Жұмбақтар: Аспан әлемi

Ағаштарды шайқайды,
Көзге көрінбейді.
Шарлағанда сай-сайды,
Бір сәт ерінбейді.

Зәулімде тұрағы,
Тіреусіз тұрады.

Дәу шүйкесін,
Күн алды,
Көк Теңізге түсіріп,
Шығарды да жұлбасын,
Жел әкетті ұшырып.

Етек-жеңі жиналмай,
Дауыл тұрса дым қалмай,
Түйдектеліп көшеді,
Тоз-тоз болып өшеді.

Қара алып жарқыратып,
Жасын атып, күркірейді.
Суды сайға сарқыратып,
Демі шөпті сілкілейді.

Көшіп жүріп желменен,
Сеуіп шықты тамшысын,
Қыраттарға шөлдеген.

Бірде — селдір жабағы,
Бірде — теңбіл жабағы.

Бұдақ түтін түсі аппақ,
Көк жүзіне тұзақтап,
Қойғандай-ақ жылжымай,
Тауды өбеді құшақтап.

Аспаннан домалап,
Көп моншақ төгілді.
Бусанып жон-алап,
Терледі, керілді.

Келістіріп өрнегін,
Құрып қойды өрмегін.

Пәндер

Қазақ тілінде жазылған рефераттар, курстық жұмыстар, дипломдық жұмыстар бойынша біздің қор #1 болып табылады.

Ақпарат

Қосымша

Email: info@stud.kz