Жұмбақтар: Уақыт

Тауда дарақ, екі бұтақ,

Біреуі гүлді, біреуі гүлсіз.
Bake Toti Mika Sake

Базардан бір текемет алдым сатып,

Алты айдай текеметте жүрдім жатып.
Бұл іске мен ғажайып болып тұрдым,
Қалды ғой алты айдан соң айран қатып.
Bake Toti Mika Sake

Күзетші бір-екі адам ол жаһанда,

Ораулы он екісі бір шапанда.
Ұстайды он екісі отыз шоқпар,
Қырық құрық даярлаулы қашағанға.
Қарасам жеңі бесеу ол шапанда,
Көрмедім бұндай шапан бұл жалғанда.
Аузы жеңдерінің бүрмеленген
Анықтап он екі пар түймеленген.
Апырмай, есебі жоқ толып жатқан,
Қиындық ойлап тұрсам тарау-тарау бұл не деген?
Bake Toti Mika Sake

Аспанда қаһарланған алты терек,

Ұясы алтауының бөлек-бөлек.
Bake Toti Mika Sake

Жолда кеткен ақ қоян,

Жолға қарап отырды.
Қарға менен құзғынды,
Ұйқыменен жоқ қылды.
Bake Toti Mika Sake

Шақырса келмес,

Жаяу жүрмес.
Bake Toti Mika Sake

Көрсең реңді, қарасаң көрікті,

Ол болмаса жұрттың бәрі
Бір бәлеге жолықты.
Bake Toti Mika Sake

Екі үлкен нар көрдім,

Бірінің жақсы нұры бар,
Бірінің жаман түрі бар,
Арасында үзілмес бұйда жібі бар.
Bake Toti Mika Sake

Бір адамға он екі егіз,

Бір егізде біреусіз сегіз.
Bake Toti Mika Sake

Шілдедей шуақ күні бар,

Бұлбұлдайын үні бар.
Көк шалғыны құлпырған,
Масатыдай түрі бар.
Қызықтырған адамды,
Неше түрлі гүлі бар.
Bake Toti Mika Sake