Мақал-мәтелдер | Егіншілік

Мақал-мәтелдер /
Егіншілік

Орманшы отынға жарымайды.

Көп жүрген жер — көл,
Құм жүрген жер — шөл.

Жер — ырыстың кіндігі,
Еңбек — ырыстың қазығы.

Бағбан болсаң
Бақ өсір.
Балама деп
Тағы өсір.

Егінді күндіз егіп,
Түнде суар.
Гүлді күн көзіне егіп,
Күнде суар.

Дауылды күні құс салма,
Жауынды күні жылқы алма.

Су — ырыстың көзі,
Еңбек — кірістің көзі.

Сай қуалап су ағар,
Жел қуалап отжанар.

Бұлыңғыр күннің артынан
Бұлтты түре күн шығар.

Ойдағы үй — селдікі,
Өрдегі үй — желдікі,
Жазықтағы үй — елдікі.

Жер —ана,
Ел — бала.

Жер байлықтың көзі,
Еңбеккер иесінің өзі.

Су байлық —
Алты айлық.
Қар байлық —
Үш айлық.

Жаңбыр жауса —
Жердің ырысы,
Егін бітсе —
Елдің ырысы.

Диқан еккенін жейді,
Жылқы тепкенін жейді.

Қар суының тасқынын,
Қасқалдақ көрмес.

Судың да сұрауы бар.

Дария басы —бұлақ.

Гүл қайда болса,
Көбелек сонда.

Дауылдың алды — жел,
Жаңбырдың арты — сел.

Суға кеткен тал қармайды.

Орман —
Ел дәулеті,
Жер сәулеті.

Бұлаққа бұлақ қосылса,
Егізбіз дейді.
Көлге көл қосылса,
Теңізбіз дейді.

Жалғыз еменгежай түскіш.

Кімнің тарысы піссе,
Соның тауығы.

1
...
2
3
4
5
6
...
11

Пәндер

Қазақ тілінде жазылған рефераттар, курстық жұмыстар, дипломдық жұмыстар бойынша біздің қор #1 болып табылады.

Ақпарат

Қосымша

Email: info@stud.kz