Әуелі тәңірі жерге береді,
Жерге берсе елге береді,
Елге берсе ерге береді.

"Барар жерің Балкан тау, ол да біздің көрген тау".

Бидай қырда, күріш Сырда,
Жемістердің ғажабы Жетісуда.

Бұрын қонған қоныс алады,
Кейін қонған өріс алады.

Еділ ел болып келгенге су болады едірейіп келгенге у болады.

Екпесең жер қысырайды,
Күтпесең көл қысырайды.

Жақсы жерге жатсаң —
жақсы-жақсы түс көрерсің.
Жаман жерге жатсаң —
жаман-жаман іс көрерсің.

Жақсы жердің кадірін
қожасы емес құл білер.

Жақсы жер жан тынысы,
Жақсы өнер жігіт ырысы.

Жаман қоныстан жақсы жүріс артық.

Пәндер