Жұмбақтар: Жануарлар

Сумаңдаған тілі бар,
Бұраңдаған ізі бар.
Тіл ұшында уы бар,
Ол не?
Біліп ал!
Bake Toti Mika Sake

Жол үстінде егіз өрім,
Қамшы жатыр сегіз өрім.
Bake Toti Mika Sake

Үй ішін аралап,
Түнде көп жортады.
Қаптарды жарып,
Мысықтан қорқады.
Bake Toti Mika Sake

Ойлайсың,
Көрсең түйме деп,
Тұмсығын тығып қадалып,
Шағады бадалып,
Ақыры өлер тоқтықтан,
Жан берер оған соқтыққан.
Bake Toti Mika Sake

Бітік көз, салпаң құлақ, қайқы мұрын,
Көріп пе ең мұндай хайуан бұдан бұрын.
Домалақ, алды-арты бірдей екен,
Және де көріп жүрсіз әрбір түрін.
Bake Toti Mika Sake

Жапырақ жоқ бұтасында,
Қос емен өсiп тұр бiр басында.
Bake Toti Mika Sake

Төбесiнде қу бұтақ,
Алар екен кiм бұтап.
Bake Toti Mika Sake

Мүйiзiнен таралған,
Жанға шипа дәрi алған.
Bake Toti Mika Sake

Есек емес,
Жылқы емес.
Екеуiнiң ұқсастығы
Бередi тұрқы елес.
Bake Toti Mika Sake

Тұрқы, түрi
Жылқы тектес жалы бар,
Шөп жеп түрлi,
Түзде өскен жануар.
Bake Toti Mika Sake