Stud.kz

Ағайынның аты озғанша,
Ауылдастың тайы озсын.



Итің жақсы болса — ырысың,
Көршің жақсы болса — тынысың.



Ағайының бай болса,
Асағаның май болар.



Алыстағы ағайыннан,
Алдыңдағы көрші артық.



Ағайын бірде араз, бірдетату.



Әйелінен сескенген
Ауылдасына шай іш демейді.



Орынсыз мақтау
Орға жығады.



Үйірінен айрылған айғыр
Ат болады,
Көңілді қалдырған ағайын
Жат болады.



Атың жақсы болса — қанатың,
Ағайын жақсы болса — санатың.



Қонағы бар үй қоңырсып тұрады,
Қонағы жоқ үй бозымсып тұрады.
Құдаң құрдасыңдай болсын,
Құдағайың сырласыңдай болсын.



Аға алдында пейіліңді көрсет,
Іні алдында мейіріңді көрсет.



Үйдің жылы-суығын,
Қыс түскенде білерсің.
Ағайынның алыс-жақынын
Іс түскенде білерсің.



Жайды білмеген жақыннан,
Жайды білген жат артық.



Асыл аға, алғыр іні.



Туысы бірдің — уысы бір.



Аға — алғанша,
Жеңге — жегенше.



Жақынның жаманын мақтама,
Көршіңнің ала жібін аттама.



Құдаңның түйесін сұра,
Қорық қанынан биесін берер.



Қонымды киіміңді өзің ки,
Айналып қарасын көргендер,
Тәтті тамағыңды қонағыңа бер,
Айта жүрсін жегендер.



Бір тойда екі жар жоқ.



Қонақ келсе — құт,
Қарақшы келсе — жұт.



Иесіз үйдің оты жанбайды.
Қонақ қазанға бір қарайды,
Қожасының қабағына екі қарайды.



Сараңның салғанын қазаны жейді,
Қалғанын қонағы жейді.



Алыстағы ағайыннан,
Ауылы бірге көрші артық.



Өзі қонақ болып көрмеген,
Қонақты сыйлай да білмейді.



Пәндер

Қазақ тілінде жазылған рефераттар, курстық жұмыстар, дипломдық жұмыстар бойынша біздің қор #1 болып табылады.

google play appstore

MasterCard Visa

Ақпарат

Қосымша


Email: info@stud.kz