Stud.kz

Жолдасты жол айырады.



Қарау адам — күншіл,
Мекер адам — міншіл.



Сырты жалтырауықтың
Іші қалтырауық.



Жерік талғамайды,
Ғашық алдамайды.



Жаным десе, жан семірер.



Көз — нұрдың ұясы,
Көңіл — сырдың ұясы.



Жақсының жүрген жері — абат.



Қатты жауған күн
Тез ашылады,
Қатты ашуланған кісі
Тез басылады.



Саналы адам
Сағыңды сындырмас,
Санасыз адам
Жағыңды тындырмас.



Екі аяқты адам түгіл
Төрт аяқты мал да сүрінеді.



Қағазға тіл бітірген қалам,
Жансызғажан бітірген — адам.



Әлсіз адам — сүріншек,
Ақылсыз адам — еріншек.



Біреудің бойы аласа,
Біреудің ойы аласа.



Жүні жығылғанның —
Күні жығылған.



Сыйлық қымбат емес,
Сүю қымбат.



Жұпыны — жұғымды,
Сыпайы — сүйкімді.



Талансыз адам — табансыз,
Алымсыз адам —шалымсыз.



Көп іздеген адам,
Көмбенің үстінен шығар.



Әркім қолда барын ұсынады.



Арман — адамға қанат.



Армансыз адам — алысқа бармас.



Тар жерде табысқан,
Кең жерде келіседі.



Сұлу сұлу емес,
Сүйген сұлу.



Тәні сұлу сұлу емес,
Жаны сұлу — сұлу.



Мал дара тартады,
Адам қара тартады.



Пәндер

Қазақ тілінде жазылған рефераттар, курстық жұмыстар, дипломдық жұмыстар бойынша біздің қор #1 болып табылады.

google play appstore

MasterCard Visa

Ақпарат

Қосымша


Email: info@stud.kz