Мақал-мәтелдер | Достық пен жолдастық, мінез-құлық

Мақал-мәтелдер /
Достық пен жолдастық, мінез-құлық

Аталы жау дос болмас.

Досыңмен айрылысқың келсе,
Атыңның майын бер.

Күлме досыңа, келер басыңа.

Айрылмастай досыңа
Қайрылмастай сөз айтпа.

Досқа ауырлығыңды салма,
Достан қарыз алма.

Астыкөрсең, қадір тұт,
Достыкөрсең, әділ тұт.

Тобылғылы шұбардан
Панасыз таудың несі артық?
Қадыр білмес туғаннан
Құныңды білер дос артық.

Жоқ кездегі дос — дос,
Бар кездегі дос — бос.

Достың табанына кірген тікен,
Менің маңдайыма кірсін.

Досыңа әзілді асырып айтсаң да,
Басынып айтпа.

Жауға жақсылық қылма,
Жақынға тапшылық қылма.

Отты жақпа,
Өзің пісерсің,
Орды қазба,
Өзің түсерсің.

Жауда да бір үйің болсын.

Қаскүнем қарақтан өледі,
Қомағай тамақтан өледі.

Арам — ауыр,
Ақ — жеңіл.

Қарғайын десем — жалғызым,
Қарғамайын десем — жалмауызым.

Ненің қызығын көп көрсең,
Соның күйігін бір тартарсың.

Дерт атаулының ең қатерлісі – дүлейлік.

Шатынаған көзге шайтан ғана шалынар.

Қайсы бірде қайырымды да ашуланар.

Күйінбеген жұрт күйдірген кезінде,
Құтқарады өзгені де, өзін де.

Хас кемеңгер қайғырса да, қуанса да, қалт етпес.

Дос — ажарың, жолдас — базарың.
Азаматпен дос бол, қадіріңді біледі.

Айрылғысы келген дос аяулыңды сұрайды.
Айрылар дос ердің артқы қасын сұрайды.

Айрылмастай досыңа қайрылмастай сөз айтпа.

Пәндер

Қазақ тілінде жазылған рефераттар, курстық жұмыстар, дипломдық жұмыстар бойынша біздің қор #1 болып табылады.

Ақпарат

Қосымша

Email: info@stud.kz