Stud.kz

Бір кісі мың кісіге олжа салар.



Жақсы адам — жұрттың ырысы.



Адам жүрген жермен
Адам жүреді,
Біреу білмегенді
Біреу біледі.



Ат аяғынан семірер,
Адам құлағынан семірер.



Екі кісі ығысса,
Бір кісілік орын бар.



Адам сөйлескенше,
Жылқы кісінескенше.



Бұрынғының кісісі —
Бүгінгінің кішісі.



Ағаш көркі — жапырақ,
Адам көркі — шүберек.



Кісі аты тершіл,
Кісі киімі кіршіл.



Кісідегінің
Кілті аспанда.



Кісі қатесіз болмас,
Көл бақасыз болмас.



Жұпарды жасыра алмайсың.



Болған кісі, болдым демес,
Болдым десе, болғаны емес.



Ай толғанын білмес,
Жігіт болғанын білмес.



Дүниеде тас қатты,
Тастан бас қатты.



Адам құлақтан азады,
Қаңқудан тозады.



Жігіттің құны — жүз жылқы,
Ары — мың жылқы.



Адаспаймын деген жігіт,
Талтүсте адасады.



Төсектің тарлығы — тарлық,
Көңілдің тарлығы — қорлық.



Ақылды адам айтқызбай біледі,
Ақ сұңқар қаққызбай іледі.



Аш адам ұрысқақ,
Ақсақ қой тырысқақ.



Табы бірдің — тәңірі бір.



Сыртың сайлы болғанша,
Ішің майлы болсын.



Ақылдының айналасы — гүлстан.



Ақылсыз адам айқай келеді,
Жан-жағын жайпай келеді.
Ақылды адам жай-жай келеді,
Жан-жағын байқай келеді.



Пәндер

Қазақ тілінде жазылған рефераттар, курстық жұмыстар, дипломдық жұмыстар бойынша біздің қор #1 болып табылады.

google play appstore

MasterCard Visa

Ақпарат

Қосымша


Email: info@stud.kz