Stud.kz

Ер елдің көркі,
Орман, тоғай — жердің көркі.



Көктемеде жерге түскен бір дән.
Күзді күні мың дән болады.



Алыстағы апаннан
Алдыңдағы құдық қайырлы.



Жаңбыр жауса, жерге сый,
Жігіт туса, елге сый.



Достың айнасы — досы.
Қостың айласы — мосы.



Жерді теппе,
Елді сөкпе.



Мұздан өтсең ағып өт
Ойылғанша өтерсің.
Судан өтсең сабыр ет
Сарқылған соң өтерсің.



Өзен суға жарасқан
Қамысы мен қоғасы.
Кәрияға жарасқан
Аузындағы тобасы.



Жүлдегердің — жүзі жарқын.



Елге сыймаған —
Жерге сыймайды.



Құс қонбаған көл жетім,
Ел қонбаған жер жетім.



Диқан жерін анасындай сүйеді,
Жер диқанын баласындай сүйеді.



Ағын су жолын табады,
Ақ адам оңын табады.



Малшы елдің баласы
Құдық қазып ойнайды.
Егінші елдің баласы
Арық қазып ойнайды.



Кезінде жауын жаумаса,
Керіліп жатқан жер кәріп.
Тең құрбысы болмаса,
Тетелес өскен ер кәріп.



Мінсіз дос болмайды,
Мүлтіксіз қос болмайды.



Егін ексең, мол ек,
Толтыр қанар-қабыңды.
Арық қазсаң, кең қаз,
Қандырар бақша, бағыңды.



Жаңбыр жауса — жер тоқ,
Егін ексе — ел тоқ.
Бұлақ ақса — көл тоқ.
Еңбек етсе — ер тоқ.



Су жүрген жер молшылық —
Абат емей немене?!
Жақсылардың сөздері —
Қанат емей немене?!



Жаз — береген,
Күз алаған.



Көктем — мұрап,
Күз — диқан.



Жақсының сөзі —
Жырмен тең,
Жаздағы жаңбыр
Нұрмен тең.



Сусыз өмір жоқ,
Отсыз темір жоқ.



Жерге еткен жақсылық
Жерде қалмас.



Күріш,
Күрішсуымен ырыс.



Пәндер

Қазақ тілінде жазылған рефераттар, курстық жұмыстар, дипломдық жұмыстар бойынша біздің қор #1 болып табылады.

google play appstore

MasterCard Visa

Ақпарат

Қосымша


Email: info@stud.kz