Қар мәтіні: оқу, талдау және шығармашылық тапсырмалар

Үй тапсырмасын бекіту: «Қар құрастыру»

Сафуан Шаймерденов-1922 жылы 15 сәуірде, Солтүстік Қазақстан облысы Жамбыл ауданы Амангелді ауылында дүниеге келген. Орта мектепті бітірген соң, өз ауылының орталау мектебінде біршама уақыт мұғалім болды. 1950 жылы ҚазМУ-дің филология факультетін үздік бітірді. «Болашаққа жол» атты алғашқы романы 1953 жылы жарық көрді. 1992 жылы Қазақстан Республикасының Халық жазушысы құрметті атағына ие болды. “Құрмет белгісі” орденімен және бірнеше медальдармен марапатталған . 23 ақпанда 2007 жылы қайтыс болған.

“Қар “деген кезде ойымызға не келеді?

Сендер далаға шыққанда қарды қолдарыңмен ұстап көрдіңдер ме? - Қар қандай екен?

Қардың түрлері

Мәтінмен жұмыс

Аудиозаписьтан мәтінді тыңдау

Қар

Тұрар есікті жауып қойды да, терезе алдына келді. Үлкен терезеден күңгірт аспанның бір бөлігі ғана көрінеді. Қалың қар жауып тұр. Үлкен қар ұлпалары жерге түсерде қызық: баяу қалқып келеді де, сәл орала беріп, құсша қонады. Жел жоқ, дыбыс жоқ. Күнгірт аспанға бойлап тұрған қыраулы биік ағаштардың басы қыбыр етпейді. Алма ағаштарының қалың бұтақтары бір-біріне айқаса иіріліп, неше түрлі өрнек жасаған. Қар жапалақтары жұлдыз сияқты үзын кірпікті. Олар әлсін-әлсін терезе көздеріне жабысады. Кенет еріп, төмен қарай су болып сырғанай жөнеледі.

Жер дүниенің бәрі аппақ. Тек терезе тұсындағы бір түп қарақат бұтасының астыңғы жағы ғана қарауытып көрінеді. Шарбақ қадалары қардан басына қоқырайта қалпақ кие бастаған. Осының бәрі Тұрарға әлдебір қиял, кинокартинадай болып көрінеді.

Тұрар терезе жақтауына шығып алып, желдеткішті ашып қойды. Жылы қыс таңының жұмсақ лебі соқты. Есік алдынан өтетін тар жолдың арғы бетін бойлап ағатын тау өзенінің шуы естілді. Тұрар терезеден басын қылтитты. Қар жапалақтары басына қона бастады. Дыбысы жоқ, салмағы жоқ болса да, денені түршіктірер зәрі бар. Тұрар түшкіріп салды. Содан кейін шешесінің суық тиіп қалады дейтіні есіне түсті. Ол күндегіше жылы киінді де, далаға шықты.