Жұмбақтар: Жұмбақ өлеңдер

Қонақтап күнде қонар су бетіне,
Барлық адам сүйсінер келбетіне.
Айдындағы сипамақ болсаңжүзін,
Бата түсер тереңге тербетіле.
Bake Toti Mika Sake

Өздігінен жүрмейді, жарыспайды,
Кісі мінсе, жарыстан қалыспайды.
Аяғы екеу болғанымен ізі жалғыз,
Сағатына талай жер қарыштайды.
Bake Toti Mika Sake

Жұмбақтан шеше алсаңыз сөз бастайын,
Жаралған бір мақұлық-үлкен жайын.
Өзі обыр, басы жетеу, қолы он екі,
Отыздан саусағы бар қол бас сайын.
Bake Toti Mika Sake

Келеді үлкен алып аузын ашып,
Жүреді он екі аяқ қадам басып.
Отыздан әрбірінде бармағы бар,
Құтылмас ешбір адам одан қашып.
Bake Toti Mika Sake

Қысырақ жоғалады жазкетіп жырақ,
Көп жүрдім іздеп оны елден сұрап.
Тұр екен дарияның ортасында,
Жете алмай үйге қайттым босқа бірақ.
Bake Toti Mika Sake

Бір көлге жиырма төре қонар үйрек,
Әр бірі айналдырсаң қалар сиреп.
Ішінде жалғыз туған біреуі бар,
Тұрады соның бәрін жалғыз билеп.
Bake Toti Mika Sake

Бір дария ағып жатыр тартқан сымдай,
Ішінде бір асыл бар жалғыз қылдай.
Бәріне жиылған жан бірдей керек,
Жұмбақты осы сізге айтсам қалай.
Bake Toti Mika Sake

Көше-көше ауылыкөше болар,
Ойынсыз-күлкісіз ел мешеу болар.
Ақын болсаң,сөзіме жауап берші,
Тоқсан иттің емшегі нешеу болар?
Bake Toti Mika Sake

Әуеде алтын қазық жылыстаған,
Береді құдай қашан бейіс саған?
Ақын болсаң алдыңа сала айтайын
Мұхаммедтің сүйегін кім ұстаған?
Bake Toti Mika Sake

Ерте оқимыз намазды,кеш оқимыз,
Әр күнде бұл намазды бес оқимыз.
Ақын болсаң жұмбағым шешіп берші,
Он екі айда намазды неше оқимыз?
Bake Toti Mika Sake