Жұмбақтар: Уақыт

Жаралған бұл дүниеде екі қақпақ,

Мезгілімен ашылып және жаппақ.
Болғанда бірі қара, екіншісі -
Күмістей жарқыраған сүттен де аппақ.
Bake Toti Mika Sake

Алдымен қара тұлпар озық келер,
Арғымақ мойнын созып кейін келер,
Соңынан боз арғымақ басып озып,
Айналып бірін-бірі жүре берер.
Bake Toti Mika Sake

Баяғыда болыпты екі патша,

Бірі қуып бара жатса, бірі қашса,
Артында он екіден баласы бар,
Үш жүз алпыстан болады тұқым шашса.
Bake Toti Mika Sake

Үйрегім бар еді үйде үш жүз алпыс,

Мұнша үйректі санап алу елдің салты.
Күніне бір үйрегім жоғалады,
Айтшы сен сол үйректі кім алады?
Bake Toti Mika Sake

Бір нәрсе дөңгелейді шыр айналып,

Келеді бір жеріне қайта айналып,
Қызықты мұндай нәрсе бола ма екен,
Отырар оны көрсе ер жайланып.
Bake Toti Mika Sake

Желсіз, сусыз айналған бір диірмен,

Шыққан күннен айналып бірдей жүрген.
Қылдан нәзік мойнында бір бауы бар,
Ақылың жетік данасың ойлап білген.
Bake Toti Mika Sake

Мен көрдім күн шығыстан бір диірмен,

Түс болса тұрады екен оң бүйірден.
Ішінде қылдан нәзік бір жібі бар,
Ол жіпті қолы епті, кім иірген.
Bake Toti Mika Sake

Денесі бар, сөзі жоқ,

Аяғы жоқ жүреді.
Күнді, түнді өлшейді,
Екі тілді жүрегі
Шешуін кім біледі?
Bake Toti Mika Sake

Сырт-сырт етіп соғады,

Кеудесінде жүрегі,
Өзі тілсіз сөйлейді,
Өзі жансыз жүреді.
Bake Toti Mika Sake

Жүруден бір талмайтын,

Күн мен түннен қалмайтын.
Bake Toti Mika Sake