Жұмбақтар: Аспан әлемi

Жарқылдан соң жаңағы,
Суға бөкті бар алап.
Көкте түрлі жолақты,
Өрнек тұрды ғаламат!

Жаңбыр жуды жерімді,
Көкте өрмек керілді.

Аспанды от қамшы осады,
Ащы үнін ышқынып қосады.

Дүрліктіріп қырқаны,
Шақпақ тастың жарқылы
Бұлт көрпесін жыртады.

Шашылды көктен ақ моншақ,
Жоғалды біздер тапқанша-ақ.

Дауыл ақ дән ұшырып,
Шашып өтті аспаннан.
Шекемізді ісіріп,
Қаштық үйге сасқаннан.

Ақ құмалақ шашылды,
Жан-жаққа бірдей боп.
Күн көзі ашылды,
Жер қапты жұрдай боп.

Әуеде ақ мамық
Қалбалақтап ұшады,
Қанаты талып,
Жерді барып құшады.

Аспаннан ақ ұлпа борады,
Қырқаны сейсепке орады.

Қоймасын қыс ақтарып,
Жерді жапты ақ мамық.

Пәндер

Қазақ тілінде жазылған рефераттар, курстық жұмыстар, дипломдық жұмыстар бойынша біздің қор #1 болып табылады.

Ақпарат

Қосымша

Email: info@stud.kz