Қасым Қайсеновтің 1944 жылғы жауынгерлік мінездемесі: Закарпатье партизаны командирінің ерлігі мен марапаттары

“Закарпатье партизан құрамасының отряд командирі Қасым Қайсеновқа жауынгерлік мінездеме”. 21 ноябрь 1944 ж.

Десанттық партизан отрядының командирі Қайсенов Қасымға.

Закарпатье партизан құрамасында болған кезінде жолдас Қайсенов өзін табанды жауынгер командир ретінде көрсетті. Қайсеновтың басшылығымен көптеген үлкен әскери операциялар жүзеге асты. Жеке басшылық жасауымен болған бір операцияда оның отряды венгр гарнизонын талқандап, 22 солдатты қарусыздандырып, тұтқынға алды. Ерекше тапсырманы орындап, темір жолды минамен қопарған Қайсеновтың отряды екі эшелонды рельстен шығарып, жаудың солдаттарымен техникасын құртып жіберді. Бақылау пункті мен зенит қондырғысын жою операциясы кезінде Қайсенов күтпеген жерден пулеметтен оқ жаудырып, 25 дұшпан солдатының тұтқынға алынуын қамтамасыз етті. Бұл операция кезінде командир Қайсенов жарақаттанды. Ол жараланғанына қарамастан ұрысты жүргізе берді. Жолдас Қайсенов батыл командир, талантты ұйымдастырушы, ол 200-ден астам адамнан тұратын отрядты құра білді. Неміс басқыншыларына қарсы күрестегі жауынгерлік қызметі үшін бірінші дәрежелі “Отан Соғысы партизанына” медальымен, бірінші дәрежелі Отан соғысы орденімен, Қызыл Ту орденімен наградталды. Жолдас Қайсенов халықты азат ету жолындағы жалынды күрескер, саяси шыныққан, ар-ожданы кіршіксіз, Ленин партиясы мен Социалистік Отанның ісіне шексіз берілген жан”, - деп жазылған.