Жұмбақтар: От жағу, жарық қылу

Бап, бап, бапанақ,
Бапанақ үсті арғымақ.
Арғымақ үсті қызыл тақ,
Қызыл тақ үсті қу шұнақ.
Bake Toti Mika Sake

Болғанда қиған қалпақ, қырсау құрық,
Мінгені үш аяқты қызыл жүйрік.
Bake Toti Mika Sake

Басына қара таудың бітер қорған,
Онда жоқ бекітерге айыл-тұрман,
Қасына төрт нөкерін ертіп алып,
Үстіне қайырлы бай мініп тұрған.
Bake Toti Mika Sake

Үш балада бір қармақ.
Bake Toti Mika Sake

Дыбыстасаң қарамас,
Болса-дағы құлағы.
От-жалынмен аралас,
Тату-тәтті тұрады.
Bake Toti Mika Sake

Бар екен арасанның үш төресі,
Жайлауы бір апанның кенересі.
Асты зерден болғанда, үсті балдан,
Адамзаттың ойласақ неменесі!
Bake Toti Mika Sake

Қара тайым мықты,
Қара бием сүтті.
Bake Toti Mika Sake

Үш адам қара киген қарағымды,
Бар еді үшеуінің арғымағы.
Үшеуі үш жағынан қарғыса да,
Жетпейді адым жерге қарғығаны.
Bake Toti Mika Sake

Үш аяғы үш жақта,
Төрт құлағы қалқиған.
Ретін таппай жұмсаса,
Ыңғайына жантиған.
Bake Toti Mika Sake

Үш атқа мінгесіп тұр жанғыз көрдім,
Соларға тамаша етіп қарап тұрдым.
Жандыны жансызбенен күрестіріп,
Жансызды бір уақытта алып ұрдым.
Bake Toti Mika Sake