Жұмбақтар: Төрт түлік

Бір байдың енші алыпты бір баласы,
Алғаны алпыс тоғыз ірі қарасы.
Төрт жерден түлікке желі қағып,
Үш жерден орнатылған мұнарасы.
Bake Toti Mika Sake

Болғанда қоян ерін, шыққан құлақ,
Тұлыбы шоқайғандай жатыр сұлап.
Жүруге қызметкер дайындалса,
Жалшыдай күні біткен кетер жылап.
Bake Toti Mika Sake

Таптым-таптым, тап жорға,
Табаны жалпақ боз жорға.
Bake Toti Mika Sake

Маң-маң басып келеді,
Тапырақтап желеді.
Мойны ұзын, үсті тау,
Ертеден елге бел еді.
Bake Toti Mika Sake

Маң-маң басқан, маң басқан,
Шудаларын шаң басқан.
Екі өркешін қом басқан,
Алабота, теріскен,
Мұрындығы келіскен,
``Шөк!``- дегенде, ``бық!`` -деген,
Шешіп үйін жүктеген,
Бұл не деген жануар?
Bake Toti Mika Sake

Кезікті бір жануар,
Үстінде екі тауы бар.
Мойны ұзын, көзі үлкен,
Бұл не,өзің тауып ал?
Bake Toti Mika Sake

Даусы қоңыр, үні мұң,
Тесіп қойған мұрынын.
Bake Toti Mika Sake

Үш тың-тың,
Екі жылтың,
Төрт тап-тап,
Қап-қара сатпақ,
Бір былғаныш.
Bake Toti Mika Sake

Ұзын-ұзын ұлпаны,
Ішіндегі жұлпаны.
Bake Toti Mika Sake

Дүниеде ақас бар бек жайлаған,
Жанына адам барса ойбайлаған.
Ақастың адам білер мінезі бар,
Мінгесіп екі бала той тойлаған.
Bake Toti Mika Sake