Жұмбақтар: Әли Ысқабаев

Бір ғана есігі бар,
Жүздеген тесігі бар.
Ішіне түскендердің
Ұсағы жол табады,
Ірісі тор қабады.

Қара жағал кішкене
Қанаты бар сүйріктей.
Оған теңдес құс кәне?
Тапшы сондай жүйрікті?

Үсті жазық,
Төрт қазық.

Көгілдір түсі бар,
Тас балқытар күші бар.

Сынаптай жылтырап,
Биіктен сырғиды.
Ән салып былдырап,
Іздейді ылдиды.

Орақ болып туады,
Табақ болып тұрады.

Мөлдіреген жүзімді
Ұстап едім, езілді.

Кең алқап ақ түске
Бейне бір малғандай,
Күзде де, тал түсте
Қар жауып қалғандай.

Дауыл дәнді ұшырып,
Шарлар жауды аспаннан.
Шекемізді ісіріп,
Қаштық үйге сасқаннан.

Пәндер

Қазақ тілінде жазылған рефераттар, курстық жұмыстар, дипломдық жұмыстар бойынша біздің қор #1 болып табылады.

Ақпарат

Қосымша

Email: info@stud.kz