Жұмбақтар: Аспан әлемi

Еш тесікке тұрмайды,
Ол жоқта жер құрғайды.
Bake Toti Mika Sake

Аяғы жоқ, қолы жоқ,
Бірақ тыныш тұрмайды.
Сақтамасаң — қорын тек,
Барша тірлік қурайды.
Bake Toti Mika Sake

Қия шыңнан құлайды,
Тасты бұзып арыны.
Ақ жалданып тулайды,
Құлақ жарар сарыны.
Bake Toti Mika Sake

Бұйра жасап сан қилы,
Сұйық жазық шалқиды.
Bake Toti Mika Sake

Бірде былдыр-былдыр,
Сәбилердің тіліндей,
Бірде сыңғыр-сыңғыр,
Қоңыраудың үніндей,
Ән сап жатқан ерінбей,
Бұл не?
Bake Toti Mika Sake

Сынаптай жылтырап,
Биіктен сырғиды,
Ән салып былдырап,
Іздейді ылдиды.
Bake Toti Mika Sake

Туған жердің белбеуі,
Шұбатылып қалыпты.
Керемет-ау кернеуі,
Тасты тесіп, жарыпты.
Bake Toti Mika Sake

Шөпті жапырып,
Құмды сапырып,
Қоқысты үйіріп,
Әкеткен не шүйіріп?
Bake Toti Mika Sake

Жерді тырнап,
Бұтаны ырғап.
Шөпті сипап,
Ұшады зырлап,
Жанын қинап,
Ұлиды зарлап.
Bake Toti Mika Sake

Бір дүлей күш — қас пейілді,
Итереді кеудеңнен.
Алысайын десең,
Қолға түкте іліктейді.
Bake Toti Mika Sake