Жұмбақтар: Адам және оның дене мүшелері

Бір нәрсе жатқан жері сондай берік,
Қорығын көреді екен бөліп-бөліп.
Ұйқыдан оянған соң тұра салып,
Кезеді адамзаттың соңына еріп.
Bake Toti Mika Sake

Ел ішіне келді, аты жоқ,
Ел оған ат берді,
Еті бар, сүйегі жоқ,
Соғымына екі зат береді.
Bake Toti Mika Sake

Құлақ сал, бұл сөзіме, ау жамағат,
Бір күні елге келді көп жамағат.
Бір шақта халық ішіне өзі келді,
Жалаңаш, өзі жаяу бір азамат.
Көрді де бұл адамды, болды шатта,
Құрметтеп құп сыйлайды адамзат та,
Сүйегі жоқ екі қой азық беріп,
Мінгізді ол адамды жалғыз атқа.
Bake Toti Mika Sake

Дүниеде күйме көрдім төрт аяқты,
Дөңгелек екі басы ай сияқты.
Төрт есік мәткесі бар, уығы жоқ,
Үзік жоқ, туырлық жоқ, түндігі жоқ,
Құс төсек, мамық жастық, біреу жатыр,
Көңлі уайымсыз жай сияқты.
Bake Toti Mika Sake

Ақ қозы,
Құмалағы көп қозы.
Bake Toti Mika Sake

Ағай-ағай, ағай құс,
Аяғынан таңған құс.
Көгей-көгей құс,
Көкірегінен таңған құс.
Bake Toti Mika Sake

Бір өзі іштен шығады тіл білмеген,
Ақ отау тегін берді дүмбірлеген.
Бір күні жолға түсіп жүріп кетті,
Еш бұйым қалдырмады бүлдірмеген.
Bake Toti Mika Sake

Қырық жұма қараңғы үйде тұрдым,
Алты жұма ауырып жаттым,
Жиырма жұма мені байлады,
Бір жыл асылып тұрдым.
Bake Toti Mika Sake

Таңертең төрт аяқты,
Түсте екі аяқты,
Кешке қарай үш аяқты.
Bake Toti Mika Sake

Бақ-бақ бақасы,
Бақылдайды сақасы.
Екі торсық азығы,
Қақаңдайды қазығы.
Bake Toti Mika Sake