Жұмбақтар: Аспан әлемi

Бір емен, жеті терек, алты қайың,
Бұтағы толып жатыр дайым, дайым,
Ішінде шынар терек, үш қарағай,
Өңгесін айта беріп не қылайын?
Bake Toti Mika Sake

Аспанда ұшып жүрген жеті торғай,
Барады бір-біріне қосыла алмай.
Bake Toti Mika Sake

Алты қаз, жеті үйрек, бір бөдене,
Кейде орта, кейде толы сары тегене,
Тұнық пенен лайдың арасынан,
Бір аққу ұшып шықты қанат кере.
Bake Toti Mika Sake

Алты қоян қашады бұдан былай,
Жеті лашын қуады ұдай-ұдай.
Артынан екі бүркіт тағы кетті,
Шешіп бер жұмбағымды қарап тұрмай.
Bake Toti Mika Sake

Мен бір жұмбақ айтайын асыл досқа,
Бір сарай толып тұрған ақ күміске,
Болғанда алты тауық, жеті тақ-тақ,
Баршасы қорқады екен тоты құстан.
Bake Toti Mika Sake

Бап-бап, басы бар,
Алтын ердің қасы бар,
Бұны тапқан адамның
Жүз жиырма да жасы бар.
Bake Toti Mika Sake

Байладым бір қазыққа екі жылқы,
Екі жігіт ала алмай болды күлкі,
Жетеуі бір қызға ғашық болып,
Ағарды қасіреттен сақал-мұрты.
Bake Toti Mika Sake

Туғанда алтау едім,
Өле-өле жетеу болдым.
Bake Toti Mika Sake

Аспанда ұшып жүрген алты торғай,
Өмірбақи жүреді жерге қонбай.
Bake Toti Mika Sake

Бар ма, жоқ па, анық білмейсің,
О жоқ жерде өмір сүрмейсің.
Bake Toti Mika Sake