Жұмбақтар: Тұңғиықтың тұрғындары туралы

Жалтыраған бауыры.
Құдды көмір түтігі.
Өзінің бар тәуірі,
Сәуле шашар түтігі.
Bake Toti Mika Sake

Қошқыл жолақты,
Еріні сағақты.
Бүкіл денесі –
Терек теңгесі.
Bake Toti Mika Sake

Суда өседі, өнеді,
Сыртқа шықса, өледі.
Bake Toti Mika Sake

Күміспенен апталған,
Теңгеменен қапталған.
Bake Toti Mika Sake

Қомағайлық жасайды,
Шабақтарды асайды.
Bake Toti Mika Sake

Сұрқы бір қарыс,
Итбалыққа ұқсайды.
Ұмтылғанда — жолбарыс,
Сүңгіп шабақ ұстайды.
Bake Toti Mika Sake

Жоны қара тақтайдай,
Бауыры аппақ мақтадай.
Мекендейді мұз-қарды,
Сүйеді тек ызғарды.
Бұлғаңдайды, қашпайды,
Асықпайды, саспайды,
Мұз үстінде билейді,
Бірақ белін имейді.
Bake Toti Mika Sake

Сулы жерді мекендеп,
Құрлықта да секеңдеп,
Шыбын-шіркей аңдиды,
Жемге қашан жетем деп.
Bake Toti Mika Sake

Өзi алып кемедей,
Дауылдан ықпайды.
Су шашып,
Телегей
Мұхиттан шықпайды.
Bake Toti Mika Sake

Басы доғал,
Мұрты бар.
Аузы апандай,
Ұрты бар.
Түрi китке ұқсайды.
Bake Toti Mika Sake