Жұмбақтар: Оқу-білім және оның құралдары

Ақ тақырда қара дән,
Қолмен сеуіп, сөзбен көр.
Bake Toti Mika Sake

Ақ тақырда қара тұқым себілген,
О тұқымнан білім дәні егілген.
Bake Toti Mika Sake

Ақ жерде қара тары,
Кім шашса сол орады.
Bake Toti Mika Sake

Бір нәрсе бетінде жоқ ой менен қыр,
Өзінің кіндігінен айналып жүр.
Өзіне назар салып қарасаңыз,
Келбеті жер жүзінің көрініп тұр.
Bake Toti Mika Sake

Жер көрдім қаласы бар,
Үйлері жоқ мекендейтін.
Көп көрдім, өзен көрдім,
Сулары жоқ тереңдейтін.
Bake Toti Mika Sake

Бір сирағы біз,
Бір сирағы салады із.
Bake Toti Mika Sake

Болғанда айналасы, түсі қара,
Ілулі көпшілікке тұрған жаңа.
Бірде бар, бірде жоқ боп құбылып тұр,
Ақылым жете алмай жүр буған жаңа.
Bake Toti Mika Sake

Болғанда айналасы, түсі қара,
Ілулі көпшілікке тұрған жаңа.
Бірде бар, бірде жоқ боп құбылып тұр,
Туа салып анадан соны қуған.
Bake Toti Mika Sake

Бір атадан туыпты жиырма тоғыз баласы,
Бірлігінде бұлардың ешкімнің жоқ таласы.
Бірігіп жүр іс қылар, өзің ойлап қарашы.
Bake Toti Mika Sake

Жансызға жиырма тоғыз болдым таныс,
Тамаша бір жүйрікпен қылдым жарыс.
Жансыз тұрып, жандының себебімен,
Аяғын басады екен шәлкем шалыс.
Bake Toti Mika Sake