Жұмбақтар: Техника мен шеберхана құралдары

Алыстан хабар алған,
Айтқан сөз жазылған.
Bake Toti Mika Sake

Білмеймін аяқтарын неше мыңнан,
Бір нәрсе арқасында жалғыз қылдан.
Өзінің иелері әмір қылса,
Жер жүзін бір сағатта сайран қылған.
Bake Toti Mika Sake

Атсыз,жансыз бір нәрсе жаяу жүрген,
Қарына неше жерден шоқтар ілген.
Әрі атсыз,әрі жансыз болса-дағы,
Халықтың неше түрлі тілін білген.
Bake Toti Mika Sake

Бір жылан жердің жүзін орап жатқан,
Сұрасаң сөз айтады бір тараптан.
Ау, жаным, тапқын мұны көп ойламай,
Шығады деп айтып тұрмын көңіл шаттан.
Bake Toti Mika Sake

Сайда тұрған қу ағаш
Тармақтарын бұрасаң,
Жер шарымен шамалас.
Bake Toti Mika Sake

Қатар-қатар жігіттер,
Қарасаң қайда міні бар,
Бір-біріне ұштасқан,
Арасында қылы бар,
Ешбір тамақ ішпейді,
Қолдарында шыны бар.
Bake Toti Mika Sake

Түйесі қатар-қатар бір озбайды,
Ішінде ботасы жоқ құр боздайды,
``Шөк`` деп қап бұйдасынан сілкіп қалсаң,
Не түрлі жаңалықтан сөз қозғайды.
Bake Toti Mika Sake

Қатар, қатар, қаздай-ды,
Нар түйеше боздайды.
Bake Toti Mika Sake

Құстан аумайды,
Көкте заулайды.
Bake Toti Mika Sake

Тақылдатып таңдайды,
Егінді тез жалмайды.
Дәнін берер тазалап,
Өзі түкте алмайды.
Bake Toti Mika Sake