Жұмбақтар: Әли Ысқабаев

Туған жердің белбеуі,
Шұбатылып қалыпты,
Керемет-ау кернеуі –
Тасты кесіп, жарыпты!
Bake Toti Mika

Басы доғал,
Мұрты бар,
Аузы апандай,
Ұрты бар.
Түрі китке ұқсайды,
Терең судан шықпайды.
Bake Toti Mika

Шуға бөлеп жағаны,
Қанаттарын қағады.
Айдын судың түлегі,
Шабақ іліп жүреді.
Bake Toti Mika

Төбесіне тігіп көк шатыр,
Көлеңкесінде көп тамыр,
Көгілдір болып доп жатыр.
Bake Toti Mika

Аласа тал,
Тамаша тал –
Самсап тұр алмасы,
Ал қызыл боп,
Қан қызыл боп
Боялғанша, алмашы!
Bake Toti Mika

Сулы жерді мекендеп,
Құрлықта да секеңдеп.
Шыбын-шіркей аңдиды,
Жемге қашан жетем деп.
Bake Toti Mika

Іші егіс,
Сырты тегіс.
Bake Toti Mika

Ортасында діңгегі бар,
Толып жатқан ілгегі бар.
Bake Toti Mika

Айтқаныңды айнытпай
Қайталайды өзіңе.
Тіл қатқанмен қаймықпай,
Көрінбейді көзіңе.
Bake Toti Mika

Екі тас беттесіп,
Жұтады бидайды.
Бір дәнін бірақ та,
Жеуге өзі қимайды.
Майдалап қайтадан
Адамға сыйлайды.
Bake Toti Mika