  ребята>> альманағы шыға бастады.  
Соғыс  кезіндегі балалар  әдебиеті  жас ұрпақты  ерлік істерге баулу, тәрбиелеу  жолында  көп  шаруа атқарды.  А.Гайдардың,  С.Маршактың, А.Бартоның, М.Пришвиннің,  В.Катаевтың, Л.Кассильдің, В.Кавериннің  және  тағы  басқа көптеген ақын-жазушылардың  шығармалары  балалар  әдебиеті  тарихына   теңдессіз  ерлік куәгерлері ретінде  енді.  
 Соғыстан кейінгі жылдары балалар әдебиеті саласында ғылыми-зерттеу жұмысы кең қанат жайды. Балалар әдебиеті баспасы жанынан Балалар кітабы Үйі ашылды. Бұл лаборатория әдістемелік және библиографиялық құралдар шығаруды жүзеге асырды. 1952 жылдың сәуір айында балалар әдебиеті бойынша Бүкілодақтық мәжіліс(совещание) өткізілді. Кеңес балалар әдебиеті сыны дамуындағы жаңа кезең 50-жылдардың ортасынан басталды. 1953 жылдан бастап Балалар кітабы Үйі кеңес балалар жазушылары жайында сын-библиографиялық очерктер сериясын шығара бастады. 1966 жылы <<Балалар әдебиеті>> журналы өз жұмысын қайта жандандырды. 
       2.Орыс  әдебиеттанушылары балалар әдебиеті ерекшеліктері жайында. Ересектер әдебиеті мен балалар әдебиетінің жалпы міндеттері мен принциптері, көркемдік әдістері мен тарихи тағдыры бірдей. Бірақ балалар әдебиеті әдебиеттің жеке бір саласы болып есептеледі, оған ерекше қасиеттер тән. Балалар әдебиетінің ерекшелігі жайындағы мәселе талай рет талас өзегіне айналды. Көбінесе бір-біріне кереғар пікірлер легі толастамады. Кейбір сыншылар балалар әдебиетінің басты ерекшелігі  -  оның тематикасында, басқалары  -  оның ұғынықтылығында, үшіншілері  -  оның балаларға лайықталған ерекше тілінде деп түсінді.
    1971-1973 жылдары <<Детская литература>> журналы беттерінде балалар кітаптарының өзіндік ерекшеліктері жайында жазылған мақалалар жарық көре бастады. Мақала авторларының паймдауынша,  жазушының ерекше таланты, яғни дүниені бала көзімен көре білетін тума қабілеті, оның алдын-ала ойластырылған педагогтік және көркемдік ішкі есебі болуы керек. Ол өз идеяларын белгілі бір жас мөлшеріндегі бала оқырманға жеткізе білуге ұмтылуы қажет. 
      Балалар әдебиетінің ерекшелігін бала оқырманның жас өзгешелігін есепке алу да айқындайды.<<Әйтпегенде, - дейді М.Горький.  -  жазушы қаламынан балаға да, ересек адамға да қажетсіз, адрессіз кітап тууы мүмкін>>. Балалар әдебиеті баспасы жұмысының күрделілігін С.Маршак оның үш тілде кітап шығаруымен байланыстырады, өйткені бес жастағы бала бір тілде, он жастағы бала екінші тілде, ал он бес жастағы бала үшінші тілде сөйлейді. <<Жастан-жасқа толуымен өзгеретін бала табиғаты дәуірден дәуір, ұрпақтан ұрпақ ауысқан сайын да өзгеріске түседі. Адамзат та есейеді. Кезінде үлкендердің өздері үшін шығарылған көне мифтер қазіргі уақытта балаға арналған ертегіге айналған>> - дейді И.Мотяшов.
       Балалар жазушысы болу үшін оған білім қажет. Жазушы білімді қайдан алады? Өз балалық шағынан алады. Балалармен арадағы қарым-қатынастан, оларды бақылау нәтижесінен тірнектеп жинайды. Балалар кітаптарының тематикасына шектеу  қоюға болмайды, онда адамның бүкіл қоғамдық және жеке өмірі қамтылады. А.Макаренконың айтуы бойынша, бұл жерде <<не туралы?>> деген сұрақ блмауы тиіс, <<қалай?>> деген сұрақ қойылуы керек. Балалар әдебиетінің тағы бір қасиеті  -  юмор. Онсыз ол балалар әдебиеті болмақ емес. Бұның өз балалар табиғатымен белгіленеді.
         Балада К.Чуковскийдің айтуы бойынша, <<күлуге деген үлкен қажеттілік>>(есть великая потребность смеяться) бар. Осы қажеттілікті өтеу үшін жарамды материал ұсынылуы қажет. Көркем шығарма балаларды көңілдендіру үшін ғана күлдірмейді, олардың бойында юмор сезімін тәрбиелеу үшін күлдіреді. Өйткені юмор сезімі бала өскенде оның кез келген қолайсыз ортаға қарсы қорғаныс қабілетін арттырады және ұсақ-түйек қажетсіз кикілжіңдерден жоғары тұруға үйретеді. Ашықжарқындылық балалық шаққа тән болатыны сияқты юмор балалар әдебиетіне тән. 
         Балалар әдебиеті  -  балалар өмірінің энциклопедиясы. Бала кітап арқылы өзін, өз өмірін танып біледі. Балалар өмірінің энциклопедиясы халық өмірінің энциклопедиясын да танытады, өйткені бала тағдыры халық тағдырынан ажырағысыз. Бұның өзі балалар әдебиетінің халық әдебиетімен органикалық бірлікте екендігін байқатады.  
3. Орыс балалар әдебиеті шығармалары. Орыс ғалымы Ф.И.Сетин орыс балалар әдебиеті даму кезеңдерін төмендегіше бөледі: 1.Балаларға арналған ежелгі орыс әдебиеті(ІХ-ХҮІІғғ.) 2. ХҮІІІ ғасырдағы орыс балалар әдебиеті.3. ХІХ ғ. Орыс балалар әдебиеті. 4. ХХ ғасыр орыс балалар әдебиеті. Ал басқа зерттеушілердің(Н.В.Чехов, А.В.Бабушкина) пікірінше, орыс балалар әдебиеті ХҮІІІ ғасырда қалыптаса бастады. ХҮІІІ ғасырда орыс балалар әдебиеті үлкендер әдебиетінің бір саласы есебінде бой түзей бастады. Алғашқы онжылдықта алфавитке реформа жасалды, кириллица графикасы жеңілдетілді. І Петр тұсында оқулықтар көптеп шыға бастады. Бұл кезеңде үлкендер мен балалар әдебиеті арасындағы айрым-белгі анық байқала қоймады.
         ХҮІІІ ғасыр әдебиеті классицизм және сентиментализм  бағыттары арнасында дамыды. Кезең тынысына қарай ағартушылық әдебиеттер  -  ғылыми-көпшілік, энциклопедиялық әдебиеттер пайда бола бастады. Чех педагогы Я.А.Коменскийдің <<Сурет әлемі>> кітабы Ресейдегі балалар энциклопедиялық басылымдарының жарық көруіне жол салды. Д.Дефоның <<Робинзон Крузо>> романының ықпалы болды. Немістің уағыздық әдебиетінің әсері де біліне бастады. Н.М.Карамзиннің(орыс сентиментализмінің негізін салушы), В.А.Жуковсийдің, А.С.Пушкиннің, П.П.Ершовтың ертегілері пайда болды. А.Погорельскийдің <<Қара тауық және жер асты тұрғындары>>, В.Ф.Одоевскийдің <<Табакеркадағы қалашық>> шығармалары ертегілік шығармалар қатарынан саналды. 
       ХІХ ғасырдың екініш жартысы  -  орыс балалар әдебиетінің гүлденген кезеңі. Л.Толстой, Н.Некрасов, К.Д.Ушинский, С.Аксаков, Н.Гарин-Михайловский балаларға арнап жаза бастайды. Кезең соңында баланың қоғамдағы, отбасындағы орны мен жағдайына назар аударыла бастады. 80-90 жылдары  авторлар түрлі тақырыптарға(теңіз, зауыт жұмысшыларының өмірі) құлаш сермеді. ХІХ ғасыр соңында, ХХ ғасыр басында А.Н.Куприн, А.Н.Толстой, И.А.Бунин, А.П.Чехов, А.М.Горький, К.М.Станюкович, Д.Н.Мамин-Сибиряк балаларға өз шығармаларын ұсынды.
        ХХ ғ. 20-30 жылдардағы балалар әдебиетіне К.Г.Паустовский, М.М.Пришвин, В.П.Катаев, Б.С.Житков, К.Чуковский, С.Я.Маршак, А.Гайдар, А.Платонов өз шығармаларымен үлес қосты. К.Чуковскийдің түгелге жуық ертегілері(<<Мойдодыр>>, <<Тараканище>>, <<Муха-Цокотуха>>, <<Бармалей>>, <<Айболит>> т.б.)20-30 жылдары жазылды. Бала бойына адамгершілік дәнін егу ақынның басты мұраты болды. С.Маршак фольклордың шағын формалары мақал-мәтел, частушкаларды қайта жаңғыртады. Бұл кезең орыс балалар әдебиеті  лирикалық өлеңдермен толыға түседі. 40-50 жылдардағы орыс балалар әдебиетінің өкілдері С.В.Михалков, Л.А.Кассиль, А.Л.Барто, Н.Н.Носов болды. 60-80 жылдардағы орыс балалар әдебиетінің өкілдері есебінде В.В.Медведев, С.А.Баруздин, В.Ю.Драгунский, В.К.Железниковты айтуға болады. В.В.Медведевтің <<Баранкин, будь человеком>>  шығармасы Г.Х.Андерсен атындағы халықаралық конкурс дипломын алды.  
Шығармасын балаларға арнаған драматургтердің ескеретін тағы бір міндеті  --  балалардың жастық ерекшеліктеріне байланысты өзіне тән өзгеше қасиеттерін жете меңгеріп, дұрыс түсіну қажеттігі. Орыс дра-матургиясында С. Михалковтың <<Үйге қайтқым келеді>>, Л. Гераскинаның <<Кәмелеттік аттестат>>, В. Розовтың <<Оның достары>> сияқты тартымды жазылған бірнеше шығармалардың   аттарын   атауға   болады.
Орыс және қазақ мәдениетінің өзара байланысы ерте замандардан басталған еді. В.Бартольд, В.В.Радлов, А.Н.Веселовский, И.Березин, А.Алекторов, Н.Потанин, Ф.Достоевский, В.И.Даль, А.В.Васильев, П.М.Мелиоранский, В.Катаринский, Н.Пантусов, Мамин-Сибиряк т.б. жазушылар мен шығысты зерттеушілер орыс пен қазақ арасындағы өзара әдеби және мәдени байланыстар мен қатынастарды күшейтуге мейлінше мол еңбек сіңірді. 
 Ы.Алтынсарин, А.Құнанбаев, С.Көбеев аударған Крылов мысалдарынан бастап, 1889 жылы А.Пушкиннің "Балықшы мен балық хақында", "Салтан патша туралы ертегісі" Орта Азия халықтары ішінде ең бірінші болып қазақ тіліне аударылған еді. Сол кездің өзінде-ақ бұл қазақ балалар жазба әдебиетінің ірге тасын қаласқан теңдесі жоқ мол мұра боп қала берді. М.Әуезовтің сөзімен айтқанда мұның өзі "Ол(Пушкин) мәдениет қазынасынан жаңа бір  заманды бастап келіп кірді... Оның ықпалымен жаңа бір орта қалыптасты және бұл ықпал әрдайым тарихи перспективалы болды, белгілі бір әдебиеттің бұжан былайғы бүкіл даму жолы үшін құтқарушы ықпал болды"  -  дейді. Д.Дефоның "Робинзон Крузо", Ч.Диккенс пен М.Твеннің повестері, Ж.Верннің романдары, Сетон Томпсонның әңгімелері қазақ тіліне аударылып, балалар әдебиетінің қорын молайта бастады.
      1936 жылдан 1957 жылға дейін К.Чуковскийдің "Доктор Айболиті", Н.Некрасовтың "Генерал Топтыгині", С.Маршактың "Бұл не деген жаңғалағы", А.Бартоның "Ормандағы жұлдыздары", В.В.Маяковскийдің "Жақсы деген немене, жаман деген немене?", "Кім болам?", Гайдардың "Тимур және оның командасы" кітаптары қазақ тіліне аударылып басылды.  
       Қазақ кеңес балалар әдебиеті өзбек, қырғыз, татар, башқұрт, азербайжан, түрікпен, тәжік, қарақалпақ, дағыстан және т.б. халықтар әдебиеті шығармаларының қазақ тіліне аударылуымен да толығы түсті. Қазақ балалары өзге халықтар әдебиеттерін оқып, олардың өмірімен танысуға мүмкіндік алды. Тәжік жазушысы Садриддин Айнидің "Мектеп" атты өмірбаянық повесі, М.Миршакардың "Алтын қыстақ" атты поэмасы, өзбек ақыны Қуддус Мухаммадидің "Мектеп балалары және көктем",  Эрназар Рузиматовтың "Достық" өлеңдер жинағы, 1960 жылы  "Жазушы" баспасынан өзбек жазушыларының балаларға арналған "Сахара самалы" атты әңгімелер жинағы  басылып шықты. 
        1973 жылы түрікпен ақыны Каюм Тангрукулиевтің балаларға арналған өлеңдер жинағы шықты. Қырғыз жазушысы Ш.Айтматовтың "Менің алғашқы мұғалімім", "Ақ кеме" повестері, "Солдат ұлы" әңгімесі қазақ тіліне аударылып, үлкендермен қатар балалардың да сүйіп оқитын шығармаларына айналды. Қазақ балалары басқа халықтар әдебиетін оқу арқылы  олардың тарихымен, әдет-ғұрып салтымен, мәдениетімен танысуға мүмкіндік алды.
                     Негізгі  әдебиеттер:
* Ахметов  Ш. Қазақ  совет  балалар  әдебиеті.  А., 1976.  
* Советская детская литература. М. Просвещение. 1978. Под ред. 
         В.Д.Разовой.
* Дет. литература. М. Просвещение. 1989. Под ред. Е.Е.Зубаревой. 

                     Қосымша  әдебиеттер:
* Зарубежная детская литература. М. Просвещение. 1974. Под ред. 
         И.С.Чернявской.
* Русская литература  для детей. М. Изд. центр. Академия. 1998. Под ред. Т.Д.Полозовой.
* 
        3 Тәжірибелік сабақтардың мазмұны
№ 1 тәжірибелік сабақ: 
1. Балалар ауыз әдебиеті  -  балалар әдебиетінің алтын қоры
2.Балалар фольклоры үлгілері. 
3. Бесік жыры мен тұсау кесу жырының көркемдік-эстетикалық табиғаты.
4.  Төрт түлік мал туралы өлеңдердегі халық даналығы. 
5. Жаңылтпаш, өтірік өлеңдер және даналық сөздер  -  тіл дамыту құралы
1.ХІХ ғасырдағы қазақ балалар әдебиетінің қалыптасуы.. 
2. Махамбет жырларының халықтық негізі.
3- семинар. Ы.Алтынсарин  -  қазақ балалар әдебиетінің атасы. 
Педагог- жазушы шығармаларының жанрлық ерекшеліктері,халықтық, ұлттық сипаты..
Шығармаларының тәрбиелік мәні. 
4- семинар  Қазақ балалар әдебиеті тарихында Абай Құнанбайұлының орны. 
Абайдың балаларға лайықты өлеңдері. 
Қарасөздерінде халық ағарту мәселелерін көтеруі. Абайдың тәрбие мәселесіне байланысты педагогикалық көзқарастары.
5- семинар ХХ ғасыр басындағы қазақ балалар әдебиеті. 
Көрнекті балалар ақын-жазушылары. 
С.Көбеевтің ұстаздық қызметі,әдеби мұрасы.Жинақтарының оқулық ретінде пайдаланылуы.
С.Торайғыровтың шығармаларының жасөспірімдер тәрбиесінде алатын орны.
С.Дөнетаев шығармаларының жанрлық ерекшеліктері.Мысалдары..
6- семинар Қазақ кеңес балалар әдебиеті. 
Қоғамдық-тарихи жағдай. Көрнекті балалар ақын-жазушылары. 
Балаларға арналған туындылардың идеялық-тақырыптық негізі.
7- семинар 
1.С.Сейфуллин балалар әдебиетінің негізін салушылардың бірі.
2..Б.Майлиннің ұстаздық қызметі.
3.І.Жансүгіровтің балалар әдебиетінің дамуына қосқан үлесі 
8-семинар.Ж.Аймауытовтың ағартушылық, педагогикалық бағыттағы ғылыми еңбектерінің мәні. 
Психология, әдістеме, эстетика саласынан жазған ғылыми еңбектерінің танымдық негізі. 
Балалар әдебиетіне қосқан үлесі.
9- семинар М.Әуезов және балалар әдебиеті. 
Өмірі мен жазушылық қызметі. 
"Жетім" әңгімесі мен "Көксерек" повестерінің көркемдік-эстетикалық табиғаты.
10- семинар Ұлы Отан соғысы жылдарындағы балалар әдебиеті. 
Кеңес халықтарының ерлік істерінің балалар әдебиетіндегі көрінісі. 
Жамбыл поэзиясындағы патриоттық жалын.Қ.Қайсеновтің партизандар өмірінен алынған повестеріндегі балалар бейнесі,өршіл рух.
11- семинарҒ.Мүсіреповтің "Қазақ солдаты" романының тарихи-көркемдік ерек шеліктері. 
Ғ.Мүсіреповтің новеллаларындағы бала тағдыры үшін күрескен ана бейнесі. 
"Қазақ солдаты" романының балалар әдебиеті тарихында алатын орны. 
Бала психологиясы мен эстетикалық мұратын, ой-арманын бейнелеудегі жазушы шеберлігі.
12- семинар Балалар әдебиетінің соғыстан кейінгі жылдарда дамуы.
1.Ө.Тұрманжанов шығармашылығы.Аудармалары.
13- семинар 1. Қазіргі балалар поэзиясы Қ.Мырза Әли шығармаларының идеялық-тақырыптық негізі. 
Балаларға арналған өлеңдерінің тақырып молдығы, мазмұн байлығы. 
М.Мақатаев өлеңдерінің баланың танымдық қабілетіне әсері. 
14- семинар Қазіргі балалар прозасы. 
Өмір шындығын көркемдік тұрғыдан игеру ауқымының кеңдігі, образдар табиғатының күрделілігі, адамгершілік-моральдық мәселелердің өткірлігі 
тақырып аясының әралуандығы.

15- семинар Қазіргі балалар драматургиясы.
Балалар драматургиясындағы ұлттық рең, дәстүр мен жаңашылдық,  стиль ерекшелігі. 

  + Студенттердің оқытушының басшылығымен орындайтын жұмысы шеңберіндегі тапсырмалар. 
                                      №
                             Тақырыптар 
                              Жұмыс түрі
                         Тапсыру мерзімі
                                   Балл 
* 1
Халық ауыз әдебиеті  -  балалар әдебиетінің бастауы.Жаңылтпаш, өтірік өлеңдер және даналық сөздер  -  тіл дамыту 
Ауызша баяндау.
жаттау
І апта
4
* 2
ХІХ ғасырдағы қазақ балалар әдебиеті.
Махамбет Өтемісұлы жырларының халықтық негізі.Ы.Алтынсарин <<Қазақ хрестоматиясы>>,өлеңдері Абайдың тәрбие мәселесіне байланысты педагогикалық көзқарастары. Оқу, білім,өнерге арналған өлеңдері
Жаттау,талдау
ІІ апта
5
* 3
І.Жансүгіров,С.Сейфуллин,     Т.Жомартбаевтардың балалар фольклоры үлгілерін жинап, оқытуда жүйелі пайдаланулары.
Жаттау,
конспект
ІІІ апта
4
* 4
Қазақ кеңес балалар әдебиеті.
С.Сейфуллиннің "Бандыны қуған Хамит" әңгімесінің идеясы, тәрбиелік мәні 
талдау
ІҮ апта
5
* 5
Ұлы Отан соғысы жылдарындағы балалар әдебиеті.

Жаттау 
Ү апта
4
* 6
>>, Ө.Тұрманжанов поэзиясындағы еңбекке баулу идеясы. 
талдау
ҮІ апта
5
* 7
С.Бегалин өмірі мен шығармашылығы.Повестері,әңгімелері.
Ауызша баяндау,
жаттау
ҮІІ апта 
5
* 13
М.Әлімбаев,Ә.Дүйсенбиев,Ж.Смақов шығармалары
Әдеби талдау
ҮІІІ апта 
4
* 14
Б.Соқпақбаев <<Балалық шаққа саяхат>>, <<Менің атым-Қожа>> повестері
Талдау, 
ІХ апта 
4
* 15
С.Сарғасқаевтың өмірі мен шығармашылығы.
Конспект
Х апта 
4
* 8
. Қазіргі балалар поэзиясы Қ.Мырза Әли шығармаларының идеялық-тақырыптық негізі
жаттау
ХІ апта 
5
* 10
 М.Мақатаев шығармаларының бала тәрбиесіндегі маңызы
жаттау
ХІІ  апта
5
* 
Қазіргі балалар драматургиясы.
Балалар драматургиясындағы ұлттық рең, дәстүр мен жаңашылдық,  стиль ерешелігі. 

Картотека,талдау 
ХІІІ апта
5
* 
Е.Елубаев драмалық туындыларындағы тартыс
Әдеби талдау
ХІҮапта 
5
15
Қазіргі балалар әдебиеті . Ізденіс арналары
конспект
ХҮапта 
4

СӨЖ тапсырмалары және СӨЖ бойынша әдістемелік нұсқаулар
        СӨЖ бойынша әдістемелік нұсқаулар
                                       
<<Балалар әдебиеті>> курсының негізгі мақсаты  -  студенттерді балалр әдеьиеті қазақ әдебиетінің басау, қайнар көздері даму тарихына қатысты іліммен қаруландыру арқылы олардың алған ғылыми білімдерін мектеп грамматикасы негізінде жүйелі түрде оқушыларға тиімді жеткізудің жолдары мен тәсілдерін таныту үрдісіне негіз болу. Мектеп мұғалімінің шығармашылық тұрғыда жұмыс істеуіне бағыт-бағдар беру, сабақ бере білудің тиімді әдістерін салыстырмалы түрде меңгерту сияқты әдістемелік жұмыстардың тарихи сырымен таныстыру. СӨЖ орындау барысында:
* Балалар әдебиетінің  тарихи қалыптасу және даму жолдары туралы мағлұмат  алу;
* Балалар әдебиетін негізін қалаған ғалымдар еңбектерінің маңызын түсіну;
* қазіргі кезеңдегі баелалар әдебиеті туралы  еңбектерге шолу, оқу бағдарламалары мен оқулықтарды, әдістемені заман талабына сай жаңарту сияқты мәселелер қамтылуы тиіс. 

                         Бақылау түрлері
                       Тест тапсырмалары
$$$1A
Балалар әдебиеті деген ұғым қашаннан бастап қазақта кеңінен тарады?
А.XIX ғасырдың екінші жартысы 
В. XIX ғасырдың бірінші жартысы
С.XX ғасырдың бірінші жартысы
D. XX ғасырдың екінші жартысы
Е.XVIII ғасырдың екінші жартысы
$$$ 2 D
Қазақ балалар әдебиетінің түп атасы:
А. Ахмет Байтұрсынұлы 
В. Абай Құнанбаев
С.Спандияр Көбеев
D. Ыбырай Алтынсарин.
Е.Сәкен Сейфуллин
$$$ 3 C
Балалар әдебиетінің негізгі мақсаты:
А.Оқушылардың ой-өрісін кеңейту
В. Балалар қиялын дамыту
С. мектеп жасына дейінгі үш жасар баладан бастап, он алты жасқа дейінгі оқушыларға көркем әдеби тілде жазылған жоғарғы идеялық қызықты шығармаларды беру
D. Жасөспірімді дұрыс бағытқа сілтейді
Е.Өмірге деген көзқарасын өзгертеді
$$$ 4 Е
Балалар   әдебиетінің  жіктелуі,   салаланып  дамуы,   сараланып  сөз  бола бастауы қай кезеңде басталды.
А. XXғасырдың 60 жылдарында
В. XIX ғасырдың бірінші жартысы
С. XVIII ғасырдың екінші жартысы
D. XIX ғасырдың бірінші жартысы
Е. ХХ ғасырдың 30-шы жылдарында 
$$$ 5 В
<<Қазақ балалар әдебиетінің очерктері>> кітабының авторы кім?
А. Ахмет Байтұрсынұлы
В. Ш.Ахметов
С. Ыбрай Алтынсарин
D. Абай Құнанбаев
Е. Сәкен Сейфуллин
$$$ 6 A
<<Фольклор>> терминінің баламасы :
А.Халық ауыз әдебиеті 
В. Аңыз-әңгімелер
С. Эпос
D. Мақал-мәтелдер
Е.Жаңылтпаштар
$$$ 7 D
Белгілі бір халықтың, тайпаның өзіне тән ерекшелігі бар дүниетанымдық, тәрбиелік, мәдени мұрасы.
А.Психология
В. Тарих
С. Балалар әдебиеті
D. Этнопедагогика
Е.Педагогика
$$$ 8 В
Этнопедагогика ғылымы қандай екі саладан тұрады:
А.мақал-мәтелдер мен жаңылтпаш
В. халықтың ауыз әдебиеті мен салт-дәстүрлерінен
С. Аңыздар мен эпостар
D. Халық ауыз әдебиеті мен фольклор
Е. салт-дәстүрлері мен аңыздар
$$$ 9 C
 Ы.Алтынсариннің <<Қазақ хрестоматиясы>> нешінші жылы жарық көрді?
А.1878
В. 1877
С. 1879
D. 1872
Е.1873
$$$ 10 Е
М.Дулатовтың қай оқу құралында(1911) фольклорлық үлгілер аса мол қамтылған?
А. <<Әдебиет таңытқыш>>
В. <<Қазақ  хрестоматиясы>>
С. <<Әдебиет>>
D <<Хрестоматия>>
Е. <<Қирағат>>
$$$ 11 C
А.Байтұрсыновтың  еңбегі:
А. <<Қазақ  хрестоматиясы>>
В. <<Хрестоматия>>
С. <<Әдебиет танытқыш>>
D. <<Қирағат>>
Е. <<Әдебиет>>
$$$ 12 C
А.Байтұрсыновтың өтірік өлең, жұмбақ, жаңылтпаш, тақпақ,   жарапазан, бесік жыры сияқты терминдер алғаш ғылыми айналысқа түсіп, мағыналық жағынан тиянақталған еңбегі?
А. <<Қирағат>>
В. <<Қазақ  хрестоматиясы>>
С. <<Әдебиет танытқыш>>
D. <<Хрестоматия>>
Е. <<Әдебиет>>
$$$ 13 B
<<Балалар фольклоры>> терминін өз еңбегінде алғаш қолданып, түсініктеме берген?
А. Ахмет Байтұрсынұлы
В. Ш.Ахметов
С. Ыбрай Алтынсарин
Д. Абай Құнанбаев
Е. Сәкен Сейфуллин
 $$$ 14 Д
Әлпештеу поэзиясына жататындар:
А.мақал-мәтелдер
В. жаңылтпаштар
С. Тәжікелесу, жаңылтпаш, жұмбақ, балалар айтысы,ойынға байланысты жырлар: ойынға шақыру, қаламақ, санамақ, драмалық ойындар)
D. (бесік жыры, сәбилік ғұрып жырлары, мәпелеу жырлары, уату-алдарқату жырлары)
Е.ойындар
$$$ 15 A
Тәжікелесу, жаңылтпаш, жұмбақ, балалар айтысы,ойынға байланысты жырлар: ойынға шақыру, қаламақ, санамақ, драмалық ойындар қандай фольклорға жатады?
А.Ойындық фольклор
В. Әлпештеу поэзиясы
С. Мадақтау
D. Ойын-сауық
Е.Балалар поэзиясы
$$$ 16C
Мақал-мәтел дегеніміз не?
А. балалардың тез де, жаңылыссыз сөйлеуіне, дыбыстарды анық      айтуына дағдыландыратын өлең-ойын.
В. Ой түйіні
С. халықтың еңбек және әлеуметтік өмір тәжірбиесінен алынған білімнің жиынтығы.
D. Афоризмдер
Е.Халық дана сөздер
$$$ 17 D
Қазақ мақал-мәтелдері қай кезден бастап  баспа жүзінде жарық көре бастаған.
А. XX ғасырдың екінші жартысы
В. ХІХ ғасырдың 50 жылдарынан
С. XX ғасырдың бірінші жартысы
D. ХІХ ғасырдың 70 жылдарынан 
Е. . ХІХ ғасырдың 60 жылдарынан

$$$ 18 B
Нақыл, өсиет түрінде айтылатын философиялық ой түйіндері, сөз мәйегі не?
А.Ертегілер
В. Мақалдар
С. Мәтелдер
D. Жаңылтпаштар
Е.Өтірік өлеңдер
$$$ 19 E
Балалардың тез де, жаңылыссыз сөйлеуіне, дыбыстарды анық айтуына дағдыландыратын өлең-ойын.
А. Мақалдар
В. Ертегілер
С. Мәтелдер
D. Өтірік өлеңдер
Е.Жаңылтпаш
$$$ 20 D
<<Ел өтірігі -  үлкендерден  гөрі балалардікі,  балалар  әдебиетіне  жатады>>-деп кім айтты?
А.Ы.Алтынсарин
В. А.Байтұрсынұлы
С. С.Сейфуллин
D. І.Жансүгіров
Е.С.Көбеев
$$$ 21 A
Халқымыздың тарихын, тұрмыс-салтын, әдет-ғұрпын, нанымын, дүниетанушылық көзқарастарын білдіретін халық ауыз әдебиетінің түрі:
А.Ертегілер
В. Мақал-мәтелдер
С. Жаңылтпаштар
D.Өтірік өлеңдер
Е.Әңгімелер
$$$ 22 D
Ертегілердің ішіндегі баланың қиялын шарықтатып, балалық шақтың болашағын елестетіп, келешекке сеніммен қарауға тәрбиелейтін ең әсерлі ертегілер?
А.Әдеби ертегілер
В. Тарихи ертегілер
С. Хайуанаттар жайлы
D. қиял-ғажайып ертегілері
Е.Шыншыл ертегілер
$$$ 23D
Қоғамдық әлеуметтік қатынастар мен теңсіздікті, тұрмыс-тіршілікті сатира мен юмор арқылы беретін ертегілер түрі (Тазша туралы, Қожанасыр жайлы т.б.) :
А. қиял-ғажайып ертегілері
В. Хайуанаттар жайлы
С. Шыншыл ертегілер
D. Сатиралық ертегілер
Е. Тарихи ертегілер
$$$ 24 В
Бір мекеннің, жергілікті жердің, я болмаса бір елдің, тайпаның, рудың ауызекі шежіресі бір аймақта болған оқиғаның әңгімесін не деп айтамыз?
А.Ертегілер
В. Аңыз әңгімелер
С. Эпостар
D. Тарихи әңгімелер
Е.Жырлар
$$$ 25 C
Лиро-эпостық жырлардың  негізгі тақырыбы:
А.ерлік,батырлық  жайлы
В. адамгершілікті дәріптейді
С. махаббат, сүйіспеншілік мәселесін дәріптеуге құрылады
D. Отан сүйгіштік қасиетті
Е.Үлкендерді құрметтеуге
$$$ 26 D
<<Тарланым>>, <<Мінкен ер>>, <<Қызғыш құс>>, <<Тайманның ұлы Исатай>>, <<Исатай деген ағам бар, <<Исатай сөзі>>, <<Арғымақтың баласы>>, <<Біз неткен ер>>, <<Ұл туса>>, <<Туған ұлдан не пайда>>, <<Еңселігі екі елі>> т.б.деп жырлаған ақын:
А.Абай
В. Ыбрай
С. Ахмет
D. Махамбет
Е.Мұхтар Әуезов
$$$ 27 C
Шын мәніндегі тұңғыш   ағартушы ұстаз,  тамаша тарихшы,   фольклоршы - этнограф  ғалым, тіл білімпазы,  осы    күнгі     әліпбиімізде    жазылған     ең      алғашқы оқулықтың туындыгері, халық   ағарту  ісінің шебер ұйымдастырушысы:
А.А.Байтұрсынов
В. Абай Құнанбаев
С. Ы. Алтынсарин 
D. С.Көбеев
Е.М.Дұлатов
$$$ 28 C
<<Қазақ хрестоматиясы>> еңбегінің авторы?
А. А.Байтұрсынов
В. Абай Құнанбаев
С. Ы. Алтынсарин 
Д. М.Дұлатов
Е. С.Көбеев
$$$ 29 D
Ұлт-азатшыл  бағыт  өкілдері
А. М.Дулатов, Ж.Аймауытов
В. С.Дөнентаев,с.Көбеев
С. Байтұрсынов,М.Дұлатұлы
D. Ш.Құдайбердіұлы, С.Торайғыров, С.Дөнентаев, С.Көбеев
Е. А.Байтұрсынов, М.Жұмабаев, М.Дулатов, Ж.Аймауытов
$$$ 30  D
Қай жазушының <<Маузер>>, <<Бандыны қуған Хамит>>, <<Балалар>>, <<Келіншектің бесік жыры>>, <<Ананың хаты>>, <<Анаға жауап>>, <<Пионерлер>>, <<Біз комсомол>>, <<Совпарттағы қарындасыма>>  шығармалары кеңес кезеңінде  балалар  оқуына ұсынылды?
А.М.Мағауин
В. М.Дұлатов
С. С.Көбеев
D. С.Сейфуллин
Е.С.Торайғыров
$$$ 31 С
<<Азамат Азаматович>> пен <<Майдан>>, <<Шұғаның белгісі>> мен Дайрабайдың көк сиыры>>, <<Кедейге>>т.б. шығармаларының авторы?
А. С.Көбеев
В. М.Мағауин
С. Б.Майлин
D. М.Дұлатов
Е. С.Торайғыров
$$$ 32 E
Өзінің <<Заман, жастар, біздікі>>, <<Жауыздық пен махаббат>>, <<Өмір мен өлім туралы>>, <<Мен өмір сүргім келеді>>, <<Шығыс ұлына хат>> сияқты публицистикалық еңбектерінің авторы:
А.М.Дұлатов
В. С.Көбеев
С. М.Мағауин
D. С.Торайғыров
Е. Б.Бұлқышев
$$$ 33 С
Алтынсарин  қай  жылдан  бастап  халық  ауыз  әдебиеті  нұсқаларын  жинау, зерттеумен  шұғылданады?
А.1863 ж
В.1864 ж
С.1862 ж
D.1865 ж
Е.1867 ж
$$$ 34 Е
Ыбырай  өзі  ашқан  мектептерге  арнап   не  жазуды  қолға  алады?
А.мақала
В.шығарма
С.газет
D.журнал
Е.оқулық
$$$ 35 А
Қазақ  хрестоматиясын  қай  жылдар  шамасында  жазуға  кірісті?
А.1876-77 ж
В.1879-80 ж
С.1875-76 ж
D.1874-75 ж
Е.1877-78 ж
$$$ 36 С
Ы.Алтынсарин  1879  жылдың  бірінші  қыркүйегінде   қай  облыстың  мектеп  инспекторы  болып  тағайындалады?
А.Ырғыз
В.Орынбор
С.Торғай
D.Орал
E.Жауап  жоқ
$$$ 37 D
Торғай  қаласында  қолөнер  мектебі  қай жылы ашылды?
А.1884 ж
В.1885 ж
С.1882 ж
D.1883 ж
Е.1886 ж
$$$ 38 Е
Ы.Алтынсарин  неше  жастан  асқан  шағында  қайтыс  болады?
А.46
В.43
С.42
D.45
Е.47
$$$ 39 А
Халқымыздың тарихын, тұрмыс-салтын, әдет-ғұрпын, нанымын, дүниетанушылық көзқарастарын білдіретін халық ауыз әдебиетінің түрі:
А Ертегілер
В. Мақал-мәтелдер
С. Жаңылтпаштар
D.Өтірік өлеңдер
Е.Әңгімелер
$$$40  Е
Балалардың тілін дамыту үшін не айтылады ?
* Мақал
* ертегі    
* жұмбақ  
* аңыз
* жаңылтпаш
$$$  41 А
<<Қаңбақ шал>> ертегілеріндегі басты кейіпкерлерді көрсет
* шал, кемпір, түлкі, дәу          
* шал, кемпір, балық, түлкі     
* шал, дәу, мысық, ешкі          
*  шал, дәу, қыз, түлкі
* кемпір, шал, дәу, қасқыр
$$$ 42 В
Ахмет Байтұрсыновтың <<Егіннің бастары>> мысалындағы жалғыз бидай неге тік тұр ?
* сұлу болғандықтан
* дәні көп болғандықтан            
* дәнсіз болғандықтан
* бойына сүйсініп
* күнге ұмтылып
$$$  43  А
<<Қарлығаштың құйрығы неге айыр ?>> ертегісіндегі басты кейіпкерлерді тап
* хан, жылан, қарлығаш, шағатын жәндіктер
* хан, жылан, қарға, шағатын жәндіктер
* хан, жылан, қарлығаш, ешкі
* бай, жылан, қарлығаш, шағатын жәндіктер
* хан, жылан, сауысқан, ешкі
$$$  44 С
Ыбырай Алтынсаринның <<Әке мен бала>> әңгімесінде әкесі баласына нені көтер дейді ?
* алманы
* шелекті  
* тағаны
* шегені
* таяқты
$$$ 45 Е
<<Әке мен бала>> әңгімесі балаларды неге үйретеді ?
* жалқаулыққа
* татулыққа
* бірлікке
* аңшылыққа
* еңбекке
$$$ 46 А
<<Алтын сақа>> ертегісіндегі бала неден көмек сұрады ?
* құстардан  
* аңнан
* жәндіктен
* жануардан
* балықтан
$$$ 47 А
<< Ешкі мен түлкі>> ертегісіндегі түлкі қайда түсіп кетті ?
* апанға  
* қақпанға
* ауға
* суға
* балшыққа
$$$48 С
Балалардың ойын дамыту үшін не айтылады ?
* жаңылтпаш   
* мақал
* жұмбақ
* ертегі
* әңгіме
$$$49 А
Ертегілердің тобын анықта
* 3
* 5
* 4
* 6
* 7
$$$  50 С
 Мұхтар Әуезов ертегіні неше топқа жіктеді?
А. 4
 В. 5
 С.3
 D. 8
 Е.1
$$$ 51С
 <<Қотыр торғай>>- қай жанрлық ертегіге жатады?
А. Новеллалық ертегіге
В. Батырлық ертегіге
С. Қиял-ғажайып ертегіге
D.Жануарлар туралы ертегіге
Е. Ешқайсысыны
$$$ 52А
Батырлық ертегіні көрсет?
А. <<Ер -Төстік>>
В. <<Сиқырлы қыз>>
С. <<Кім күшті>>
D. <<Арыстанмен қоян>>
Е. <<Әкемен бала>>

$$$ 53 В
Сейіт Қасқабасов ертегілерді нешеге бөлді?
А. 6
В. 3
С.1
D.8
Е.5
$$$ 54А
Жаңылтпаш мағынасын көрсет
А. Баланы тез де, жаңылыссыз сөйлеуіне тәрбиелейді
В. Ойын дамытуға ықпалын тигізеді
С. Шапшаң жүруге үйретеді
D. Ертегіні салыстыруға 
Е. Барлығы дұрыс
$$$ 55 В
Кеспе , өссін ал, Өссе өсімтал, Өссе өссін тал, Кеспе , өссін тал  -  осы жаңылтпаш неге тәрбиелейді?
А. З-дыбысын дұрыс айтуға
В. Табиғатты қорғауға
С. Баланың тілін ширатуға
D. Тез сөйлеуге
Е. Жадында сақтауға
$$$ 56 D
Мініп алып құртқа,
Өрмеледім бұлтқа.
Алып келдім айды
Көрсеттім көп жұртқа- бұл не?
А. Жаңылтпаш
В. Мақал
С. Мәтел
D. Өтірік өлең
Е. Батырлар жыры
$$$ 57 С
<<Ұр-Тоқпақ>> ертегілердің қай түріне жатады?
А. Жануарлар туралы
В. Хайуанаттар туралы
С. Қиял-ғажайып 
D. Батырлық туралы
Е. Сатиралық ертегілерге
$$$ 58D
Әлпештеу поэзиясына не жатады?
А. Балалар айтысы
В. Санамақ
С. Тақпақ
D. Бесік жыры
Е. Жұмбақ
$$$ 59 A
Ойындық фольклорды көрсет
А. Қаламақ
В. Арнау-тілек
С. Мазақтама
D. Өтірік өлең
Е.  тақпақ
$$$ 60 D
Уату- алдарқату жыр қайсысы?
А. Ақ білек
В. Қаз балам
С. тәй-тәй балам
D. қуырмаш
Е. өс,өс балам
5. ӨЗГЕРІСТЕРДІ ТІРКЕУ ПАРАҒЫ
Өзгерістің рет нөмірі
Құжаттың тарауы, пункті
Өзгеріс түрі (ауыстыру, жою, қосу)
Хабарламаның нөмірі және күні
Өзгеріс енгізілді




Күні
Аты-жөні, қолы, қызметі









































6. ӘРІПТЕСТЕРДІҢ ТАНЫСУЫ
№
о/қ
Қызметі
Аты-жөні
Уақыты
Қолы
Өзгерту №
Уақыты
Қолы

• Іс жүргізу
• Автоматтандыру, Техника
• Алғашқы әскери дайындық
• Астрономия
• Ауыл шаруашылығы
• Банк ісі
• Бизнесті бағалау
• Биология
• Бухгалтерлік іс
• Валеология
• Ветеринария
• География
• Геология, Геофизика, Геодезия
• Дін
• Ет, сүт, шарап өнімдері
• Жалпы тарих
• Жер кадастрі, Жылжымайтын мүлік
• Журналистика
• Информатика
• Кеден ісі
• Маркетинг
• Математика, Геометрия
• Медицина
• Мемлекеттік басқару
• Менеджмент
• Мұнай, Газ
• Мұрағат ісі
• Мәдениеттану
• ОБЖ (Основы безопасности жизнедеятельности)
• Педагогика
• Полиграфия
• Психология
• Салық
• Саясаттану
• Сақтандыру
• Сертификаттау, стандарттау
• Социология, Демография
• Спорт
• Статистика
• Тілтану, Филология
• Тарихи тұлғалар
• Тау-кен ісі
• Транспорт
• Туризм
• Физика
• Философия
• Халықаралық қатынастар
• Химия
• Экология, Қоршаған ортаны қорғау
• Экономика
• Экономикалық география
• Электротехника
• Қазақстан тарихы
• Қаржы
• Құрылыс
• Құқық, Криминалистика
• Әдебиет
• Өнер, музыка
• Өнеркәсіп, Өндіріс