Жұмбақтар: Музыкалық аспап

Қос қазақ екі жерден шынжыр арқан, Сылдырап әр буыны үнін қосқан. Он адам жолдас болып еңбек етсе, Аралап он екі үйге қонақ болған.
Bake Toti Mika Sake

Ағаш , темір, қағаз, желім, Бұлардың басын қосқан көрдім жерін, Шырқырап неше түрлі ән салады, Ішіне толтырып ап барлық жемін.
Bake Toti Mika Sake

Жансыздан боз шыққан боз арғымақ, Арқаны бар арқасында жұмақ-жұмақ Ер ерттеп екі айылын тартып алып , Қамшыласа кетеді зулап-зулап, Мініп ап боз жорғаны күйге салдық. Он жігіт жол бойында қызмет етеді, Құбылтып неше түрлі әнге салып.
Bake Toti Mika Sake

Бір нәрсе қараңғыда қаймалайды, Азнаса көмейінде мал жылайды. Құйрығын қара жерге тіреп алып, Келеді баяғының әнін салып.
Bake Toti Mika Sake

Тиіп кетсе жылаған, Даусы көпке ұнаған.
Bake Toti Mika Sake

Бір жансыз мойнында бар екі құлақ, Ойнайды дәл үстінде он шақты лақ. Белінде сегіз белбеу, қолда екі арқан, Қояды оны бұрап-бұрап. Бар екен маңдайында жалғыз көзі, Болады тоқсан түрлі айтқан сөзі.
Bake Toti Mika Sake

Қос желі, үш жерінен қазығы бар, Құбылған қоңыр желден азығы бар. Желіні сабалайды дыңылдатып, Байғұстың соншама не жазығы бар.
Bake Toti Mika Sake

Жылқыда ерен жүйрік қара арғымақ, Мойыны жануардың бунақ-бунақ, Айылын екі жерден мықтап тартып, Кетеді қамшы бассаң зулап-зулап.
Bake Toti Mika Sake

Бір отау сырты әсем, екі баулы, Он батыр босағада болған даулы. Ішінде қыз бен жігіт толған екен, Бәрі ақын көрінеді жез таңдайлы.
Bake Toti Mika Sake

Келеді мына жатқан күймелі бай, Омырауы сары алтыннан түймелі бай. Екі шал, жеті жігіт ән салады, Затының кім екенін білмедім-ай.
Bake Toti Mika Sake